गुरुवार 30 जुलाई 2020 की दैनिक मुरली

30-07-2020 praatahmurli om shanti "baapdaada"' madhuban

“meethe bachche - tumhein roohaani panda ban sabhi dharma vaalon ko shantidham aur sukhdhaam ka raasta bataana hai, tum ho sachche pande''

prashn:- baap ki yaad se kin bachchon ko poora bal praapta hota hai?

uttar:- jo yaad ke saath-saath baap se poora-poora aanesta rehte hain, kuchh bhi chhipaate nahin hain, sachche baap ke saath sachche rehte hain, koi paap nahin karte hain, unhein hi yaad se bal praapta hota hai। kai bachche bhoolen karte rehte hain, phir kehte kshama karo, baba kehte kshama hoti nahin। har ek karma ka hisaab-kitaab hai।

geet:- hamaare teertha nyaare hain…

om shanti। bachchon ne yeh geet suna, bachchon ke knowledge ki points dekhne ke liye ki kaise arth karte hain, to aise-aise geet nikaal phir ek-ek se arth karaana chaahiye kyonki in geeton ko bhi correct kiya jaata hai na। baba ne samjhaaya hai kai aise achhe geet hain jo kabhi koi phikraat mein baitha ho to yeh geet khushi mein laane mein bahut madad karenge। yeh bahut kaam ki cheez hain। geet sunne se jhat smriti aa jaayegi। tum bachche jaante ho barobar ham is dharti ke lucky stars hain। hamaare yeh teertha bhakti maarga vaalon se bilkul nyaare hain। tum ho paandav sena। un teerthon par hoti hai pandon ki sena। har ek group ka alag-alag panda hota hai jo le jaate hain। unke paas chaupde hote hain। poochhte hain kis kul ke ho? har ek apne kul vaalon ko hi lenge। kitne pande lekar jaate hain। tum bhi roohaani pande ho। tumhaara naam hi hai paandav sena। paandavon ki raajdhaani nahin hai। paandav pande ko kaha jaata hai। baap bhi behad ka panda hai। guide ko panda kahenge। pande le jaate hain teertho par। pujaari log jaante hain yeh pande yaatriyon ko le aaye hain। gyaan maarga mein bhi tum pande bante ho। ismen kahaan le jaane ki baat nahin hai। ghar baithe-baithe bhi tum kisko raasta bataate ho phir jisko bataate ho woh bhi panda ban jaate hain। ek-do ko raasta bataana hai - manamnaabhav। tumhaare mein bhi bahut honge jinhonne teertha kiye honge। buddhi mein aata hoga - badreenaath, amarnaath kaise jaana hota hai। pande log bhi jaante hain, tum ho roohaani pande। yeh tum bhoolo mat ki ham purooshottam sangamayugi hain। tum bachchon ko ek hi baat buddhi mein hai ki ham mukti-jeevanmukti ke pande hain। aise nahin svarga ke koi alag pande hain, mukti ke alag hain। tumko yeh nishchay hai, ham muktidhaam mein jaakar phir nai duniya mein aayenge। tum nambarvaar purooshaartha anusaar pande ho। pande bhi anek prakaar ke hote hain। tum first class pande ho, sabko pavitrata ka hi raasta bataate ho। sabko pavitra rehna hai। drishti badal jaati hai। tumne pratigya ki hai ki ham sivaae ek ke aur koi ko yaad nahin karenge। baba ham aapko hi yaad karenge। aapka banne se hamaara beda paar hota hai। bhavishya mein to sukh hi sukh hai। baap hamko sukh ke sambandh mein le jaate hain। yahaan to duhkh hi duhkh hai। sukh bhi kaag vishta ke samaan hai। tum padhte hi ho nai duniya ke liye। tum jaante ho muktidhaam jaakar phir yahaan aayenge। ghar mein to zaroor jaayenge। yeh yaatra hai yaad bal ki। shantidham ko bhi yaad karna hota hai। baap ko bhi yaad karna hota hai। baap ke saath honest bhi hona chaahiye। baap kehte hain aise nahin ki main tumhaare andar ko jaanta hoon। nahin, tum jo act karte ho us par baba samjhaate hain। purooshaartha karaate hain। baaki tum koi avagya athva paap karte ho to yahaan poochha jaata hai - koi paap to nahin kiya? baba ne samjhaaya hai aankhen bada dhokha deti hain। yeh bhi bataana chaahiye ki baba aaj aankhon ne hamko bahut dhokha diya। yahaan to dar rehta hai, ghar mein jaata hoon to meri buddhi chalaaymaan hoti hai। baba yeh hamaari badi bhaari bhool hai, kshama karo। baba kehte kshama ki ismen baat nahin, yeh to duniya mein manushya karte hain। koi ne chamaat maari, achha maaphi maangi, kaam khalaas। aise maaphi maangane mein deri thode hi lagti hai। bure karma karte raho aur kah do aai em sorry - aise thode hi chal sakta hai। yeh to sab jama ho jaata hai। koi bhi ulta-sulta karma karte ho, jama hota hai, jiska achha-bura phal doosre janma mein milta zaroor hai। kshama ki baat nahin। jo jaisa karte aisa paate hain।

