गुरुवार 1 अक्टूबर 2020 की दैनिक मुरली

01-10-2020 praatahmurli om shanti "baapdaada"' madhuban

“meethe bachche - tumhein devta banna hai isliye maaya ke avgunon ka tyaag karo, gussa karna, maarna, tang karna, bura kaam karna, chori-chakaari karna yeh sab mahaapaap hai''

prashn:- is gyaan mein kaun-se bachche teekhe ja sakte hain? ghaata kinhen padta hai?

uttar:- jinhen apna potaamel rakhna aata hai woh is gyaan mein bahut teekhe ja sakte hain। ghaata unko padta hai jo dehi-abhimaani nahin rehte। baba kehte vyaapaari logon ko potaamel nikaalne ki aadat hoti hai, woh yahaan bhi teekhe ja sakte hain।

geet:- mukhda dekh le praani…

om shanti। roohaani paartadhaari bachchon prati baap samjhaate hain kyonki rooh hi part baja rahi hai behad ke naatak mein। hai to manushyon ka na। bachche is samay purooshaartha kar rahe hain। bhal ved-shaastra padhte hain, shiv ki pooja karte hain parantu baap kehte hain inse koi mere ko praapta nahin kar sakte kyonki bhakti hai hi utarti kala। gyaan se sadgati hoti hai to zaroor koi se utarte bhi honge। yeh ek khel hai, jisko koi bhi jaante nahin। shivling ko jab poojte hain to unko brahm nahin kahenge। tab kaun hai jisko poojte hain। unko bhi eeshvar samajh pooja karte hain। tum jab pahle-pahle bhakti shuru karte ho to shivling heere ka banaate ho। abhi to gareeb ban gaye hain to patthar ka banaate hain। heere ka ling us samay 4-5 hazaar ka hoga। is samay to unka daam 5-7 laakh hoga। aise heere abhi mushkil nikalte hain। pattharbuddhi ban gaye hain to pooja bhi patthar ki karte hain, gyaan bigar। jab gyaan hai to tum pooja nahin karte ho। chaitanya sammukh mein hai, unko hi tum yaad karte ho। jaante ho yaad se vikarma vinaash honge। geet mein bhi kehte hain - he bachchon, praani kaha jaata hai aatma ko। praan nikal gaya phir jaise murda hai। aatma nikal jaati hai। aatma hai avinaashi। aatma jab shareer mein pravesh karti hai tab chaitanya hai। baap kehte hain - he aatmaayen, apne andar jaanch karo kahaan tak daiveegunon ki dhaarna hui hai? koi vikaar to nahin hai? chori chakaari aadi ka koi aasuri gun to nahin hai na? aasuri kartavya karne se phir gir padenge। itna darja nahin pa sakenge। kharaab aadat ko mitaana zaroor hai। devta kabhi koi par gussa nahin karte। yahaan asuron dvaara kitni maaren khaate hain kyonki tum daivi sampradaay bante ho to maaya kitni dushman ban padti hai। maaya ke avgun kaam karte hain। maarna, tang karna, bura kaam karna yeh sab paap hai। tum bachchon ko to bahut shuddh rehna chaahiye। chori chakaari aadi karna to mahaan paap hai। baap se tum pratigya karte aaye ho - baba mera to aap ek doosra na koi। ham aapko hi yaad karenge। bhakti maarga mein bhal gaate hain parantu unko pata nahin hai ki yaad se kya hota hai। woh to baap ko jaante hi nahin। ek taraph kehte hain naam-roop se nyaara hai, doosre taraph phir ling ki pooja karte hain। tumko achhi reeti samajhkar phir samjhaana hai। baap kehte hain yeh bhi judge karo ki mahaan aatma kisko kaha jaae? shreekrishna jo chhota bachcha svarga ka prince hai, woh mahaatma hai ya aajkal ke kaliyugi manushya? woh vikaar se paida nahin hota hai na। woh hai nirvikaari duniya। yeh hai vikaari duniya। nirvikaari ko bahut title de sakte hain। vikaari ka kya title hai? shreshthaachaari to ek baap hi banaate hain। woh hai sabse oonch te oonch aur sab manushya paartadhaari hain to part mein zaroor aana pade। satayug hai shreshtha manushyon ki duniya। jaanvar aadi sab shreshtha hain। vahaan maaya raavan hi nahin। vahaan aise koi tamoguni jaanvar hote nahin। tumko maaloom hai - mor-del hai woh vikaar se bachcha paida nahin karte। unko aansu girta hai, use del dhaaran karti hai। national bird kehte hain। satayug mein bhi vikaar ka naam nahin। mor ka pankh, pahla number jo vishwa ka prince hai shreekrishna, unke maathe mein lagaate hain। koi to rahasya hoga na। to yeh sab baaten baap refine kar samjhaate hain। vahaan bachche kaise paida hote hain, woh to tum jaante ho। vahaan vikaar hote nahin। baap kehte hain tumko devta banaate hain to apni jaanch poori karo। mehnat bigar vishwa ka maalik thode hi ban sakenge।

