मंगलवार 22 सितंबर 2020 की दैनिक मुरली

22-09-2020 praatahmurli om shanti "baapdaada"' madhuban

''meethe bachche - tumhaari pratigya hai ki jab tak ham paavan nahin bane hain, tab tak baap ko yaad karte rahenge, ek baap ko hi pyaar karenge''

prashn:- sayaane bachche samay ko dekhte hue kaun-sa purushaartha karenge?

uttar:- ant mein jab shareer chhoote to bas ek baba ki hi yaad rahe aur kuchh bhi yaad na aaye। aisa purushaartha sayaane bachche abhi se karte rahenge kyonki karmaateet bankar jaana hai iske liye is puraani khaal se mamatva nikaalte jaao, bas ham ja rahe hain baba ke paas।

geet:- na woh hamse juda honge…

om shanti। baap baith bachchon ko samjhaate hain, bachche pratigya karte hain behad ke baap se। baba ham aapke bane hain, ant tak jab tak ham shantidham mein pahunche, aap ko yaad karne se hamaare janma-janmaantar ke paap jo sir par hain, woh jal jaayenge। isko hi yog agni kaha jaata hai, aur koi upaay nahin। patit-paavan va shri shri 108 jagatguru ek ko hi kaha jaata hai। vahi jagat ka baap, jagat ka shikshak, jagat ka guru hai। rachna ke aadi-madhya-ant ka gyaan baap hi dete hain। yeh patit duniya hai, ismen ek bhi paavan hona asambhav hai। patit-paavan baap hi sarva ki sadgati karte hain। tum bhi unke bachche bane ho। tum seekh rahe ho ki jagat ko paavan kaise banaayen? shiv ke aage trimoorti zaroor chaahiye। yeh bhi likhna hai deity sovereignty aapka janma siddha adhikaar hai। so bhi abhi kalpa ke sangam yuge। clear likhne bigar manushya kuchh samajh nahin sakte। aur doosri baat sirf bi.ke. naam jo padta hai, usmein prajaapita akshar zaroori hai kyonki brahma naam bhi bahuton ke hain। prajaapita brahmaakumaari eeshvareey vishwa vidyaalay likhna hai। tum jaante ho patthar jaise vishwa ko paavan, paaras to ek baap hi banaayenge। is samay ek bhi paavan hai nahin। sab ek-do mein ladte, gaaliyaan dete rehte hain। baap ke liye bhi kah dete hain - kachchha-machchha avtaar। avtaar kisko kaha jaata hai yeh bhi samajhte nahin। avtaar to hota hi ek ka hai। woh bhi alaukik reeti shareer mein pravesh kar vishwa ko paavan banaate hain। aur aatmaayen to apna-apna shareer leti hain, unko apna shareer hai nahin। parantu gyaan ka saagar hai to gyaan kaise denge? shareer chaahiye na। in baaton ko tumhaare sivaae aur koi nahin jaante hain। grihastha vyavhaar mein rah pavitra banna-yeh bahaaduri ka kaam hai। mahaaveer arthaat veerta dikhaai। yeh bhi veerta hai jo kaam sannyaasi nahin kar sakte, woh tum kar sakte ho। baap shreemat dete hain tum aise grihastha vyavhaar mein rehte kamal phool samaan pavitra bano tab hi oonch pad pa sakenge। nahin to vishwa ki baadshaahi kaise milegi। yeh hai hi nar se naaraayan banne ki padhaai। yeh paathshaala hai। bahut padhte hain isliye likho ''eeshvareey vishwa vidyaalay।'' yeh to bilkul right akshar hai। bhaaratvaasi jaante hain ki ham vishwa ke maalik the, kal ki baat hai। abhi tak raadhe-krishna athva lakshmi-naaraayan ke mandir bante rehte hain। kai to phir patit manushyon ke bhi banaate hain। dvaapar se lekar to hain hi patit manushya। kahaan shiv ka, kahaan devtaaon ka mandir banaana, kahaan yeh patit manushyon ka। yeh koi devta thode hi hain। to baap samjhaate hain in baaton par theek reeti vichaar saagar manthan karna hai। baba to samjhaate rehte hain din-pratidin likhat change hoti rahegi, aise nahin pahle kyon nahin aisa banaaya। aise nahin kahenge pahle kyon nahin manamnaabhav ka arth aise samjhaaya। are pahle hi thode hi aisi yaad mein thahar sakenge। bahut thode bachche hain jo har ek baat ka respond poori reeti kar sakte hain। takdeer mein oonch pad nahin hai, to teacher bhi kya karenge। aise to nahin aasheervaad se oonch bana denge। apne ko dekhna hai ham kaisi service karte hain। vichaar saagar manthan chalna chaahiye। geeta ka bhagwan kaun, yeh chitra bahut mukhya hai। bhagwan hai niraakaar, woh brahma ke shareer bigar to suna na