शुक्रवार 22 मई 2020 की दैनिक मुरली

22-05-2020 praatahmurli om shanti "baapdaada"' madhuban

“meethe bachche - ekaanta mein baith apne saath baaten karo, ham avinaashi aatma hain, baap se sunte hain, yeh practice karo”

prashn:- jo bachche yaad mein albele hain, unke mukh se kaun-se bol nikalte hain?

uttar:- woh kehte hain - ham shivbaaba ke bachche hain hi। yaad mein hi hain। lekin baba kehte woh sab gapode hain, albelaapan hai। ismen to purooshaartha karna hai, savere uth apne ko aatma samajh baith jaana hai। roohrihaan karni hai। aatma hi baatcheet karti hai, abhi tum dehi-abhimaani bante ho। dehi-abhimaani bachche hi yaad ka chart rakhenge sirf gyaan ki labaar nahin lagaayenge।

geet:- mukhda dekh le praani…

om shanti। roohaani bachchon ko samjhaaya gaya hai ki praan aatma ko kaha jaata hai। ab baap aatmaon ko samjhaate hain, yeh geet to bhaktimaarga ke hain। yeh to sirf inka saar samjhaaya jaata hai। ab tum jab yahaan baithte ho to apne ko aatma samjho। deh ka bhaan chhod dena hai। ham aatma bahut chhoti bindi hain। main hi is shareer dvaara part bajaati hoon। yeh aatma ka gyaan koi ko hai nahin। yeh baap samjhaate hain, apne ko aatma samjho - main chhoti aatma hoon। aatma hi saara part bajaati hai is shareer se, to deh-abhimaan nikal jaae। yeh hai mehnat। ham aatma is saare naatak ke actors hain। oonch se oonch actor hai parampita paramatma। buddhi mein rehta hai woh bhi itni chhoti bindi hai, unki mahima kitni bhaari hai। gyaan ka saagar, sukh ka saagar hai। parantu hai chhoti bindi। ham aatma bhi chhoti bindi hain। aatma ko sivaae divya drishti ke dekh nahin sakte। yeh nai-nai baaten abhi tum sun rahe ho। duniya kya jaane। tumhaare mein bhi thode hain jo yathaartha reeti samajhte hain aur buddhi mein rehta hai ki ham aatma chhoti bindi hain। hamaara baap is drama mein mukhya actor hai। oonch te oonch actor baap hai, phir phalaane-phalaane aate hain। tum jaante ho baap gyaan ka saagar hai parantu shareer bigar to gyaan suna na sake। shareer dvaara hi bol sakte hain। ashareeri hone se organs alag ho jaate hain। bhakti maarga mein to dehdhaariyon ka hi simran karte। parampita paramatma ke naam, roop, desh, kaal ko hi nahin jaante। bas kah dete paramatma naam-roop se nyaara hai। baap samjhaate hain - drama anusaar tum jo number one satopradhaan the, tumko hi phir satopradhaan banna hai। tamopradhaan se satopradhaan banne ke liye tumhein phir yeh avastha majboot rakhni hai ki ham aatma hain, aatma is shareer dvaara baat karti hai। unmein gyaan hai। yeh gyaan aur koi ki buddhi mein nahin hai ki hamaari aatma mein 84 janmon ka part avinaashi noondha hua hai। yeh bahut nai-nai points hain। ekaanta mein baithkar apne saath aisi-aisi baaten karni hai - ham aatma hoon, baap se sun raha hoon। dhaarna mujh aatma mein hoti hai। mujh aatma mein hi part bhara hua hai। main aatma avinaashi hoon। yeh andar ghotna chaahiye। hamko tamopradhaan se satopradhaan banna hai। deh-abhimaani manushyon ko aatma ka bhi gyaan nahin hai, kitni badi-badi kitaaben apne paas rakhte hain। ahankaar kitna hai। yeh hai hi tamopradhaan duniya। oonch te oonch aatma to koi bhi hai nahin। tum jaante ho ki ab humein tamopradhaan se satopradhaan banne ka purooshaartha karna hai। is baat ko andar mein ghotna hai। gyaan sunaane vaale to bahut hain। parantu yaad hai nahin। andar mein woh antarmukhta rahni chaahiye। hamko baap ki yaad se patit se paavan banna hai, sirf pandit nahin banna hai। is par ek pandit ka misaal bhi hai - maataaon ko kehte raam-raam kahne se paar ho jaayenge............. to aise labaadi nahin banna hai। aise bahut hain।

