मंगलवार 23 जून 2020 की दैनिक मुरली

23-06-2020 praatahmurli om shanti "baapdaada"' madhuban

“meethe bachche - baap aaye hain tumhein gyaan se shuddh khushboodaar phool banaane, tumhein kaanta nahin banna hai, kaanton ko is sabha mein nahin laana hai''

prashn:- jo bachche yaad ki yaatra mein mehnat karte hain unki nishaani kya hogi?

uttar:- yaad ki mehnat karne vaale bachche bahut khushi mein rahenge। buddhi mein rahega ki abhi ham vaapis laut rahe hain। phir humein khushboodaar phoolon ke bageeche mein jaana hai। tum yaad ki yaatra se khushboodaar bante ho aur doosron ko bhi banaate ho।

om shanti। baagvaan bhi baitha hai, maali bhi hai, phool bhi hain। yeh nai baat hai na। koi naya agar sune to kahenge yeh kya kehte hain। baagvaan phool aadi yeh kya hai? aisi baaten to kabhi shaastron mein suni nahin। tum bachche jaante ho, yaad bhi karte hain baagvaan-khivaiya ko। ab yahaan aaye hain, yahaan se paar le jaane। baap kehte hain yaad ki yaatra par rehna hai। apne ko aapehi dekho ham kitna door ja rahe hain? kitna apni satopradhaan avastha tak pahunche hain? jitna satopradhaan avastha hoti jaayegi to samjhenge abhi ham laut rahe hain। kahaan tak ham pahunche hain, saara madaar yaad ki yaatra par hai। khushi bhi chadhi rahegi। jo jitni-jitni mehnat karte hain utna unmein khushi aayegi। jaise imtahaan ke din hote hain to student samajh jaate hain na-ham kahaan tak paas honge। yahaan bhi aise hai-har ek bachcha apne ko jaante hain ki kahaan tak ham khushboodaar phool bane hain? kitna khushboodaar phir auron ko banaate hain? yeh gaaya hi jaata hai-kaanton ka jangal। woh hai phoolon ka bageecha। musalmaan log bhi kehte hain garden oph allaah। samajhte hain vahaan ek bageecha hai, vahaan jo jaata hai unko khuda phool dete hain। man mein jo kaamna hoti hai woh poori karte hain। baaki aise to nahin, koi phool uthaakar dete hain, jaisa jiski buddhi mein hai woh saakshaatkaar ho jaata hai। yahaan saakshaatkaar par kuchh bhi hai nahin। bhakti maarga mein to saakshaatkaar ke liye gala bhi kaat dete hain। meera ko saakshaatkaar hua unka kitna maan hai। woh hai bhakti maarga। bhakti ko aadhaakalpa chalna hi hai। gyaan hai hi nahin। vedon aadi ka bahut maan hai। kehte hain ved to hamaare praan hain। abhi tum jaante ho yeh ved-shaastra aadi sab hain bhakti maarga ke liye। bhakti ka kitna bada vistaar hai। bada jhaad hai। gyaan hai beej। abhi gyaan se tum kitne shuddh hote ho। khushboodaar bante ho। yeh tumhaara bageecha hai। yahaan kaanta kisi ko bhi nahin kahenge kyonki yahaan vikaar mein koi jaate nahin। to kahenge is bageeche mein ek bhi kaanta nahin। kaanta hai kaliyug mein। abhi hai purooshottam sangamayug। ismen kaanta kahaan se aaya। agar koi kaanta baitha hai to apne ko hi nuksaan pahunchaate hain kyonki yeh indraprastha hai na। ismen gyaan pariyaan baithi hain। gyaan dance karne vaali pariyaan hain। mukhya-mukhya ke naam pukhraaj pari, neelam pari aadi-aadi pade hain। vahi phir 9 ratna gaaye jaate hain। parantu yeh kaun the, yeh kisko bhi pata nahin। baap sirf kehte hain mujhe yaad karo। tum bachchon ki buddhi mein ab samajh hai, 84 ka chakra bhi abhi buddhi mein hai। shaastron mein to 84 laakh kah diya hai। meethe-meethe sikeeldhe bachchon ko baap ne samjhaaya hai tumne 84 janma liye। ab tamopradhaan se satopradhaan banna hai। kitna sahaj hai। bhagvaanuvaach bachchon prati, maamekam yaad karo। abhi tum bachche khushboodaar phool banne ke liye apne ko aatma samajh baap ko yaad karo। kaante nahin bano। yahaan sab meethe-meethe phool hain। kaanta nahin। haan maaya ke toofaan to aayenge। maaya aisi kadi hai jo jhat phansa degi। phir pachhtaayenge-hamne yeh kya kiya। hamaari to ki kamaai saari chat ho gai।

