सोमवार 18 मार्च 2019 की दैनिक मुरली

18-03-2019 praatahmurli om shanti "baapdaada"' madhuban

“meethe bachche - satya sunaane vaala ek baap hai, isliye baap se hi suno, manushyon se nahin, ek baap se sunne vaala hi gyaani hai''

prashn:- jo aatmaayen apne devi-devta gharaane ki hongi, unki mukhya nishaani kya hogi?

uttar:- unhein yeh gyaan bahut achha aur meetha lagega। woh manushya mat ko chhod eeshvareey mat par chalne lag padenge। buddhi mein aayega ki shreemat se hi ham shreshtha banenge। abhi yeh purooshottam sangamayug chal raha hai, humein hi uttam puroosh banna hai।

om shanti। meethe-meethe roohaani bachche aatma-abhimaani bhav। deh ka abhimaan chhod apne ko aatma samjho। yeh bhi jaante ho paramatma ek hai। brahma ko paramatma nahin kaha jaata hai। brahma ke 84 janmon ki kahaani ko tum jaante ho। unka yeh hai antim janma। mujhe aana bhi ismen hi hota hai, jisne poore 84 janma liye hain, unko hi bataata hoon। tum 84 janmon ko nahin jaante ho, main hi tumko bataata hoon। pahle-pahle tum yeh devi-devta the। ab yeh banne liye phir purooshaartha karna hai। punarjanma to pahle janma se hi shuru hota hai। ab baap kehte hain - main jo tumko sunaata hoon, woh hai right। baaki jo kuchh tumne suna hai, woh hai wrong। mujhe kehte hain truth, satya bolne vaala। main satya dharma ki sthaapna karne aata hoon। kaha jaata hai sach to bitho nach arthaat sachche ho to khushi mein dance karo। yeh hai gyaan dance। vo log krishna ko dikhaate hain - murli bajaai, raas kiya। woh hain sach khanda ke maalik। lekin inko bhi banaane vaala kaun? sach-khanda ki sthaapna karne vaala kaun? woh hai sachkhanda, yeh hai jhooth khanda। bhaarat sachkhanda tha, jab in lakshmi-naaraayan ka raajya tha, us samay aur koi khanda nahin tha। manushya yeh nahin jaante ki svarga kahaan hai? koi marte hain to kehte hain svargavaasi hua। baap samjhaate hain tum ulte latak pade ho। maaya ke adheen ho pade ho। ab tumko baap aakar sulta banaate hain। tum jaante ho bhakton ko bhakti ka phal dene vaala hai bhagwan। is samay sab bhakti mein hain। jo bhi shaastra aadi hain, sab hain bhakti maarga ke। yeh geet gaana aadi sab hai bhakti maarga। gyaan maarga mein bhajan hota nahin। tum jaante ho hamko aavaaz se pare jaana hai, vaapis jaana hai। baap kehte hain - meethe bachchon, mukh se ‘he bhagwan' bhi kabhi nahin kehna। yeh bhi bhakti maarga hai। kaliyug ke ant tak bhakti maarga chalta hai। ab yeh hai purooshottam sangamayug, jabki baap aakar gyaan se tumko uttam puroosh banaate hain। tum ek eeshvareey mat par chalo। jo eeshvar kehte hain woh right। baba manushya tan mein aakar sunaate hain - tum kitne samajhdaar the, ab kitna besmajh ban pade ho। tum golden ej mein the, ab iron ej mein aa gaye ho। yahaan ka jo hoga unko yeh gyaan bahut achha lagega। yahaan vaalon ko meetha lagega। yeh baba khud bhi geeta padhte the। baba mila to sab-kuchh chhod diya। guru bhi bahut kiye। baap ne kaha - yeh sab bhakti maarga ke guru hain। gyaan maarga ka guru main ek hi hoon। gyaan jab mere se sunen tab unko gyaani kah sakte hain। baaki sab hain bhakta। shreemat hi shreshtha hai, baaki sab hai manushya mat, yeh hai eeshvareey mat। woh hai raavan mat, yeh hai bhagwan ki mat। bhagvaanuvaach - tum kitne mahaan bhaagyashaali ho, isliye tumhaara heere jaisa janma abhi hai। angoothi mein bhi heera beech mein daalte hain। maala mein oopar phool hota hai, phir meru। naam bhi hai Adam-beebi। tum kahenge mama-baba। aadi dev aur aadi devi, yeh hain sangam ke। sangamayug hi sabse uttam hai, jabki is raajya ki sthaapna ho rahi hai। tum bachchon ko 16 kala sampoorn yahaan banna hai। puraani duniya ko naya banaane baap aate hain। is duniya ka duration kitna hai - yeh bhi tum bachchon ke sivaae koi nahin jaante। laakhon varsha kah dete hain। yeh sab hain jhoothi baaten। jhoothi maaya, jhoothi kaaya… kaha jaata hai। sachchi-sachchi hai hi nai duniya। yeh hai jhooth khanda। phir jhoothkhanda ko sachkhanda banaana baap ka hi kaam hai। baap kehte hain bhakti maarga mein jo kuchh padha hai, woh sab bhoolo। yeh hai tumhaara behad ka vairaagya। vo to sirf gharbaar chhod phir is duniya mein, jangal mein chale jaate hain। yeh bhi drama mein noondh hai। kyon ka savaal nahin uthta। yeh to bana-banaaya khel hai। tum bachchon ko baap samjhaate hain, aise-aise hota hai। aur jo bhi dharma vaale hain woh svarga mein nahin aa sakte। bauddha dynasty, Christian dynasty koi bhi svarga mein nahin aate hain। woh peechhe aate hain। pahle-pahle hai deity dynasty, phir ibraaham, buddha, Christ aakar apna dharma sthaapan karte hain। baba purooshottam sangamayug par aakarke yeh deity dynasty sthaapan karte hain।

