शुक्रवार 17 नवंबर 2017 की दैनिक मुरली

17/11/17 praatahmurli om shanti "baapdaada"' madhuban

''meethe bachche vishaal buddhi ban poore vishwa ko duhkhadhaam se sukhdhaam, patit se paavan banaane ki seva karni hai, apna time safe karna hai, vyartha nahin ganvaana hai''

prashn:- is gyaan maarga mein healthy kaun hain aur unhealthy kaun hai?

uttar:- healthy woh hai jo vichaar saagar manthan karte jeevan mein ramneekta ka anubhav karta hai aur unhealthy woh hai jiska vichaar saagar manthan nahin chalta। jaise gau bhojan khaati hai to saara din ugaarti rehti hai, mukh chalta rehta hai। mukh na chale to samjha jaata hai beemaar hai, yeh bhi aise hai।

om shanti। meethe-meethe sikeeldhe bachche behad ke baap paas aate hi hain refresh hone liye kyonki bachche jaante hain behad ke baap se behad vishwa ki baadshaahi milti hai। yeh kabhi bhoolna nahin chaahiye। yeh sadaiv yaad rahe to bhi bachchon ko apaar khushi rahe। baba ne yeh badge jo banvaaye hain, ise chalte-phirte ghadi-ghadi dekhte raho। oho! bhagwan ki shreemat se ham yeh ban rahe hain। bas badge ko dekh baba, baba karte raho। to sadaiv smriti rahegi। ham baap dvaara yeh (lakshmi-naaraayan) bante hain। to baap ki shreemat par chalna chaahiye na। meethe bachchon ki badi vishaal buddhi chaahiye। saara din service ke hi khyaalaat chalte rahen। baba ko to woh bachche chaahiye jo service bigar rah na saken। tum bachchon ko saare vishwa par gheraav daalna hai arthaat patit duniya ko paavan banaana hai। saare vishwa ko duhkhadhaam se sukhdhaam banaana hai। achhe students ko dekh teacher ko bhi padhaane mein maza aata hai। tum to abhi student ke saath-saath bahut oonch teacher bane ho। jitna achha teacher, utna bahuton ko aapasmaan banaayenge। kabhi thakenge nahin। eeshvareey service mein bahut khushi rehti hai। baap ki madad milti hai। yeh bada behad ka vyaapaar bhi hai - vyaapaari log hi dhanvaan bante hain। woh is gyaan maarga mein bhi jaasti uchhalte hain। baap bhi behad ka vyaapaari hai na। sauda bada first class hai, parantu ismen bada saahas dhaaran karna padta hai। naye-naye bachche puraanon se bhi purushaartha mein aage ja sakte hain। har ek ki individual (vyaktigat) takdeer hai, to purushaartha bhi har ek ko individual karna hai। apni poori checking karni chaahiye। aisi checking karne vaale ekdam raat din purushaartha mein lag jaayenge। kahenge ham apna time vesta kyon karen, jitna ho sake time safe karen। apne se pakka pran kar dete hain, ham baap ko kabhi nahin bhoolenge। scholarship lekar hi chhodenge। aise bachchon ko phir madad bhi milti hai। aise bhi naye-naye purushaarthi bachche tum dekhenge, saakshaatkaar karte rahenge। jaise shuru mein hua vahi phir pichhaadi mein dekhenge। jitna nazdeek hote jaayenge utna khushi mein naachte rahenge। udhar khoone naahek khel bhi chalta rahega।

