बुधवार 3 जुलाई 2019 की दैनिक मुरली

03-07-2019 praatahmurli om shanti "baapdaada"' madhuban

“meethe bachche - is shareer ko na dekh aatma ko dekho, apne ko aatma samajh aatma se baat karo, is avastha ko jamaana hai, yahi oonchi manzil haiˮ

prashn:- tum bachche baap ke saath oopar (ghar mein) kab jaayenge?

uttar:- jab apvitrata ki maatra rinchak bhi nahin rahegi। jaise baap pure hai aise tum bachche bhi pure banenge tab oopar ja sakenge। abhi tum bachche baap ke sammukh ho। gyaan saagar se gyaan sun-sun kar jab full ho jaayenge, baap ko knowledge se khaali kar denge phir woh bhi shant ho jaayenge aur tum bachche bhi shantidham mein chale jaayenge। vahaan gyaan tapakna band ho jaata। sab kuchh de diya phir unka part hai silence ka।

om shanti। shiv bhagvaanuvaach। jab shiv bhagvaanuvaach kaha jaata hai to samajh jaana chaahiye - ek shiv hi bhagwan va parampita hai। unko hi tum bachche va aatma yaad karti ho। parichay to mila hai rachta baap se। yeh to zaroor hai nambarvaar purooshaartha anusaar hi yaad karte honge। sab ekras yaad nahin karenge। yeh bahut sookshm baat hai। apne ko aatma samajh doosre ko bhi aatma samjhen, yeh avastha jamaane mein time lagta hai। woh manushya log to kuchh bhi nahin jaante। na jaanne kaaran sarvavyaapi kah dete। jis prakaar tum bachche apne ko aatma samajhte ho, baap ko yaad karte ho, aise aur koi yaad nahin kar sakte honge। koi bhi aatma ka yog baap ke saath hai nahin। yeh baate hain bahut guhya, maheen। apne ko aatma samajh baap ko yaad karna hai। kehte bhi hain ham bhaai-bhaai hain to aatma ko hi dekhna chaahiye। shareer ko nahin dekhna chaahiye। yeh bahut badi manzil hai। bahut hain jo baap ko kabhi yaad bhi nahin karte honge। aatma par mail chadhi hui hai। mukhya aatma ki hi baat hai। aatma hi ab tamopradhaan bani hai, jo satopradhaan thi - yeh aatma mein gyaan hai। gyaan ka saagar paramatma hi hai। tum apne ko gyaan saagar nahin kahenge। tum jaante ho hamko baba se poora hi gyaan lena hai। woh apne paas rakhkar kya karenge। avinaashi gyaan ratnon ka dhan to bachchon ko dena hi hai। bachche nambarvaar purooshaartha anusaar uthaane vaale hain। jo jaasti uthaate hain vahi achhi service kar sakte hain। baba ko gyaan saagar kaha jaata hai। woh bhi aatma, tum bhi aatmaayen। tum aatmaayen saara gyaan le leti ho। jaise woh ever pure hai, tum bhi ever pure banenge। phir jab apvitrata ki rinchak bhi nahin rahegi tab oopar chale jaayenge। baap yaad ke yaatra ki yukti sikhlaate