baba baar-baar samjhaate hain ek to kehte hain kaam mahaashatru hai, yeh tumko aadi-madhya-ant duhkh dete hain। baba ko kehte hi hain patit-paavan। patit vikaar mein jaane vaale ko hi kaha jaata hai। yahaan baap samjhaate hain, yahaan se phir baahar mein jaate ho tab itni parhej mein nahin rah sakte to phir oonch pad bhi pa nahin sakenge। baba samaachaar to sunte hain na। yahaan to bahut achha-achha karte hain phir baahar mein jaane se dhaarna nahin rehti। satayug mein to vikaar ki baaten hoti nahin। abhi to bhaarat ka yeh haal hai। vahaan to bade-bade mahlon mein rehte hain, athaah sukh hai। baba bachchon se bhi sab inakvaayri karte hain, baba ko samaachaar to dena hai na। koi to jhooth bhi bolte hain। vichaar karna chaahiye - ham kitna jhooth bolte hain? inse to bilkul jhooth nahin bolna chaahiye। baap to truth banaane vaala hai। vahaan jhooth hota nahin। naam-nishaan nahin hota। yahaan phir sach ka naam-nishaan nahin hai। pharka to rehta hai na। baap kehte hain yeh kaanton ka jangal hai। parantu apne ko kaanta samajhte thode hi hain। baap kehte hain kaam kataari chalaana yeh sabse bada kaanta hai, isse hi tum duhkhi hue ho। baba ab tumhein sukh ghanere dene aaya hai। tum jaante ho barobar sukh ghanere the। satayug ko kaha hi jaata hai sukhdhaam। vahaan beemaariyaan aadi hoti nahin। hospital jel aadi hote nahin। satayug mein duhkh ka naam nahin। treta mein do kala kam ho jaati hain to thoda kuchh hota hai, phir bhi heaven kaha jaata hai na। baap kehte hain - tum bachchon ko athaah ateendriy sukh mein rehna chaahiye। padhaane vaale ko bhi yaad karna hai, bhagwan hamaara teacher hai, teacher ko to sab yaad karte hain। yahaan rahne vaale bachchon ke liye to bahut sahaj hai। yahaan koi bandhan to hai nahin। bilkul hi bandhanmukta hain। shuru mein bhatthi bani to bandhanmukta ho gaye। ona phurna sirf service ka hi hai। service kaise badhaayen? baba bahut samjhaate rehte hain। baba ke paas aate hain, maas dedh bahut umang rehta hai phir dekho thande pad jaate hain। aate hi nahin centres par। achha, phir kya karna chaahiye? likhkar poochh sakte ho - kyon nahin aate ho? ham samajhte hain shaayad maaya ne tum par vaar kiya hai ya kiske sang mein phanse ho ya koi vikarma kiya hai, gir pade ho। phir bhi uthaana to chaahiye na। purooshaartha karna chaahiye। dil leni hoti hai। tum chitthi likh sakte ho। bahuton ko lajja aati hai to phir phaan ho jaate hain। yahaan se bhi hokar jaate hain, phir samaachaar aata hai ki ghar mein baith gaya। kehta hai meri dil hat gai hai। koi chitthi mein bhi likhte hain - aapka gyaan to bahut achha hai parantu ham pavitra nahin rah sakte hain isliye chhod diya। mere mein itni taakat nahin hai। sirf likh dete hain। vikaar dekho kaise gira dete hain। yahaan haath bhi uthaate hain ki ham sooryavanshi nar se naaraayan banenge। yeh knowledge hi hai nar se naaraayan, naari se lakshmi banne ki। baba kehte hain gud jaane gud ki gothri jaane। yeh baba ki bag (gothri) hai na। yeh achhi tarah se poochhte hain, inke paas samaachaar bhi aate hain, woh shivbaaba to kehte hain main padhaane aata hoon, jo padhenge likhenge honge navaab। baap kehte hain drishti ko bahut badalna hai। kadam-kadam par khabardaari chaahiye। yaad se hi kadam-kadam mein padma hain। bahut bachche fail ho jaate hain। serviceable pande bhi fail ho jaate hain। tum jab tak yaatra par ho, pavitra rehte ho। koi to yaatra par bhi aise shaukeen jaate hain, jo sharaab aadi bhi apne saath vahaan le jaate hain। chhipaakar rakh dete hain। bade-bade aadmi iske bigar rah nahin sakte। abhi woh teertha kya kaam ke rahenge। ladaai vaale bhi bahut sharaab peete hain। sharaab pi, jaakar aeroplane sahit steamer ke oopar girte hain। steamer bhi khatma to khud bhi khatma।

