रविवार 5 नवंबर 2017 की दैनिक मुरली

05/11/17 madhuban "avyakt-baapdaad"' om shanti 24-02-83

dilaaraam baap ka dilrooba bachchon se milan

aaj vishesh milan manaane ke liye sada umang-ullaas mein rahne vaale bachchon se milne ke liye aaye hain। din raat yahi sankalp rehta hai ki milan manaana hai। aakaar roop mein bhi milan manaate phir bhi saakaar roop dvaara milne ki shubh aasha sada hi rehti hai, sab din ginti karte rehte ki aaj hamko milna hai, yeh sankalp har bachche ka baapdaada ke paas pahunchta rehta hai aur baapdaada bhi yahi respond dene ke liye har bachche ko yaad karte rehte hain isliye aaj murli chalaane nahin lekin milne ka sakanlpa poora karne aaye hain। koi-koi bachche dil hi dil mein meethe-meethe ulhanen bhi dete hain ki humein to bol dvaara mulaakaat nahin karaai। baapdaada bhi harek bachche se dil bhar-bhar ke milne chaahte hain। lekin samay aur maadhyam ko dekhna padta hai। aakaari roop se ek hi samay par jitne chaahen jitna samay chaahen utna samay aur utne sab mil sakte hain uske liye tarna aane ki baat nahin hai। lekin jab saakaar srishti mein, saakaar tan dvaara milan hota hai to saakaari duniya aur saakaar shareer ke hisaab ko dekhna padta hai। aakaari vatan me kabhi din mukrar hota hai kya ki phalaana group phalaane din milega va ek ghante ke baad, aadha ghante ke baad milne ke liye aana। yeh bandhan aapke va baap ke sookshm vatan mein sookshm shareer mein nahin hai। aakaari roop se milan manaane ke anubhvi ho na। vahaan to bhal saara din baith jaao, koi uthaayega nahin yahaan to kahenge abhi peechhe jaao, abhi aage jaao। phir bhi donon milna meetha hai। aap double videshi bachche va desh mein rahne vaale bachche jo saakaar roop mein drama anusaar paalna va practical swaroop nahin dekh paaye hain। aise bahut samay se dhoondhane par phir se aakar mile hue bachchon ko brahma baap bahut yaad karte hain। brahma baap aise sikeeldhe bachchon ka vishesh gungaan karte hain ki aaye bhal peechhe hain lekin aakaar roop dvaara bhi anubhav saakaar roop ka karte hain, aise anubhav ke aadhaar se bolte hain ki humein aisa nahin lagta ki saakaar ko hamne nahin dekha। saakaar mein paalna li hai aur ab bhi le rahe hain। to aakaar roop mein saakaar ka anubhav karna yeh buddhi ki lagan ka, sneh ka pratyaksha swaroop hai। aise lagta hai aakaar mein bhi saakaar ko dekh rahe hain। aise anubhav karte ho na। to yeh bachchon ki buddhi ke chamatkaar ka saboot hai। aur dilaaraam baap ke sameep dilaaraam ke dilrooba bachche hain, yeh saboot hai। dilrooba bachche ho na। dil rooba par sada kya geet bajta hai? vaah baba, vaah mera baba।

baapdaada har bachche ko yaad karte hain। aise nahin samajhna inko yaad kiya, mere ko pata nahin yaad kiya va nahin। inse jyaada pyaar hai mere se kam pyaar hai, nahin। aap socho 5 hajaar varsha ke baad baapdaada ko bichhde hue bachche mile hain to 5 hajaar varsha ka ikattha pyaar har bachche ko milega na। to 5 hajaar varsha ka pyaar 5-6 varsha mein ya 10-12 varsha mein dena to kitna stock thode samay mein denge। jyaada se jyaada den tab to poora ho। itna pyaar ka stock harek bachche ke liye baap ke paas hai। pyaar kam ho nahin sakta।