hain। yeh to jaante hain saara din yaad nahin rehti hai। yahaan tum bachchon ko baap sammukh baith samjhaate hain, aur bachche to sammukh nahin sunte। murli padhte hain। yahaan tum sammukh ho। apne ko aatma samajh baap ko yaad karo aur gyaan bhi dhaaran karo। hamko baap jaisa sampoorn gyaan saagar banna hai। full knowledge samajh jaayenge to jaise ki baap ko knowledge se khaali kar denge phir woh shant ho jaayenge। aise nahin, unke andar gyaan tapakta hoga। sab kuchh de diya phir unka part raha silence ka। jaise tum silence mein rahenge to gyaan thode hi tapkega। yeh bhi baap ne samjhaaya hai aatma sanskaar le jaati hai। koi sanyaasi ki aatma hogi to chhotepan mein hi unko shaastra kantha ho jaayenge। phir unka naam bahut ho jaata hai। ab tum to aaye ho nai duniya mein jaane liye। vahaan to gyaan ke sanskaar nahin le aa sakte। yeh sanskaar merge ho jaate hain। baaki aatma ko apni seat leni hai nambarvaar purooshaartha anusaar। phir tumhaare shareeron par naam padte hain। shivbaaba to hai hi niraakaar। kehte hain main in organs ka loan leta hoon। woh to sirf sunaane hi aate hain। woh koi ka gyaan sunenge nahin kyonki svayan gyaan ka saagar hai na। sirf mukh dvaara hi woh mukhya kaam karte hain। aate hi hain sabko raasta bataane। baaki sunkar kya karenge। woh sadaiv sunaate hi rehte hain ki aise-aise karo। saare jhaad ka raaz sunaate hain। tum bachchon ki buddhi mein hai ki nai duniya to bahut chhoti hogi। yeh puraani duniya to kitni badi hai। saari duniya mein kitni light jalti hai। light dvaara kya-kya hota hai। vahaan to duniya bhi chhoti, light bhi thodi hogi। jaise ek chhota-sa gaanv hoga। abhi to kitne bade-bade gaanv hain। vahaan itne nahin honge। thode mukhya-mukhya achhe raaste honge। 5 tatva bhi vahaan satopradhaan ban jaate hain। kabhi chanchalta nahin karte। sukhdhaam kaha jaata hai। uska naam hi hai heaven। aage chalkar tum jitna nazdeek aate rahenge utna vriddhi ko paate rahenge। baap bhi saakshaatkaar karaate rahenge। phir us samay ladaai mein bhi lashkar ki athva aeroplane aadi ki darkaar nahin rahegi। woh to kehte ham yahaan baithe sabko khatma kar sakte hain। phir yeh aeroplane aadi thode hi kaam mein aayenge। phir yeh chandrama aadi mein plat aadi dekhne bhi nahin jaayenge। yeh sab phaaltu science ka ghamanda hai। kitna show kar rahe hain। gyaan mein kitni silence hai isko eeshvareey dot (den) kehte hain। science mein to hangaama hi hangaama hai। woh shanti ko jaante hi nahin।

