रविवार 11 अगस्त 2019 की दैनिक मुरली

11-08-19 praatahmurli om shanti ''avyakt-baapdaada'' revise 14-01-85 madhuban

shubh chintak banne ka aadhaar svachintan aur shubh chintan

aaj baapdaada chaaron or ke vishesh bachchon ko dekh rahe hain। kaun se vishesh bachche hain jo sada svachintan, shubh chintan mein rahne ke kaaran sarva ke shubh chintak hain। jo sada shubh chintan mein rehta hai woh svatah hi shubhchintak ban jaata hai। shubh chintan aadhaar hai - shubh chintak banne ka। pahla kadam hai svachintan। svachintan arthaat jo baapdaada ne ‘main kaun' ki paheli bataai hai usko sada smriti swaroop mein rakhna। jaise baap aur daada jo hai jaisa hai vaisa usko jaanna hi yathaartha jaanna hai aur donon ko jaanna hi jaanna hai। aise sva ko bhi jo hoon jaisa hoon arthaat jo aadi anaadi shreshtha swaroop hoon, us roop se apne aapko jaanna aur usi svachintan mein rehna isko kaha jaata hai svachintan। main kamjor hoon, purushaarthi hoon lekin saphalta swaroop nahin hoon, maayaajeet nahin hoon, yeh sochna svachintan nahin kyonki sangamayugi purushottam braahman aatma arthaat shaktishaali aatma। yeh kamjori va purushaarthaheen va dheela purushaartha deh-abhimaan ki rachna hai। sva arthaat aatma-abhimaani, is sthiti mein yeh kamjori ki baaten aa nahin sakteen। to yeh deh-abhimaan ki rachna ka chintan karna, yeh bhi svachintan nahin। svachintan arthaat jaisa baap vaise main shreshtha aatma hoon। aisa svachintan vaala shubh chintan kar sakta hai। shubh chintan arthaat gyaan ratnon ka manan karna। rachta aur rachna ke guhya ramneek raajon mein raman karna। ek hai sirf repeat karna, doosra hai gyaan saagar ki lahron mein lahraana arthaat gyaan khajaane ke maalikpan ke nashe mein rah sada gyaan ratnon se khelte rehna। gyaan ke ek-ek amoolya bol ko anubhav mein laana arthaat svayan ko amoolya ratnon se sada mahaan banaana। aisa gyaan mein raman karne vaala hi shubh chintan karne vaala hai। aisa shubh chintan vaala svatah hi vyartha chintan parchintan se door rehta hai। svachintan, shubh chintan karne vaali aatma har second apne shubh chintan mein itna busy rehti hai jo aur chintan karne ke liye second va shvaans bhi phursat ka nahin isliye sada parchintan aur vyartha chintan se sahaj hi safe rehta hai। na buddhi mein sthaan hai, na samay hai। samay bhi shubh chintan mein laga hua hai, buddhi sada gyaan ratnon se arthaat shubh sankalpon se sampanna arthaat bharpoor hai। doosra koi sankalp aane ki margin hi nahin, isko kaha jaata hai shubh chintan karne vaala। har gyaan ke bol ke raaz mein jaane vaala। sirf saaz ke maze mein rahne vaala nahin। saaz arthaat bol ke raaz mein jaane vaala। jaise sthool saaz bhi sunne mein bahut achhe lagte hain na। aise gyaan murli ka saaz achha bahut lagta hai lekin saaz ke saath raaz samajhne vaale gyaan khajaane ke ratnon ke maalik ban manan karne mein magan rehte hain। magan sthiti vaale ke aage koi vighna aa nahin sakta। aisa shubh chintan karne vaale svatah hi sarva ke samparka mein shubh chintak ban jaata hai। svachintan phir shubh chintan, aisi aatmaayen shubhchintak ban jaati hain kyonki jo svayan din raat shubh chintan mein rehte woh auron ke prati kabhi bhi na ashubh sochte, na ashubh dekhte। unka niji sanskaar va svabhaav shubh hone ke kaaran vritti, drishti sarva mein shubh dekhne aur sochne ki svatah hi aadat ban jaati hai isliye harek ke prati shubh chintak rehta hai। kisi bhi aatma ka kamjor sanskaar dekhte hue bhi us aatma ke prati ashubh va vyartha nahin sochenge ki yeh to aisa hi hai। lekin aisi kamjor aatma ko sada umang ulhaas ke pankh de shaktishaali banaae ooncha udaayenge। sada us aatma ke prati shubh bhaavna, shubh kaamna dvaara sahayogi banenge। shubh chintak arthaat naaummeedvaar ko ummeedvaar banaane vaale। shubh chintan ke khajaane se kamjor ko bhi bharpoor kar aage badhaayega। yeh nahin sochega ismen to gyaan hai hi nahin। yeh gyaan ke paatra nahin, yeh gyaan mein chal nahin sakte। shubhchintak baapdaada dvaara li hui shaktiyon ke sahaare ki taang de langade ko bhi chalaane ke nimitta ban jaayenge। shubh chintak aatma apni shubhchintak sthiti dvaara dilshikasta aatma ko dil khush mithaai dvaara unko bhi tandaroosta banaayegi। dilkhush mithaai khaate ho na। to doosre ko khilaane bhi aati hai na। shubhchintak aatma kisi ki kamjori jaante hue bhi us aatma ki kamjori bhulaakar apni visheshta ke shakti ki samarthi dilaate hue usko bhi samartha bana denge। kisi ke prati ghrina drishti nahin। sada giri hui aatma ko ooncha udaane ki drishti hogi। sirf svayan shubh chintan mein rehna va shaktishaali aatma banna yeh bhi first stage nahin। isko bhi shubhchintak nahin kahenge। shubhchintak arthaat apne khajaanon ko mansa dvaara, vaacha dvaara, apne roohaani sambandh samparka dvaara anya aatmaon prati seva mein lagaana। shubh chintak aatmaayen number one sevaadhaari, sachche sevaadhaari hain, aise shubh chintak bane ho? sada vritti shubh, drishti shubh। to srishti bhi shreshtha braahmanon ki shubh dikhaai degi। vaise bhi saadhaaran roop mein kaha jaata hai shubh bolo। brahman aatmaayen to hain hi shubh janma vaali। shubh samay par janme ho। braahmanon ke janma ki ghadi arthaat vela shubh hai na। bhaagya ki dasha bhi shubh hai। sambandh bhi shubh hai। sankalp, karma bhi shubh hai isliye brahman aatmaon ke saakaar mein to kya lekin svapna mein bhi ashubh ka naam nishaan nahin - aisi shubhchintak aatmaayen ho na। smriti divas par vishesh aaye ho - smriti divas arthaat samartha divas। to vishesh samartha aatmaayen ho na। baapdaada bhi kehte hain sada samartha aatmaayen samartha din manaane bhale padhaare। samartha baapdaada samartha bachchon ki sada svaagat karte hain samjha। achha!