doosri baat ki baapdaada sada bachchon ki visheshta dekhta। chaahe koi samay bachche maaya ke prabhaav kaaran thoda dagmag hone ka khel bhi karte hain। phir bhi baapdaada us samay bhi usi nazar se dekhte ki yeh bachcha aaya hua vighna lagan se paar kar phir bhi vishesh aatma ban vishesh kaarya karne vaala hai। vighna mein bhi lagan roop ko hi dekhte hain to pyaar kam kaise hoga! harek bachche se jyaada se jyaada sada pyaar hai aur har bachcha sada hi shreshtha hai। samjha।

party se avyakt baapdaada ki mulaakaat

New York :- baap ka banna arthaat vishesh aatma banna। jab se baap ke bane us ghadi se vishwa ke andar sarva se shreshtha gaayan yogya aur poojyaneey aatma bane। apni maanyata, apna poojan phir se chaitanya roop mein dekh bhi rahe ho aur sun bhi rahe ho। aise anubhav karte ho? kahaan bhaarat aur kahaan America lekin baap ne kone se chunkar ek hi bageeche mein laaya। abhi sab kaun ho? allaah ke bageeche ke roohe gulaab। yeh to naam lena padta hai phalaana desh, phalaana desh, vaise ek hi bageeche ke, ek hi baap ki paalna mein aane vaale, roohe gulaab ho। abhi aise mahsoos hota hai na ham sab ek ke hain। aur ham sab ek raaste par ek manzil par jaane vaale hain। baap bhi harek ko dekh harshit hote hain। sabki shubh bhaavna, sabke seva ki athak lagan ne dridh sankalp ne pratyaksha saboot diya। chaaron or ke umang-utsaah ke sahayog ne result achhi dikhaai hai। baahar ka aavaaj bhaarat vaalon ko jagaayega, isliye baapdaada mubaarak dete hain।

2) baarbedoj:- baapdaada sada bachchon ko number one banne ka saadhan bataate hain। chaahe kitna bhi koi peechhe aaye lekin aage jaakar number one le sakta hai। aise to nahin sochte ho pata nahin hamaara ooncha part hoga ya nahin, ham aage kaise jaayenge। baapdaada ke paas chaahe peechhe aane vaale hon, chaahe kis bhi desh ke hon, chaahe kis bhi dharma ke hon, kis bhi maanyata ke ho lekin sabke liye ek hi full adhikaar hai। baap ek hai to hak bhi ek jaisa hai। sirf himmat aur lagan ki baat hai। kabhi bhi himmatheen nahin banna। chaahe koi kitna bhi dilshikasta banaae, kahe pata nahin aapko kya hua hai, kahaan chale gaye ho lekin aap unki baaton mein nahin aana। pakka jaan pahchaan kar sauda kiya hai na! ham baap ke, baap hamaara। baap har bachche ko adhikaari aatma samajhte hain। jitna jo le uske liye koi rookaavat nahin। abhi koi seetsa book nahin hui hain। abhi sab seat khaali hain। seeti baji hi nahin hai isliye himmat rakhte rahenge to baap bhi padamguna madad dete rahenge।

3) Canada:- sada udti kala mein jaane ka aadhaar kya hai? double light। to sada udte panchhi ho na। udta panchhi kabhi kiske bandhan mein nahin aata। neeche aayenge to bandhan mein badhenge isliye sada oopar udte raho। udte panchhi arthaat sarva bandhanon se mukta, jeevan mukta। Canada mein science bhi udne ki kala sikhaati hai na। to Canada nivaasi sada hi udte panchhi hain।