tum samajhte ho vishwa mein shanti to nai duniya mein thi, woh hai sukhdhaam। abhi to duhkh-ashaanti hai। yeh bhi samjhaana hai tum shanti chaahte ho, kabhi ashaanti ho hi nahin, woh to hai shantidham aur sukhdhaam mein। svarga to sab chaahte hain। bhaaratvaasi hi vaikuntha svarga ko yaad karte hain। aur dharma vaale vaikuntha ko yaad nahin karte। woh sirf shanti ko yaad karenge। sukh ko to yaad kar na saken। law nahin kehta। sukh ko to tum hi yaad karte ho isliye pukaarte ho humein duhkh se liberate karo। aatmaayen asul shantidham mein rahne vaali hain। yeh bhi koi jaante thode hi hain। baap samjhaate hain tum besmajh the। kab se besmajh banen? 16 kala se 12-14 kala bante jaate, maana besmajh bante jaate। abhi koi kala nahin rahi hai। conference karte rehte hain। striyon ko duhkh kyon hai? are, duhkh to saari duniya mein hai। athaah duhkh hain। ab vishwa mein shanti kaise ho? ab to dher ke dher dharma hain। saare vishwa mein shanti to ab ho na sake। sukh ko to jaante hi nahin। tum bachchiyaan baith samjhaayengi is duniya mein anek prakaar ke duhkh hain, ashaanti hai! jahaan se ham aatmaayen aai hain woh hai shantidham aur jahaan yeh aadi sanaatan devi-devta dharma tha, woh tha sukhdhaam। aadi sanaatan hindu dharma nahin kahenge। aadi maana praacheen। woh to satayug mein tha। us samay sab pavitra the। woh hai hi nirvikaari duniya, vikaar ka naam nahin। farka hai na। pahle-pahle to nirvikaareepna chaahiye na isliye baap kehte hain meethe-meethe bachchon, kaam par jeet pahno। apne ko aatma samjho। abhi aatma apvitra hai, aatma mein khaad padi hai tab jevar bhi aise bane hain। aatma pavitra to jevar bhi pavitra hoga, unko hi viceless world kaha jaata hai। bad ka misaal bhi tum de sakte ho। saara jhaad khada hai, foundation hai nahin। yeh aadi sanaatan devi-devta dharma hai nahin aur sab khade hain। sab apvitra hain, inko kaha jaata hai manushya। woh hain devtaayen। main manushya ko devta banaane aaya hoon। 84 janma bhi manushya lete hain। seedhi dikhaani hai ki tamopradhaan bante hain to hindu kah dete hain। devta kah na saken kyonki patit hain। drama mein yeh raaz hai na। nahin to hindu dharma koi hai nahin। aadi sanaatan ham hi devi-devta the। bhaarat hi pavitra tha, ab apvitra hai। to apne ko hindu kahlaate hain। hindu dharma to koi ne sthaapan kiya nahin hai। yeh bachchon ko achhi reeti dhaaran kar samjhaana hai। aajkal to itna time bhi nahin dete hain। kam se kam aadha ghanta den tab point sunaai jaae। point to dher hain। phir unse mukhya-mukhya sunaai jaati hain। padhaai mein bhi jaise-jaise padhte jaate hain to phir halki padhaai alpha-be aadi thode hi yaad rehti hai। woh bhool jaati hai। tumko bhi kahenge abhi tumhaara gyaan badal gaya hai। are, padhaai mein oopar chadhte jaate hain to pahli padhaai bhoolti jaati hai na। baap bhi hamko nitya nai-nai baaten sunaate hain। pahle halki padhaai thi, ab baap guhya-guhya baaten sunaate rehte hain। gyaan ka saagar hai na। sunaate-sunaate phir pichhaadi mein do akshar kah dete alpha ko samjha to bhi kaaphi hai। alpha ko jaanne se be ko jaan hi lenge। itna sirf samjhaao to bhi theek hai। jo jaasti gyaan nahin dhaaran kar sakte woh oonch pad bhi pa nahin sakte। paas with honour ho na saken। karmaateet avastha ko pa na saken, ismen badi mehnat chaahiye। yaad ki bhi mehnat hai। gyaan dhaaran karne ki bhi mehnat hai। donon mein sab hoshiyaar ho jaaen so bhi to ho na saken। raajdhaani sthaapan ho rahi hai। sab nar se naaraayan kaise banenge। is geeta paathshaala ki em object to yeh hai। vahi geeta gyaan hai। woh bhi kaun dete hain, yeh to sivaae tumhaare koi jaante hi nahin। abhi hai kabristaan phir paristaan hone ka hai।

