रविवार 21 जून 2020 की दैनिक मुरली

21-06-20 praatahmurli om shanti ''avyakt-baapdaada'' revise 16-02-86 madhuban

golden jubilee ka golden sankalp

aaj bhaagya vidhaata baap apne chaaron or ke padmaapdam bhaagyavaan bachchon ko dekh rahe hain। har ek bachche ke mastak par bhaagya ka chamakta hua sitaara dekh harshit ho rahe hain। saare kalpa mein aisa koi baap ho nahin sakta jiske itne sabhi bachche bhaagyavaan hon। nambarvaar bhaagyavaan hote hue bhi duniya ke aajkal ke shreshtha bhaagya ke aage last number bhaagyavaan bachcha bhi ati shreshtha hai isliye behad ke baapdaada ko sabhi bachchon ke bhaagya par naaz hai। baapdaada bhi sada vaah menre bhaagyavaan bachche, vaah ek lagan mein magan rahne vaale bachche- yahi geet gaate rehte hain। baapdaada aaj vishesh sarva bachchon ke sneh aur saahas donon visheshtaaon ki mubaarak dene aaye hain।

har ek ne yatha yogya sneh ka return seva me dikhaaya। ek lagan se ek baap ko pratyaksha karne ki himmat pratyaksha rup me dikhaai। apna-apna kaarya umang utsaah se sampanna kiya। yeh kaarya ke khushi ki mubaarak baapdaada de rahe hain। desh-videsh ke sammukh aane vaale va door baithe bhi apne dil ke shreshtha sankalp dvaara va seva dvaara sahayogi bane hain, to sabhi bachchon ko baapdaada sada saphalta bhav, sada har kaarya mein sampanna bhav, sada pratyaksha pramaan bhav ka vardaan de rahe hain। sabhi ke sva parivartan ki, seva mein aur bhi aage badhne ki, shubh umang-utsaah ki pratigyaayen baapdaada ne suni। sunaaya tha na - baapdaada ke paas aapki saakaar duniya se nyaari shaktishaali T.vi. hai। aap sirf shareer ke act ko dekh sakte ho। baapdaada man ke sankalp ko bhi dekh sakte hain। jo bhi har ek ne part bajaaya woh sab sankalp sahit, man ki gati-vidhi aur tan ki gati-vidhi donon hi dekhi, suni। kya dekha hoga? aaj to mubaarak dene aaye hain isliye aur baaten aaj nahin sunaayenge। baapdaada aur saath mein sabhi aapke seva ke saathi bachchon ne ek baat par bahut khushi ki taaliyaan bajaai, haath ki taaliyaan nahin, khushi ki taaliyaan bajaai, saare sangathan mein seva dvaara abhi-abhi baap ko pratyaksha kar len, abhi-abhi vishwa mein aavaaj phail jaae… yeh ek umang aur utsaah ka sankalp sabhi mein ek tha। chaahe bhaashan karne vaale, chaahe sunne vaale, chaahe koi bhi sthool kaarya karne vaale, sabhi mein yeh sankalp khushi ke roop mein achha raha isliye chaaron or khushi ki raunak, pratyaksha karne ka umang, vaataavran ko khushi ki lahar mein laane vaala raha। majority khushi aur nihsvaartha sneh yeh anubhav ka prasaad le gaye isliye baapdaada bhi bachchon ki khushi mein khush ho rahe the। samjha।

