गुरुवार 2 नवंबर 2023 की अव्यक्त मुरली

02-11-2023 madhuban avyakt baapdaada om shanti 02-11-2023

praaneshvar avyakt baapdaada ki sarvashreshtha bhaagyavaan aatmaayen, sada khushiyon ke jhoole mein jhoolne vaali, khushmijaaz, khushkismat sabhi nimitta teachers bahinen tatha desh videsh ke sarva brahman kul bhooshan bhaai bahinen,

eeshvareey sneh sampanna madhur yaad sveekaar karna ji।

baad samaachaar - pyaare baapdaada ki divya aur alaukik avyakt paalna ka anubhav karte hue aap sabhi nirantar aage badh rahe honge। meetha baba kahe bachche, vaayda karo ki kuchh bhi jaae khushi kabhi nahin ganvaayenge। sada khush rahenge aur sabko khush karenge। sada santushta rahenge aur sabko santushta karenge। bhaagyavidhaata baap ne jo ham sabhi bachchon ka bhaagya banaaya hai, amritvele se apne bhaagya ko smriti mein rakh sada harshit rehna hai aur sabko bhaagya banaane ki vidhi sunaani hai। chehra sada roohaaniyat se muskaraata rahe, hamaari madhur muskaan dekh doosre bhi muskaraane lagen। baapdaada ne ham bachchon ko yeh seva ki bahut sundar vidhi bataai hai।

to bolo, hamaare meethe-meethe bhaai bahinen sada aisi seva kar rahe ho na! ab to parmaatma pratyakshata ke din sammukh dikhaai de rahe hain। abhi tak ham sabne vaani dvaara gyaan sunaane ki sevaayen khoob ki hain, abhi baba kehte bachche, apne khushnumah chehre aur madhur saral vyavhaar dvaara seva karo। apni pavitra vrittiyon dvaara vaayumandal ko parivartan karne ki seva karo। to aisi seva karte, tyaag, tapasya aur seva teenon mein brahma baap samaan banna hi hai।

baaki is samay madhuban vardaan bhoomi mein yu.pi. banaaras tatha pashchim nepaal ke bhaai bahinon ki seva ka tarna hai। iske alaava videsh ke kai sthaanon se double videshi baba ke bachche bhi madhuban mein pahunch gaye hain। sab taraph saakaar duniya ke alaukik pharishton ki bahut achhi rimjhim hain। sabhi apne brahman parivaar ko dekhte, milan manaate, muskaraate, khoob umang-utsaah ka anubhav kar rahe hain। achha - sabhi ko bahut-bahut yaad… om shanti।

02-11-2023 om shanti “avyakt baapdaada'' revise video 22-03-2013 madhuban

“ bhagwan aur bhaagya ki smriti se sada harshit raho , harshit banaao ''

aaj baapdaada sarva bachchon ke bhaagya ko dekh harshit ho rahe hain। sabse bada bhaagya sabhi ke mastak mein chamakta hua sitaara, chamakta hua dikhaai de raha hai। sabka mastak chamak raha hai। saath mein sabke mukh mein gyaan vaani ki chamak dikhaai de rahi hai। sabke hothon mein muskaraahat kitni sundar chamak rahi hai। har ek ke dil mein dilaaraam baap ki lavleen moorta ki jhalak dikhaai de rahi hai। sabhi ke haathon mein gyaan ke khajaanon ki chamak dikhaai de rahi hai। har ek ke paanv mein kadam mein padam ki jhalak dikhaai de rahi hai। bolo, itne bade bhaagya, kitni jhalak se chamak rahe hain। socho, itna bada bhaagya kaise bana! svayan bhaagya vidhaata baap ne bhaagya banaaya hai। khud bhaagya vidhaata ne aapka bhaagya banaaya hai। to apne bhaagya ko dekh harshit hote rehte ho na! vaah bhaagya! aur roz amritvele apne bhaagya ko dekhte rehte ho na! sangamayug hai hi bhaagya banaane vaala।