abhi tumhein gyaan chita par baith pujaari se poojya zaroor banna hai। science vaale bhi kitne hoshiyaar hote jaate hain। invention nikaalte rehte hain। bhaaratvaasi har baat ka akla vahaan se seekhkar aate hain। woh bhi pichhaadi mein aayenge to itna gyaan uthaayenge nahin। phir vahaan bhi aakar yahi engineering aadi ka kaam karenge। raaja-raani to ban na sake, raaja-raani ke aage service mein rahenge। aisi-aisi invention nikaalte rahenge। raaja raani bante hi hain sukh ke liye। vahaan to sab sukh mil jaane hain। to bachchon ko purooshaartha poora karna chaahiye। full paas hokar karmaateet avastha ko paana hai। jaldi jaane ka khyaal nahin aana chaahiye। abhi tum ho eeshvareey santaan। baap padha rahe hain। yeh mission hai manushyon ko change karne ki। jaise bauddhiyon ki, Christian ki mission hoti hain na। krishna aur Christian ki bhi raas milti hai। unhon ke len-den ka bhi bahut connection hai। jo itni madad karte hain, unki bhaasha aadi chhod dena yeh bhi ek insult hai। woh to aate hi peechhe hain। na bahut sukh, na bahut duhkh uthaate। saari invention ve log nikaalte hain। yahaan bhal koshish karte hain parantu accurate kabhi bana nahin sakenge। vilaayat ki cheej achhi hoti hai। honesty se banaate hain। yahaan to dis-honesty se banaate hain, athaah duhkh hain। sabke duhkh door karne vaala ek baap ke sivaae aur koi manushya ho na sake। bhal kitni bhi conference karte hain, vishwa mein shanti ho, dhakka khaate rehte hain। sirf maataaon ke duhkh ki baat nahin, yahaan to anek prakaar ke duhkh hain। saari duniya mein jhagde maaraamaari ki hi baat hai। paai-paise ki baat par maaraamaari kar dete hain। vahaan to duhkh ki baat nahin hoti। yeh bhi hisaab nikaalna chaahiye। ladaai kabhi bhi shuru ho sakti hai। bhaarat mein raavan jab se aata hai to pahle-pahle ghar mein ladaai shuru hoti hai। juda-juda ho jaate hain, aapas mein lad marte hain phir baahar vaale aate hain। pahle British thode hi the phir woh aakar beech mein rishvat aadi dekar apna raajya kar lete hain। kitna raat-din ka farka hai। naya koi bhi samajh na sake। nai knowledge hai na, jo phir praayah lop ho jaati hai। baap knowledge dete hain phir woh gum ho jaati hai। yeh ek hi padhaai, ek hi baar, ek hi baap se milti hai। aage chal tum sabko saakshaatkaar hote rahenge ki tum yeh banenge। parantu us samay kar hi kya sakenge। unnati ko pa nahin sakenge। result nikal chuki phir transfer hone ki baat ho jaayegi। phir royenge, peetenge। ham badli ho jaayenge nai duniya ke liye। tum mehnat karte ho, jaldi chaaron taraph aavaaz nikal jaaye। phir aapehi centres par bhaagte rahenge। parantu jitna deri hoti jaayegi, tu let hote rahenge। phir kuchh jama nahin hoga। paise ki darkaar nahin rahegi। tumko samjhaane liye yeh badge hi kaaphi hai। yeh brahma so vishnu, vishnu so brahma। yeh badge aisa hai jo sab shaastron ka tanta (saar) ismen hai। baba badge ki bahut mahima karte hain। woh samay aayega jo yeh tumhaare badge sab naynon par rakhte rahenge। manamnaabhav, ismen hai - mujhe yaad karo to yeh banenge। phir yahi 84 janma lete hain। punarjanma na lene vaala ek hi baap hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1. yaad ki mehnat aur gyaan ki dhaarna se karmaateet avastha ko paane ka purooshaartha karna hai। gyaan saagar ki sampoorn knowledge svayan mein dhaaran karni hai।

2. aatma mein jo khaad padi hai use nikaal sampoorn viceless banna hai। rinchak maatra bhi apvitrata ka ansh na rahe। ham aatma bhaai-bhaai hain… yeh abhyaas karna hai।

vardaan:- purity ki royalty dvaara shreshtha jeevan ki jhalak dikhaane vaale visheshta sampanna bhav

brahman jeevan ki visheshta hai purity ki royalty। jaise royal family vaalon ke chehre aur chalan se maaloom padta hai ki yeh koi royal kul ka hai, aise brahman jeevan ki parakh purity ki jhalak se hoti hai। purity ki jhalak chalan aur chehre se tab dikhaai degi jab sankalp mein bhi apvitrata ka naam nishaan na ho। pavitrata sirf brahmacharya vrat nahin lekin kisi bhi vikaar arthaat ashuddhi ka prabhaav na ho tab kahenge visheshta sampanna brahman aatma।

slogan:- jo sva ka darshan karte hain vahi sada prasannachit, sarva praapti ke adhikaari rehte hain।