रविवार 15 दिसंबर 2019 की अव्यक्त मुरली

> 15-12-19 om shanti ''dincharya'' madhuban

praanapyaare avyakt baapdaada ke ati snehi, sada shreshtha svamaan mein sthit rah, anubhvi swaroop ban anubhav ki authority ko kaarya mein lagaane vaali nimitta teachers bahinen tatha desh videsh ke sarva brahman kul bhooshan bhaai bahinen,

eeshvareey sneh sampanna madhur yaad sveekaar karna ji।

baad samaachaar - baapdaada ke is tarna mein raajasthaan, gujraat tatha eastern zone ke bhaai bahinen kaaphi sankhya mein pahunche hue hain। sevaaon ka part raajasthaan ke bhaai bahinon ko mila hai। baapdaada to har bachche ke bhaagya ki mahima gaate hain। baba kehte bachche aap brahman saare sansaar mein vishesh aatmaayen ho, jinhonne gupta roop mein aaye hue bhagvan ko pahchaan liya। unki divya shaktiyon ka anubhav karte ho। draamaanusaar baapdaada ka yeh alaukik nyaara pyaara milan mela bhi sabko bahut aakarshit kar raha hai, naye puraane hajaaron ki sankhya mein bhaai bahinen apne madhuban ghar mein pahunch rahe hain। daadi jaanki ji roz shaam ke samay vishesh yog aur class karaate hue sabhi se milan manaati hain। anya varishtha bhaai bahinon ki bhi bahut guhya dhaarnaayukta classes milti hain। sabhi khoob refresh hokar jaate hain। baapdaada ke avatran din par madhuban ka vaayumandal bhi vishesh aakarshan vaala hota। sabhi amritvele se hi pyaare baapdaada ka aahvaan karte, avyakt vatan ki sair karte hain। sabke andar yahi lagan rehti hai ki humein to baapdaada se avyakt milan manaana hi hai। baapdaada bachchon ki har aash poori bhi karte hain। sabhi ko bahut sundar anubhav ho jaate hain। ekaagrata ke saath itne bade sangathan mein bhi har ek nai nai alaukik anubhootiyaan karte hain। bada shant, khushnuma vaataavran rehta hai। aap sabhi bhi apne group mein aakar khoob refresh honge hi। achha - sabhi ko bahut-bahut yaad…

15-12-19 om shanti video dvaara revise- 30-1-10 madhuban

''chaaron hi subject mein svamaan ke anubhvi swaroop ban anubhav ki authority ko kaarya mein lagaao''

aaj brahman sansaar ke rachayita baapdaada apne chaaron or ke brahman sansaar ko dekh rahe hain। har ek brahman saare sansaar mein vishesh aatma hai। koton mein koi hai kyonki saadhaaran tan mein aaye hue baap ko pahchaan liya। baapdaada bhi dil mein samaane vaale bachchon ko dil se dil ka pyaar de rahe hain। har ek bachcha apne ko aise baap ka pyaara, dil mein baap ko samaaya hua anubhav karte hain! baap ke liye har bachcha ati pyaara sarva ka pyaara hai। aap sabhi bachchon ka sarva aatmaaonke prati challenge hai ki ham yogi jeevan vaale hain। sirf yog lagaane vaale nahin lekin yogi jeevan vaale hain। jeevan do chaar ghante ki nahin hoti। jeevan sadaakaal ke liye hoti hai। to chalte phirte karma karte yogi jeevan vaale nirantar yogi hain। chaahe yog mein baithte, chaahe koi bhi karma karte karmayogi hain। jeevan ka lakshya hi hai sada yogi। aise apni yogi jeevan, natural jeevan anubhav karte ho? baapdaada har bachche ke mastak mein chamakta hua bhaagya dekhte hain। kya dekhte hain? mera har bachcha svamaandhaari, svaraajya adhikaari hai। kyon? jahaan svamaan hai vahaan dehbhaan aa nahin sakta। aadi se ant tak, ab tak baapdaada ne har ek bachche ko bhinna-bhinna svamaan diye hain। agar abhi bhi svamaanon ko yaad karo aur ek-ek svamaan ki maala pherte jaao to anek svamaan swaroop ban, svamaan mein lavleen ho jaayenge। lekin baapdaada ko ek baat bachchon ki ab tak bhi achhi nahin lagti, woh jaante ho kaun si? jab koi bhi bachcha kehta hai ki humein svamaan mein sthit hone mein kabhi-kabhi mehnat lagti hai, chaahte hain lekin kabhi-kabhi mehnat lagti hai to sarvashaktivaan baap bachchon ki mehnat nahin dekh sakte kyonki jahaan mohabbat hoti hai vahaan mehnat nahin hoti hai। jahaan mehnat hai vahaan mohabbat mein kami hai।

