मंगलवार 14 जुलाई 2020 की दैनिक मुरली

14-07-2020 praatahmurli om shanti "baapdaada"' madhuban

“meethe bachche - is shareer ki value tab hai jab ismen aatma pravesh kare, lekin sajaavat shareer ki hoti, aatma ki nahin''

prashn:- tum bachchon ka farja kya hai? tumhein kaun-si seva karni hai?

uttar:- tumhaara farja hai - apne hamjinsa ko nar se naaraayan, naari se lakshmi banne ki yukti bataana। tumhein ab bhaarat ki sachchi roohaani seva karni hai। tumhein gyaan ka teesra netra mila hai to tumhaari buddhi aur chalan badi refine honi chaahiye। kisi mein moh zara bhi na ho।

geet:- nayan heen ko raah dikhaao…

om shanti। double shanti। tum bachchon ko respond karna chaahiye om shanti। hamaara svadharma hai shanti। tum abhi shanti ke liye thode hi kahaan jaayenge। manushya man ki shanti ke liye saadhu-santon ke paas bhi jaate hain na। ab man-buddhi to hain aatma ke organs। jaise yeh shareer ke organs hain vaise man, buddhi aur chakshu। ab chakshu jaise yeh nayan hain, vaise woh nahin hain। kehte hain - he prabhu, nayan heen ko raah bataao। ab prabhu va eeshvar kahne se woh baap ka lav nahin aata hai। baap se to bachchon ko varsa milta hai। yahaan to tum baap ke saamne baithe ho। padhte bhi ho। tumko kaun padhaate hain? tum aise nahin kahenge ki paramatma va prabhu padhaate hain। tum kahenge shivbaaba padhaate hain। baba akshar to bilkul simple hai। hai bhi baapdaada। aatma ko aatma hi kaha jaata hai, vaise woh param aatma hai। woh kehte hain main param aatma yaani paramatma tumhaara baap hoon। phir mujh param aatma ka drama anusaar naam rakha hua hai shiv। drama mein sabka naam bhi chaahiye na। shiv ka mandir bhi hai। bhakti maarga vaalon ne to ek ke badle anek naam rakh diye hain। aur phir dher ke dher mandir banaate rehte hain। cheez ek hi hai। somnaath ka mandir kitna bada hai, kitna sajaate hain। mahlon aadi ki bhi kitni sajaavat rakhte hain। aatma ki to koi sajaavat nahin hai, vaise param aatma ki bhi sajaavat nahin hai। woh to bindi hai। baaki jo bhi sajaavat hai, woh shareeron ki hai। baap kehte hain - na hamaari sajaavat hai, na aatmaon ki sajaavat hai। aatma hai hi bindi। itni chhoti bindi to kuchh part baja na sake। woh chhoti-si aatma shareer mein pravesh karti hai to shareer ki kitne prakaar ki sajaavat hoti hai। manushyon ke kitne naam hain। king queen ki sajaavat kaise hoti hai, aatma to simple bindi hai। abhi tum bachchon ne yeh bhi samjha hai। aatma hi gyaan dhaaran karti hai। baap kehte hain mere mein bhi gyaan hai na। shareer mein thode hi gyaan hota hai। mujh aatma mein gyaan hai, mujhe yeh shareer lena padta hai tumko sunaane ke liye। shareer bigar to tum sun na sako। ab yeh geet banaaya hai, nayan heen ko raah bataao...... kya shareer ko raah bataani hai? nahin। aatma ko। aatma hi pukaarti hai। shareer ko to do netra hain। teen to ho na saken। teesre netra ka yahaan (mastak mein) tilak bhi dete hain। koi sirf bindi muaaphik dete hain, koi lakeer nikaalte hain। bindi to hai aatma। baaki gyaan ka teesra netra milta hai। aatma ko pahle yeh gyaan ka teesra netra nahin tha। koi bhi manushya maatra ko yeh gyaan nahin hai, isliye gyaan netraheen kaha jaata hai। baaki yeh aankhe to sabko hain। saari duniya mein koi ko yeh teesra netra nahin hai। tum ho sarvottam brahman kul ke। tum jaante ho bhakti maarga aur gyaan maarga mein kitna farka hai। tum rachta aur rachna ke aadi-madhya-ant ko jaankar chakravarti raaja bante ho। jaise aai. si. S. vaale bhi bahut ooncha pad paate hain। parantu yahaan koi padhaai se em.pi. aadi nahin bante hain। yahaan to chunaav hote hain, votes par em.pi. aadi bante hain। abhi tum aatmaon ko baap ki shreemat milti hai। aur koi bhi aise nahin kahenge ki ham aatma ko mat dete hain। woh to sab hain deh-abhimaani। baap hi aakar dehi-abhimaani banna sikhlaate hain। sab hain deh-abhimaani। manushya shareer ka kitna bhabhka rakhte hain। yahaan to baap aatmaon ko hi dekhte hain। shareer to vinaashi, worth not A penny hai। jaanavron ki to phir bhi khaal aadi bikti hai। manushya ka shareer to koi kaam mein nahin aata। ab baap aakar worth pound banaate hain।