sake। woh aate hi hain brahma ke tan mein sangam par। nahin to brahma-vishnu-shankar kaahe ke liye hain। biography chaahiye na। koi bhi jaante nahin। brahma ke liye kehte hain 100 bhuja vaale brahma ke paas jaao, 1000 bhuja vaale ke paas jaao। is par bhi ek kahaani bani hui hai। prajaapita brahma ke itne dher bachche hain na। yahaan aate hi hain pavitra banne। janma-janmaantar apvitra bante aaye hain। ab poora pavitra banna hai। shreemat milti hai maamekam yaad karo। koi-koi ko to abhi tak bhi samajh mein nahin aata ki ham yaad kaise karen। moonjh padte hain। baap ka bankar aur vikarmaajeet na bane, paap na kate, yaad ki yaatra mein na rahe to woh kya pad paayenge। bhal surrender hain parantu unse kya phaayda। jab tak punya aatma ban auron ko na banaayen tab tak oonch pad pa nahin sakte। jitna thoda mujhe yaad karenge, kam pad paayenge। double taajdhaari kaise banenge, phir nambarvaar purushaartha anusaar deri se aayenge। aise nahin hamne sab kuchh surrender kar diya hai isliye double sirtaaj banenge। nahin। pahle daas-daasiyaan bante-bante phir pichhaadi mein thoda mil jaayega। bahuton ko yeh anhakaar rehta hai ham to surrender hoon। are yaad bigar kya ban sakenge। daas-daasi banne se to saahookaar praja banna achha hai। daas-daasi bhi koi krishna ke saath thode hi jhool sakengi। yeh bahut samajhne ki baaten hain, ismen badi mehnat karni pade। thode mein khush nahin hona hai। ham bhi raaja banenge। aise to phir dher raajaayen ban jaayen। baap kehte hain pahli mukhya hai yaad ki yaatra। jo achhi reeti yaad mein rehte hain, unko khushi rehti hai। baap samjhaate hain aatma ek shareer chhod doosra leti hai। satayug mein khushi se ek shareer chhod doosra lete hain। yahaan to rone lag padte hain, satayug ki baaten hi bhool gaye hain। vahaan to shareer aise chhodte hain, jaise sarpa ka misaal hai na। yeh puraana shareer ab chhodna hai। tum jaante ho ham aatma hain, yeh to puraana shareer ab chhodna hi hai। sayaane bachche jo baap ki yaad mein rehte hain, woh to kehte hain baap ki yaad mein hi shareer chhoden, phir jaakar baap se milen। koi bhi manushya maatra ko yeh pata nahin hai ki kaise mil sakte hain। tum bachchon ko raasta mila hai। ab purushaartha kar rahe ho, jeete ji mare to ho parantu jabki aatma pavitra bhi banen na। pavitra ban phir yeh puraana shareer chhod jaana hai। samajhte hain kahaan karmaateet avastha ho jaae to yeh shareer chhoote parantu karmaateet avastha hogi to aapehi shareer chhoot jaayega। bas ham baba ke paas jaakar rahen। is puraane shareer se jaise naphrat aati hai। sarpa ko puraani khaal se naphrat hoti hogi na। tumhaari nai khaal taiyaar ho rahi hai। parantu jab karmaateet avastha ho, pichhaadi ko tumhaari aisi avastha hogi। bas abhi ham ja rahe hain। ladaai ki bhi poori taiyaari hogi। vinaash ka saara madaar tumhaari karmaateet avastha hone par hai। ant mein karmaateet avastha ko nambarvaar sab pahunch jaayenge। kitna phaayda hai। tum vishwa ke maalik bante ho to kitna baap ko yaad karna chaahiye। tum dekhenge kai aise bhi niklenge jo bas uthte-baithte baap ko yaad karte rahenge। maut saamne khada hai। akhbaaron mein aisa dikhaate hain, jaise ki abhi-abhi ladaai chhidni hai। badi ladaai chhidegi to bombs chal padenge। deri nahin lagegi। sayaane bachche samajhte hain, besmajh jo hain, kuchh nahin samajhte hain। zara bhi dhaarna nahin hoti। haan-haan bhal karte rehte hain, samajhte kuchh bhi nahin। yaad mein nahin rehte। jo deh-abhimaan mein rehte hain, yeh duniya yaad rehti hai, woh kya samajh sakenge। ab baap kehte hain dehi-abhimaani bano। deh ko bhool jaana hai। pichhaadi mein tum bahut koshish karne lag padenge, abhi tum samajhte nahin ho। pichhaadi mein bahut-bahut pachhtaayenge। baba saakshaatkaar bhi karaayenge। yeh-yeh paap kiye hain। ab khaao saza। pad bhi dekho। shuru mein bhi aise saakshaatkaar karte the phir pichhaadi mein bhi saakshaatkaar karenge।