to aaj amritvele baapdaada ne chaaron or ke brahmanon ke paas chaahe desh, chaahe videsh mein chakkar lagaaya to kya dekha? koi-koi bachche svamaan mein baithe hain, soch rahe hain ki main baapdaada ke diltakhta nasheen hoon, soch bhi rahe hain, svamaan mein sthit hone ka purushaartha bhi kar rahe hain lekin kami kya dekhi? svamaan yaad hai, soch rahe hain, lekin svamaan swaroop ban, anubhvi moorta ban anubhav ke authority swaroop banne mein kami dikhaai di kyonki authority to bahut hai2 lekin sabse badi authority anubhav ki authority hai aur yeh svamaan ki anubhooti almighty authority ne di hai। to mehnat kar raha hai lekin anubhav swaroop nahin bana। to baapdaada ne yeh dekha ki baithte hain, sochte bhi hain lekin anubhav swaroop koi-koi hain। anubhav mein kisi bhi prakaar ka deh abhimaan jara bhi apne taraph kheench nahin sakta। to anubhav swaroop ban jaana, karma karte bhi karmayogi ke anubhav swaroop mein kho jaana, iski abhi aur aavashyakta hai। swaroop mein sthit ho jaana, har baat mein, har subject mein anubhvi swaroop banna, chaahe gyaan, yog, dhaarna aur seva, chaar hi subject mein anubhav swaroop banna। anubhvi ko maaya bhi hila nahin sakti isliye baapdaada aaj sabhi bachchon ko anubhvi swaroop mein dekhne chaahte hain। sunne aur sochne mein pharka hai lekin anubhvi swaroop banna, jo socha, jis svamaan mein sthit rahne chaaaahe uske anubhav swaroop mein sthit ho jaaen। anubhvi ko koi bhi hila nahin sakta kyonki svamaan aur dehbhaan, jahaan svamaan swaroop hai, svamaan ke anubhav mein sthit hai vahaan deh bhaan aa nahin sakta। jaise dekho andhakaar hai lekin aap roshni ka switch on karo to andhakaar automatically gaayab ho jaata। andhakaar ko mitaane mein, andhakaar ko bhagaane mein mehnat nahin karni padti। aise hi jab svamaan ke seat par anubhav ka switch on hota to kisi bhi prakaar ka dehbhaan, bhinna-bhinna prakaar ke deh bhaan bhi hain aur bhinna-bhinna prakaar ke baap ne svamaan bhi diye hain। svamaan ko jaante hain, purushaartha bhi karte hain lekin anubhav ka purushaartha karna aur anubhvi swaroop banna usmein antar hai isliye mehnat karni padti hai। to baapdaada ko ab samay pramaan baap samaan banne ka lakshya sampanna karne samay yeh mehnat karna achha nahin lagta। har ek apne ko check karo ki main karmayogi jeevan vaala hoon? jeevan natural aur sadaakaal ki hoti hai, kabhi-kabhi ki nahin। aisa anubhvi swaroop bano, jo lakshya hai yogi jeevan ka, jo lakshya hai anubhvi moorta banne ka woh lakshya sampanna hai? sada mastak se chamakti hui light khud ko bhi anubhav ho, khud bhi us swaroop mein sthit ho, smriti swaroop ho, smriti karne vaala nahin, smriti swaroop ho aur smriti swaroop hai ya nahin, uska pramaan yeh hai ki jahaan smriti ke anubhvi swaroop hain vahaan apne mein samarthi har kaarya karte hue bhi anubhav hogi। kaarya bhinna-bhinna honge lekin anubhav swaroop ki sthiti bhinna-bhinna nahin ho।