tum bachchon ki eeshvareey race chal rahi hai। jitna aage daudte jaayenge utna nai duniya ke nazaare bhi nazdeek aate jaayenge। khushi badhti jaayegi। jinko nazaare najdeek nahin dikhaai padte unko khushi bhi nahin hogi। abhi to kaliyugi duniya se vairaagya aur satayugi nai duniya se bahut pyaar hona chaahiye। shivbaaba yaad rahega to svarga ka varsa bhi yaad rahega। svarga ka varsa yaad rahega to shivbaaba bhi yaad rahega। tum bachche jaante ho abhi ham svarga taraph ja rahe hain, paanv narka taraph hain, sir svarga taraph hai। abhi to chhote-bade sabki vaanaprastha avastha hai। baba ko sadaiv yeh nasha rehta hai oho! ham jaakar yeh baal (michnu) krishna banoonga। jiske liye bachchiyaan in advance saugaaten bhi bhejti rehti hain। jinhon ko poora nishchay hai vahi gopikaayen saugaaten bhejti hain, unhein ateendriy sukh ki bhaasna aati hai। ham hi amarlok mein devta banenge। kalpa pahle bhi ham hi bane the phir hamne 84 punarjanma liye hain। yeh baajoli yaad rahe to bhi aho saubhaagya - sadaiv athaah khushi mein raho। badi lottery mil rahi hai। 5000 varsha pahle bhi hamne raajyabhaagya paaya tha phir kal paayenge। drama mein noondh hai। jaise kalpa pahle janma liya tha vaise hi lenge। vahi hamaare maa-baap honge। jo krishna ka baap tha vahi phir banega। aise-aise jo saara din vichaar saagar manthan karte rahenge to vo bahut ramneekta mein rahenge। vichaar saagar manthan nahin karte to goya unhealthy hain। gau bhojan khaati hai to saara din ugaarti rehti hai, mukh chalta hi rehta hai। mukh na chale to samjha jaata hai beemaar hai, yeh bhi aise hai।

behad ke baap aur daada donon ka meethe-meethe bachchon se bahut lav hai, kitna lav se padhaate hain। kaale se gora banaate hain। to bachchon ko bhi khushi ka paara chadhna chaahiye। paara chadhega yaad ki yaatra se। baap kalpa-kalpa bahut pyaar se lovely service karte hain। 5 tatvon sahit sabko paavan banaate hain। kitni badi behad ki seva hai। baap bahut pyaar se bachchon ko shiksha bhi dete rehte kyonki bachchon ko sudhaarna baap va teacher ka hi kaam hai। baap ki hai shreemat, jisse hi shreshtha banenge। jitna pyaar se yaad karenge utna shreshtha banenge। yeh bhi chart mein likhna chaahiye ham shreemat par chalte hain va apni mat par chalte hain। shreemat par chalne se hi tum accurate banenge। jitni baap se preeti buddhi hogi utni gupta khushi rahegi aur oonch banenge। apni dil se poochhna hai itni apaar khushi hamko hai! baap ko itna pyaar karte hain! pyaar karna maana hi yaad karna hai। yaad se hi ever healthy, ever wealthy banenge। purushaartha karna hota hai aur kisi ki bhi yaad na aaye। ek shivbaaba ki hi yaad ho, svadarshan chakra phirta rahe tab praan tan se nikle। ek shivbaaba doosra na koi। yahi antim mantra hai athva vasheekran mantra, raavan par jeet paane ka mantra hai।

