शनिवार 15 दिसंबर 2018 की अव्यक्त मुरली

> om shanti 15-12-18 madhuban

praanapyaare avyaktamoorta maat-pita baapdaada ke ati snehi, sada lakshya aur lakshan ko samaan banaane vaale, sambandh, sanskaar, sambandh sabmen halka rah apni karmaateet sthiti ki sameepta ka anubhav karne vaale, is alaukik avyakt paalna ka return dene vaali nimitta teachers bahinen tatha sarva brahman kul bhooshan bhaai bahinen,

eeshvareey sneh sampanna madhur yaad sveekaar karna ji।

baad samaachaar - pyaare baapdaada ke avatran ka yeh paanchava group gujraat zone ka hai। baapdaada kehte gujraat to madhuban ka doosra kamra hai। yagya ki har seva mein sabhi sada haan ji karte, tan-man-dhan se sada sahayogi rehte hain। samay pramaan meethe baapdaada hamaari meethi daadi prakaashamni ji ka udaahran dete hue ab sabhi ko double light rahne ki vishesh prerna de rahe hain।

abhi to January maas sameep aa raha hai। yeh 2019 avyakt paalna ki golden jubilee ka varsha hai। vaise to January maas mein sabhi baba ke snehi bachche antarmukhta ki gupha mein baith vishesh tapasya karte hi hain। chaaron or bahut achhi lahar hoti hai। parantu is varsha vishesh sabko 50 din ke liye yog tapasya ka kaaryakram apne-apne sthaanon par rakhna hai।

abhi to ham sabke andar yahi shubh sankalp hai ki ab jaldi se jaldi vishwa mein baapdaada ki pratyakshata ho kyonki parmaatma pratyakshata hi vishwa parivartan ka aadhaar hai। iske liye vaacha sevaaonke saath abhi aavashyakta hai powerful mansa seva ki। jitna hamaari mansa shuddh shaktishaali, shubh bhaavnaaonse sampanna hogi utna hi prakriti sahit sarva aatmaaontak sakaash pahunchengi। to zaroor aap sabhi naye varsha mein naveenta sampanna yog tapasya ke kaaryakram banaana ji। kam se kam har sevaakendra par 50 din akhanda yog tapasya ke programme chalen taaki chhoti moti baaten jo purushaartha mein vighna roop banti hain woh sab samaapta ho jaaen। iske liye man ki shuddhata, buddhi ki ekaagrata, vaani ki madhurta ka vishesh har ek chart bhi rakhe aur pratidin kam se kam 4 ghanta powerful yog karte vishwa ko sakaash dene ki seva kare। to baapdaada ki rahi hui sab aashaayen sahaj poori ho jaayengi।

pyaare baapdaada se to sabhi ka jigri pyaar hai isliye avyakt anubhootiyaan karne ke liye sabhi apne-apne tarna anusaar madhuban pahunch jaate hain। baapdaada bhi vatan se bachchon ko har prakaar ki bhaasna va paalna ka anubhav karaate hain। aane vaale sabhi bhaai bahinen bahut achhi anubhootiyaan karte hain।

ham sabne jo is tarna mein avyakt mahaavaakya video dvaara sune hain woh aapke paas bhej rahe hain। sabhi ko refresh karna ji। om shanti।

om shanti 15-12-18 ''avyakt-baapdaada'' revise-video 5-2-09 madhuban

''seva karte double light sthiti dvaara pharishtepan ki avastha mein raho, ashareeri banne ka abhyaas karo''