to aaj baapdaada ne dekha ki mehnat kyon karni padti? anubhav swaroop banne mein nambarvaar purushaartha anusaar dekha। baapdaada ka har ek bachche se jigri pyaar hai to pyaar vaale ki mehnat dekhi nahin jaati। chaahe kisi bhi subject mein mehnat karni padti hai, kabhi-kabhi shabd use karna padta hai, iska kaaran hai anubhvi swaroop banne ki kami। purushaarthi hain lekin swaroop nahin bane hain। ek second mein chaar hi subject mein apne svamaan ke anubhvi swaroop ki anubhooti honi chaahiye, jo deh-abhimaan najdeek aa nahin sake। jaise roshni ke aage andhakaar thahar nahin sakta। nikaalna nahin padta, natural jahaan andhakaar hai vahaan roshni kam hai ya nahin hai। to sabse bade mein badi authority anubhav gaaya hua hai। anubhav ko hajaaron log badalne chaahe, badal nahin sakte। to jo bhi subject hain, chaahe gyaan ki, chaahe yog ki, chaahe dhaarna ki, chaahe seva ki, kisi mein bhi chaar mein se ek mein bhi mehnat lagti hai to zaroor anubhav ki kami hai। seva ki saphalta mein, dhaarna mein svabhaav-sanskaar parivartan ki, yog mein bhi achal rahne ki, yogi jeevan ki anubhooti karne ki jahaan mehnat hai ya kabhi-kabhi kehte ho, to iska arth hai us subject mein aap anubhveemoorta nahin bane ho। anubhav kabhi-kabhi nahin hota, natural nature hoti hai। to abhi suna mehnat karne ka kaaran kya? aapko anubhav hoga ki jis samay anubhav ki seat par set hote ho, kisi bhi vardaan ke swaroop mein anubhvi ban anubhav karte ho to us samay mehnat nahin karni padti hai, natural anubhooti hoti hai, isliye abhi samay pramaan sab achaanak hona hai। bataake nahin hona hai। ikùe ke ikùe ek samay anekon ki ticket kat rahi hai to aise samay mein aap ever ready hain? yeh to nahin kahenge ki purushaartha kar raha hoon? ever ready arthaat koi bhi vardaan ya svamaan ka sankalp kiya aur swaroop bana isliye baapdaada aaj is baat par attention dila3 rahe hain ki kisi bhi vardaan ko phaleebhoot kar vardaan ya svamaan ke swaroop ke anubhvi ban sakte ho? banna hi padega। koshish kar raha hoon, agar koshish bhi karni hai to abhi se kyonki bahut samay ka abhyaas samay par madad dega। purushaarthi nahin, anubhvi kyonki anubhav ki authority aap sabko almighty authority ne di hai। jaise deh bhaan ke anubhvi hain, to kya deh bhaan ko yaad karna padta hai ki main phalaana hoon! to deh bhaan itna pakka ho gaya hai। aise dehi abhimaani, svamaandhaari, svaraajya adhikaari itna pakka ho। aap kehte ho na, hamaara jeevan parivartan hai to parivartan kya kiya? deh bhaan se svamaan, svaraajya adhikaari banen। to check karo gyaan swaroop bana hoon? ya gyaan sunne aur sunaane vaala bana hoon? gyaan arthaat naulez, naulez ka practical roop hai, naulez ko kehte hain, naulez is light, naulez is might, to gyaan swaroop banna arthaat jo bhi karma karenge woh light aur might vaala hoga। yathaartha hoga। isko kaha jaata hai gyaan swaroop banna। gyaan sunaane vaala nahin, gyaan swaroop banna। yog swaroop ka arth hai karmendriyon jeet banna। har karmendriy par svaraajyadhaari। isko kaha jaata hai yog arthaat yuktiyukta jeevan। aise agar gyaan yog ka swaroop hai to har gun ki dhaarna automatically hogi। jahaan gyaan, yog hai, yogayukta hai vahaan gunon ki dhaarna automatically hogi। seva har samay automatic hogi। samay anusaar chaahe mansa seva kare, chaahe vaacha kare, chaahe karmana kare, chaahe sneh sambandh mein kare, seva bhi har samay akhanda chalti rahegi। sambandh samparka mein bhi seva hoti hai। maano koi aapke bhaai ya behen brahman parivaar mein thoda sa maayoos hai, thoda purushaartha mein dull hai, koi sanskaar ke vash hai, aise samparka vaali aatma ko aapne umang-utsaah dilaaya, sahayog diya, sneh diya, yeh bhi seva ka punya aapka jama hota hai। gire hue ko uthaana yeh punya gaaya jaata hai। to sambandh aur samparka mein bhi seva karna, yeh sachche sevaadhaari ka kartavya hai। seva mile ya seva di jaae to seva hai, woh nahin। svayan mansa, vaacha, karmana, samparka sambandh mein seva automatically hoti rahe। kai baar baapdaada ne dekha ki samparka mein koi-koi bachcha dekhta bhi hai ki inka svabhaav sanskaar thoda jo hona chaahiye woh nahin hai, lekin yeh to hai hi aisa, yeh badalna nahin hai, iski seva karna time vesta hai, aisa sankalp karna kya yathaartha hai? jab aap maante ho ki ham prakriti ko bhi satopradhaan banaane vaale hain, prakriti ko aur woh manushyaatma hai, brahman kahlaata hai lekin sanskaar vash hai, jab prakriti ka sanskaar badalne ki challenge ki hai to woh to prakriti se purush hai, aatma hai। aapke sambandh mein hai। to sachcha sevaadhaari apne seva ka punya kamaane ke liye shubh bhaavna avashya rakhega। yeh to hai hi aisa, yeh badal hi nahin sakta, yeh shubh bhaavna nahin, yeh sookshm ghrina bhaavna hai। phir bhi apna bhaai behen hai, phir bhi mera baba to kehta hai na! to sachcha sevaadhaari shubh bhaavna dene ki seva mein bhi punya kamaayega। gire hue ko giraana nahin, uthaana। sahayog dena, isko kahenge sachche sevaadhaari, punya aatma। to aise apne ko check karo itna seva ka umang-utsaah hai? isko kaha jaata hai anubhav ke authority vaala। to abhi baapdaada yahi chaahta hai, anubhvi moorta bano, anubhav ki authority ko kaarya mein lagaao।

