सोमवार 12 मार्च 2018 की दैनिक मुरली

12-03-2018 praatahmurli om shanti "baapdaada"' madhuban

"meethe bachche - dehi-abhimaani ho rehna, yahi badi manzil hai, dehi-abhimaani ko hi eeshvareey sampradaay kahenge, unhein baap aur paramdham ke sivaae kuchh bhi soojhega nahin"

prashn:- kis ek baat ki dhaarna se bhavishya 21 janmon ke liye poonji jama ho jaati hai?

uttar:- shreemat par apne oopar tatha doosron par upkaar karne se। upkaar vahi kar sakta jo poora dehi-abhimaani banen, jiski buddhi shuddh ho। deh-abhimaan mein aane se apkaar ho jaata hai aur jama hui poonji khatma ho jaati hai। ghaata pad jaata hai। krodh ka bhoot bhi apkaar karaata hai isliye apna svabhaav bahut meetha banaana hai।

geet:- yeh kaun aaj aaya…

om shanti। jab paramatma baap aakarke jeev aatmaon se milte hain to jeev aatma ko apna jeevapna bhool jaata hai। unko nishchay ho jaata hai ki ham aatma hain aur parampita paramatma ki santaan hain। baaki jo kuchh ham dekhte hain yeh deh sahit deh ke sarva sambandhi aadi yeh to yaad rehna hi nahin hai। baap aate hi hain bachchon ko vaapis le jaane ke liye। tum chaunk uthte ho yeh kya hota hai। brahma ki andhiyaari raat poori ho savera hota hai। deh sahit deh ke jo bhi sambandh hain woh toot jaate hain। to chauk gaye hain ki kya ho gaya hai! yeh puraani duniya dekhne mein nahin aati। bas baap aur paramdham hi soojhta hai। yeh wonder hai na। parantu baap ko poora na pahchaanne ke kaaran, buddhiyog na lagne kaaran deh-abhimaan poora mitta hi nahin hai। unko ham bandar sampradaay kehte hain। jab dehi-abhimaani banen tab eeshvareey sampradaay kahen। bandar sampradaay ka naarad ke roop mein drishtaanta hain। woh bhi bhakta tha, jhaanjh bajaata tha। unko baap ne dikhaaya ki dekho tum bandar sampradaay ho। to dehi-abhimaani ho rehna bahut mushkil hai, badi manzil hai। bhal pavitra bante hain। aise achhe aur bure manushya to hote hi hain। ab sanyaasi gharbaar chhodte hain, pavitra bante hain। jo gharbaar nahin chhodne vaale hain grihasthi, woh jaakar unhon ko apna guru banaate hain। kaliyugi duniya ke sabhi manushya maatra naastik, nidhanke hain। he bhagwan, he parampita paramatma kah pukaarte to hain parantu unko jaante nahin ki aakhreen bhi woh kaun hai। pukaarte-pukaarte woh thak pade hain। kah dete hain eeshvar sarvavyaapi hai। bandagi bhi karte hain parantu jaante nahin। yeh to samajhne ki baat hai। bhagvaanuvaach, geeta mein bhi bhagvaanuvaach hai na - yeh hain aasuri sampradaay। bhagwan ne kyon kaha hai tum bandar misal ho? apni shakla to aaine mein dekho। bhagwan ko jaante nahin, dhoondhate rehte hain isliye manushya ko hi bhagwan milna chaahiye। dhoondhate hain parantu milte nahin। to jab bhagwan aaye tab aakar apna parichay de। geeta mein poora parichay hai। kehte hain main roodra hoon। mujh roodra ne yeh gyaan yagya racha hai। agar kahen krishna ne racha to kahe main krishna tumko raajayog sikhaata hoon। parantu krishna gyaan yagya hota hi nahin। yeh tum bachche hi jaante ho baaki to sab manushya-maatra iron aged hain। mukh se patthar hi nikaalte rehte hain। jhooth bolne vaale ke liye kehte hain inka munh kaala hai। jab sanyaas dharma ki sthaapna hoti hai, us samay srishti rajo hai। to bhaarat ko pavitrata mein thamaane liye yeh pavitra dharma ki sthaapna hoti hai। unko rajoguni sanyaasi kaha jaata hai। sanyaas zaroor karte hain parantu rajoguni। woh koi satopradhaan nahin hain। jab bhaarat kaam chita par chadhne se jalna shuru ho jaata hai tab drama mein is sanyaas ka bhi part hai। unko koi sahaj raajayog nahin kahenge। woh bhagwan ne nahin sikhaaya tha। ve to bhagwan ko hi nahin jaante। yeh badi bhaari bhool kar di hai, jo krishna ko dvaapar mein le gaye hain। baap baith bhoole hue manushyon ko samjhaate hain। parantu samjhaane mein badi refineness chaahiye। sanyaasi log kehte hain aap sanyaas dharma ki ninda karte ho। bolo aakar samjho। pahle bataao tum ninda kisko kehte ho। parampita paramatma jo sabka baap hai, geeta ka bhagwan hai, usne samjhaaya hai, krishna ne nahin। parampita paramatma ne aakar kaha hai ki yeh kaliyug ka ant hai। manushyon ki buddhi jadajdeebhoot aasuri ban gai hai। yeh hai hi patit aasuri raajya। satayug mein hai paavan daivi raajya। woh samajhte hain ham hi eeshvar hain parantu vo to hain nahin। eeshvar to sabhi ka ek hai, jisko sab yaad karte hain। yeh samajhne ki baate hain। samajhna ho to samjho। parantu samjhaane vaala bada refine chaahiye। jinmen krodh ka bhoot hoga woh kya samjha sakenge। krodh ka bhoot, moh ka bhoot, lobh ka bhoot chhote bade bhoot to hote hi hain। gandi aadte hain। achhe-achhe bachchon se bhi maaya kuchh na kuchh kara deti hai। yeh hai sab deh-abhimaan ki shaitaani। deh-abhimaan aaya to phir jaisa bandar ho jaata, phir woh mandir laayak ban na sake।