baapdaada har bachche ke bhaagya ko dekh harshit hote rehte hain iseelie gaayan bhi hai agar bhaagya dekhna ho to parmaatma bachchon ka bhaagya dekh lo। aap sabko bhi apne bhaagya ko dekh khushi hoti hai na! dil se kya nikalta? vaah mera bhaagya! apne bhaagya ko dekh anya aatmaon ke liye umang aata hai, taras bhi hota hai lekin umang aata hai ki in ek-ek aatma ka bhi bhaagya ujjaval ho jaae। baapdaada ne dekha bhaagya to sabko praapta hua hai lekin bhaagya ka sukh, aanand nambarvaar anubhav karte hain। kai bachchon ki soorat se bhaagya se sampanna chehre dikhaai de rahe hain। aise bachchon ko baap bhi snehi swaroop se kehte hain vaah bhaagyavaan bachche vaah! khushi hoti hai, kaandh hilaao। hoti hai! achha haath hilaao। vaah! baapdaada kai baar suna chuke hain ki baap har bachche ko check karte hain, sada bhaagya swaroop smriti mein rehta hai ya kabhi kabhi? jo samajhte hain ham sada bhaagyavaan hain aur bhaagyavaan banaate rehte hain, woh haath uthaao। peechhe vaale bhi haath uthaate hain। baapdaada dekh rahe hain, mubaarak ho। bhaagyavaan ka chehra sada khushkismat, khushnuma hoga। to har ek apne ko check kare ki amritvele se leke raat tak khushmijaaz aur khushkismat raha? khushi kabhi kam bhi nahin honi chaahiye। baapdaada ne dekha kai bachche aise khushmijaaz rehte hain jo unka chehra dekh doosra bhi badal jaata hai।

aaj baapdaada ek shabd bachchon se vaapas lene chaahte hain। taiyaar hain! taiyaar hain? haath uthaao, denge! phir vaapas nahin lenge! haath uthaao, achhi tarah se soch samajhke haath uthaao। baapdaada ko kai bachche kehte hain shakti swaroop ya khushmijaaz rehte to hain lekin kabhi-kabhi। yeh kabhi-kabhi ka shabd baapdaada ko pasanda nahin hai kyonki har bachche se baap ka ati pyaar hai। to kabhi-kabhi shabd baap ko pasanda nahin, sada baap samaan dikhaai de। aise bhi bachche hain lekin baap chaahte hain har bachcha sada khushi mein udta rahe। sada roohaaniyat mein muskaraata rahe, doosron ko bhi muskara de। aapko pasanda hai, sada pasanda hai ya kabhi-kabhi? jisko sada shabd pasanda hai aur practical hai, woh haath uthaao। peechhe vaale haath hilaao। bhavishya sada shreshtha hai aur rahega। har ek bachche ne sankalp kiya hai ham baap ke saath hain, baap ke saath hi rahenge। baapdaada bhi khush hote hain। baapdaada ko bhi akela nahin achha lagta, sab bachchon ke saath achha lagta hai। baapdaada ne kai baar kaha hai khushi kab ganvaana nahin aur sunaaya bhi hai khushi jaisi karaamat aur koi mein nahin hai। jaante ho na aur jo bhi vastu hoti hai woh dene se kam hoti hai, lekin khushi kisko bhi do, to kam hogi ya badhegi? to aisi khushi jo sada badhti rehti hai, usko kabhi nahin chhodna। aapka chehra koi bhi dekhe sada khushmijaaz। baaten to aati hain, kaliyug ka arth hi kya hai! kaliyug kyon kehte ho! kalah-kalesh hoga tab to kaliyug kehte ho na! lekin humein usmein kya karna hai? parivartan। baaton mein nahin aana lekin baaton ko parivartan kar seva ke liye sada ever ready rehna। to sada apna bhaagya yaad rehta hai na? bhagwan aur bhaagya, isse sada harshit chehra rahega, jis harshit chehre ko dekh aur bhi harshit ho jaaen।

to baapdaada aaj sabhi bachchon ko yahi yaad dilaate hain ki sada harshit raho aur harshit banaao। sabhi bachche madhuban mein pahunche hain। har ek ko baap se pyaar hai, baap ka bhi bachchon se pyaar hai to baap samajhte hain ki har bachcha kam se kam brahma baap samaan tyaag, tapasya aur seva mein number one banen, yeh manjoor hai। brahma baap ko follow karna hai, taiyaar hain! ismen do do-do haath uthaao। bahut achha। mubaarak hai।