golden jubilee bhi mana li na! abhi aage kya manaayenge? diamond jubilee yahaan hi manaayenge ya apne raajya mein manaayenge? golden jubilee kislie manaai? golden duniya laane ke liye manaai na। is golden jubilee se kya shreshtha golden sankalp kiya? doosron ko to golden thoughts bahut sunaaye। achhe-achhe sunaaye। apne prati kaun-sa vishesh sunahri sankalp kiya? jo poora varsha har sankalp, har ghadi golden ho। log to sirf golden morning ya golden night kah dete ya golden eevning kehte hain। lekin aap sarvashreshtha aatmaon ki har second golden ho। golden second ho, sirf golden morning ya golden night nahin। har samay aapke donon naynon mein golden duniya aur golden light ka sweet hom ho। woh golden light hai, woh golden duniya hai। aise hi anubhav ho। yaad hai na - shuru-shuru mein ek chitra banaate the। ek aankh mein mukti, doosri aankh mein jeevanmukti। yeh anubhav karaana, yahi golden jubilee ka golden sankalp hai। aisa sankalp sabhi ne kiya ya sirf drishya dekh-dekhkar khush hote rahe। golden jubilee is shreshtha kaarya ki hai। kaarya ke nimitta aap sabhi bhi kaarya ke saathi ho। sirf saakshi ho dekhne vaale nahin, saathi ho। vishwa vidyaalay ki golden jubilee hai। chaahe ek din ka bhi vidyaarthi ho। uski bhi golden jubilee hai। aur hi bani banaai jubilee par pahunche ho। banaane ki mehnat inhonne ki aur manaane ke samay aap sab pahunch gaye। to sabhi ko golden jubilee ki baapdaada bhi badhaai dete hain। sabhi aise samajhte ho na! dekhne vaale to sirf nahin ho na! banne vaale hain ya dekhne vaale! dekha to duniya mein bahut kuchh hai lekin yahaan dekhna arthaat banna। sunna arthaat banna। to kya sankalp kiya? har second golden ho। har sankalp golden ho। sada har aatma ke prati sneh ke khushi ke sunahri pushpa ki varsha karte raho। chaahe dushman bhi ho lekin sneh ki varsha dushman ko bhi dosta bana degi। chaahe koi aapko maan de va maane na maane। lekin aap sada svamaan mein rah auron ko snehi drishti se, snehi vritti se aatmik maan dete chalo। woh maane na maane aapko lekin aap usko meetha bhaai, meethi behen maante chalo। woh nahin maane aap to maan sakte ho na। woh patthar phenke aap ratna do। aap bhi patthar na phenko kyonki aap ratnaagar baap ke bachche ho। ratnon ki khaan ke maalik ho। multi-multi-malteemilyuniyar ho। bhikhaari nahin ho - jo socho ki woh de tab doon। yeh bhikhaari ke sanskaar hain। daata ke bachche kabhi lene ka haath nahin phailaate। buddhi se bhi yeh sankalp karna ki yeh kare to main karoon, yeh sneh de to main doon। yeh maan deve to main doon। yeh bhi haath phailaana hai। yeh bhi royal bhikhaareepan hai, ismen nishkaam yogi bano, tab hi golden duniya ke khushi ki lahar vishwa tak pahunchegi। jaise vigyaan ki shakti ne saare vishwa ko samaapta karne ki saamagri bahut shaktishaali banaai hai, jo thode samay mein kaarya samaapta ho jaae। vigyaan ki shakti aise refine vastu bana rahi hai। aap gyaan ki shakti vaale aise shaktishaali vritti aur vaayumandal banaao jo thode samay mein chaaron or khushi ki lahar, srishti ke shreshtha bhavishya ki lahar, bahut jaldi se jaldi phail jaae। aadhi duniya abhi aadha mari hui hai। bhay ke maut ki shaiyya par soi hui hai। usko khushi ki lahar ka aakseezan do। yahi golden jubilee ka golden sankalp sada emerge roop mein rahe। samjha - kya karna hai। abhi aur gati ko teevra banaana hai। ab tak jo kiya woh bhi bahut achha kiya। abhi aage aur bhi achhe te achha karte chalo। achha।

double videshiyon ko bahut umang hai। abhi hai to double videshiyon ka chance। pahunch bhi gaye hain bahut। samjha! abhi sabhi ko khushi ki toli khilaao। dil khush mithaai hoti hai na! to khoob dilkhush mithaai baanto। achha - seva-dhaari bhi khushi mein naach rahe hain na! naachne se thakaavat khatma ho jaati hai। to seva ki ya khushi ki dance sabhi ko dikhaai? kya kiya? dance dikhaai na! achha!