samjhaate bahut achha hain, parantu yog hai nahin। saara din deh-abhimaan mein rehte hain। nahin to baba ko chart bhejna chaahiye - ham is samay uthta hoon, itna yaad karta hoon। kuchh samaachaar nahin dete। gyaan ki bahut labaad (gappa) maarte hain। yog hai nahin। bhal badon-badon ko gyaan dete hain, parantu yog mein kachche hain। savere uth baap ko yaad karna hai। baba aap kitne most beloved ho। kaisa yeh vichitra drama bana hua hai। koi bhi yeh raaz nahin jaante। na aatma ko, na paramatma ko jaante hain। is samay manushya jaanvar se bhi badtar hain। ham bhi aise the। maaya ke raajya mein kitni durdasha ho jaati hai। yeh gyaan tum koi ko bhi de sakte ho। bolo, tum aatma abhi tamopradhaan ho, tumhein satopradhaan banna hai। pahle to apne ko aatma samjho। gareebon ke liye to aur hi sahaj hai। saahookaaron ke to laphde bahut rehte hain।

baap kehte hain - main aata hi hoon saadhaaran tan mein। na bahut gareeb, na bahut saahookaar। abhi tum jaante ho kalpa-kalpa baap aakar hamko yahi shiksha dete hain ki paavan kaise bano। baaki tumhaari dhandhe aadi mein khitpit hai, uske liye baba nahin aaye hain। tum to bulaate hi ho he patit-paavan aao, to baba paavan banne ki yukti batlaate hain। yeh brahma khud bhi kuchh nahin jaante the। actor hokar aur drama ke aadi-madhya-ant ko na jaanen to unhein kya kahenge। ham aatma is srishti chakra mein actor hain, yeh bhi koi jaante nahin। bhal kah dete hain aatma mool vatan mein nivaas karti hai parantu anubhav se nahin kehte। tum to abhi practical mein jaante ho - ham aatma mool vatan ke rahvaasi hain। ham aatma avinaashi hain। yeh to buddhi mein yaad rehna chaahiye। bahuton ka yog bilkul hai nahin। deh-abhimaan ke kaaran phir mistakes bhi bahut hoti hain। mool baat hai hi dehi-abhimaani banna। yeh phurna rehna chaahiye hamko satopradhaan banna hai। jin bachchon ko satopradhaan banne ki taat (lagan) hai, unke mukh se kabhi patthar nahin niklenge। koi bhool hui to jhat baap ko report karenge। baba hamse yeh bhool hui। kshama karna। chhipaayenge nahin। chhipaane se woh aur hi vriddhi ko paati hai। baba ko samaachaar dete raho। baba likh denge tumhaara yog theek nahin। paavan banne ki hi mukhya baat hai। tum bachchon ki buddhi mein 84 janmon ki kahaani hai। jitna ho sake bas yahi chinta lagi rahe satopradhaan banna hai। deh-abhimaan ko chhod dena hai। tum ho raajarishi। hathayogi kabhi raajayog sikhla na saken। raajayog baap hi sikhlaate hain। gyaan bhi baap hi dete hain। baaki is samay hai tamopradhaan bhakti। gyaan sirf baap sangam par hi aakar sunaate hain। baap aaye hain to bhakti khatma honi hai, yeh duniya bhi khatma ho jaani hai। gyaan aur yog se satayug ki sthaapna hoti hai। bhakti cheez hi alag hai। manushya phir kah dete duhkh-sukh yahaan hi hai। abhi tum bachchon par badi responsibility hai। apna kalyaan karne ki yukti rachte raho। yeh bhi samjhaaya hai paavan duniya hai shantidham aur sukhdhaam। yeh hai ashaantidhaam, duhkhadhaam। pahli mukhya baat hai yog ki। yog nahin hai to gyaan ki labaar hai sirf pandit muaaphik। aajkal to riddhi-siddhi bhi bahut nikli hai, inse gyaan ka connection nahin hai। manushya kitna jhooth mein phanse hue hain। patit hain। baap khud kehte hain main patit duniya, patit shareer mein aata hoon। paavan to koi yahaan hai hi nahin। yeh to apne ko bhagwan kehte nahin। yeh to kehte hain main bhi patit hoon, paavan honge to pharishta ban jaayenge। tum bhi pavitra farishta ban jaayenge। to mool baat yahi hai ki ham paavan kaise banen। yaad bahut zaroori hai। jo bachche yaad mein albele hain woh kehte hain - ham shivbaaba ke bachche to hain hi। yaad mein hi hain। lekin baba kehte woh sab gapode hain। albelaapan hai। ismen to purooshaartha karna hai savere uth apne ko aatma samajh baith jaana hai। roohrihaan karni hai। aatma hi baatcheet karti hai na। abhi tum dehi-abhimaani bante ho। jo koi ka kalyaan karta hai to unki mahima bhi ki jaati hai na। woh hoti hai deh ki mahima। yeh to hai niraakaar parampita paramatma ki mahima। isko bhi tum samajhte ho। yeh seedhi aur koi ki buddhi mein thode hi hogi। ham 84 janma kaise lete hain, neeche utarte aate hain। ab to paap ka ghada bhar gaya hai, woh saaph kaise ho? isliye baap ko bulaate hain। tum ho paandav sampradaay। religio bhi political bhi ho। baba sab religion ki baat samjhaate hain। doosra koi samjha na sake। baaki woh dharma sthaapan karne vaale kya karte hain, unke pichhaadi to auron ko bhi neeche aana padta hai। baaki woh koi moksha thode hi dete। baap hi pichhaadi mein aakar sabko pavitra banaae vaapis le jaate hain, isliye us ek ke sivaae aur koi ki mahima hai nahin। brahma ki va tumhaari koi mahima nahin। baba na aata to tum bhi kya karte। ab baap tumko chadhti kala mein le jaate hain। gaate bhi hain tere bhaane sarva ka bhala। parantu arth thode hi samajhte hain। mahima to bahut karte hain।