aaj baapdaada chaaron or ke bachchon ke teen roop dekh rahe hain - jaise baap ke teen roop jaante ho, aise bachchon ke bhi teen roop dekh rahe hain। jo is sangamayug ka lakshya aur lakshan hai, pahla swaroop brahman, doosra pharishta, teesra devta। brahman so pharishta, pharishta so devta। to vartamaan samay abhi vishesh kya lakshya saamne rehta hai? kyonki pharishta banne ke bina devta nahin ban sakte। to vartamaan samay aur svayan ke purushaartha pramaan abhi lakshya yahi hai pharishta। sangamayug ka sampanna swaroop pharishta so devta banna hai। pharishte ki paribhaasha jaante bhi ho, pharishta arthaat puraani duniya ke sambandh, sanskaar, sankalp se halka ho। puraane sanskaar sabmen halke hon। sirf apne sanskaar svabhaav, sansaar mein halkaapan nahin, lekin pharishta arthaat sarva ke sambandh mein aate sarva ke svabhaav sanskaar mein halkaapan। is halkepan ki nishaani kya hai? woh pharishta aatma sarva ke pyaare honge। koi koi ke pyaare nahin, sarva ke pyaare। jaise brahma baap ko har ek samajhta hai mera hai। mera baba kehte hain। aise pharishta arthaat sarva ke priy। kai bachche sochte hain ki brahma baba to brahma hi tha, lekin aap sabne aap samaan brahman aatmaon mein dekha ki aap sabki pyaari daadi, jisko sabhi pyaar se anubhav karte rahe ki meri daadi hai। sarva taraph svabhaav, sanskaar aur is puraane sansaar mein rehte nyaari aur pyaari, sab hak se kehte hamaari daadi। to kaaran kya? svayan svabhaav, sanskaar mein halke। sabko meraapan anubhav karaaya। to example raha। jagat amba ka bhi dekha lekin kai sochte hain woh to jagat amba thi na। lekin daadi aap brahman parivaar jaisi saathi thi। unse agar purushaartha sunte va poochhte to unke mukh mein sadaiv ek hi shabd raha - ''ab karmaateet banna hai।'' karmaateet banne ki lagan mein auron ko bhi yahi shabd baar-baar yaad dilaati rahi। to har brahman ka abhi lakshya aur lakshan vishesh yahi rehna chaahiye, hai bhi lekin nambarvaar hai। yahi lagan ho ab pharishta banna hi hai। pharishta arthaat is deh, saakaar deh se nyaara, sada light ke dehdhaari। pharishta arthaat is karmendriyon ke raaja।

baapdaada ne pahle bhi sunaaya ki saare srishti chakra ke andar ek hi baapdaada hai jo phalak se kehte hain ki mera ek ek bachcha raaja bachcha hai, svaraajya adhikaari hai। to pharishta arthaat svaraajya adhikaari। aisa svaraajya adhikaari aatma, light ke svaroopdhaari। koi bhi aise light ke double halkepan ki sthiti mein sthit honke agar koi ko bhi milte hain to unke mastak mein aatma jyoti ka bhaan chalte phirte bhi dikhaai dega। abhi yeh teevra purushaartha ka lakshya aur lakshan sada emerge rakho। jaise brahma baap mein dekha agar koi bhi milta, drishti leta to baat karte-karte kya dikhaai deta? aur last mein anubhav kiya ki brahma baap baat karte-karte bhi meethi ashareeri sthiti mein sthit ho jaata। chaahe kitna bhi service samaachaar ho, lekin doosron ko bhi second mein ashreereepan ka anubhav karaate rahe aur koi bhi murli mein check karo, to baar-baar main ashareeri aatma hoon, aatma ka paath ek hi murli mein kitne baar yaad dilaate rahe। to abhi samay anusaar chhoti-chhoti vistaar ki baaten, svabhaav-sanskaar ki baaten ashareeri avastha se door kar deti hain। abhi ismen parivartan chaahiye।