sarvashreshtha bhaagyavaan, vishesh aatmaon ko, har second, har sankalp sunahri banaane vaale sabhi aagyaakaari bachchon ko, sada daata ke bachche ban sarva ki jholi bharne vaale, sampanna bachchon ko, sada vidhaata aur vardaata ban sarva ko mukti va jeevanmukti ki praapti karaane vaale sada bharpoor bachchon ko baapdaada ka sunahri sneh ke sunahri khushi ke pushpon sahit yaadapyaar badhaai aur namaste।

party se:- sada baap aur varsa donon yaad rehta hai? baap ki yaad svatah hi varse ki bhi yaad dilaati hai aur varsa yaad hai to baap ki svatah yaad hai। baap aur varsa donon saath-saath hain। baap ko yaad karte hain varse ke liye। agar varse ki praapti na ho to baap ko bhi yaad kyon kare। to baap aur varsa yahi yaad sada hi bharpoor banaati hai। khajaanon se bharpoor aur duhkh darda se door। donon hi phaayda hai। duhkh se door ho jaate aur khajaanon se bharpoor ho jaate। aisi praapti sadaakaal ki, baap ke bina aur koi kara nahin sakta। yahi smriti sada santushta, sampanna banaayegi। jaise baap saagar hai, sada bharpoor hai। kitna bhi saagar ko sukhaayen phir bhi saagar samaapta hone vaala nahin। saagar sampanna hai। to aap sabhi sada sampanna aatmaayen ho na। khaali honge to kahaan lene ke liye haath phailaana padega। lekin bharpoor aatma sada hi khushi ke jhoole mein jhoolti rehti hai, sukh ke jhoole mein jhoolti rehti hai। to aisi shreshtha aatmaayen ban gaye। sada sampanna rehna hi hai। check karo mili hue shaktiyon ke khajaane ko kahaan tak kaarya mein lagaaya hai?

sada himmat aur umang ke pankhon se udte raho aur doosron ko udaate raho। himmat hai umang-utsaah nahin to bhi saphalta nahin। umang hai, himmat nahin to bhi saphalta nahin। donon saath rahen to udti kala hai isliye sada himmat aur umang ke pankhon se udte raho। achha।

avyakt murli se chune hue anmol mahaavaakya

108 ratnon ki vaijayanti maala mein aane ke liye sanskaar milan ki raas karo

1) koi bhi maala jab banaate hain to ek daana doosre daane se mila hua rehta hai। vaijayanti maala mein bhi chaahe koi 108 vaan number ho lekin daana daane se mila hota hai। to sabhi ko yeh mahsoosta aaye ki yeh to maala ke samaan piroye hue manke hain। variety sanskaar hote bhi sameep dikhaai den।

2) ek do ke sanskaaron ko jaan karke, ek do ke sneh mein ek do se miljul kar rehna - yeh maala ke daanon ki visheshta hai। lekin ek do ke snehi tab banenge jab sanskaar aur sankalpon ko ek do se milaayenge, iske liye saralta ka gun dhaaran karo।

3) abhi tak stuti ke aadhaar par sthiti hai, jo karma karte ho uske phal ki ichchha rehti hai, stuti nahin milti to sthiti nahin rehti। ninda hoti hai to dhani ko bhool nidhanke ban jaate ho। phir sanskaaron ka takraav shuru ho jaata hai। yahi do baaten maala se baahar kar deti hain। isliye stuti aur ninda donon mein samaan sthiti banaao।

4) sanskaar milaane ke liye jahaan maalik ho chalna hai vahaan baalak nahin banna hai aur jahaan baalak banna hai vahaan maalik nahin banna। baalakpan arthaat nirsankalpa। jo bhi aagya mile, direction mile us par chalna। maalik ban apni raay do phir baalak ban jaao to takraav se bach jaayenge।