baap samjhaate hain meethe bachche itna samay tum deh-abhimaan mein rahe ho ab dehi-abhimaani banne ki practice karo। drishti ka parivartan hona hi nishchaybuddhi ki nishaani hai। sab deh ke sambandhon ko bhool apne ko godly student samjho, aatma bhaai-bhaai ki drishti ho jaae, tab hi brahmaakumaar brahmaakumaari bhaai-behen ki drishti pakki ho jaayegi। savere-savere uthkar baap ko yaad karo - neend aa gai to kamaai mein ghaata pad jaayega। amritvele uthkar baba se meethi meethi ruhrihaan karo। baba aapne hamko kya se kya bana diya, baba kamaal hai aapki। baba aap humein athaah khajaana dete ho, vishwa ka maalik banaate ho! baba ham aapko kabhi bhool nahin sakte। bhojan khaate, kaamkaaj karte baba aapko hi yaad karenge। aise-aise pratigya karte-karte phir yaad pakki ho jaayegi। most beloved baba knowledgeful bhi hai, blissful bhi hai। number one patit se hamko number one paavan banaate hain। bas meethe-meethe baba ki yaad mein gadgad hona chaahiye। baba ko yeh sumiran kar bahut andar mein khushi hoti hai। oho! main brahma so vishnu banoonga! phir 84 janmon baad brahma banoonga! phir baba hamko vishnu banaayega। phir aadhaakalpa baad raavan patit banaayega! kitna wonderful drama hai! yeh sumiran kar sadaiv harshit rehta hoon! shivbaaba kitna laayak banaate hain। vaah takdeer vaah! aise-aise vichaar karte ekdam mastaana ho jaana chaahiye। vaah! ham svarga ke maalik bante hain! baaki ham bahut achhi service karte hain, ismen hi sirf khush nahin hona hai। pahle gupta service apni yeh (yaad ki) karte raho। ashareeri banne kara abhyaas karna hai, isse hi tumhaara kalyaan hona hai। abhyaas pad jaane se phir ghadi-ghadi tum ashareeri ho jaayenge। aaj baba khaas is par zor de rahe hain, jo yeh abhyaas karenge vahi karmaateet avastha ko pa sakenge aur oonch pad paayenge। isi avastha mein baithe-baithe baap ko yaad karte ghar chal jaayen। din-pratidin yaad ka chart badhaana chaahiye। dekhna hai tamopradhaan se satopradhaan kitne percent banen hain? kisko duhkh to nahin dete hain? kisi dehdhaari mein buddhi phansi hui to nahin hai? baap ka sandesh kitnon ko dete hain? aisa chart rakho to bahut unnati hoti rahegi। achha।

doosri murli :-

aaj tum bachchon ko sankalp, vikalpa nihsankalpa athva karma, akarma aur vikarma par samjhaaya jaata hai। jab tak tum yahaan ho tab tak tumhaare sankalp zaroor chalenge। sankalp dhaaran kie bina koi manushya ek kshan bhi rah nahin sakta hai। ab yeh sankalp yahaan bhi chalenge, satayug mein bhi chalenge aur agyaankaal mein bhi chalte hain, parantu gyaan mein aane se sankalp sankalp nahin, kyonki tum paramatma ki seva arth nimitta bane ho, to jo yagya arth sankalp chalta woh sankalp sankalp nahin, woh nirsankalpa hi hai। baaki jo phaaltu sankalp chalte hain arthaat kaliyugi sansaar aur kaliyugi mitra sambandhiyon ke prati chalte hain woh vikalpa kahe jaate hain jisse hi vikarma bante hain aur vikarmon se duhkh praapta hota hai। baaki jo yagya prati athva eeshvareey seva prati sankalp chalta hai vo goya nirsankalpa ho gaya। shuddh sankalp service prati bhale chale। dekho baba yahaan baitha hai tum bachchon ko sambhaalne arth। to is service karne arth maa baap ka sankalp zaroor chalta hai parantu yeh sankalp sankalp nahin,, isse vikarma nahin banta hai, parantu yadi kisi ka vikaari sambandh prati sankalp chalta hai to unka vikarma avashya hi banta hai। baba tumko kehta hai ki mitra-sambandhiyon ki service bhale karo parantu alaukik eeshvareey drishti se। woh moh ki rag nahin aani chaahiye। anaasakta hokar apni pharjaadaai nibhaao। parantu jo koi yahaan hote hue, karma sambandh mein hote hue unse mukta nahin ho sakta to bhi use baap ka haath nahin chhodna chaahiye। haath pakda hoga to kuchh na kuchh pad praapta kar lenge। ab yeh to harek apne ko jaante hain ki mere mein kaun-sa vikaar hai! agar kisi mein ek bhi vikaar hai to woh deh-abhimaani zaroor thahra, jismen vikaar nahin woh thahra dehi-abhimaani। kisi mein koi bhi vikaar hai to woh sajaayen zaroor khaayenge aur jo vikaaron se rahit hai ve sazaaon se mukta ho jaayenge। jaise dekho koi-koi bachche hain jinmen na kaam hai, na krodh hai, na lobh hai, na moh hai vo service bahut achhi kar sakte hain। ab unhon ki bahut gyaan vigyaanmay avastha hai, woh to tum sab bhi vote denge। ab yeh to jaise main jaanta hoon vaise tum sab jaante ho achhe ko sab achha vote denge। ab yeh nishchay karna jinmen kuchh vikaar hain vo service nahin kar sakenge। jo vikaar proof hain vo service kar auron ko aap samaan bana sakenge isliye apne oopar bahut hi sambhaal chaahiye। vikaaron par poorn jeet chaahiye। vikalpa par poorn jeet chaahiye। eeshvar arth sankalp ko nirsankalpa rakha jaayega।

