शुक्रवार 5 जून 2020 की दैनिक मुरली

05-06-2020 praatahmurli om shanti "baapdaada"' madhuban

“meethe bachche - tumhein abhi gyaan ki drishti mili hai, isliye tumhaara bhatakna band hua, tum shantidham - sukhdhaam ko yaad karte ho''

prashn:- devtaaon mein kaun-si taakat hai aur woh taakat kis visheshta ke kaaran hai?

uttar:- devtaaon mein saare vishwa par raajya karne ki taakat hai, woh taakat vishesh ek mat ki visheshta ke kaaran hai। vahaan ek mat hone ke kaaran vajeer aadi rakhne ki darkaar nahin। devtaaon ne sangam par baap se aisi shreemat li hui hai jo 21 janma raajya karte hain। vahaan ek raaja ki ek daivi family hoti, doosri mat hoti nahin।

geet:- nayan heen ko raah dikhaao prabhu…

om shanti। bachchon ko nayan mile hain, pahle nayan nahin the, kaun se nayan? gyaan ke nayan nahin the। agyaan ke nayan to the। bachche jaante hain gyaan saagar ek hi baap hai। aur koi mein yeh roohaani gyaan hai nahin, jis gyaan se sadgati ho arthaat shantidham-sukhdhaam jaana ho। abhi tum bachchon ko drishti mili hai-kaise sukhdhaam badal kar phir maaya ka raajya va duhkhadhaam banta hai। pukaarne lagte hain ki nayan heen ko raah bataao। bhakti maarga ke yagya, daan-punya aadi se koi raah nahin milti hai-shantidham-sukhdhaam jaane ki। har ek ko apna part bajaana hi hai। baap kehte hain mujhe bhi part mila hua hai। bhakti maarga mein pukaarte hain mukti-jeevanmukti ki raah bataao। uske liye kitne yagya-tap, daan-punya aadi karte hain, kitna bhatakte hain। shantidham-sukhdhaam mein bhatakna hota hi nahin। yeh bhi tum jaante ho, vo to sirf shaastron ki padhaai aur jismaani padhaai ko hi jaante hain। is roohaani baap ko to bilkul jaante hi nahin। roohaani baap gyaan tab aakar dete hain jabki sarva ki sadgati hoti hai। puraani duniya badalni hoti hai। manushya se devta bante hain phir saari srishti par ek hi raajya hota hai devi-devtaaon ka, jisko hi svarga kehte hain। yeh bhi bhaaratvaasi jaante hain aadi sanaatan devi-devta dharma bhaarat mein hi tha। us samay koi aur dharma nahin tha। tum bachchon ke liye abhi hai sangamayug। baaki sab hain kaliyug mein। tum purooshottam sangamayug par baithe ho। jo-jo baap ko yaad karte hain, baap ki shreemat par chalte hain, woh sangamayug par hain। baaki kaliyug mein hain। abhi koi sovereignty, kingdom to hai nahin। anek maton se raajya chalta hai, satayug mein to ek mahaaraaja ki hi mat chalti hai, vajeer nahin hote। itni taakat rehti hai। phir jab patit bante hain to vajeer aadi rakhte hain kyonki woh taakat nahin rehti। abhi to hai hi praja ka raajya, satayug mein ek mat hone se taakat rehti hai। abhi tum woh taakat le rahe ho, 21 janma independent raajaai karte ho। apni hi daivi family hai। abhi yeh hai tumhaara eeshvareey parivaar। baap kehte hain apne ko aatma samajh baap ki yaad mein rehte ho to tum eeshvareey parivaar ke ho। agar deh-abhimaan mein aakar bhool jaate ho to aasuri parivaar ke ho। ek second mein eeshvareey sampradaay ke aur phir ek second mein aasuri sampradaay ke ban jaate ho। apne ko aatma samajh baap ko yaad karna kitna sahaj hai। parantu bachchon ko mushkil lagta hai।