tum jaante ho mandir laayak devi-devtaayen hi bante hain। unhon ke liye hi mandir banaaya jaata hai। satayug mein to saari duniya ko shivaalay kaha jaata hai। sabhi mandir mein rehte hain। srishti hi pavitra mandir ban jaati hai। vishwa shivaalay ban jaata hai, jismen yatha raaja raani tatha praja sab pavitra rehte hain। to koi ko bada yukti se samjhaana hota hai। chooha kaatta bhi hai phir phoonk bhi deta rehta hai। unmein yeh akla hai। koi sanyaasi aadi aaye to pahle yukti se unki mahima karni chaahiye। aao sanyaasi ji aap to bahut achhe ho jo sanyaas kiya hai, gharbaar chhoda hai। tumko maaloom hai do prakaar ka sanyaas hai। ek hai gharbaar chhodne ka sanyaas, doosra hai gharbaar na chhodne ka sanyaas। grihastha vyavhaar mein rehte raajayog seekh svarga ka maalik banna hota hai। kabhi suna hai? kahenge yeh baat to koi bhi shaastra mein nahin hai। geeta mein krishna ka naam daal dvaapar mein thok diya hai, to samjhenge kaise? phir chitron par samjhaana hota hai। tumhaara hai gharbaar chhodne ka। sabhi to nahin chhodenge। pravritti maarga hai। tumne pravritti mein rehte hue phir 5 vikaaron ka sanyaas nahin kiya hai, ham kar rahe hain। hamko madad mil rahi hai parampita paramatma ki। aise grihastha vyavhaar mein rehte 5 vikaaron ka sanyaas karne se ham svarga ka maalik banenge। satayug mein devi-devtaayen pavitra the, abhi nahin hain। kaliyug ke baad phir satayug aana hai। baap hi aakar satayug sthaapan karte hain। pravritti mein rehte kamal phool samaan pavitra banaate hain। tum kehte ho aag kapoos ikatthe rah nahin sakte hain। parantu yahaan rehte hain। tumhaare paas praapti ki em object to kuchh hai nahin। behad ka baap jab aate hain tab puraani srishti ka vinaash aur nai srishti ki sthaapna ho jaati hai। yeh gyaan hamko milta hi hai nai duniya ke liye। baap kehte hain deh sahit jo bhi tumhaare sambandh aadi hain, sabko bhool apne ko dehi samajh mujhe yaad karo। yeh hamaara raajayog hai satopradhaan। ab to hai tamopradhaan, phir tamopradhaan se satopradhaan srishti zaroor banni hai। satopradhaan banaane vaala rachayita baap hi thahra। ham us behad ke baap se yeh seekh rahe hain। krishna se nahin। bhagwan ek hai। brahma vishnu shankar ko bhi devta kaha jaata hai। unse neeche tabke vaalon ko manushya kaha jaata hai। bhagwan rehte hi hain paramdham mein। ham aatmaayen bhi vahaan rehti hain। aise refineness se samjhaana hai। parantu yog poora nahin hai to dhaarna nahin hoti hai। baba jo samjhaate hain woh kisko yaad thode hi padta hai। bhal koi bachche kahe ham yaad karte hain parantu baba maante nahin। agar tum yaad karte ho to buddhi shuddh honi chaahiye aur dhaarna achhi honi chaahiye। dhaarna hai to phir karaani bhi hai। upkaar karna hai। tum jaante ho baap aakar sab par upkaar karte hain। maaya raavan apkaar karte hain। baap aakar ek hi baar itna upkaar karta hai jo 21 janma hamaara upkaar ho jaata hai। upkaar kaho athva kripa, aasheervaad aadi jo kaho dvaapar mein phir akripa shuru ho jaati hai। raavan apkaar karte hain। shreemat se hi tum koi ka bhi upkaar kar sakenge। phir deh-abhimaani bana to apkaar karna shuru kar denge। upkaar karne se bhavishya 21 janmon ke liye poonji jama hoti hai। apkaar karne se jo jama hua hota woh bhi khatma ho jaata hai। jabki upkaar karna jaante hain to karna hai। upkaar karna nahin jaante hain to zaroor apkaar hi karenge, aasuri mat par। manushya har ek, ek do par apkaar hi karte hain। kaam kataari chalaate hain। baap ko bhoola, upkaar karna bhoola to woh phir apkaari zaroor banega। second mein upkaar, second mein phir apkaar kar dete hain। achhe-achhe bachche kitne upkaari the। upkaar karne ki shiksha jaante the। apne oopar bhi upkaar karte the, to auron par bhi karte the। phir maaya ke chakra mein aakar bhaaganti ho gaye। apkaari ban pade। kitna apkaar karte hain। manushya samajhte hain kuchh to hoga jo bhaage hain। ham phir kaise jaayen। ulti sulti bakvaad jaakar karte hain। goya jo upkaar karke khaata jama kiya so phir apkaar karke apne khaate ko mitti mein mila diya। aise bahut hue hain aur hote rahenge। dekho jisne upkaar kiya vahi phir deh-abhimaan mein aane se apkaari ban pada। manushya, manushya par apkaar hi karte hain। upkaar koi kar na sake, jab tak shreemat par na chale। apkaar karaane vaali raavan mat hai। abhi-abhi shreemat, abhi-abhi raavan mat par chal padte hain। krodh ka bhoot aaya aur apkaar kar liya। baap par apkaar ka kalank laga diya। ninda kara di। baap kya kahenge, eeshvareey aulaad aise hote hain! woh phir dil se utar jaate hain। koi ka bhoot nikal jaata hai to phir mahima bhi karte hain। krodh bahut kharaab hai isliye baba hamesha kehte hain meethe temper (svabhaav) vaale bano। krodhi temper agyaan hai। baap samjhaate hain mamatva ko bilkul chhodna hai। mamatva tootte-tootte jab ant ka samay aayega tab sampoorn banenge। race hai na। bachche jaante hain mama baba pahle pahunchte hain। to unki mat par chal follow karna chaahiye। dhaarna karni chaahiye। mo baap ke dil par chadhenge to takhta par bhi baithenge। apne se poochhna hai ki ham lakshmi ko varne arthaat mo baap ke takhta par baithne laayak bane hain। agar samajhte hain hamaare mein krodh hai to woh kabhi dil par chadh na saken। na bhavishya mein mahaaraaja mahaaraani banenge। kadam-kadam shreemat par chalna hai। agar traitor ban pade to jaakar chandaal banenge। hoobhu kalpa pahle vaali baaten baba roz-roz sunaate rehte hain। unmein kahaan bhi farka nahin pad sakta। kitna gyaan ka nasha rehna chaahiye। parantu jo service par honge unko rahega jo jaisi service karte hain, unko phal zaroor milta hai। number one hai knowledge dena। usmein bahuton ko sukh de chakravarti banaana hai। auron ko banaayenge, service ki yuktiyaan to bahut achhi bataai jaati hai। kahaan bhi service ho sakti hai। phir karke 100 mein se ek jagega। mehnat ka kaam hai।