abhi sabhi milkar yeh dridh sankalp karo, taiyaar to hain na, ghadi-ghadi haath nahin uthvaate hain। baapdaada ko nishchay hai ki bachche achhe hain, chaahe thoda purushaartha mein kabhi-kabhi vighna aate bhi hain lekin baba aur main combined hain, combined rahenge, yeh pakke nishchaybuddhi hain। theek bola! kaandh aise karo। jo bhi apne-apne sthaan se aaye hain, un ek-ek bachche ko naam leke, unki soorat aage laake baapdaada vardaan de rahe hain - sada koi bhi baat aave na, jo kaayde pramaan honi nahin chaahiye lekin aa jaae to jo aisi baat aaye, usko us samay hi apne dil se nikaal baap ko de do। baap aapehi sambhaalega। dena to aata hai na! aata hai dena? ismen kaandh hilaao, dena aata hai! lena aata hai, dena bhi aata hai?

apne dil mein vaayda karo ki ham kabhi bhi khushi nahin ganvaayenge। kar sakte ho? khushi nahin ganvaayenge, jo kar sakte hain, woh haath uthaao। jinhonne bhi vaayda kiya unhon ko baapdaada ki taraph se dil ki mubaarak hai, mubaarak hai, mubaarak hai। achha।

seva ka tarna - yu.pi. banaaras , pashchim nepaal ka hai:- bhale padhaare apne ghar mein। sabhi sada yeh sankalp karna ki mujhe brahma baap samaan banna hi hai। follow brahma baba। koi bhi kaarya aisa ho usmein check karo, brahma baap ne kiya! aapki woh 10 points nikli hui hain। us 10 point mein dekhna ki brahma baap ne kya-kya kiya! aur follow brahma baap karna। to jo bhi group aaye hain, baapdaada har group ko vishesh mubaarak de rahe hain। baapdaada ne dekha har group ko umang-utsaah bahut hai, ham karke dikhaayenge aur har group mein aisi shakti hai jo karke dikha sakte hain । baapdaada sabhi group ko ummeendavaar vijayi roop mein dekh rahe hain। ek-ek ko baapdaada apne shubh bhaavna aur shubhkaamna ka vardaan de rahe hain।

double videshi :- double videshiyon ko double mubaarak ho। baapdaada videshiyon par ek baat par bahut khush hai। videshi madhuban ka laabh badi achhi reeti se lete hain। chaahe door hain lekin madhuban ka laabh lene ka plan achha banaate hain। sab refresh bhi ho jaate, service ke plan bhi banaate aur service mein umang-utsaah bhi achha dilaate hain। baapdaada ne dekha ki videsh bhi seva mein kam nahin hai। India jaise bhinna-bhinna programme se aage badh rahi hai, aise videshi bhi har saal jo programme banaate hain woh bahut achha banaate hain aur bana hua plan practical mein bhi laate hain isliye baapdaada sab Indian bhaai bahinon ki taraph se aapko vishesh mubaarak de rahe hain। achha।

chaaron or ke sab bachche dekh bhi rahe hain, sun bhi rahe hain। baapdaada ko khushi hoti hai ki yeh science ke saadhan bachchon ko sukh ka anubhav kara rahe hain isliye baapdaada ne bachchon ko pahle hi kaha tha ki yeh science aapko bahut sahayog degi। to de rahi hai aur aur bhi aage deti rahegi। baba dekhte hain kaise sabhi sammukh dekhne ki koshish karte hain aur unhon ko anubhav hota bhi jaata hai isliye science vaalon ko bhi mubaarak ho, jo aap bachchon ko salvation mil gai hai। sab dekhte bhi hain, sunte bhi hain। majority iska laabh utha rahe hain isliye baapdaada bachchon ka umang-utsaah dekh khush hai। sabhi ek-ek bachche ko door baithe najdeek anubhav karne vaalon ko bahut-bahut yaadapyaar aur jo science ke saadhan se mukta hokar baithe hain aur kuchh na kuchh tareeke apnaate hain unhon ko bhi bahut-bahut yaadapyaar। achha।

* * * om shanti * * *