बुधवार 7 अक्टूबर 2020 की दैनिक मुरली

07-10-2020 praatahmurli om shanti "baapdaada"' madhuban

“meethe bachche - aatma-abhimaani hokar baitho, andar ghotte raho - main aatma hoon… dehi-abhimaani bano, sachcha chart rakho to samajhdaar bante jaayenge, bahut phaayda hoga''

prashn:- behad ke naatak ko samajhne vaale bachche kis ek law (niyam) ko achhi reeti samajhte hain?

uttar:- yeh avinaashi naatak hain, ismen har ek paartadhaari ko part bajaane apne samay par aana hi hai। koi kahe ham sada shantidham mein hi baith jaaen - to yeh law nahin hai। use to paartadhaari hi nahin kahenge। yeh behad ki baaten behad ka baap hi tumhein sunaate hain।

om shanti। apne ko aatma samajhkar baitho। deh-abhimaan chhodkar baitho। behad ka baap bachchon ko samjha rahe hain। samjhaaya unko jaata hai jo besmajh hote hain। aatma samajhti hai ki baap sach kehte hain - ham aatma besmajh ban gai hain। main aatma avinaashi hoon, shareer vinaashi hai। main aatma-abhimaan chhod deh-abhimaan mein phans pada hoon। to besmajh thahre na। baap kehte hain sab bachche besmajh ho pade hain, deh-abhimaan mein aakar। phir tum baap dvaara dehi-abhimaani bante ho to bilkul samajhdaar ban jaate ho। koi to ban gaye hain, koi purooshaartha karte rehte hain। aadhaakalpa laga hai besmajh banne mein। is antim janma mein phir samajhdaar banna hai। aadhaakalpa se besmajh hote-hote 100 pratishat besmajh ban jaate hain। deh-abhimaan mein aakar drama plan anusaar tum girte aaye ho। abhi tumko samajh mili hai phir bhi purooshaartha bahut karna hai kyonki bachchon mein daiveegun bhi chaahiye। bachche jaante hain ham sarvagun sampanna, 16 kala sampoorn...... the। phir is samay nirgun ban pade hain। koi bhi gun nahin raha hai। tum bachchon mein bhi nambarvaar purooshaartha anusaar is khel ko samajhte hain। samajhte-samajhte bhi kitne varsha ho gaye hain। phir bhi jo naye hain woh achhe samajhdaar bante jaate hain। auron ko bhi banaane ka purooshaartha karte hain। koi ne to bilkul nahin samjha hai। besmajh ke besmajh hi hain। baap aaye hi hain samajhdaar banaane। bachche samajhte hain maaya ke kaaran ham besmajh bane hain। ham poojya the to samajhdaar the phir ham hi pujaari ban besmajh bane hain। aadi sanaatan devi-devta dharma praayah lop ho gaya hai। inka duniya mein kisko pata nahin hai। yeh lakshmi-naaraayan kitne samajhdaar the, raajya karte the। baap kehte hain tat tvam। tum bhi apne liye aise samjho। yeh bahut-bahut samajhne ki baaten hain। sivaae baap ke koi samjha na sake। abhi mahsoos hota hai - baap hi oonch te oonch samajhdaar te samajhdaar hoga na। ek to gyaan ka saagar bhi hai। sarva ka sadgati daata bhi hai। patit-paavan bhi hai। ek ki hi mahima hai। itna oonch te oonch baap aakarke bachche-bachche kah kaise achhi reeti samjhaate hain। bachche ab paavan banna hai। uske liye baap ek hi davaai dete hain, kehte hain - yog se tum bhavishya 21 janma nirogi ban jaayenge। tumhaare sab rog, duhkh khatma ho jaayenge। tum muktidhaam mein chale jaayenge। avinaashi surgeon ke paas ek hi davaai hai। ek hi injection aatma ko aae lagaate hain। aise nahin koi manushya bairistari bhi karenge, injeeniyri bhi karenge। nahin। har ek aadmi apne dhandhe mein hi lag jaate hain। baap ko kehte hain aakar patit se paavan banaao kyonki patitapne mein duhkh hai। shantidham ko paavan duniya nahin kahenge। svarga ko hi paavan duniya kahenge। yeh bhi samjhaaya hai manushya shanti aur sukh chaahte hain। sachchi-sachchi shanti to vahaan hai jahaan shareer nahin, usko kaha jaata hai shantidham। bahut kehte hain shantidham mein rahen, parantu law nahin hai। woh to part-dhaari hua nahin। bachche naatak ko bhi samajh gaye hain। jab actors ka part hoga tab baahar stage par aakar part bajaayenge। yeh behad ki baaten behad ka baap hi samjhaate hain। gyaan saagar bhi unko kaha jaata hai। sarva ke sadgati daata patit-paavan hain। sarva ko paavan banaane vaale tatva nahin ho sakte। paani aadi sab tatva hain, woh kaise sadgati karenge। aatma hi part bajaati hai। hathayog ka bhi part aatma bajaati hai। yeh baaten bhi jo samajhdaar hain vahi samajh sakte hain। baap ne kitna samjhaaya hai - koi aisi yukti racho jo manushya samjhen - kaise poojya so phir pujaari bante hain। poojya hain nai duniya mein, pujaari hain puraani duniya mein। paavan ko poojya, patit ko pujaari kaha jaata hai। yahaan to sab patit hain kyonki vikaar se paida hote hain। vahaan hain shreshtha। gaate bhi hain sampoorn shreshthaachaari। abhi tum bachchon ko aisa banna hai। mehnat hai। mukhya baat hai yaad ki। sabhi kehte hain yaad mein rehna bada mushkil hai। ham jitna chaahte hain, yaad mein rah nahin sakte hain। koi sachchaai se agar chart likhe to bahut phaayda ho sakta hai। baap bachchon ko yeh gyaan dete hain ki manamnaabhav। tum arth sahit kehte ho, tumhein baap har baat yathaartha reeti arth sahit samjhaate hain। baap se bachche kai prakaar ke prashn poochhte hain, baap karke dil lene liye kuchh kah dete hain। parantu baap kehte hain mera kaam hi hai patit se paavan banaana। mujhe to bulaate hi isliye ho। tum jaante ho ham aatma shareer sahit paavan thi। abhi vahi aatma shareer sahit patit bani hai। 84 janmon ka hisaab hai na।