baapdaada ne dekha seva mein result achhi ho rahi hai, seva ke liye majority ko umang-utsaah hai, plan bhi banaate rehte hain, sandesh dena yeh bhi aavashyak hai aur baapdaada ne aaj bhi bhinna-bhinna varga ki, bhinna-bhinna sthaan ke seva ki achhi result dekhi lekin seva ke saath ashreereepan ka vaayumandal mehnat kam aur prabhaav jyaada daalta hai। suna hua achha to lagta hai, lekin vaayumandal se ashreereepan ki drishti se anubhav karte hain aur anubhav bhoolta nahin hai। to pharishtepan ki dhun abhi seva mein vishesh addition karo। koi na koi shanti ka, khushi ka, sukh ka, aatmik prem ka anubhav karaao। chalan mein pyaar prem aur jo khaatiri karte ho, sambandh se, parivaar se woh to anubhav karke jaate hain lekin ateendriy sukh ki feeling, shanti ka roohaani nasha abhi vaayumandal aur vibration dvaara vishesh attention mein rakho। vishesh anubhav karaao, koi na koi anubhav karaao। jaise system mein prabhaavit hoke jaate hain aisi system parivaar ke pyaar ki aur kahaan bhi nahin milti, aise abhi koi na koi shakti ka, koi na koi praapti ka anubhav karke jaayen।

abhi tak brahmaakumaariyaan kaam kar rahi hain, brahmaakumaariyon ka gyaan achha hai। dene vaala kaun! chalaane vaala kaun! source kaun! aap sabse baba shabd sun karke kehte bhi hain baba hai inhon ka, lekin mera vahi baba hai, baap ki pratyakshata abhi gupta roop mein hai। baba baba kehte hain, lekin mera baba, main baba ka, baba mera, yeh koton mein koi ke mukh se nikalta hai।