4) sainaphraasisko:- sabhi apne ko vishwa ke andar vishesh part bajaane vaale hero actor samajhkar part bajaate ho? (kabhi-kabhi) baapdaada ko bachchon ka kabhi-kabhi shabd sunkar aashcharya lagta hai। jab sada baap ka saath hai to sada uski hi yaad hogi na। baap ke sivaae aur kaun hai jisko yaad karte ho। auron ko yaad karte-karte kya paaya aur kahaan pahunche, iska bhi anubhav hai। jab yeh bhi anubhav kar chuke to ab baap ke sivaae aur yaad aa hi kya sakta! sarva sambandh ek baap se anubhav kiya hai ya koi rah gaya hai? jab ek dvaara sarva sambandh ka anubhav kar sakte ho to anek taraph jaane ki aavashyakta hi nahin। isko hi kaha jaata hai ek bal ek bharosa। achha।

sabhi ne achhi mehnat kar vishesh aatmaon ko samparka mein laaya, jinhonne bhi seva mein sahayog diya us sahayog ka rirtan anek janmon tak sahayog praapta hota rahega। ek janma ki mehnat aur anek janma mehnat se chhoot gaye। satayug mein mehnat thode hi karenge। baapdaada bachchon ki himmat aur nimitta banne ka bhaav dekhkar khush hote hain। agar nimitta bhaav se nahin karte to result bhi nahin nikalti। achha।

05-11-17 praatahmurli om shanti ''avyakt baapdaada'' revise-27-02-83 madhuban

sangamayug par shrringaara hua madhur alaukik mela

aaj baap aur bachche milan mela mana rahe hain। mele mein bahut hi variety aur sundar-sundar vastu bahut sundar sajaavat aur ek do mein milna hota hai। baapdaada is madhur mele mein kya dekh rahe hain, aisa alaukik shrringaara hua mela sivaay sangamayug ke koi mana nahin sakta। harek, ek do se vishesh shrringaare hue amoolya ratna hain। apne shrringaar ko jaante ho na। sabhi ke sir par kitna sundar light ka taaj chamak raha hai। isi light ke crown ke beech aatma ki nishaani kitni chamakti hui mani muaaphik chamak rahi hai। apna taajdhaari swaroop dekh rahe ho? harek divya gunon ke shrringaar se kitne sundar saji-sajaai moorta ho। aisa sundar shrringaar, jisse vishwa ki sarva aatmaayen aapke taraph na chaahte hue bhi svatah hi aakarshit hoti hain। aisa shreshtha avinaashi shrringaar kiya hai? jo is samay ke shrringaar ke yaadgaar aapke jad chitron ko bhi sada hi bhakta log sundar se sundar sajaate rahenge। abhi ka shrringaar aadha kalpa chaitanya dev-aatma ke roop mein shrringaare jaayenge aur aadhaakalpa jad chitron ke roop mein shrringaare jaayenge। aisa avinaashi shrringaar baapdaada dvaara sarva bachchon ka abhi ho gaya hai। baapdaada aaj har bachche ke teenon hi swaroop vartamaan aur apne raajya ka dev aatma ka aur phir bhakti maarga mein yaadgaar chitra, teenon hi swaroop harek bachche ke dekh harshit ho rahe hain। aap sab bhi apne teenon roopon ko jaan gaye ho na। teenon hi apne roop knowledge ke netra dvaara dekhe hain na!

aaj to baapdaada milne ka ulhana poora karne aaye hain। kamaal to bachchon ki hai jo nirbandhan ko bhi bandhan mein baandh dete hain। baapdaada ko bhi hisaab sikha dete ki is hisaab se milo। to jaadoogar kaun hue - bachche va baap? aisa sneh ka jaadu bachche baap ko lagaate hain jo baap ko sivaae bachchon ke aur kuchh soojhta hi nahin। nirantar bachchon ko yaad karte hain। tum sab khaate ho to bhi ek ka aahvaan karte ho। to kitne bachchon ke saath khaana pade! kitne baari to bhojan par bulaate ho। khaate hain, chalte hain, chalte hue bhi haath mein haath dekar chalte, sote bhi saath mein hain। to jab itne anek bachchon saath khaate, sote, chalte to aur kya phursat hogi! koi karma karte to bhi yahi kehte ki kaam aapka hai, nimitta ham hain। karo karaao aap, nimitta haath ham chalaate hain। to woh bhi karna pade na। aur phir jis samay thoda bahut toofaan aata to bhi kehte aap jaano। toofaanon ko mitaane ka kaarya bhi baap ko dete। karma ka bojh bhi baap ko de dete। saath bhi sada rakhte, to bade jaadoogar kaun hue? bhujaaon ke sahayog bina to kuchh ho nahin sakta isliye hi to maala japte hain na। achha।

