बुधवार 29 जुलाई 2020 की दैनिक मुरली

29-07-2020 praatahmurli om shanti "baapdaada"' madhuban

“meethe bachche - pahle-pahle sabko baap ka sahi parichay dekar geeta ka bhagwan siddha karo phir tumhaara naam baala hoga''

prashn:- tum bachchon ne chaaron yugon mein chakra lagaaya hai, uski rasma bhakti mein chal rahi hai, woh kaun-si?

uttar:- tumne chaaron yugon mein chakra lagaaya woh phir sab shaastron, chitron aadi ko gaadi mein rakh chaaron or parikrama lagaate hain। phir ghar mein aakar sula dete hain। tum brahman, devta, kshatriy… bante। is chakra ke badle unhonne parikrama dilaana shuru kiya hai। yeh bhi rasma hai।

om shanti। roohaani baap baith roohaani bachchon ko samjhaate hain, jab koi ko samjhaate ho to pahle yeh clear kar do ki baap ek hai, poochhna nahin hai ki baap ek hai va anek hain। aise to phir anek kah denge। kehna hi hai baap rachta god father ek hai। woh sab aatmaon ka baap hai। pahle-pahle aise bhi nahin kehna chaahiye ki woh bindi hai, ismen phir moonjh padenge। pahle-pahle to yeh achhi reeti samjhaao ki do baap hain - laukik aur paarlaukik। laukik to har ek ka hota hi hai lekin unko koi khuda, koi god kehte hain। hai ek hi। sab ek ko hi yaad karte hain। pahle-pahle yeh pakka nishchay karaao ki father hai svarga ki rachna karne vaala। woh yahaan aayenge svarga ka maalik banaane, jisko shivjayanti bhi kehte hain। yeh bhi tum bachche jaante ho svarga ka rachta bhaarat mein hi svarga rachte hain, jismen devi-devtaaon ka hi raajya hota hai। to pahle-pahle baap ka hi parichay dena hai। unka naam hai shiv। geeta mein bhagvaanuvaach hai na। pahle-pahle to yeh nishchay karaae likha lena chaahiye। geeta mein hai bhagvaanuvaach - main tumko raajayog sikhaata hoon arthaat nar se naaraayan banaata hoon। yeh kaun bana sakte hain? zaroor samjhaana pade। bhagwan kaun hai phir yeh bhi samjhaana hota hai। satayug mein pahle number mein jo lakshmi-naaraayan hain, zaroor vahi 84 janma lete honge। peechhe phir aur-aur dharma vaale aate hain। unhon ke itne janma ho na saken। pahle aane vaalon ke hi 84 janma hote hain। satayug mein to kuchh seekhte nahin hain। zaroor sangam par hi seekhte honge। to pahle-pahle baap ka parichay dena hai। jaise aatma dekhne mein nahin aati hai, samajh sakte hain, vaise paramatma ko bhi dekh nahin sakte। buddhi se samajhte hain woh ham aatmaon ka baap hai। unko kaha jaata hai param aatma। woh sadaiv paavan hai। unko aakar patit duniya ko paavan banaana hota hai। to pahle baap ek hai, yeh siddha kar bataane se geeta ka bhagwan krishna nahin hai, woh bhi siddha ho jaayega। tum bachchon ko siddha kar bataana hai, ek baap ko hi truth kaha jaata hai। baaki karmakaanda va teertha aadi ki baaten sab bhakti ke shaastron mein hain। gyaan mein to inka koi varnan hi nahin hai। yahaan koi shaastra nahin। baap aakar saara raaz samjhaate hain। pahle-pahle tum bachche is baat par jeet paayenge ki bhagwan ek niraakaar hai, na ki saakaar। parampita paramatma shiv bhagvaanuvaach, gyaan ka saagar sabka baap woh hai। shreekrishna to sabka baap ho nahin sakta woh kisi ko kah nahin sakta ki deh ke sab dharma chhod maamekam yaad karo। hai bahut sahaj baat। parantu manushya shaastra aadi padhkar, bhakti mein pakke ho gaye hain। aajkal shaastron aadi ko gaadi mein rakh parikrama dete hain। chitron ko, granth ko bhi parikrama dilaate hain phir ghar le aakar sulaate hain। abhi tum bachche jaante ho ham devta se kshatriy, vaishya, shudra bante hain, yeh chakra lagaate hain। chakra ke badle woh phir parikrama dilaakar ghar mein jaae rakhte hain। unhon ka ek mukrar din rehta hai, jab parikrama dilaate