baap kehte hain apne ko aatma samajh aur baap ko yaad karenge to vikarma vinaash honge। deh dvaara karma to karna hi hai। deh bigar to tum karma kar nahin sakenge। koshish karni hai kaam kaaj karte bhi ham baap ko yaad karen। parantu yahaan to bigar kaam bhi yaad nahin kar sakte hain। bhool jaate hain। yahi mehnat hai। bhakti mein aise koi thode hi kaha jaata ki saara din bhakti karo। usmein time hota hai savere, shaam va raat ko। phir mantra aadi jo milte hain, woh buddhi mein rehte hain। anekaanek shaastra hain। woh bhakti maarga mein padhte hain। tumko to koi pustak aadi nahin padhna hai, na banaana hai। yeh murli chhapaate bhi hain refresh hone ke liye। baaki koi bhi kitaab aadi nahin rahengi। yeh sab khatma ho jaani hai। gyaan to hai hi ek baap mein। abhi dekho gyaan-vigyaan bhavan naam rakha hai, jaise ki vahaan yog aur gyaan sikhaaya jaata hai। bigar arth aise aise naam rakh dete hain। kuchh bhi pata nahin hai ki gyaan kya hai, vigyaan kya hai। abhi tum gyaan aur vigyaan ko jaante ho। yog se hoti hai health, jisko vigyaan kaha jaata hai aur yeh hai gyaan, jismen world ki history-geography samjhaai jaati hai। world ki history-geography kaise repeat hoti hai woh jaanna hai। parantu woh padhaai hai had ki, yahaan to tumko behad ki history-geography buddhi mein hai। ham kaise raajya lete hain, kitna samay aur kab raajya karte the, kaise raajdhaani mili thi - yeh baaten aur koi ki buddhi mein nahin aati। baap hi knowledgeful hai। yeh srishti ka chakra kaise phirta hai, baap hi samjhaate hain। bane-banaaye drama ko na jaanne ke kaaran manushya kah dete hain-phalaana nirvaan gaya ya jyoti jyot samaaya।

tum jaante ho sabhi manushya maatra is srishti chakra mein aate hain, isse koi ek bhi chhoot nahin sakta। baap samjhaate hain manushya ki aatma ek shareer chhod doosra leti hai, kitna bada drama hai। sabmen aatma hai, us aatma mein avinaashi part bhara hua hai। inko kaha jaata hai bani banaai...... ab drama kehte hain to zaroor unka time bhi chaahiye। baap samjhaate hain yeh drama 5 hazaar varsha ka hai। bhakti maarga ke shaastron mein likh diya hai drama laakhon varsha ka hai। is samay hi jabki baap ne aakar sahaj raajayog sikhaaya tha, is samay ke liye hi gaayan hai ki kaurav ghor andhiyaare mein the aur paandav roshni mein the। vo log samajhte hai kaliyug mein to ajun 40 hazaar varsha hain। unhon ko yeh pata nahin padta ki bhagwan aaya hai, is puraani duniya ka maut saamne khada hai। sab agyaan neend mein soye pade hain। jab ladaai dekhte hain to kehte hain yeh to mahaabhaarat ladaai ki nishaani hai। yeh rehearsal hoti rahegi। phir chalte-chalte band ho jaayegi। tum jaante ho abhi hamaari poori sthaapna hui thode hi hai। geeta mein yeh thode hi hai ki baap ne sahaj raajayog sikhlaae yahaan hi raajaai sthaapan ki। geeta mein to pralay dikha di hai। dikhaate hain aur sab mar gaye, baaki 5 paandav bache। woh bhi pahaadon par jaakar gal mare। raajayog se kya hua, kuchh bhi pata nahin hai। baap har ek baat samjhaate rehte hain। woh hai had ki baat, had ki rachna had ke brahma rachte hain, paalna bhi karte hain baaki pralay nahin karte। stri ko adopt karte hain। baap bhi aakar adopt karte hain। kehte hain main inmen pravesh kar bachchon ko knowledge sunaata hoon, in dvaara bachchon ko rachta hoon। baap bhi hai, family bhi hai, yeh baaten badi guhya hain। bahut gambheer baaten hain। mushkil koi ki buddhi mein baithti hain। ab baap kehte hain pahle-pahle to apne ko aatma samjho, aatma hi ek shareer chhod doosra leti hai। shareer par hi bhinna-bhinna naam padte hain। naam, roop, features sab bhinna-bhinna hain। ek ke features doosre se na milen। har ek aatma ke janma-janmaantar ke apne features hain। apni act drama mein noondhi hui hai isliye inko bana-banaaya drama kaha jaata hai, abhi behad ka baap kehte hain mujhe yaad karo to vikarma vinaash ho। to ham kyon na baap ko yaad karen। yahi mehnat ki baat hai।