baap kehte hain apni pat (ijjat) mat ganvaao। padhaai mein lag jaane ka purooshaartha karo। apne ko aatma samajh maamekam yaad karo। vahi patit-paavan hai। duniya mein koi patit-paavan hai nahin। shiv bhagvaanuvaach, jabki kehte hain sarva ka sadgati daata patit-paavan ek। unko hi sab yaad karte hain। parantu jab apne ko aatma bindi samjhen tab baap ki yaad aaye। tum jaante ho hamaari aatma mein 84 janmon ka part noondha hua hai, woh kabhi vinaash hone ka nahin hai। yeh samajhna koi maasi ka ghar nahin hai, bhool jaate hain isliye koi ko samjha nahin sakte। deh-abhimaan ne bilkul sabko maar daala hai। yeh mrityulok ban pada hai। sab akaale marte rehte hain। jaise jaanvar-pakshi aadi mar jaate vaise manushya bhi mar jaate, farka kuchh nahin। lakshmi-naaraayan to amarlok ke maalik hain na। akaale mrityu vahaan hoti nahin। duhkh hi nahin। yahaan to duhkh hota hai to jaakar marte hain। akaale mrityu aapehi le aate hain, yeh manzil badi oonchi hai। kabhi bhi criminal aai na banen, ismen mehnat hai। itna oonch pad paana koi maasi ka ghar nahin hai। bahaaduri chaahiye। nahin to thodi baat mein hi dar jaate hain। koi badmaash andar ghus aaye, haath lagaaye to danda lagaakar bhaga dena chaahiye। darpok thode hi banna hai। shiv shakti paandav sena gaai hui hai na। jo svarga ke dvaar kholte hain। naam baala hai to phir aisi bahaaduri bhi chaahiye। jab sarvashaktimaan baap ki yaad mein rahenge tab woh shakti pravesh karegi। apne ko aatma samajh baap ko yaad karna hai, is yog agni se hi vikarma vinaash honge phir vikarmaajeet raaja ban jaayenge। mehnat hai yaad ki, jo karega so paayega। doosre ko bhi saavdhaan karna hai। yaad ki yaatra se hi beda paar hoga। padhaai ko yaatra nahin kaha jaata hai। woh hai jismaani yaatra, yeh hai roohaani yaatra, seedha shantidham apne ghar chale jaayenge। baap bhi ghar mein rehte hain। mujhe yaad karte-karte tum ghar pahunch jaayenge। yahaan sabko part bajaana hai। drama to avinaashi chalta hi rehta hai। bachchon ko samjhaate rehte hain ek to baap ki yaad mein raho aur pavitra bano, daiveegun dhaaran karo aur jitni service karenge utna oonch pad paayenge। kalyaankaari zaroor banna hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sada yaad rahe sarvashaktimaan baap hamaare saath hai, is smriti se shakti pravesh karegi, vikarma bhasma honge। shivshakti paandav sena naam hai, to bahaaduri dikhaani hai, darpok nahin banna hai।

2) jeete ji marne ke baad yeh ahankaar na aaye ki main to surrender hoon। surrender ho punya aatma ban auron ko banaana hai, ismen hi phaayda hai।

vardaan:- apni shubh bhaavna dvaara nirbal aatmaon mein bal bharne vaale sada shakti swaroop bhav

sevaadhaari bachchon ki vishesh seva hai-svayan shakti swaroop rehna aur sarva ko shakti swaroop banaana arthaat nirbal aatmaon mein bal bharna। iske liye sada shubh bhaavna aur shreshtha kaamna swaroop bano। shubh bhaavna ka arth yeh nahin ki kisi mein bhaavna rakhte-rakhte uske bhaavvaan ho jaao। yeh galti nahin karna। shubh bhaavna bhi behad ki ho। ek ke prati vishesh bhaavna bhi nuksaankaarak hai isliye behad mein sthit ho nirbal aatmaon ko apni praapta hui shaktiyon ke aadhaar se shakti swaroop banaao।

slogan:- alankaar brahman jeevan ka shrringaar hain isliye alankaari bano, deh ahankaari nahin।