abhi tumko milta hai gyaan amrit। baaki yaad ki hai mukhya baat। jisse hi tum 21 janma ke liye ever-healthy-ever wealthy bante ho। baba ne kaha tha yeh bhi likh do 21 janma ke liye ever healthy, wealthy kaise ban sakte ho aakar samjho। bhaaratvaasi jaante hain barobar bhaarat mein badi aayu thi। svarga mein kabhi koi beemaar nahin hote। svarga mein devi-devtaaon ki aayu 150 varsha ki thi। 16 kala sampoorn the। kehte hain yeh kaise ho sakta। bolo, vahaan 5 vikaar hote hi nahin। vahaan bhi agar yeh vikaar hote to phir raamraajya kaise hota। devtaayen jab vaam maarga mein jaate hain woh bhi chitra tumne dekhe hain। bade gande chitra hote hain। yeh baba kehte hain hamne jo dekha hai woh batlaate hain। shivbaaba kehte hain main to sirf knowledge deta hoon। shivbaaba gyaan ki baaten sunaate, yeh apne anubhav ki baaten sunaate rehte। do hain na। yeh bhi apna anubhav bataate rehte hain। har ek ko apni life ka pata hai। tum jaante ho aadhaakalpa se paap karte aaye hain। vahaan phir koi paap nahin karenge। yahaan paavan koi hai nahin।