vaastav mein nirsankalpata usi ko kaha jaata hai jo sankalp chale hi nahin, duhkh sukh se nyaara ho jaae woh to ant mein jab tum hisaab-kitaab chuktu kar chale jaate ho, vahaan duhkh sukh se nyaari avastha mein tab koi sankalp nahin chalta। us samay karma akarma donon se pare akarmi avastha mein rehte ho।

yahaan tumhaara sankalp zaroor chalega kyonki tum saari duniya ko shuddh banaane arth nimitta bane ho। to uske liye tumhaare shuddh sankalp zaroor chalenge। satayug mein shuddh sankalp chalne kaaran sankalp sankalp nahin, karma karte, karma nahin hota, use akarma kaha jaata hai। samjha। ab yeh karma, akarma aur vikarma ki gati to baap hi samjhaate hain। vikarmon se chhudaane vaala to ek baap hi hai jo is sangam par tumko padha rahe hain isliye bachche apne oopar bahut hi saavdhaani rakho। apne hisaab-kitaab ko bhi dekhte raho। tum yahaan aaye ho hisaab-kitaab chuktu karne। aisa to nahin yahaan aae hisaab-kitaab banaate jaao jo saza khaani pade। yeh garbhajel ki saza koi kam nahin hai। is kaaran bahut hi purushaartha karna hai। yeh manzil bahut bhaari hai isliye saavdhaani se chalna chaahiye। vikalpon ke oopar jeet paani hai zaroor। ab kitne tak tumne vikalpon par jeet paai hai, kitne tak is nirsankalpa arthaat duhkh sukh se nyaari avastha mein rehte ho, yeh tum apne ko jaan sakte ho। jo khud ko na samajh saken vo baba se poochh sakte hain kyonki tum to unke vaaris ho to woh bata sakte hain। achha !

meethe meethe sikeeldhe bachchon prati maat pita baapdaada ka yaad pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) amritvele uth baba se meethi-meethi roohrihaan karni hai, phir bhojan khaate, kaamkaaj karte baba ki yaad mein rehna hai, deh ke sambandhon ko bhool aatma bhaai-bhaai hoon, yeh drishti pakki karni hai।

2) vikalpon par jeet praapta kar duhkh sukh se nyaari nirsankalpa avastha mein rehna hai। kaaydesir sabhi vikaaron ki aahuti de yogayukta banna hai।

vardaan:- divya gunon roopi prabhu prasaad khaane aur khilaane vaale sangamayugi pharishta so devta bhav

divya gun sabse shreshtha prabhu prasaad hai। is prasaad ko khoob baanton, jaise ek do mein sneh ki nishaani sthool toli khilaate ho, aise ye gunon ki toli khilaao। jis aatma ko jis shakti ki aavashyakta hai use apni mansa arthaat shuddh vritti, vibration dvaara shaktiyon ka daan do aur karma dvaara gun moorta ban, gun dhaaran karne mein sahayog do। to isi vidhi se sangamayug ka jo lakshya hai ''pharishta so devta'' yeh sahaj sarva mein pratyaksha dikhaai dega।

slogan:- sada umang-utsaah mein rehna - yahi brahman jeevan ka saans hai।