yeh hai bageecha। bageeche mein achhe-achhe phool bhi hote hain। is bageeche mein bhi koi to first class phool hote jaate hain। jaise mugal garden mein achhe-achhe phool hote hain। sab jaate hain dekhne। yahaan tumhaare paas koi dekhne to aayenge nahin। tum kaanton ko kya munh dikhaayenge। gaayan bhi hai moot paleeti… baba ko jap saaheb, sukhamni aadi sab yaad thi। akhanda paath bhi karte the, 8 varsha ka tha to patka baandhata tha, rehta hi mandir mein tha। mandir ki charge saari hamaare oopar thi। abhi samajhte hain, moot paleeti kapde dhone ka arth kya hai। mahima saari baba ki hi hai। abhi tum bachchon ko baap baith samjhaate hain। bachchon ko kehte bhi hain-achhe achhe phool laao। jo achhe-achhe phool laayenge woh achha phool maana jaayega। sabhi kehte hain ham shri lakshmi-naaraayan banenge to goya gulaab ke phool ho gaye। baap kehte hain achha tum bachchon ke mukh mein gulaab। ab purooshaartha kar sada gulaab bano। dher ke dher bachche hain। praja to bahut ban rahi hai। vahaan hai hi raaja raani aur praja। satayug mein vajeer hota hi nahin kyonki raaja mein hi power rehti hai। vajeer aadi se raay lene ki darkaar nahin rehti। nahin to raay dene vaala bada ho jaae। vahaan bhagwan-bhagavti ko raay ki darkaar nahin, vajeer aadi tab hote hain, jab patit hote hain। bhaarat ki hi baat hai, aur koi khanda nahin, jahaan raajaayen raajaaon ko maatha tekte ho। yahaan hi dikhaaya jaata hai gyaan maarga mein poojya, agyaan maarga mein pujaari। woh double taaj, woh single taaj। bhaarat jaisa pavitra khanda koi hai nahin। paradise, bahishta tha। tum uske liye hi padhte ho। abhi tumko phool banna hai। baagvaan aaya hai। maali bhi hai। maali nambarvaar hote hain। bachche bhi samajhte hain yeh bageecha hai, ismen kaante nahin, kaante duhkh dete hain। baap to kisko duhkh nahin dete। woh hai hi duhkh harta, sukh karta। kitna meetha baba hai।

tum bachchon ko baap par lav hai। baap bhi bachchon ko lav karte hain na। yeh padhaai hai। baap kehte hain main tumko practical mein padhaata hoon, yeh bhi padhte hain, padhkar phir padhaao to aur bhi kaante se phool banen। bhaarat mahaadaani gaaya hua hai kyonki abhi tum bachche mahaadaani bante ho। avinaashi gyaan ratnon ka tum daan karte ho। baba ne samjhaaya hai aatma hi roop basanta hai। baba bhi roop basanta hai। unmein saara gyaan hai। gyaan ka saagar hai parampita paramatma, woh authority hai na। gyaan ka saagar ek baap hai isliye gaaya jaata hai saara samudra syaahi banaao to bhi khutne vaala nahin hai। aur phir ek second mein jeevanmukti ka bhi gaayan hai। tumhaare paas koi shaastra aadi nahin hain। vahaan koi pandit aadi ke paas jaayenge to samajhte hain yeh pandit bahut padha hua authority hai। isne sab ved shaastra kantha kiye hain phir sanskaar le jaate hain to chhotepan se phir woh adhyayan kar lete hain। tum sanskaar nahin le jaate ho। tum padhaai ki result le jaate ho। tumhaari padhaai poori hui phir result niklegi aur woh pad pa lenge। gyaan thode hi le jaayenge jo kisko sunaayenge। yahaan to tumhaari padhaai hai, jiski praalabdha nai duniya mein milni hai। tum bachchon ko baap ne samjhaaya hai-maaya bhi koi kam shaktivaan nahin hai। maaya ko shakti hai durgati mein le jaane ki। parantu unki mahima thode hi karenge। woh to duhkh dene mein shaktimaan hai na। baap sukh dene mein shaktimaan hai isliye unka gaayan hai। yeh bhi drama bana hua hai। tum sukh uthaate ho to duhkh bhi uthaate ho। haar aur jeet kiski hai, inka bhi maaloom hona chaahiye na। baap bhi bhaarat mein aate hain, jayanti bhi bhaarat mein manaai jaati hai, yeh kisko bhi pata nahin ki shivbaaba kab aaya, kya aakar kiya tha। naam-nishaan hi gum kar diya hai। krishna bachche ka naam de diya hai। vaastav mein beloved baap ki mahima alag, krishna ki mahima alag hai। woh niraakaar, woh saakaar hai। krishna ki mahima hai sarvagun sampanna...... shivbaaba ki yeh mahima nahin karenge, jismen gun hain to avgun bhi honge isliye baap ki mahima hi alag hai। baap ko akaalmoorta kehte hain na। ham bhi akaal moorta hain। aatma ko kaal kha nahin sakta hai। aatma akaal moorta ka yeh takhta hai। hamaara baba bhi akaal moorta hai। kaal shareer ko hi khaate hain। yahaan akaal moorta ko bulaate hain। satayug mein nahi bulaayenge kyonki vahaan to sukh hi sukh hai isliye gaate bhi hain duhkh mein simran sab karen sukh mein kare na koi। abhi raavan raajya mein kitna duhkh hai। baap to svarga ka maalik banaate hain phir vahaan aadhaakalpa koi pukaarte hi nahin। jaise laukik baap bachchon ko shrringaar kar varsa de khud vaanaprastha avastha lete hain। sab kuchh bachchon ko dekar kahenge-abhi ham satsang mein jaate hain। kuchh khaane ke liye bhejte rehna। yeh baba to aise nahin kahenge na। yeh to kehte hain meethe-meethe bachchon ham tumko vishwa ki baadshaahi dekar vaanaprastha mein chale jaayenge। ham thode hi kahenge-khaane ke liye bhejna। laukik bachchon ka to farja hai baap ki sambhaal karna। nahin to khaayenge kaise? yeh baap to kehte hain main nishkaam sevaadhaari hoon। manushya koi nishkaam ho na saken। bhookh mar jaayen। ham thode hi bhookh marenge, ham to abhokta hain। tum bachchon ko vishwa ki baadshaahi dekar ham jaae vishraam karte hain। phir hamaara part banda ho jaata। phir bhakti maarga mein shuru hota hai। yeh anaadi drama bana hua hai, jo raaz baap baith samjhaate hain। vaastav mein tumhaara part sabse jaasti hai to izaapha bhi tumko milna chaahiye। main aaraam karta hoon, to tum phir brahmaanda ke bhi maalik, vishwa ke bhi maalik bante ho। tumhaara naam bada hota hai। yeh drama ka raaz bhi tum jaante ho। tum ho gyaan ke phool। duniya mein ek bhi nahin। raat-din ka farka hai। woh raat mein hain, tum din mein jaate ho। aajkal dekho one utsav karte rehte, ab bhagwan manushyon ka vanotsav kar rahe hain।