koi bhi aatma aati to garbha mein hi hai। chhota bachcha so bada hua। shivbaaba to chhota-bada nahin hota। na woh garbha se janma leta hai। buddha ki aatma ne pravesh kiya, buddha dharma pahle to hota nahin। zaroor yahaan ke koi manushya mein pravesh karenge। phir garbha mein to zaroor jaayenge। buddha dharma ek ne hi sthaapan kiya phir unke peechhe aur aate gaye। phir vriddhi hoti gai। jab laakhon ho jaate hain to phir raajaai chalti hai। bauddhiyon ka bhi raajya tha, baap samjhaate hain yeh sab peechhe aate hain। inko guru nahin kaha jaata hai। guru hota hai ek। woh to apne dharma ki sthaapna kar phir neeche aa jaate hain। baap ne sabko oopar bhej diya tha phir muktidhaam se ek-ek karke neeche aate hain। tum bhi jeevanmukti se neeche aate ho। vaise woh phir mukti se neeche aate hain। unki mahima kaahe ki। gyaan to us samay praayahlop ho jaata hai। baap gyaan dete hain gati-sadgati ke liye। woh garbha mein nahin aate, ismen baithe hain, inka doosra naam nahin। auron ke shareeron ka naam hai। yeh hai hi param aatma। yeh gyaan ka saagar hai। yeh gyaan pahle aadi sanaatan devi-devta dharma vaali aatmaon ko milta hai kyonki unhein hi bhakti ka phal milna hai। bhakti tum hi shuru karte ho। tumko hi phal deta hoon। baaki doosre sab hain by-plot। woh 84 janma bhi nahin lete hain। baap samjhaate hain - bachche, tum ab dehi-abhimaani bano। vahaan bhi samajhte hain - ek shareer chhod doosra lenge, duhkh ki baat nahin। vikaaron ki baat nahin। vikaar hote hain raavan raajya mein। woh hai nirvikaari duniya। tum samjhaayenge phir bhi maante nahin hain। kalpa pahle misal jo maante hain, vahi pad paate hain, jo nahin maante hai woh nahin paate hain। satayug mein sabhi pavitra, sukh, shanti mein rehte hain। sab manokaamnaayen 21 janma ke liye poori ho jaati hain। satayug mein koi kaamna nahin। anaaj aadi sab-kuchh athaah mil jaata hai। yeh baambe pahle nahin thi। devtaayen khaare jameen par nahin rehte hain। meethi nadiyaan jahaan thi, vahaan devtaayen the। manushya thode the, ek-ek ko bahut jameen hoti hai। dikhaate hain - sudaama ne do mutthi chaaval diye, mahal mil gaye। manushya daan punya karte hain eeshvar arth। ab woh koi bhikhaari hai kya? eeshvar to daata hai। samajhte hain eeshvar doosre janma mein bahut kuchh dega। tum do mutthi dete ho, nai duniya mein bahut kuchh lete ho। tum kharcha karke centre aadi banaate ho, sabko shiksha mile। apna dhan kharcha karte ho phir raajaai bhi tum hi lete ho। baap kehte hain main hi tumko apna parichay deta hoon। mera parichay koi ko hai nahin। na main kis tan mein aata hoon। main aata hi ek baar hoon। jab patit duniya ko change karna hai। main hoon hi patit-paavan। mera part hi sangamayug par hai, so bhi accurate samay par aata hoon। tumko yeh thode hi pata padta hai ki shivbaaba inmen kab pravesh hota hai। krishna ki tithi taareekh, minute, ghadiyaan likhte