aise-aise raat din baba ka vichaar saagar manthan chalta hai। anek prakaar ke vichaar chalte hain। kitne vighna padte hain। vishwa ko pavitra svarga banaana hai। uske liye athaah khyaalaat chalte hain। khyaalaat karte-karte raat se subah ho jaati hai isliye gaaya hua hai - neend ko jeetne vaale...baba ko kabhi-kabhi to neend hi nahin aati। bachchon ko vishwa ka maalik banaana hai to itna phikar rehta hai। tum bachchon ko bhi itna phikar rehna chaahiye ki ham shreemat par kahaan tak chalte hain। baapdaada sang ham bachchon ko hi kulha (kandha) dena hai। saari puraani duniya ko ravaana karna hai। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kabhi bhi raavan ki mat par chal deh-abhimaan mein aakar baap ka apkaar nahin karna hai, ninda nahin karaani hai। shreemat par apna tatha sarva ka upkaar karna hai।

2) krodh ka bhoot pravesh hone nahin dena hai। bahut meetha svabhaav banaana hai। yukti se seva karni hai।

vardaan:- apne shubh bhaavna ke sankalp se har aatma mein utsaah bharne vaale sachche sevaadhaari bhav

aap bachchon ki shubh bhaavna hai ki har aatma baap se praapti ki anchali le leve, isi shubh bhaavna ka phal un aatmaon ko anubhav karne ka bal milta hai। shubh bhaavna ke sankalp mein bahut badi shakti hai jo chaaron or ke vaataavran ko badal deti hai। to sachche sevaadhaari woh hain jo svayan bhi utsaah mein rehte hain aur seva bhi utsaah se karte hain aur anya aatmaon mein bhi baap ke parichay dvaara utsaah bharte hain। utsaah aisi cheez hai jo uske aage paristhiti kuchh bhi nahin hai, woh vaar karne ke bajaae balihaar ho jaati hai।

slogan:- baapdaada se atoot pyaar ho to eeshvareey maryaadaaon par chalna sahaj anubhav karenge।