to chaar hi subject mein jo apne ko anubhvi swaroop ban anubhav ke authority ko kaarya mein lagaayenge, jo kami ho usko sampanna karenge, itna apne par attention denge woh haath uthaao। man ka haath utha rahe ho na! shareer ka haath nahin, man ka haath uthaao। man ka haath uthaana kyonki baapdaada shivraatri par result lenge। man mein koi ka bhi kami ka sanskaar apni shubh bhaavna ko kam nahin kare। uska sanskaar to dheela hai lekin woh itna to powerful hai jo aapki shubh bhaavna ko kam kar leta hai isliye jaise brahma baap ne kya nahin dekha, kya nahin kiya, jimmevaar hote phir bhi ant mein shubh bhaavna, shubh kaamna ke teen shabd sabhi ko shiksha deke gaye। yaad hai na! teen shabd yaad hain na! svayan bhi niraakaari, nirhankaari, nirvikaari isi sthiti mein avyakt banen, kisi ko bhi karmabhog ki feeling nahin dilaai, kisne samjha ki karmabhog samaapta ho raha hai! kya ho gaya? avyakt ho gaya। aise brahma baap samaan pharishta bhav ka vardaan jo baap ne karke dikhaaya, phaalo brahma baap। brahma baap se pyaar raha, abhi bhi chaahe4 saakaar mein nahin dekha lekin avyakt baap ke roop mein bhi sneh sabka hai। baapdaada donon se sneh hai। dekha gaya hai ki sneh ki subject mein majority paas hain। sneh hi chala raha hai। chaahe dhaarna nahin bhi ho, koi bhi subject mein kami ho, lekin sneh ki subject mein majority sabhi paas hain। sneh chala raha hai। aap sabhi kyon aaye hain? kis vimaan mein aaye ho? sneh ke vimaan mein pahunche ho। aur baapdaada ka bhi last bachche se bhi pyaar hai। kaisa bhi hai lekin pyaar mein paas hai kyonki baap ka har bachche ke prati dil ka pyaar hai। chaahe kaisa bhi hai lekin mera hai। jaise aap kehte ho mera baba, to baap kya kehte hain? mere bachche hain। aisi shubh bhaavna aapas mein parivaar ki bhi hona aavashyak hai। svabhaav nahin dekho, baap jaante hain, bhaav svabhaav hai, lekin bhaav svabhaav, pyaar ko khatma nahin kare, sambandh ko khatma nahin kare, kaarya ko saphal kam kare, yeh right nahin। parivaar hai। kaun sa parivaar hai? prabhu parivaar, parmaatma parivaar। ismen koi bhi kaaran se pyaar ki kami nahin honi chaahiye। aise hai? hai pyaar ki kami? pyaar arthaat shubh bhaavna zaroor ho। kaisa bhi hai, parmaatma parivaar hai। jisne maana ki main prabhu parivaar ka hoon, to parivaar arthaat pyaar। agar parivaar mein pyaar nahin to parivaar nahin isliye aaj kya paath padha? pakka kiya? har aatma se shubh bhaavna, shubh bhaav। yeh parmaatma parivaar ek ka ek samay hi hota hai, itna bada parivaar paramatma ke sivaae aur kiska ho hi nahin sakta। to check karna kyonki yeh bhi purushaartha mein vighna padta hai। to jab vighna mukta honge tabhi anubhvi ban anubhav ke authority dvaara sabhi ko anubhvi banaayenge। achha।