hain। inka koi minute aadi nahin nikaal sakte। yeh brahma bhi nahin jaante the। jab knowledge sunaai tab maaloom pada। kashish hoti hai। ismen to kat chadhi hui thi। jab parampita paramatma ne pravesh kiya to tumko kashish hui aur tum bhaage। koi bhi tumne parvaah nahin ki। baap kehte hain main to sampoorn pavitra hoon। tum aatmaon par kat chadhi hui hai, ab woh kaise nikle? drama mein sab aatmaon ko apna-apna part mila hua hai। yeh bahut guhya baat hain। aatma kitni chhoti hai। divya drishti ke bigar unko koi dekh na sake। baap aakar tumko gyaan ka teesra netra dete hain। tum jaante ho ham aatmaon ko hi baap padhaate hain। bhakti maarga mein to gyaan hai aate mein namak। jaise bhagvaanuvaach akshar right hai, phir krishna kahne se wrong ho jaata hai। manamnaabhav akshar theek hai parantu arth nahin samajhte। maamekam akshar right hai। yeh hai geeta ka epoch (yug)। bhagwan is samay hi is rath mein aate hain, unhonne dikhaaya hai ghoda gaadi। usmein krishna baitha hai। ab kahaan bhagwan ka yeh rath, kahaan ghoda gaadi! kuchh bhi samajhte nahin। yeh behad ke baap ka ghar hai। baap sab aatmaon (bachchon) ko 21 janmon ke liye health, wealth, happiness dete hain। yeh bhi anaadi avinaashi bana banaaya drama hai। kab shuru hua, kah nahin sakte। chakra phirta hi rehta hai। is sangam ka to kisko maaloom hi nahin। baap batlaate hain yeh drama 5 hajaar varsha ka hai। aadha mein sooryavanshi-chandravanshi, aadha mein arthaat 2500 varsha mein baaki aur sab dharma। tum jaante ho satayug mein hai hi viceless world। tum abhi yogbal se vishwa ki raajaai lete ho। Christian log khud samajhte hain - hamko koi prer raha hai, jo ham vinaash ke liye yeh sab kuchh banaate hain। kehte hain ham aise bombs banaate hain jo ek duniya to kya 10 duniya khatma kar sakte hain। baap kehte hain main heaven sthaapan karne aaya hoon। baaki vinaash to yeh karenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) behad ka vairaagi ban jo kuchh ab tak bhakti mein padha va suna hai, woh sab bhoolna hai। ek baap se sunkar, unki shreemat se svayan ko shreshtha banaana hai।

2) jaise baap sampoorn pavitra hai, us par koi kat (junk) nahin। aise pavitra banna hai। drama ke har paartadhaari ka accurate part hai, is guhya rahasya ko bhi samajhkar chalna hai।

vardaan:- avinaashi aur behad ke adhikaar ki khushi va nashe dvaara sada nishchitan bhav

duniya mein bahut mehnat karke adhikaar lete hain, aapko bina mehnat ke adhikaar mil gaya। bachcha banna arthaat adhikaar lena। “vaah main shreshtha adhikaari aatma'', is behad ke adhikaar ke nashe aur khushi mein raho to sada nishchitan rahenge। yeh avinaashi adhikaar nishchit hi hai। jahaan nishchit hota hai vahaan nishchitan hote hain। apni sarva jimmevaariyaan baap havaale kar do to sab chintaaon se mukta ho jaayenge।

slogan:- jo udaarchit, vishaaldil vaale hain vahi ekta ki neenv hain।