sada svachintan ke roohaani nashe mein rahne vaale, shubh chintan ke khajaane se sampanna rahne vaale shubhchintak ban sarva aatmaon ko udkar udaane vaale, sada baap samaan daata vardaata ban sabhi ko shaktishaali banaane vaale, aise samartha samaan bachchon ko baapdaada ka yaadapyaar aur namaste।''

party ke saath - maataaon ke group se

1. maataayen sada apna shreshtha bhaagya dekh harshit rehti ho na। charnon ki daasi se sir ke taaj ban gai yeh khushi sada rehti hai? kabhi khushi ka khajaana chori to nahin ho jaata? maaya chori karne mein hoshiyaar hai। agar sada bahaadur hain, hoshiyaar hain to maaya kuchh nahin kar sakti aur hi daasi ban jaayegi, dushman se sevaadhaari ban jaayegi। to aise maayaajeet ho? baap ki yaad hai arthaat sada sang mein rahne vaale hain। roohaani rang laga hua hai। baap ka sang nahin to roohaani rang nahin। to sabhi baap ke sang ke rang mein range hue nashtomoha ho? ya thoda-thoda moh hai? bachchon mein nahin hoga lekin potron dhotron mein hoga। bachchon ki seva poori hui doosron ki seva shuru hui। kam nahin hoti। ek ke peechhe ek line lag jaati hai। to isse bandhan mukta ho? maataaon ki kitni shreshtha praapti ho gai। jo bilkul haath khaali ban gai theen woh abhi maalaamaal ho gai। sab kuchh ganvaaya, abhi phir se baap dvaara sarva khajaane praapta kar liye, to maataayen kya se kya ban gai? chaar deevaaron mein rahne vaali vishwa ka maalik ban gai। yeh nasha rehta hai na ki baap ne hamko apna banaaya to kitna bhaagya hai? bhagwan aakar apna banaaye, aisa shreshtha bhaagya to kabhi nahin ho sakta। to apne bhaagya ko dekh sada khush rehti ho na। kabhi yeh khajaana maaya chori na kare।