tum bachche jab yaad ki yaatra mein baithte ho to maaya ke toofaan aate hain, yuddha chalta hai, usse ghabraana nahin hai। maaya ghadi-ghadi yaad ko todegi। sankalp-vikalpa aise-aise aayenge jo ekdam maatha kharaab kar denge। tum mehnat karo। baap ne samjhaaya hai in lakshmi-naaraayan ki karmendriyaan vash kaise hui। yeh sampoorn nirvikaari the। yeh shiksha inhon ko kahaan se mili? abhi tum bachchon ko yeh banne ki shiksha mil rahi hai। inmen koi vikaar nahin hota। vahaan raavan raajya hi nahin। peechhe raavan raajya hota hai। raavan kya cheez hai, yeh koi bhi nahin jaante। drama anusaar yeh bhi noondh hai। drama ke aadi-madhya-ant ko nahin jaante hain, isliye hi neti-neti karte aaye hain। abhi tum svargavaasi banne ke liye purooshaartha kar rahe ho। yeh lakshmi-naaraayan svarga ke maalik hain na। inhon ke aage maatha tekne vaale tamopradhaan kanishta puroosh hain। baap kehte hain pahle-pahle to ek baat pakki kar lo-apne ko aatma samajh baap ko yaad karo। ismen hi mehnat hai। jaise 8 ghante sarkaari naukri hoti hai na। abhi tum behad ki sarkaar ke madadgaar ho। tumko kam se kam 8 ghanta purooshaartha kar yaad mein rehna hai। yeh avastha tumhaari aisi pakki ho jaayegi jo koi ki bhi yaad nahin aayegi। baap ki yaad mein hi shareer chhodenge। phir vahi vijay maala ke daane banenge। ek raaja ki praja kitni dher hoti hai। yahaan bhi praja banni hai। tum vijay maala ke daane poojne laayak banenge। 16108 ki maala bhi hoti hai। ek bade box mein padi rehti hai। 8 ki maala hai, 108 ki bhi hai। ant mein phir 16108 ki bhi banti hai। tum bachchon ne hi baap se raajayog seekh saare vishwa ko svarga banaaya hai isliye tumko pooja jaata hai। tum hi poojya the, phir pujaari bane ho। yeh daada kehte hain hamne khud maala pheri hai, lakshmi-naaraayan ke mandir mein yoon to roodra maala honi chaahiye। tum pahle roodra maala phir roonda maala bante ho। pahle number mein hai roodra maala jismen shiv bhi hai, roonda maala mein shiv kahaan se aaye। woh hai vishnu ki maala। in baaton ko bhi koi samajhte thode hi hain। abhi tum kehte ho ham shivbaaba ke gale ka haar jaae bante hain। braahmanon ki maala nahin ban sakti hai। braahmanon ki maala hoti nahin। tum jitna yaad mein rehte ho phir vahaan bhi najdeek mein hi aakar raajya karenge। yeh padhaai aur koi jagah mil na sake। tum jaante ho abhi ham is puraane shareer ko chhod svargavaasi banenge। saara bhaarat svargavaasi banega। in particular, bhaarat hi svarga tha। 