jaise tumhaari aatma bindi hai vaise baap bhi bindi hai। ismen moonjhane ki koi darkaar nahin hai। koi kehte hain ham dekhen। baap kehte hain dekhne vaalon ki to tumne bahut pooja ki। phaayda kuchh bhi hua nahin। ab yathaartha reeti main tumko samjhaata hoon। mere mein saara part bhara hua hai। supreme soul hoon na, supreme father। koi bhi bachcha apne laukik baap ko aise nahin kahenge। ek ko hi kaha jaata hai। sanyaasiyon ko to bachche hain nahin jo baap kahen। yeh to sab aatmaon ka baap hai, jo varsa dete hain। unhon ka koi grihastha aashram to thahra nahin। baap baith samjhaate hain - tumne hi 84 janma bhoge hain। pahle-pahle tum satopradhaan the phir neeche utarte aaye ho। abhi koi apne ko supreme thode hi kahenge, abhi to neench samajhte hain। baap baar-baar samjhaate hain mool baat ki apne andar dekho ki hamaare mein koi vikaar to nahin hain? raat ko roz apna potaamel nikaalo। vyaapaari hamesha potaamel nikaalte hain। government servant potaamel nahin nikaal sakte। unhon ko to mukrar tankha milti hai। is gyaan maarga mein bhi vyaapaari teekhe jaate hain, padhe-likhe aaphisarsa itna nahin। vyaapaar mein to aaj 50 kamaaya, kal 60 kamaayenge। kabhi ghaata bhi ho jaayega। government servant ki fix pay hoti hai। is kamaai mein bhi agar dehi-abhimaani nahin honge to ghaata pad jaayega। maataayen to vyaapaar karti nahin। unke liye phir aur hi sahaj hai। kanyaaon ke liye bhi sahaj hai kyonki maataaon ko to seedhi utarni padti hai। balihaari unki jo itni mehnat karti hain। kanyaayen to vikaar mein gai hi nahin to chhode phir kya। purooshon ko to mehnat lagti hai। kutumba parivaar ki sambhaal karni padti hai। seedhi jo chadhi hai woh saari utarni padti hai। ghadi-ghadi maaya thappad maar gira deti hai। abhi tum bi.ke. bane ho। kumaariyaan pavitra hi hoti hain। sabse jaasti hota hai pati ka prem। tumhein to patiyon ke pati (paramatma) ko yaad karna hai aur sabko bhool jaana hai। maa-baap ka bachchon mein moh hota hai। bachche to hain hi anjaan। shaadi ke baad moh shuru hota hai। pahle stri pyaari lagti phir vikaaron mein dhakelne ki seedhi shuru kar dete hain। kumaari nirvikaari hai to pooji jaati। tumhaara naam hai bi.ke.। tum mahima laayak ban phir pooja laayak bante ho। baap hi tumhaara teacher bhi hai। to tum bachchon ko nasha rehna chaahiye, ham student hain। bhagwan zaroor bhagwan-bhagavti hi banaayenge। sirf samjhaaya jaata hai - bhagwan ek hai। baaki sab hain bhaai-bhaai। doosra koi connection nahin। prajaapita brahma se rachna hoti hai phir vriddhi hoti hai। aatmaon ki vriddhi nahin kahenge। vriddhi manushyon ki hoti hai। aatmaon ka to limit number hai। bahut aate rehte hain। jab tak vahaan hain, aate rahenge। jhaad badhta rahega। aise nahin ki sookh jaayega। inki bhent banyan tree se ki jaati hai। foundation hai nahin। baaki saara jhaad khada hai। tumhaara bhi aise hai। foundation hai nahin। kuchh na kuchh nishaani hai। abhi tak bhi mandir banaate rehte hain। manushyon ko thode hi pata hai ki devtaaon ka raajya kab tha। phir kahaan gaya? yeh knowledge tum braahmanon ko hi hai। manushyon ko yeh maaloom nahin ki paramatma ka swaroop bindi hai। geeta mein likh diya hai ki woh akhanda jyoti swaroop hai। aage bahuton ko saakshaatkaar hota tha bhaavna anusaar। bahut laal-laal ho jaate the। bas ham nahin sahan kar sakte। ab woh to saakshaatkaar tha। baap kehte hain saakshaatkaar se koi kalyaan nahin। yahaan to mukhya hai yaad ki yaatra। jaise paara khisak jaata hai na। yaad bhi ghadi-ghadi khisak jaati hai। kitna chaahte hain baap ko yaad karen phir aur-aur khyaal aa jaate hain। ismen hi tumhaari race hai। aise nahin ki phat se paap mit jaayenge। samay lagta hai। karmaateet avastha ho jaae to phir yeh shareer hi na rahe। parantu abhi koi karmaateet avastha ko nahin pa sakte hain। phir unko satayugi shareer chaahiye। to ab tum bachchon ko baap ko hi yaad karna hai। apne ko dekhte raho - hamse koi bura kaam to nahin hota hai? potaamel zaroor rakhna hai। aise vyaapaari jhat saahookaar ban sakte hain।