hain। to pahle-pahle yeh siddha kar bataana hai ki shreekrishna bhagvaanuvaach nahin parantu shiv bhagvaanuvaach hai। shiv hi punarjanma rahit hai। woh aate zaroor hain, parantu unka divya janma hai। bhaageerath par aakar savaar hote hain। patiton ko aakar paavan banaate hain। rachta aur rachna ke aadi-madhya-ant ka raaz samjhaate hain, jo knowledge aur koi nahin jaante hain। baap ko aapehi aakar apna parichay dena hai। mukhya baat hai hi baap ke parichay ki। vahi geeta ka bhagwan hai, yeh tum siddha kar bataayenge to tumhaara naam bahut baala ho jaayega। to aisa parcha banaakar usmein chitra aadi bhi lagaakar phir aeroplane se giraane chaahiye। baap mukhya-mukhya baaten samjhaate rehte hain। tumhaari mukhya ek baat mein jeet hui to bas tumne jeet paai। ismen tumhaara naam bahut baala hua hai, ismen koi khitpit nahin karenge। yeh badi clear baat hai। baap kehte hain main sarvavyaapi kaise ho sakta hoon। main to aakar bachchon ko knowledge sunaata hoon। pukaarte bhi hain - aakar paavan banaao। rachta aur rachna ka gyaan sunaao। mahima bhi baap ki alag, krishna ki alag hai। aise nahin shivbaaba aakar phir krishna va naaraayan bante hain, 84 janmon mein aate hain! nahin। tumhaari buddhi saari yeh baaten samjhaane mein lagi rahni chaahiye। mukhya hai hi geeta। bhagvaanuvaach hai, to zaroor bhagwan ka mukh chaahiye na। bhagwan to hai niraakaar। aatma mukh bigar bole kaise। tab kehte hain main saadhaaran tan ka aadhaar leta hoon। jo pahle lakshmi-naaraayan bante hain, vahi 84 janma lete-lete pichhaadi mein aate hain to phir unke hi tan mein aate hain। krishna ke bahut janmon ke ant mein aate hain। aise-aise vichaar saagar manthan karo ki kaise kisko samjhaayen। ek hi baat se tumhaara naam baala ho jaayega। rachta baap ka sabko maaloom pad jaayega। phir tumhaare paas bahut aayenge। tumko bulaayenge ki yahaan aakar bhaashan karo isliye pahle-pahle alpha siddha kar samjhaao। tum bachche jaante ho - baba se ham svarga ka varsa le rahe hain। baba har 5 hazaar varsha baad bhaarat mein hi bhaagyashaali rath par aate hain। yeh hai saubhaagyashaali, jis rath mein bhagwan aakar baithte hain। koi kam hai kya। bhagwan inmen baith bachchon ko samjhaate hain ki main bahut janmon ke ant mein ismen pravesh karta hoon। shreekrishna ki aatma ka rath hai na। woh khud krishna to nahin hai। bahut janmon ke ant ka hai। har janma mein features occupation aadi badalta rehta hai। bahut janmon ke ant mein jismen pravesh karta hoon woh phir krishna bante hain। aate hain sangamayug mein। ham bhi baap ka bankar baap se varsa lete hain। baap padhaakar saath le jaate hain aur koi takleeph ki baat nahin। baap sirf kehte hain maamekam yaad karo, to yeh achhi reeti vichaar karna chaahiye ki kaise-kaise likhen। yahi mukhya mistake hai jis kaaran hi bhaarat unrighteous irreligious, insolvent bana hai। baap phir aakar raajayog sikhlaate hain। bhaarat ko righteous, solvent banaate hain। saari duniya ko righteous banaate hain। us samay saare vishwa ke maalik tum hi ho। kehte hain na - wish yu long life and prosperity। baba aasheervaad nahin dete hain ki sada jeete raho। yeh saadhu log kehte hain - amar raho। tum bachche samajhte ho amar to zaroor amarpuri mein honge। mrityulok mein phir amar kaise kahenge। to bachche jab meeting aadi karte hain to baap se raay poochhte hain। baba advance raay dete hain sab apni-apni raay likh bhejen phir bhal ikatthe bhi hon। raay to murli mein likhne se sabke paas pahunch sakti hai। 2-3 hazaar kharcha bach jaae। in 2-3 hazaar se to 2-3 centre khol sakte hain। gaanv-gaanv mein jaana chaahiye, chitra aadi lekar।