to sangamayug ka lakshya kya hai? ham sab aatmaaonka baap aa gaya, varsa to baap dvaara milega na! woh prabhaav pharishta avastha se vaayumandal phailega। inhon ki drishti se light milti hai, inhon ki drishti mein roohaaniyat ki light nazar aati hai, to abhi teevra purushaartha ka yahi lakshya rakho main double light pharishta hoon, chalte phirte pharishta swaroop ki anubhooti ko badhaao। ashreereepan ke anubhav ko badhaao। second mein koi bhi sankalpon ko samaapta karne mein, sanskaar svabhaav mein double light। kai bachche kehte hain ham to halke rehte hain lekin hamko doosre jaante nahin hain। lekin aise double light pharishta, to double light ki light kya chhip sakti hai? chhoti si sthool light torch ho ya maachis ki teeli ho light kahaan bhi jalegi, chhipegi nahin aur yeh to roohaani light hai, to apne vaayumandal se unhon ko anubhav karaao ki yeh kaun hain! chaahe jagdamba chaahe daadi ne kaha nahin ki mujhe jaante nahin hain। apne vaayumandal se sarva ki pyaari rahi। iseelie daadi ka misaal dete hain kyonki brahma baap ke liye bhi sochte hain brahma baba mein to shivbaaba tha, shiv baap ke liye bhi sochte ki woh to hai hi niraakaar, nyaara aur niraakaar, ham to sthool shareerdhaari hain। itne bade sangathan mein rahne vaale hain, har ek ke sanskaar ke beech mein rahne vaale hain, sanskaar ko milaana arthaat pharishta banna। sanskaar ko dekh kai bachche dilshikasta bhi ho jaate hain, baba bahut achha, brahma baap bahut achha, gyaan bahut achha, praaptiyaan bahut achhi, lekin sanskaar svabhaav milaana arthaat sarva ke pyaare banna। koi koi ke pyaare nahin, kyonki kai bachche kehte hain ki koi koi se pyaar visheshta ko dekh karke bhi ho jaata hai। inka bhaashan bahut achha hai, ismen phalaani visheshta bahut achhi hai, vaani bahut achhi hai, pharishta banne mein yeh vighna aata hai। pyaara bhale banaao, lekin main aatma nyaari hoon, nyaari stage se pyaara banaao। visheshta se pyaara nahin। yeh iska gun mujhe bahut achha lagta hai na, woh dhaaran bhale karo lekin iske kaaran sirf pyaara banna woh wrong hai। pharishta sabhi ka pyaara। har ek kahe mera, apnaapan anubhav ho। aisi pharishte avastha mein vighna do cheezen daalti hain। ek to deh bhaan, woh to natural sabko anubhav hai, 63 janma ka phir phir dehbhaan pragat ho jaata hai aur doosra hai deh abhimaan, deh bhaan aur deh abhimaan, gyaan mein jitna aage jaate hain, to svayan ke prati bhi kabhi kabhi deh-abhimaan aa jaata hai, woh abhimaan neeche giraata hai, deh abhimaan kya aata hai? jo bhi koi visheshta hai na, us visheshta ke kaaran abhimaan rehta hai, main koi kam hoon, mera bhaashan sabko pasanda aata hai। meri seva ka prabhaav padta hai, koi bhi kala, meri handling bahut achhi hai, mera course karaana bahut achha hai।koi na koi gyaan mein aage badhne mein, seva mein aage badhne mein yeh abhimaan apne prati bhi aata aur doosre ke gun ya kala ya visheshta prati bhi pyaar ho jaata। lekin yaad kaun aayega? dehbhaan hi yaad aayega na, phalaana buddhi ka bahut achha hai, meri handling bahut achhi hai, yeh abhimaan seva va purushaartha mein aage badhne vaalon ko abhimaan ke roop mein aata hai। to yeh bhi check karna hai aur abhimaan vaale ko abhimaan hai to isko check karne ka saadhan hai, abhimaan vaale ko jara bhi koi ne apmaan kiya, uske vichaar ka, uski raay ka, uski kala ka, uski handling ka apmaan bahut jaldi mahsoos hoga। aur apmaan mahsoos hua, uski aur sookshm nishaani krodh ka ansh paida hota hai, rob। woh pharishta banne nahin deta। to vartamaan samay ke hisaab se baapdaada phir se ishaara de raha hai, apna sangamayug ka last swaroop pharishta ab jeevan mein pratyaksha karo, saakaar mein laao। pharishta banne se ashareeri banna bahut sahaj ho jaayega। apni checking karo, ki apni visheshta ya aur kiski visheshta se sookshm roop mein bhi koi lagaav va abhimaan to nahin hai? kai bachchon ki avastha koi chhoti si baat bhi hogi na to neeche oopar ho jaati hai। dilkhush, chehra khush… uske bajaae ya chintan vaala chehra ya chinta vaala chehra ho jaata aur chalte-chalte dilshikasta bhi ho jaate। dilkhush ke bajaae dilshikasta। to samjha, ab apne sangamayug ki last stage pharishtepan ke sanskaar emerge karo। jaise brahma baap ko dekha, follow father karna hai na। baat kartekarte last mein kai bachchon ko anubhav hai, sunaane aaye samaachaar lekin samaachaar se pare, aavaaj se pare sthiti ka anubhav kiya hua dekha hai। kai baaton ka samaachaar sunaane, bahut plan banaakar aate yeh bataaoonga, yeh bataaoonga, yeh poochhoonga… lekin saamne aate kya bolna tha vahi bhool jaata। to yeh hai pharishta avastha। to aaj kya paath pakka kiya? main kaun? pharishta। kisi baaton se, kisi ki visheshtaaonse va apni visheshta se, deh abhimaan se pare double light pharishta kyonki pharishta banne ke bina devta ka ooncha pad nahin milega। satayug mein to aa jaayenge, kyonki bachche bane hain, varsa to milega lekin shreshtha pad nahin। jo vaayda hai sada saath rahenge, saath-saath raajya karenge, takhta par bhale nahin baithe lekin raajya adhikaari banen, vahaan ki raajya sabha dekhi hai na। jo bhi raajya sabha ke adhikaari hain, woh tilak aur taajdhaari, raajya ka tilak, raajya ki nishaani taaj। to bahut samay se svaraajya adhikaari, beech-beech mein nahin। bahut samay ke svaraajya adhikaari takhta par bhale nahin baithe lekin royal family ke adhikaari ban jaate hain। achha।

achha, aaj jo pahli baari aaye hain woh utho। achha, pauni sabha to uthi hui hai। achha jo bhi pahli baari aaye hain, un sabhi ko baap se saakaar mein milne ki, pahle baari ki janma ki mubaarak ho।

