बुधवार 24 जून 2020 की दैनिक मुरली

24-06-20 praatahmurli om shanti ''maateshvari'' revise 26-04-65 madhuban

“aap aatmaayen jab svachchha bano tab yeh sansaar sukhdaai banen, duhkhon ka kaaran - 5 vikaaron ke vasheebhoot hokar kiye gaye karma'' (maateshvari ji ke anmol mahaavaakya)

geet:- jaane na nazar, pahchaane jigar…

apne behad baap ki mahima suni। common manushya ki aisi mahima nahin ho sakti hai। yeh usi ek ki mahima hai jo is mahima ka adhikaari hai kyonki unki mahima unke kartavya anusaar gaai jaati hai। unka kartavya sab manushya aatmaon se mahaan hai kyonki sabhi manushya aatmaon ke liye hi unka kartavya hai। to sabse ooncha ho gaya na kyonki sabke liye sabka gati sadgati daata ek। aise nahin kahenge ki thodon ki gati sadgati ki। woh hai sarva ka gati sadgati daata। to sabki authority ho gai na। vaise bhi common tarah se dekha jaae to mahima tab hi hoti hai jab koi kartavya karta hai। jinhonne kuchh-na-kuchh thoda bahut aisa kaam kiya hai to unki dekho mahima hai। to baap ki bhi jo mahima hai ki woh oonche te ooncha hai, to zaroor usne yahaan aa karke mahaan kartavya kiya hai aur vo hamaare liye, manushya srishti ke liye mahaan oonch kartavya kiya kyonki is srishti ka harta karta use kaha jaata hai। to usne aa karke manushya srishti ko oonch banaaya hai। prakriti sahit sabko parivartan mein laaya hai। lekin kis yukti se laaya hai? woh baith karke samjhaate hain kyonki aise nahin hai pahle manushya aatma, aatma ko change laane se phir aatma ke bal se, apne karma ke bal se phir yeh sab prakriti tatva aadi par bhi unka bal kaam karta hai। lekin banaane vaala to woh ho gaya na, isliye banaane vaala vo parantu banaate kaise hain? jab tak manushya aatma oonchi na banen tab tak aatma ke aadhaar se shareer prakriti tatva aadi yeh sabhi nambarvaar usi taakat mein aate hain, usse phir saari srishti hari-bhari sukhdaai banti hai।

to manushya srishti ko sukhdaai banaane vaala baap jaanta hai ki manushya srishti sukhdaai kaise banegi? jab tak aatmaayen svachchha nahin bani hain tab tak sansaar sukhdaai nahin ho sakta hai isliye vo aa karke pahle-pahle aatmaon ko hi svachchha banaate hain। abhi aatma ko impyuriti (asvachchhata) lagi hai। pahle us impyuriti ko nikaalna hai। phir aatma ke bal se har cheez se unki tamopradhaanta badal karke satopradhaanta hogi, jisko kahenge ki sabhi golden aged mein aa jaate hain, to yeh tatva aadi sab golden aged stage mein aa jaate hain। parantu pahle aatma ki stage badalti hai। to aatmaon ka badlaane vaala arthaat aatmaon ko pyooriphaaeed banaane vaala phir authority vo ho gaya। tum dekhte ho na ki abhi duniya badalti ja rahi hai। pahle to apne ko badalna hai, jab ham apne ko badlenge tab uske aadhaar se duniya badlegi। agar abhi tak hamaare mein pharka nahin aaya hai, apne ko hi nahin badla hai to phir duniya kaise badlegi isliye apni jaanch roz karo। jaise potaamel rakhne vaale raat ko apna khaata dekhte hain na ki aaj kya jama hua? sab apna hisaab rakhte hain। to yeh bhi apna potaamel rakhna hai ki saare din mein hamaara kitna phaayda raha, kitna nuksaan raha? agar nuksaan mein kuchh jyaada gaya to phir doosre din ke liye phir khabardaar rehna hai। isi tarah se apna attention rakhne se phir ham phaayde mein jaate-jaate apni jo position hai usko pakadte chalenge। to aisi jaanch rakhte apne ko badla hua mahsoos karna chaahiye। aise nahin ki ham to devta banenge, woh to peechhe banenge, abhi jaise hain vaise theek hain...। nahin। abhi se woh devtaai sanskaar banaane hain। abhi tak jo 5 vikaaron ke vash sanskaar chalte the, abhi dekhna hai ki un vikaaron se ham chhootte ja rahe hain? hamaare mein jo krodh aadi tha woh nikalta ja raha hai? lobh ya moh aadi jo tha woh sab vikaari sanskaar badalte ja rahe hain? agar badalte ja rahe hain, chhootte ja rahe hain to maano ham badalte ja rahe hain। agar nahin chhootte hain to samjho ki abhi ham badle nahin hai। to badalne ka pharka mahsoos hona chaahiye, apne mein change aani chaahiye। aise nahin ki saara din vikaari khaate mein hi chalte rahen, baaki samjhen ki hamne achha koi daan-punya kiya, bas। nahin। hamaara jo karma ka khaata chalta hai, usi mein hamko sambhalna hai। ham jo kuchh karte hain usmein kisi vikaar ke vash ho apna vikarmi khaata to nahin banaate hain? ismen apne aapko sambhaalna hai। yeh saara potaamel rakhna hai aur sone se pahle 10-15 minute apne ko dekhna chaahiye ki saara din hamaara kaise beeta? kai to note bhi karte hain kyonki pichhle paapon ka jo sir par bojh hai use bhi mitaana hai, uske liye baap ka pharmaan hai mujhe yaad karo, to woh bhi hamne kitna samay yaad mein diya? kyonki yeh chart rakhne se doosre din ke liye saavdhaan rahenge। aise saavdhaan rehte-rehte phir saavdhaan ho jaayenge phir hamaare karma achhe rehte chalenge aur phir aisa koi paap nahin hoga। to paapon se hi to bachna hai na।