tum bachche jaante ho abhi real bhaagvat chal raha hai। bhagwan baith bachchon ko knowledge sunaate hain। vaastav mein honi chaahiye ek hi geeta। baaki shivbaaba ki biography kya likhenge। yeh bhi tum jaante ho। koi bhi kitaab aadi kuchh bhi rahega nahin kyonki vinaash saamne khada hai phir yeh purooshaartha ki knowledge bhi khatma ho jaayegi। phir praalabdha shuru ho jaati। jaise drama mein jo part hua, reel phirta jaata phir nayesir praalabdha shuru hogi। itni sab aatmaon mein apna-apna drama ka part noondha hua hai। yeh baaten samajhne vaale samjhen। yeh hai behad ka naatak। tum kahenge ham tumko behad ke naatak ke aadi-madhya-ant ka raaz bataate hain। woh hai niraakaari duniya, yeh hai saakaari duniya। ham tumko saara raaz samjhaate hain। yeh chakra kaise phirta hai, jisko tum samjhaayenge unko bada maja aayega। aise mat samjho koi sunta nahin hai। praja bahut banni hai। heartfail nahin hona hai, service mein। tum samjhaate raho। vyaapaariyon ke paas graahak to bahut aate hain, aao ham tumko behad ka sauda deven। bhaarat mein in devtaaon ka raajya tha phir kahaan gaya? kaise 84 janma liye, ham tumko samjhaayen। bhagvaanuvaach, tum apne janmon ko nahin jaante ho। service bahut kar sakte ho। jab phursat milti hai, bolo ham tumko vishwa ki history-geography samjhaate hain। sivaae baap ke koi samjha na sake। aao to tumko rachta aur rachna ka raaz samjhaayen। abhi tumhaara yeh antim janma hai। bhavishya ke liye abhi kamaai karo। baba samjhaate hain na - bachche, tum aise-aise service karo। tumhaare graahak yeh baaten sunkar bahut khush honge। tumko bhi maatha tekenge। shukriya maanenge। vyaapaari log to aur bhi jaasti service kar sakte hain। vyaapaari log dharmaau bhi nikaalte hain। tum to bade dharmaatma bante ho। baap aakar tumhaari jholi bhar dete hain avinaashi gyaan ratnon se। anek prakaar ki raay baba dete hain, aise-aise karo, paigaam dete raho, thako mat। bahuton ka kalyaan karne lag jaao। thande mat bano। apni drishti ko bhi theek rakho। krodh bhi nahin karna hai। yukti se chalna hai। baap anek prakaar ki yuktiyaan samjhaate rehte hain। dukaandaaron ke liye to bahut sahaj hai। woh bhi sauda, yeh bhi sauda। kahenge yeh to bahut achha sauda hai। jhat graahak jam jaayenge। kahenge aise sauda dene vaale mahaapuroosh ko to bahut madad karni chaahiye। bolo yeh tumhaara antim janma hai tum phir manushya se devta ban sakte ho। jo jitna karenge utna paayenge। apni jaanch karo - hamaari drishti ne bura kaam to nahin kiya? stri taraph rag to nahin gai? lajja aayegi to chhod denge। vishwa ka maalik banna kam baat hai kya! jitna puraana bhakta hoga woh bahut khush hoga। thodi bhakti ki hogi woh kam khush hoga। yeh bhi hisaab hai samajhne ka। buddhi kehti hai ab ham jaayenge ghar phir nai duniya mein naya kapda pahankar part bajaayenge। yeh shareer chhodenge aur golden spoon in di mouth। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) drishti se koi bhi bura kaam nahin karna hai, apni drishti ko hi pahle badalna hai। kadam-kadam par saavdhaani rakhte hue padmon ki kamaai jama karni hai।

2) jab bhi phursat milti hai to behad ka sauda karna hai, service mein dilshikasta nahin hona hai, sabko baap ka paigaam dena hai, thakna nahin hai।

vardaan:- sneh ki god mein aantarik sukh va sarva shaktiyon ka anubhav karne vaale yathaartha purooshaarthi bhav

jo yathaartha purooshaarthi hain ve kabhi mehnat va thakaavat ka anubhav nahin karte, sada mohabbat mein masta rehte hain। ve sankalp se bhi surrender hone ke kaaran anubhav karte ki humein baapdaada chala rahe hain, mehnat ke paanv se nahin lekin sneh ki godi mein chal rahe hain, sneh ki god mein sarva praaptiyon ki anubhooti hone ke kaaran woh chalte nahin lekin sada khushi mein, aantarik sukh mein, sarva shaktiyon ke anubhav mein udte rehte hain।

slogan:- nishchay roopi foundation pakka hai to shreshtha jeevan ka anubhav svatah hota hai।