baap ke paas jo knowledge hai woh de rahe hain। baap kehte hain meri aatma mein yeh gyaan noondha hua hai। hoobhu tum ko vahi bolenge jo kalpa pahle gyaan diya tha। bachchon ko hi samjhaayenge, aur kya jaanen। tum is srishti chakra ko jaante ho, ismen sab actors ka part noondha hua hai। badal sadal nahin sakta। na koi chhutkaara pa sakta। haan, baaki samay mukti milti hai। tum to all-round ho। 84 janma lete ho। baaki sab apne ghar mein honge phir pichhaadi mein aayenge। moksha chaahne vaale yahaan aayenge nahin। woh phir pichhaadi mein chale jaayenge। gyaan kabhi sunenge nahin। machchharon sadrishya aaye aur gaye। tum to drama anusaar padhte ho। jaante ho baba ne 5 hazaar varsha pahle bhi aise raajayog sikhaaya tha। tum phir auron ko samjhaate ho ki shivbaaba aise kehte hain। abhi tum jaante ho ham kitne oonch the, ab kitne neench bane hain। phir baap oonch banaate hain to aise purooshaartha karna chaahiye na। yahaan tum aate ho refresh hone। iska naam hi pada hai madhuban। tumhaare kalkatta va baambe mein thode hi murli chalaate hain। madhuban mein hi murli baaje। murli sunne ke liye baap ke paas aana hoga refresh hone। nai-nai points nikalti rehti hain। sammukh sunne mein to feel karte ho, bahut pharka rehta hai। aage chal bahut part dekhne hain। baba pahle-pahle sab suna de to taste nikal jaae। aahiste-aahiste emerge hota jaata hai। ek second na mile doosre se। baap aaye hain roohaani seva karne to bachchon ka bhi farja hai roohaani seva karna। kam se kam yeh to bataao - baap ko yaad karo aur pavitra bano। pavitrata mein hi fail hote hain kyonki yaad nahin karte hain। tum bachchon ko bahut khushi honi chaahiye। ham behad ke baap ke sammukh baithe hain jisko koi bhi nahin jaante hain। gyaan ka saagar woh shivbaaba hi hai। dehdhaari se buddhi yog nikaal dena chaahiye। shivbaaba ka yeh rath hai। inka regard nahin rakhenge to dharmaraaj dvaara bahut dande khaane padenge। badon ka regard to rakhna hai na। aadi dev ka kitna regard rakhte hain। jad chitra ka itna regard hai to chaitanya ka kitna rakhna chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) andar mein apni jaanch kar daiveegun dhaaran karne hain। kharaab aadton ko nikaalna hai। pratigya karni hai - baba ham kabhi bhi bura kaam nahin karenge।

2) karmaateet avastha ko praapta karne ke liye yaad ki race karni hai। roohaani seva mein tatpar rehna hai। badon ka regard rakhna hai।

vardaan:- sarva khajaanon ko sva ke prati aur auron ke prati use karne vaale akhanda mahaadaani bhav

jaise baap ka bhandaara sada chalta rehta hai, roz dete hain aise aapka bhi akhanda langar chalta rahe kyonki aapke paas gyaan ka, shaktiyon ka, khushiyon ka bharpoor bhandaara hai। ise saath mein rakhne va use karne mein koi bhi khatra nahin hai। yeh bhandaara khula hoga to chor nahin aayega। band rakhenge to chor aa jaayenge isliye roz apne mile hue khajaanon ko dekho aur sva ke prati aur auron ke prati use karo to akhanda mahaadaani ban jaayenge।

slogan:- sune hue ko manan karo, manan karne se hi shaktishaali banenge।