5 hazaar varsha ki baat hai, laakhon varsha ki baat ho nahin sakti। devtaaon ko hi 5 hazaar varsha hue, svarga ko manushya bhool gaye hain। to aise hi kah dete hain। baaki hai kuchh nahin। itna puraana sanvat aadi hai thode hi। hai hi sooryavanshi-chandravanshi phir aur dharma vaale aate hain। puraani cheejen kaam kya aayengi। kitna khareed karte hain, puraani cheez ki bahut value karte hain। sabse valuable hai shivbaaba, kitne shivling banaate hain। aatma itni chhoti bindi hai, yeh kisko bhi samajh mein nahin aata। ati sookshm roop hai। baap hi samjhaate hain itni chhoti bindi mein itna part noondha hua hai, yeh drama repeat hota rehta hai, yeh gyaan tumko vahaan nahin rahega। yeh praayah lop ho jaata hai। to phir koi sahaj raajayog sikha kaise sakte। yeh sab bhakti maarga ke liye baith banaaya hai। abhi bachche jaante hain baap dvaara brahman, devta, kshatriy - teen dharma sthaapan ho rahe hain bhavishya nai duniya ke liye। woh padhaai jo tum padhte ho woh hai is janma ke liye। inki praalabdha tumko nai duniya mein milni hai। yeh padhaai hoti hai sangamayug par। yeh hai purooshottam sangamayug। manushya se devta to zaroor sangam par bane honge। baap bachchon ko sab raaz samjhaate hain। yeh bhi baba jaante hain tum saara din is yaad mein rah nahin sakenge, impossible hai isliye chart rakho, dekho ham kahaan tak yaad mein rah sakte hain? deh ka abhimaan hoga to yaad kaise rah sakegi! paapon ka bojha sir par bahut hai isliye baba kehte hain yaad mein raho। trimoorti ka chitra pocket mein daal do, parantu tum ghadi-ghadi bhool jaate ho। alpha ko yaad karne se be aadi sab yaad aa jaata hai। badge to sada laga rahe। literature bhi ho, koi bhi achha aadmi ho to unko dena chaahiye। achha aadmi kabhi muphta mein lenge nahin। bole, iska kya paisa hai? bolo-yeh gareebon ko to muphta mein diya jaata hai, baaki jo jitna de। royalty honi chaahiye। tumhaari rasam-rivaaj duniya se bilkul nyaari honi chaahiye। royal aadmi aapehi kuchh na kuchh de denge। yeh to ham sabko dete hain kalyaan ke liye। koi padhkar bhi tumko paise bhej denge। kharcha to tum karte ho na। bolo, ham apna tan-man-dhan bhaarat ki seva mein kharcha karte hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is behad ki sarkaar ko madad karne ke liye kam se kam 8 ghanta yaad mein rahne ka purooshaartha karna hai। yaad mein jo maaya vighna daalti hai usse ghabraana nahin hai।

2) is purooshottam sangamayug par eeshvareey sampradaay ka ban, eeshvar ki mat par chalna hai। karma karte bhi ek baap ki yaad mein rahne ka abhyaas karna hai।

vardaan:- beggar tu prince ka part practical mein bajaane vaale tyaagi va shreshtha bhaagyashaali aatma bhav

jaise bhavishya mein vishwa mahaaraajan daata honge। aise abhi se daataapan ke sanskaar emerge karo। kisi se koi salvation lekarke phir salvation den-aisa sankalp mein bhi na ho-ise hi kaha jaata hai beggar tu prince। svayan lene ki ichchha vaale nahin। is alpakaal ki ichchha se beggar। aisa beggar hi sampanna moorta hai। jo abhi beggar tu prince ka part practical mein bajaate hain unhein kaha jaata hai sada tyaagi va shreshtha bhaagyashaali। tyaag se sadaakaal ka bhaagya svatah ban jaata hai।

slogan:- sada harshit rahne ke liye saaksheepan ki seat par drishta bankar har khel dekho।