tum bachche jaante ho ki abhi ham so devta ban rahe hain to yeh nasha chadha rehna chaahiye। parantu yeh nasha bhi nambarvaar purooshaartha anusaar rehta hai। dhan ka bhi nasha hota hai na। abhi tum bachche bahut dhanvaan bante ho। tumhaari bahut kamaai ho rahi hai। tumhaari mahima bhi anek prakaar ki hai। tum phoolon ka bageecha banaate ho। satayug ko kaha jaata hai garden oph flowers। iska sapling kab lagta hai - yeh bhi kisko pata nahin। tumko baap samjhaate hain। bulaate bhi hain - he baagvaan aao। unko maali nahin kahenge। maali tum bachche ho jo centres sambhaalte ho। maali anek prakaar ke hote hain। baagvaan ek hi hai। mugal garden ke maali ko pagaar bhi itna bada milta hoga na। bageecha aisa sundar banaate hain jo sab dekhne aate hain। mugal log bahut shaukeen hote the, unki stri mari to taajamhal banaaya। unka naam chala aata hai। kitne achhe-achhe yaadgaar banaaye hain। to baap samjhaate hain, manushya ki kitni mahima hoti hai। manushya to manushya hi hain। ladaai mein dher ke dher manushya marte hain phir kya karte hain। ghaaslet, petrol daal khalaas kar dete hain। koi to aise hi pade rehte hain। daphan thode hi karte hain। kuchh bhi maan nahin। to ab tum bachchon ko kitna naaraayni nasha chadhna chaahiye। yeh hai vishwa ke maalikapne ka nasha। satya naaraayan ki katha hai to zaroor naaraayan hi banenge। aatma ko gyaan ka teesra netra milta hai। dene vaala hai baap। teejri ki katha bhi hai। in sabka arth baap baith samjhaate hain। katha sunaane vaale kuchh bhi nahin jaante। amraktha bhi sunaate hain। ab amarnaath par kahaan door-door jaate hain। baap to yahaan aakar sunaate hain। oopar to sunaate nahin hain। vahaan thode hi paarvati ko baith amraktha sunaai। yeh kathaayen aadi jo banaai hain - yeh bhi drama mein noondh hain। phir bhi hoga। baap baith tum bachchon ko bhakti aur gyaan ka contrast bataate hain। abhi tumko gyaan ka teesra netra mila hai। kehte hain na - he prabhu, andhon ko raah bataao। bhakti maarga mein pukaarte hain। baap aakar teesra netra dete hain jiska koi ko pata nahin hai sivaae tumhaare। gyaan ka teesra netra nahin hai to kahenge chooncha, dhundhakaari। aankhen bhi koi ki kaisi, koi ki kaisi hoti hai na। koi ki bahut shobhaavaan aankhen hoti hain। phir us par inaam bhi milta hai phir naam rakhte hain miss India, miss phalaani। tum bachchon ko ab baap kya se kya banaate hain। vahaan to natural beauty rehti hai। krishna ki itni mahima kyon hai? kyonki sabse jaasti beautiful bante hain। number one mein karmaateet avastha ko paate hain, isliye number one mein gaayan hai। yeh bhi baap baith samjhaate hain। baap baar-baar kehte hain - bachche, manamnaabhav। he aatmaayen apne baap ko yaad karo। bachchon mein bhi nambarvaar to hain na। laukik baap ko bhi samjho 5 bachche hain, unmein jo bahut sayaana hoga unko number one rakhenge। maala ka daana hua na। kahenge yeh doosra number hai, yeh teesra number hai। ek jaise kabhi nahin hote hain। baap ka pyaar bhi nambarvaar hota hai। woh hai had ki baat। yeh hai behad ki baat।