2. sabhi punya aatmaayen bane ho? sabse bada punya hai doosron ko shakti dena। to sada sarva aatmaon ke prati punya aatma arthaat apne mile hue khajaane ke mahaadaani bano। aise daan karne vaale jitna doosron ko dete hain utna padam-guna badhta hai। to yeh dena arthaat lena ho jaata hai। aise umang rehta hai? is umang ka practical swaroop hai seva mein sada aage badhte raho। jitna bhi tan-man-dhan seva mein lagaate utna vartamaan bhi mahaadaani punya aatma bante aur bhavishya bhi sadaakaal ka jama karte। yeh bhi drama mein bhaagya hai jo chance milta hai apna sab kuchh jama karne ka। to yeh golden chance lene vaale ho na। sochkar kiya to silver chance, faraakhdil hokar kiya to golden chance to sab number one chancellor bano।

double videshi bachchon se - baapdaada roj snehi bachchon ko sneh ka return dete hain। baap ka bachchon se itna sneh hai, jo bachche sankalp hi karte, mukh tak bhi nahin aata aur baap uska return pahle se hi kar deta। sangamayug par saare kalpa ka yaadapyaar de dete hain। itna yaad aur pyaar dete hain jo janma-janma yaad-pyaar se jholi bhari hui rehti hai। baapdaada snehi aatmaon ko sada sahayog de aage badhaate rehte hain। baap ne jo sneh diya hai us sneh ka swaroop bankar kisi ko bhi snehi banaayenge to woh baap ka ban jaayenge। sneh hi sabko aakarshit karne vaala hai। sabhi bachchon ka sneh baap ke paas pahunchta rehta hai। achha !

Mauritius party se - sabhi lucky sitaare ho na? kitna bhaagya praapta kar liya। is jaisa bada bhaagya koi ka ho nahin sakta kyonki bhaagya vidhaata baap hi aapka ban gaya। uske bachche ban gaye। jab bhaagya vidhaata apna ban gaya to isse shreshtha bhaagya kya hoga। to aise shreshtha bhaagyavaan chamakte hue sitaare ho। aur sabko bhaagyavaan banaane vaale ho kyonki jisko koi achhi cheej milti hai woh doosron ko dene ke sivaae rah nahin sakte। jaise yaad ke bina nahin rah sakte vaise seva ke bina bhi nahin rah sakte। ek-ek bachcha anekon ka deep jalaae deepmaala karne vaala hai। deepmaala raajtilak ki nishaani hai। to deepmaala karne vaalon ko raajya tilak mil jaata hai। seva karna arthaat raajya tilakdhaari banna। seva ke umang-utsaah mein rahne vaale doosron ko bhi umang-utsaah ke pankh de sakte hain।

prashn:- kis mukhya dhaarna ke aadhaar se siddhi ko sahaj praapta kar sakte ho?

uttar:- svayan ko namrachit, nirmaan aur har baat mein apne aapko gunagraahak bana lo to sahaj siddhi ko pa lenge। jo svayan ko siddha karta hai, woh jidda karta hai isliye vo kabhi bhi prasiddha nahin ho sakta। jidda karne vaala kabhi siddhi ko pa nahin sakta। woh prasiddha hone ke bajaae aur hi door ho jaata hai।

prashn:- vishwa ki va eeshvareey parivaar ki prashansa ke hakdaar kab banenge?

uttar:- jab svayan prati va doosron ke prati sab prashn samaapta honge। jaise ek do se svayan ko kam nahin samajhte ho, samajhne mein apne ko authority samajhte ho aise samajhne aur karne in donon mein hakdaar bano tab vishwa ki va eeshvareey parivaar ki prashansa ke hakdaar banenge। koi bhi baat maangane vaale mangata nahin, daata bano। achha। om shanti।

vardaan:- shreemat pramaan seva mein santushtata ki visheshta ka anubhav karne vaale saphaltaamoorta bhav

koi bhi seva karo, koi jigyaasu aave ya nahin aave lekin svayan, svayan se santushta raho। nishchay rakho ki agar main santushta hoon to message kaam zaroor karega ismen udaas nahin ho। student nahin badhe koi harja nahin, aapke hisaab-kitaab mein to jama ho gaya aur unhon ko sandesh mil gaya। agar svayan santushta ho to kharcha saphal hua। shreemat pramaan kaarya kiya, to shreemat ko maanna yeh bhi saphaltaamoorta banna hai।

slogan:- asmartha aatmaon ko samarthi do to unki duaayen milengi।