hamko in vikaaron ne hi bura banaaya hai। vikaaron ke kaaran hi ham duhkhi hue hain। abhi humein duhkh se chhootna hai to yahi mukhya cheez hai। bhakti mein bhi paramatma ko ham pukaarte hain, yaad karte hain jo bhi kuchh yatna (purushaartha) karte hain, woh kisliye karte hain? sukh aur shanti ke liye karte hain na! to uski yeh practical practice abhi karaai jaati hai। yeh practical karne ki college hai, iski practice karne se ham svachchha athva pavitra bante jaayenge। phir hamaara jo aadi sanaatan pavitra pravritti ka lakshya hai vo ham pa lenge। jaise koi doctor banne ke liye daaktari college mein jaayega, to doktari practice se doctor banta jaayega। isi tarah se ham bhi is college mein is padhaai se athva is practice se in vikaaron se athva paap karma karne se chhootte svachchha hote jaayenge। phir svachchha ki degree kya hai? devta।

yeh devtaayen to gaaye hue hain na, unki mahima hai sarvagun sampanna, solah kala sampoorn, sampoorn nirvikaari... to aise kaise banenge? aise nahin ham to bane banaaye hain, nahin। banna hai kyonki ham hi bigde hain hamko hi banna hai। aise nahin devtaaon ki koi doosri duniya hai। ham manushya hi devta banne hain। woh devta hi gire hain, ab phir chadhna hai। lekin chadhne ka dhang baap sikhla rahe hain। abhi unke saath humein apna relation jodna hai। abhi baap ne aa karke roshni di hai, aakhir tum mere ho abhi mere ho karke kaise raho। jaise laukik mein baap bachchon ka, bachcha baap ka kaise hokar rehta hai। aise tum tan, man, dhan se mere ho karke chalo। kaise chalo! uska aadarsha (pramaan) yeh (baba) hai jiske tan mein aata hai, woh apna tan man dhan sab unke havaale kar unka hokarke chal rahe hain। aise follow father। ismen aur kuchh poochhne ki aur moonjhane ki baat nahin hai। seedhi saaph baat hai। to abhi chalte raho। aise nahin suno bahut aur dhaaran karo thoda। nahin। suno thoda dhaaran karo bahut। jo sunte ho usko practical mein kaise laayen uska poora khyaal rakhte raho। apni practice ko aage badhaate raho। aise nahin sunte rahen, sunte rahen...। nahin। aaj jo suna usko agar koi practical mein laaye, bas ham aaj se usi stage mein chalenge। vikaaron ke vash hokar koi aisa kaam nahin karenge aur apni aisi dincharya banaayenge, apna aisa chart rakhenge। agar isko koi practical practice mein laaye to to dekho kya ho jaayega। to abhi jo kaha na, usko practical mein laana। jo kehte ho, jo sunte ho woh karo। bas। doosri baat nahin। sirf karni ke oopar jor do। samjha। jaise baap aur daada donon ko achhi tarah se jaante ho na, aise ab follow karo। aise follow karne vaale jo sapoot bachche hain athva meethe-meethe bachche hain, aise bachchon prati yaadapyaar aur good morning।