jin bachchon ko gyaan ka teesra netra mila hai unki buddhi aur chalan aadi badi refine hoti hai। ek king oph flower hota hai to yeh brahma aur sarasvati king queen flower thahre। gyaan aur yaad donon mein teekhe hain। tum jaante ho ham devta bante hain। mukhya 8 ratna bante hain। pahle-pahle hai phool। phir yugal daana brahma-sarasvati। maala simarte hain na। vaastav mein tumhaara poojan nahin hai, simran hai। tumhaare oopar phool nahin chadh sakte hain। phool tab chadhe jab shareer bhi pavitra ho। yahaan koi ka bhi shareer pavitra nahin hai। sab vish se paida hote hain, isliye vikaari kaha jaata hai। in lakshmi-naaraayan ko kehte hi hai sampoorn nirvikaari। bachche to paida hote honge na। aise to nahin koi tube se bachcha paida ho jaayega। yeh bhi sab samajhne ki baaten hain। tum bachchon ko yahaan 7 roz bhatthi mein bithaaya jaata hai। bhatthi mein eeten koi to poori pak jaati hain, koi kachchi rah jaati hain। bhatthi ka misaal dete hain। ab eet ki bhatthi ka thode hi shaastron mein varnan ho sakta hai। phir usmein billi ki bhi baat hai। gulabkaavli ki kahaani mein bhi billi ka naam dikhaaya hai। deeve (deepak) ko bujha deti thi। tumhaara bhi yeh haal hota hai na। maaya billi vighna daal deti hai। tumhaari avastha ko hi gira deti hai। deh-abhimaan hai pahla number phir aur vikaar aate hain। moh bhi bahut hota hai। bachchi kahe main bhaarat ko svarga banaane ki roohaani seva karoongi, moh vash maa-baap kehte ham allow nahin karenge। yeh bhi kitna moh hai। tumhein moh ki billi ya billa nahin banna hai। tumhaari em object hi yeh hai। baap aakar manushya se devta, nar se naaraayan banaate hain। tumhaara bhi farja hai apne hamjinsa ki seva karna, bhaarat ki service karna। tum jaante ho ham kya the, kya ban gaye hain। ab phir purooshaartha karo raajaaon ka raaja banne ke liye। tum jaante ho ham apna raajya sthaapan karte hain। koi takleeph ki baat nahin। vinaash ke liye bhi drama mein yukti rachi hui hai। aage bhi mooslon se ladaai lagi thi। jab tumhaari poori taiyaari ho jaayegi, sab phool ban jaayenge tab vinaash hoga। koi king oph flower hain, koi gulaab, koi motiya hain। har ek apne ko achhi reeti samajh sakte hain ki ham ak hain va phool hain? bahut hain jinko gyaan ki kuchh dhaarna nahin hoti hai। nambarvaar to banenge na। ya to bilkul highest, ya to bilkul lowest। raajdhaani yahaan hi banti hai। shaastron mein to dikhaaya hai paandav gal mare phir kya hua, kuchh bhi pata nahin। kathaayen to bahut banaai hain, aisi koi baat hai nahin। abhi tum bachche kitne svachchha buddhi bante ho। baba tumko bahut prakaar se samjhaate rehte hain। kitna sahaj hai। sirf baap ko aur varse ko yaad karna hai। baap kehte hain main hi patit-paavan hoon। tumhaari aatma aur shareer donon patit hain। ab paavan banna hai। aatma pavitra banti hai to shareer bhi pavitra banta hai। abhi tumko bahut mehnat karni hai। baap kehte hain - bachche bahut kamzor hain। yaad bhool jaati hai। baba khud apna anubhav bataate hain। bhojan par yaad karta hoon - shivbaaba hamko khilaate hain phir bhool jaate hain। phir smriti mein aata hai। tumhaare mein bhi nambarvaar purooshaartha anusaar hain। koi to bandhanmukta hote hue bhi phir phans marte hain। dharma ke bhi bachche bana dete hain। abhi tum bachchon ko gyaan ka teesra netra dene vaala baap mila hua hai - inko phir naam diya hai teejri ki katha arthaat teesra netra milne ki katha। ab tum naastik se aastik bante ho। bachche jaante hain baap bindi hai। gyaan ka saagar hai। woh to kah dete naam-roop se nyaara hai। are, gyaan ka saagar to zaroor gyaan sunaane vaala hoga na। inka roop bhi ling dikhaate hain phir unko naam-roop se nyaara kaise kehte! saikdon naam rakh diye hain। bachchon ki buddhi mein yeh saara gyaan achhi reeti rehna chaahiye। kehte bhi hain paramatma gyaan ka saagar hai। saara jangal kalam banaao to bhi ant nahin ho sakta hai। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) abhi ham baap dvaara birth pound bane hain, ham so devta banne vaale hain, isi naaraayni nashe mein rehna hai, bandhan-mukta ban seva karni hai। bandhanon mein phansana nahin hai।

2) gyaan-yog mein teekhe ban maat-pita samaan king aaph flower banna hai aur apne hamjinsa ki bhi seva karni hai।

vardaan:- kyon, kya ke question ki jaal se sada mukta rahne vaale vishwa sevaadhaari chakravarti bhav

jab svadarshan chakra right taraph chalne ke bajaae wrong taraph chal jaata hai tab maayaajeet banne ke bajaae par ke darshan ke uljhan ke chakra mein aa jaate ho jisse kyon aur kya ke question ki jaal ban jaati hai jo svayan hi rachte aur phir svayan hi phans jaate isliye knowledgeful ban svadarshan chakra phiraate raho to kyon kya ke question ki jaal se mukta ho yogayukta, jeevanmukta, chakravarti ban baap ke saath vishwa kalyaan ki seva mein chakra lagaate rahenge। vishwa sevaadhaari chakravarti raaja ban jaayenge।

slogan:- plen buddhi se plan ko practical mein laao to saphalta samaai hui hai।