tum bachchon ka jaasti interest sookshm vatan ki baaton mein nahin hona chaahiye। brahma, vishnu, shankar aadi chitra hain to is par thoda samjhaaya jaata hai। inhon ka beech mein thoda part hai। tum jaate ho, milte ho baaki aur kuchh hai nahin isliye ismen jaasti interest nahin liya jaata hai। yahaan aatma ko bulaaya jaata hai, unko dikhaate hain। koi-koi aakar rote bhi hain। koi prem se milte hain। koi duhkh ke aansu bahaate hain। yeh sab drama mein part hai, jisko chit-chat kahi jaae। vo log to brahman mein koi ki aatma ko bulaate hain phir unko kapda aadi pahnaayenge। ab shareer to woh khatma ho gaya, baaki pahnenge kaun? tumhaare paas woh rasma nahin hai। rone aadi ki to baat hi nahin। to oonch te oonch banna hai, woh kaise banen। zaroor beech mein sangamayug hai jab pavitra bante hain। tum ek baat siddha karenge to kahenge yeh to bilkul theek bataate hain। bhagwan kabhi jhooth thode hi bata sakte hain। phir bahuton ka pyaar bhi hoga, bahut aayenge। samay par bachchon ko sab points bhi milti rehti hain। pichhaadi mein kya-kya hona hai, woh bhi dekhenge, ladaai lagegi, bombs chhootenge। pahle maut hai us taraph। yahaan to rakta ki nadiyaan bahni hain phir ghi-doodh ki nadi। pahle-pahle dhuaan vilaayat se niklega। dar bhi vahaan hai। kitne bade-bade bombs banaate hain। kya-kya usmein daalte hain, jo ekdam shahar ko khalaas kar dete hain। yeh bhi bataana hai, kisne svarga ki raajaai sthaapan ki। heavenly god father zaroor sangam par hi aate hain। tum jaante ho abhi sangam hai। tumko mukhya baat samjhaai jaati hai baap ke yaad ki, jisse hi paap katenge। bhagwan jab aaya tha to kaha tha maamekam yaad karo to tum satopradhaan ban jaayenge। muktidhaam mein jaayenge। phir pahle se lekar chakra repeat hoga। Deityism, Islamism, Buddhism...... tum student ki buddhi mein yeh saari knowledge honi chaahiye na। khushi rehti hai, ham kitni kamaai karte hain, yeh amraktha amar baba tumko sunaate hain। tumhaare anek naam rakh diye hain। mukhya pahle-pahle Deityism phir sabki vriddhi hote-hote jhaad badhta jaata hai। anekaanek dharma, anek maten ho jaati hain। yeh ek dharma ek shreemat se sthaapan hota hai। dvet ki baat nahin। yeh roohaani knowledge roohaani baap baith samjhaate hain। tum bachchon ko khushi mein bhi rehna chaahiye।

tum jaante ho baap hamko padhaate hain, tum anubhav se kehte ho to yeh shuddh ahankaar rehna chaahiye ki bhagwan hamko padha rahe hain aur kya chaahiye! jabki ham vishwa ke maalik bante hain to khushi kyon nahin rehti ya nishchay mein kahaan sanshay hai। baap mein sanshay nahin laana chaahiye। maaya sanshay mein laakar bhula deti hai। baba ne samjhaaya hai maaya aankhon dvaara bahut dhokha deti hai। achhi cheez dekhenge to dil bit-bit karegi khaayen, aankhon se dekhte hain tab krodh aata hai maarne liye। dekhen hi nahin to maare kaise। aankhon se dekhte hain tab lobh, moh bhi hota hai। mukhya dhokha dene vaali aankhe hain। in par poori nazar rakhni chaahiye। aatma ko gyaan milta hai, to phir kriminlapna chhoot jaata hai। aise bhi nahin hai aankhon ko nikaal dena hai। tumhein to criminal aai ko sivilaaai banaana hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sada isi nashe va khushi mein rehna hai ki hamko bhagwan padhaate hain। kisi bhi baat mein sanshaybuddhi nahin hona hai। shuddh ahankaar rakhna hai।

2) sookshm vatan ki baaton mein jyaada interest nahin rakhna hai। aatma ko satopradhaan banaane ka poora-poora purooshaartha karna hai। aapas mein raay kar sabko baap ki sahi pahchaan deni hai।

vardaan:- sangamayug ke mahatva ko jaan ek ka anginat baar return praapta karne vaale sarva praapti sampanna bhav

sangamayug par baapdaada ka vaayda hai - ek do laakh lo। jaise sarva shreshtha samay, sarva shreshtha janma, sarva shreshtha title is samay ke hain vaise sarva praaptiyon ka anubhav abhi hi hota hai। abhi ek ka sirf laakh guna nahin milta lekin jab chaaho jaise chaaho, jo chaaho baap servant roop mein baandhe hue hain। ek ka anginat baar return mil jaata hai kyonki vartamaan samay vardaata hi aapka hai। jab beej aapke haath mein hai to beej dvaara jo chaaho woh second mein lekar sarva praaptiyon se sampanna ban sakte ho।

slogan:- saphalta sampanna banna chaahte hai to ek do ki baaton ko sveekaar karo aur satkaar do।