5) service mein saphalta ka aadhaar hai namrata। jitni namrata utni saphalta। namrata aati hai nimitta samajhne se। namrata ke gun se sab naman karte hain। jo khud jhukta hai uske aage sabhi jhukte hain। isliye shareer ko nimitta maatra samajhkar chalo aur service mein apne ko nimitta samajhkar chalo tab namrata aayegi। jahaan namrata hai vahaan takraav nahin ho sakta। svatah sanskaar milan ho jaayega।

6) man mein jo bhi sankalp utpanna hote hain usmein sachchaai aur saphaai chaahiye। andar koi bhi vikarma ka kichra nahin ho। koi bhi bhaav-svabhaav, puraane sanskaaron ka bhi kichra nahin ho। jo aisi saphaai vaala hoga vo sachcha hoga aur jo sachcha hoga woh sabka priy hoga। sabke priy ban jaao to sanskaar milan ki raas ho jaayegi। sachche par saahab raazi hota hai।

7) sanskaar milan ki raas karne ke liye apni nature ko easy aur active banaao। easy arthaat apne purushaartha mein, sanskaaron mein bhaareepan na ho। easy hai to active hai। easy rahne se sab kaarya bhi easy, purushaartha bhi easy ho jaata hai। khud easy nahin bante to mushkilaaton ka saamna karna padta hai। phir apne sanskaar, apni kamjoriyaan mushkil ke roop mein dekhne mein aati hain।

8) sanskaar milan ki raas tab ho jab har ek ki visheshta dekho aur svayan ko vishesh aatma samajh visheshtaaon se sampanna bano। yeh mere sanskaar hain, yeh mere sanskaar shabd bhi mit jaayen। itne tak mitna hai jo ki nature bhi badal jaaye। jab harek ki nature badle tab aap logon ke avyakti features banenge।

9) baapdaada bachchon ko vishwa mahaaraajan banaane ki padhaai padhaate hain। vishwa mahaaraajan banne vaale sarva ke snehi honge। jaise baap sarva ke snehi aur sarva unke snehi hain, aise ek-ek ke andar se unke prati sneh ke phool barsenge। jab sneh ke phool yahaan barsenge tab jad chitron par bhi phool barsenge। to lakshya rakho ki sarva ke sneh ke pushpa paatra banen। sneh milega sahayog dene se।

10) sadaiv yahi lakshya rakho ki hamaari chalan dvaara koi ko bhi duhkh na ho। meri chalan, sankalp, vaani aur har karma sukhdaai ho। yeh hai brahman kul ki reeti, yahi reeti apna lo to sanskaar milan ki raas ho jaayegi।

vardaan:- eeshvareey royalty ke sanskaar dvaara har ek ki visheshtaaon ka varnan karne vaale punya aatma bhav

sada svayan ko vishesh aatma samajh har sankalp va karma karna aur har ek mein visheshta dekhna, varnan karna, sarva ke prati vishesh banaane ki shubh kalyaan ki kaamna rakhna-yahi eeshvareey royalty hai। royal aatmaayen doosre dvaara chhodne vaali cheez ko svayan mein dhaaran nahin kar sakti isliye sada attention rahe ki kisi ki kamjori va avgun ko dekhne ka netra sada band ho। ek do ke gun gaan karo, sneh, sahayog ke pushpon ki len-den karo-to punya aatma ban jaayenge।

slogan:- vardaan ki shakti paristhiti roopi aag ko bhi paani bana deti hai।

soochna:- aaj antarraashtreey yog divas teesra ravivaar hai, saayan 6.30 se 7.30 baje tak sabhi bhaai bahinen sangathit roop mein ekatrit ho yog abhyaas mein anubhav karen ki main bhrakuti aasan par viraajmaan parmaatma shaktiyon se sampanna sarvashreshtha raajayogi aatma karmendriy jeet, vikarmaajeet hoon। saara din isi svamaan mein rahen ki saare kalpa mein hero part bajaane vaali main sarvashreshtha mahaan aatma hoon।