Australia nivaasi bachchon ne bahut achha tyaag kiya hai aur har baar tyaag karte hain। sada hi last so fast jaate aur first aate hain। jitna hi woh tyaag karte hain, auron ko aage karte hain utna hi jitne bhi milte rehte un sabka thoda-thoda share Australia vaalon ko bhi mil jaata hai। to tyaag kiya ya bhaagya liya! aur phir saath-saath yu.ke. ka bhi bada group hai। yeh donon hi pahle-pahle ke nimitta bane hue centres hain aur vishaal centres hain। ek se anek sthaanon par baap ko pratyaksha karne vaale bachche hain isliye donon hi (Australia aur yu.ke.) badon ko, auron ko aage rakhna padega। doosron ki khushi mein aap sab khush ho na। jahaan tak dekha gaya hai donon hi sthaan ke sevaadhaari, sahayogi, snehi bachche sab baaton mein pharaakhdil hain। is baat mein bhi sahayogi banne mein mahaadaani bachche hain। baapdaada ko sab bachche yaad hain। sabse mil lenge, baapdaada ko to khushi hoti hai ki kitna door-door se bachche milne ke umang se apne sweet hom mein pahunch jaate hain। udte-udte pahunch jaate ho। bhale sthool mein kisi bhi desh ke hain lekin hain to sab ek deshi। sab hi ek hain। ek baap, ek desh, ek mat aur ekras sthiti mein sthit rahne vaale। yeh to nimitta maatra desh ka naam lekar thoda samay milne ke liye kaha jaata hai। ho sab ek deshi। saakaar ke hisaab mein bhi is samay to sab madhuban nivaasi hain। madhuban nivaasi apne ko samajhna achha lagta hai na।

naye sthaan par seva ki saphalta ka aadhaar:-

jab bhi kisi naye sthaan par seva shuru karte ho to ek hi samay par sarva prakaar ki seva karo। mansa mein shubh bhaavna, vaani mein baap se sambandh judvaane aur shubh kaamna ke shreshtha bol aur sambandh samparka mein aane se sneh aur shanti ke swaroop se aakarshit karo। aise sarva prakaar ki seva se saphalta ko paayenge। sirf vaani se nahin lekin ek hi samay saath-saath seva ho। aisa plan banaao, kyonki kisi ki bhi service karne ke liye vishesh svayan ko stage par sthit karna padta hai। seva mein result kuchh bhi ho lekin seva ke har kadam mein kalyaan bhara hua hai, ek bhi yahaan tak pahunch jaae yeh bhi saphalta to samaai hui hai hi। anek aatmaon ke bhaagya ki lakeer kheenchane ke nimitta hain। aisi vishesh aatma samajhkar seva karte chalo। achha - om shanti।

vardaan:- parmaatma pyaar ki shakti se asambhav ko sambhav karne vaale padmaapdam bhaagyavaan bhav

padmaapdam bhaagyavaan bachche sada parmaatma pyaar mein lavleen rehte hain। parmaatma pyaar ki shakti kisi bhi paristhiti ko shreshtha sthiti mein badal deti hai। asambhav kaarya bhi sambhav ho jaate hain। mushkil sahaj ho jaata hai kyonki baapdaada ka vaayda hai ki har samasya ko paar karne mein preeti ki reeti nibhaate rahenge। lekin kabhi-kabhi preet karne vaale nahin banna। sada preet nibhaane vaale banna।

slogan:- apne shreshtha karma va shreshtha chalan dvaara duaayen jama kar lo to pahaad jaisi baat bhi rui ke samaan anubhav hogi।