seva ka tarna gujraat ka hai:- achha gujraat ke jo naye pahli baari aaye hain woh utho। jo baap se pahle baari milne aaye hain gujraat ke, haath hilaao। achha hua, aa to gaye। apna madhuban, baapdaada ka madhuban to dekha। iski bhi mubaarak ho। achha, abhi sabhi gujraat ke utho। baapdaada shuru se gujraat ko madhuban ka kamra samajhte hain।

jaise seva par attention dete ho to seva vriddhi ko to paai hai na, baapdaada khush hai lekin abhi dhaarna ke oopar attention aur chaahiye kyonki ant mein seva chaahenge to bhi nahin kar sakenge, abhi kar li so kar li। us samay pharishta life ya ashareeri banne ka second mein bindu lagaane ka, yahi kaam mein aana hai। aur achaanak hona hai। iska abhyaas agar kam hoga, seva mein hi lage rahe to result kya hogi! seva mein lagna hai lekin donon ka balance chaahiye।

baapdaada baar-baar ishaara de raha hai ki achaanak hona hai aur aisi circumstance mein hona hai iseelie baap ko ulhana koi nahin de ki aapne bataaya nahin। baar-baar bhinna-bhinna ishaare de rahe hain। seva ka phal milta hai, seva ki marks hain, kyonki chaar subject hain na, to seva ke subject ki marks milengi lekin aur teen subject! agar ek subject mein aapne marks le li aur teen mein kam li to number kya milega? chaar hi mein first number aana chaahiye। yeh baapdaada ki har bachchon ke prati shubh aash hai। achha।

chaaron or ke dilkhush, dil sachchi, dil saaph vaalon ko har sankalp, muraad haasinl। iska arth hai jo bhi sankalp kiya uski saphalta praapta hona। to aise teenon visheshta, badi dil, saaph dil aur sachchi dil vaale, aise chaaron or ke bachchon ko baapdaada dekh padamguna se bhi jyaada khush hote hain aur automatic geet bajta hai, vaah! vaah mere bachche vaah! sada mubaarak ke paatra bachche vaah!

daadi jaanki ji:-om shanti। jaisa lakshya rakha hai us lakshya anusaar lakshan bhi aa jaaye, aa gaye hain na, bolo baba ki kamaal hai na। aaj ke din aise sahajyogi, raajayogi chalte phirte, khaate khilaate, pharishte ki life ab na banegi to kab banegi। sangaymug ke din kitne pyaare hain, baba hamaare saath hai, saath hai saathi banne ke liye, kamaal hai baba aapki। baba davaai bhi de rahe hain, duaayen bhar de rahe hain। aaj ka din kitna wonderful hai। murli to achhi hai sunte jaao, apne dil ko lagaate jaao। dilaaraam baba kitna wonderful hai। main to yahi kahoongi ki ham so pharishta abhi ban jaaye, devta peechhe banenge। pharishta abhi banenge ya bane hue hain? main poochhti hoon saathi bahnon se bhaaeeyon se। shanti aur shakti, prem aur khushi chaaron baaton ka vaayumandal hai। shabd kya boloon baba। ham khush hai, raaji hai, khushraaji ki mahphil hai। khushraaji hain sabhi, naaraaj koi nahin hai na hota hai na hone deta hai। baba aapne aise hamaare ko sambhaala hai 100 saal ke bhi oopar ho gai, achha! bolo mera baba, meetha baba pyaara baba, shukriya baba। baba kahega meri bachchi। main kaun, mera kaun bas aur kuchh nahin socho, main kaun - aatma mein man buddhi sanskaar hai man bichaara shant ho gaya hai। buddhi kehti hai chaaron or shanti ka vaataavran banaane mein drishti vritti smriti teenon ikatthi seva karti hain। om shanti।

neelu behen mumbai se phone par:- guljaar daadi ji ne sabhi ko bahut-bahut pyaar se om shanti bola। daadi ji sabha ko dekh bahut khush ho raheen hai।