baap dekho kaisi kamaal karte hain jo manushya ko devta, rank ko raav (raaja) bana dete hain। abhi behad ke baap se tum sauda lene aaye ho, kehte ho baba hamko rank se raav banaao। yeh to bahut achha graahak hai। unko tum kehte bhi ho duhkh harta sukh karta। in jaisa daan koi hota hi nahin। woh hai sukh dene vaala। baap kehte hain bhakti maarga mein bhi main tumko deta hoon। yeh drama mein noondh hai saakshaatkaar aadi ki। ab baap baith samjhaate hain main kya-kya karta hoon। aage chalkar samjhaate rahenge। aakhreen ant mein tum nambarvaar karmaateet avastha ko paayenge। yeh sab drama mein noondh hai phir bhi purooshaartha karaaya jaata hai, baap ko yaad karo। barobar yeh mahaabhaarat ladaai bhi hai। sab khatma ho jaayenge। baaki bhaaratvaasi hi rahenge phir tum vishwa par raajya karte ho। abhi baap tumko padhaane aaye hain। vahi gyaan saagar hai। yeh bhi khel hai, ismen moonjhane ki baat hi nahin। maaya toofaan mein laayegi। baap samjhaate hain inse daro nahin। bahut gande gande sankalp aayenge। woh bhi tab jab baba ki god lenge। jab tak god hi nahin li hai to maaya itna nahin ladegi। god lene ke baad hi toofaan lagte hain isliye baap kehte hain god bhi sambhaal kar leni chaahiye। kamjor hai to phir praja mein aa jaayenge। raajaai pad paana to achha hai, nahin to daas-daasiyaan banna padega। yeh sooryavanshi-chandravanshi raajdhaani sthaapan ho rahi hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) roop-basanta ban avinaashi gyaan ratnon ka daan kar mahaadaani banna hai। jo padhaai padhte ho woh doosron ko bhi padhaani hai।

2) kisi bhi baat mein moonjhana va darna nahin hai, apni sambhaal karni hai। apne aapse poochhna hai main kis prakaar ka phool hoon। mere mein koi badbu to nahin hai?

vardaan:- naaummeendi ki chita par baithi hui aatmaon ko naye jeevan ka daan dene vaale trimoorti praaptiyon se sampanna bhav

sangamayug par baap dvaara sabhi bachchon ko ever healthy, wealthy aur happy rahne ka trimoorti vardaan praapta hota hai jo bachche in teenon praaptiyon se sada sampanna rehte hain unka khushanseeb, harshitmukh chehra dekhkar maanav jeevan mein jeene ka umang-utsaah aa jaata hai kyonki abhi manushya jinda hote bhi naaummeedi ki chita par baithe hue hain। ab aisi aatmaon ko marjeeva banaao। naye jeevan ka daan do। sada smriti mein rahe ki yeh teenon praaptiyaan hamaara janma siddha adhikaar hain। teenon hi dhaarnaaon ke liye double underline lagaao।

slogan:- nyaare aur adhikaari hokar karma mein aana-yahi bandhanmukta sthiti hai।