ab baap ne samjhaaya hai akaal to aatma hai, unka yeh takhta hai। aatma avinaashi hai। kaal kabhi khaata nahin। aatma ko ek shareer chhod doosra part bajaana hai। baaki lene ke liye koi kaal aata thode hi hai। tumko koi ke shareer chhodne ka duhkh nahin hota hai। shareer chhodkar doosra part bajaane gaya, rone ki kya darkaar hai। ham aatma bhaai-bhaai hain। yeh bhi tum abhi jaante ho। gaate hain aatmaayen paramatma alag rahe bahukaal.... baap kahaan aakar milte hain। yeh bhi nahin jaante। abhi tumko har baat ki samjhaani milti hai। kab se sunte hi aate ho। koi kitaab aadi thode hi uthaate hain। sirf refer karte hain samjhaane ke liye। baap sachcha to sachchi rachna rachte hain। sach bataate hain। sach se jeet, jhooth se haar। sachcha baap sachkhanda ki sthaapna karte hain। raavan se tumne bahut haar khaai hai। yeh sab khel bana hua hai। abhi tum jaante ho hamaara raajya sthaapan ho raha hai phir yeh sab honge nahin। yeh to sab peechhe aaye hain। yeh srishti chakra buddhi mein rakhna kitna sahaj hai। jo purooshaarthi bachche hain vo ismen khush nahin honge ki ham gyaan to bahut achha sunaate hain। saath mein yog aur manners bhi dhaaran karenge। tumhein bahut-bahut meetha banna hai। koi ko duhkh nahin dena hai। pyaar se samjhaana chaahiye। pavitrata par bhi kitna hangaama hota hai। woh bhi drama anusaar hota hai। yeh bana banaaya drama hai na। aise nahin drama mein hoga to milega। nahin, mehnat karni hai। devtaaon misal daiveegun dhaaran karne hain। loonpaani nahin banna hai। dekhna chaahiye ham ulti chalan chalkar baap ki ijjat to nahin ganvaate hain? satguru ka nindak thaur na paaye। yeh to sat baap hai, sat teacher hai। aatma ko ab smriti rehti hai। baba gyaan ka saagar, sukh ka saagar hai। zaroor gyaan dekar gaya hoon tab to gaayan hota hai। inki aatma mein koi gyaan tha kya? aatma kya, drama kya hai - koi bhi nahin jaante। jaanna to manushyon ko hi hai na। roodra yagya rachte hain to aatmaon ki pooja karte hain, unki pooja achhi va daivi shareeron ki pooja achhi? yeh shareer to 5 tatvon ka hai isliye ek shivbaaba ki pooja hi avyabhichaari pooja hai। abhi us ek se hi sunna hai isliye kaha jaata hai hear no evil..... glaani ki koi baat na suno। mujh ek se hi suno। yeh hai avyabhichaari gyaan। mukhya baat hai jab deh-abhimaan tootega tab hi tum sheetal banenge। baap ki yaad mein rahenge to mukh se bhi ulta-sulta bol nahin bolenge, kudrishti nahin jaayegi। dekhte hue jaise dekhenge nahin। hamaara gyaan ka teesra netra khula hua hai। baap ne aakar trinetri, trikaaldarshi banaaya hai। ab tumko teenon kaalon, teenon lokon ka gyaan hai। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gyaan sunaane ke saath-saath yog mein bhi rehna hai। achhe manners dhaaran karne hain। bahut meetha banna hai। mukh se kabhi patthar nahin nikaalne hain।

2) antarmukhi ban ekaanta mein baith apne aap se roohrihaan karni hai। paavan banne ki yuktiyaan nikaalni hain। savere-savere uthkar baap ko bade pyaar se yaad karna hai।

vardaan:- sarva ke dil ka pyaar praapta karne vaale nyaare, pyaare, nihsankalpa bhav

jin bachchon mein nyaare aur pyaare rahne ka gun va nihsankalpa rahne ki visheshta hai arthaat jinhen yeh vardaan praapta hai ve sarva ke priy ban jaate hain kyonki nyaare pan se sabke dil ka pyaar svatahpraapta hota hai। ve apni shaktishaali nih sankalp sthiti va shreshtha karma dvaara anekon ki seva ke nimitta bante hain isliye svayan bhi santushta rehte aur doosron ka bhi kalyaan karte hain। unhein har kaarya mein saphalta svatahpraapta hoti hai।

slogan:- ek “baba” shabd hi sarva khajaanon ki chaabi hai - is chaabi ko sada sambhaalkar rakho।