seva ka tarna - raajasthaan ka hai:- baapdaada ne dekha hai ki yeh seva ka chance sabhi umang-utsaah se lete hain, sabhi pyaar se seva karte bhi hain aur karaate bhi hain। seva ka yeh part in 10-15 din mein bhinna-bhinna kamaai ka saadhan hai। ek phaayda yeh hai ki seva ka meva har ek ka punya jama hota hai। doosra phaayda yahaan madhuban mein gyaan ka vaayumandal, bade parivaar ke sneh ka vaayumandal, jisse purushaartha mein bhi bal milta hai kyonki vaayumandal, vibration aur gyaan snaan, ve to ek baari teertho par snaan karne jaate hain to apna bahut punya maante hain aur yahaan jitne din bhi rehte ho utne din gyaan snaan, gyaan ke vachan kaanon mein padte rehte hain। aur yogi aatmaayen, prabhu pyaar vaali aatmaayen unka vibration bhi automatically milta rehta hai। ekaanta ke vaayumandal ka laabh milta hai। agar koi apne kaam mein aur padhaai ke phaaydon mein apne ko busy rakhta hai to unko thode dinon mein apna bhavishya ooncha banaane ka chance milta hai isliye yagya ka kaam bhi chalta aur aane vaalon ka punya bhi jama hota। baapdaada ne dekha ki aajkal ke vaayumandal mein seva ka umang majority sabhi zone mein hai। raajasthaan bhi aise hi aage badh rahe hain। achha।

baapdaada har ek bachche ki visheshta ko dekh rahe hain। har ek bachche mein kisi na kisi subject mein visheshta samaai hui hai isliye baapdaada individual ek-ek bachche ko hovanhaar vijayi swaroop mein dekh rahe hain kyonki sabko saathi banke chalna hai। saath hai, saath chalenge। brahma baap ke saath mein raajya karenge। achha।

chaaron or ke bachchon ko baapdaada dekh dekh khush ho geet gaate vaah bachche vaah! har bachche ke dil mein baap hai aur baap ke dil mein har bachcha hai। aur yahaan itna parivaar madhuban nivaasi dekhkar yeh bhi khushi hoti hai vaah madhuban vaah! sabka asylum madhuban hai hi hai isliye madhuban mein bhaagkar aa jaate hain। ab baap ki jo aasha hai woh jaldi se jaldi poorn karna hai। chaar hi subject mein anubhvi swaroop banna hi hai। baapdaada desh videsh chaaron or ke bachche jahaan bhi baithe dekh rahe hain। sabhi kaise dekh dekh harshit ho rahe hain। yeh saadhan, yeh science isi samay progress mein ja rahi hai, nai nai invention duniya ke hain lekin aapke phaayde ke saadhan achhe achhe nikaal rahe hain। door hote bhi saath hain। to science vaalon ko bhi mubaarak hai jo saadhan to banaaye hain। achha। desh videsh ke sabhi bachchon ko bahut-bahut dil ka pyaar aur yaad sveekaar ho aur vishesh aise vishesh bachchon ko namaste।