doosri murli:- 1957

geet:- mera chhota-sa dekho ye sansaar hai...।

yeh geet kis samay ka gaaya hua hai kyonki is sangam samay hi ham brahman kul ka yeh chhota-sa sansaar hai। yeh hamaara kaun-sa parivaar hai, woh nambarvaar batlaate hain। ham parampita paramatma shiv ke potre hain, brahma sarasvati ki mukh santaan hain aur vishnu shankar hamaare taaya ji hain aur ham aapas mein sabhi bhaai behen thahre। yeh hai apna chhota-sa sansaar... inke aage aur sambandh racha hi nahin hai, isi samay ka itna hi sambandh kahenge। dekho hamaara sambandh kitna badi authority se hai! hamaara grand papa hai shiv, unka naam kitna bhaari hai, vo saari manushya srishti ka beejroop hai। sarva aatmaon ka kalyaankaari hone kaaran unko kaha jaata hai har har bholaanaath shiv mahaadev। vo saari srishti ka duhkh harta, sukh karta hai, us dvaara humein sukh-shanti-pavitrata ka bada hak milta hai, shanti mein phir koi karmabandhan ka hisaab-kitaab nahin rehta। parantu yeh donon vastu pavitrata ke aadhaar par rakhte hain। jab tak pita ki paravrish ka poorn varsa le, pita se certificate nahin mila hai, tab tak vo varsa mil nahin sakta। dekho, brahma ke oopar kitna bada kaam hai - malechchha 5 vikaaron mein maili apvitra aatmaon ko gulgul banaate hain, jis alaukik kaarya ka ujoora phir satayug ka pahla number shreekrishna pad milta hai। ab dekho us pita ke saath tumhaara kaisa sambandh hai! to kitna bephikar aur khush hona chaahiye। ab har ek apni dil se poochhe ham unke poorn reeti ho chuke hain?

sochna chaahiye ki jab paramatma baap aaya hai to unse ham complete varsa le leven। student ka kaam hai sampoorn purushaartha kar scholarship lena, to ham pahla number lottery kyon na win karen! woh hai vijay maala mein piroya jaana। baaki koi hain jo do laddu pakadkar baithe hain, yahaan ka bhi had ka sukh loon aur vahaan bhi vaikuntha mein kuchh-na-kuchh sukh le lenge, aise vichaarvaan ko madhyam aur kanishtha purushaarthi kahenge, na ki sarvottam purushaarthi। jab baap dene mein aanaakaani nahin karta to lene vaale kyon karte hain? tab gurunaanak ne kaha paramatma to daata hai, samartha hai magar aatmaon ko lene ki bhi taakat nahin, kahaavat hai denda de, lenda thak paave। (dene vaala deta hai lekin lene vaala thak jaata hai) aapke dil mein aata hoga ham kyon nahin chaahenge ki ham bhi yeh pad paayen parantu dekho, baba kitni mehnat karta hai, phir bhi maaya kitna vighna daalti hai, kyon? ab maaya ka raajya samaapta hone vaala hai। ab maaya ne saara saar nikaal diya hai tab hi paramatma aata hai। usmein sab ras samaaya hua hai, unse sabhi sambandhon ki rasna milti hai tab hi tvamev maataashcha pita... aadi yeh mahima us paramatma ki gaai hui hai, to balihaari is samay ki hai jo aisa sambandh hua hai।

to paramatma ke saath itna sampoorn sambandh jodna hai jo 21 janmon ke liye sukh praapta ho jaaye, yeh hai purushaartha ki siddhi। parantu 21 janma ka naam sun thande mat pad jaana। aise nahin sochna ki 21 janmon ke liye itna is samay purushaartha bhi karen, phir bhi 21 janmon ke baad girna hi hai to siddhi kya hui? parantu drama ke andar aatmaon ki jitni sarvottam siddhi mukrar hai vo to milegi na! baap aakarke humein sampoorn stage par pahuncha deta hai, parantu ham bachche baba ko bhool jaate hain to zaroor girenge, ismen baap ka koi dosh nahin hai। ab kami hui to ham bachchon ki, satayug treta ka saara sukh is janma ke purushaartha par aadhaar rakhta hai to kyon na sampoorn purushaartha kar apna sarvottam part bajaayen! kyon na purushaartha kar woh varsa leven। purushaartha manushya sada sukh ke liye hi karta hai, sukh duhkh se nyaare hone ke liye koi purushaartha nahin karta, vo to drama ke ant mein paramatma aae sabhi aatmaon ko saja de, pavitra banaae part se mukta karenge। yeh to paramatma ka kaarya hai vo apne mukrar samay par aapehi aakar bataata hai। ab jab aatmaon ko phir bhi part mein aana hi padega to kyon na sarvottam part bajaayen।

achha - meethe-meethe bachchon prati maa ka yaadapyaar। om shanti।

vardaan:- baba shabd ki smriti se kaaran ko nivaaran mein parivartan karne vaale sada achal adol bhav

koi bhi paristhiti jo bhal halchal vaali ho lekin baba kaha aur achal banen। jab paristhitiyon ke chintan mein chale jaate ho to mushkil ka anubhav hota hai। agar kaaran ke bajaae nivaaran mein chale jaao to kaaran hi nivaaran ban jaae kyonki master sarvashaktimaan braahmanon ke aage paristhitiyaan cheenti samaan bhi nahin। sirf kya hua, kyon hua yeh sochne ke bajaae, jo hua usmein kalyaan bhara hua hai, seva samaai hui hai.. bhal roop circumstance ka ho lekin samaai seva hai-is roop se dekhenge to sada achal adol rahenge।

slogan:- ek baap ke prabhaav mein rahne vaale kisi bhi aatma ke prabhaav mein aa nahin sakte।