tum jaante ho - abhi yeh duniya kaanton ka jangal ban gai hai। yeh lakshmi-naaraayan to phool hain na। unhon ke aage kaante jaakar kehte hain aap sarvagun sampanna...... ham paapi kapti hain। sabse bada kaanta hai - kaam vikaar ka। baap kehte hain is par jeet pahan jagatjeet bano। manushya kehte hain bhagwan ko koi na koi roop mein aana hai, bhaageerath par viraajmaan ho aana hai। bhagwan ko aana hi hai puraani duniya ko naya banaane। nai duniya ko satopradhaan, puraani ko tamopradhaan kaha jaata hai। jabki abhi puraani duniya hai to zaroor baap ko aana hi pade। baap ko hi rachayita kaha jaata hai। tum bachchon ko kitna sahaj samjhaate hain। kitni khushi honi chaahiye। baaki kiska karmabhog ka hisaab-kitaab hai, kuchh bhi hai, woh to bhogna hai, ismen baba aasheervaad nahin karte hain। hamko bulaate hi ho - baba aakar hamko varsa do। baba se kya varsa paane chaahte ho? mukti-jeevanmukti ka। mukti-jeevanmukti ka daata ek hi gyaan saagar baap hai isliye unko gyaan daata kaha jaata hai। bhagwan ne gyaan diya tha parantu kab diya, kisne diya, yeh kisko pata nahin hai। saara munjhaara ismen hai। kisko gyaan diya, yeh bhi kisko pata nahin hai। abhi yeh brahma baithe hain - inko maaloom pada hai ki ham so naaraayan tha phir 84 janma bhoge। yeh hai number one mein। baba batlaate hain meri to aankh hi khul gai। tum bhi kahenge hamaari to aankhen hi khul gai। teesra netra to khulta hai na। tum kahenge hamko baap ka, srishti chakra ka poora gyaan mil gaya hai। main jo hoon, jaisa hoon - meri aankhen khul gai hain। kitna wonder hai। ham aatma first hain aur phir ham apne ko deh samajh baithe। aatma kehti hai ham ek shareer chhod doosra leta hoon। phir bhi ham apne ko aatma bhool deh-abhimaani ban jaate hain isliye ab tumko pahle-pahle yeh samajh deta hoon ki apne ko aatma samajh baitho। andar mein yeh ghotte raho ki main aatma hoon। aatma na samajhne se baap ko bhool jaate ho। feel karte ho barobar ham ghadi-ghadi deh-abhimaan mein aa jaate hain। mehnat karni hai। yahaan baitho to bhi aatma-abhimaani hokar baitho। baap kehte hain ham tum bachchon ko raajaai dene aaye hain। aadhaakalpa tumne hamko yaad kiya hai। koi bhi baat saamne aati hai to kehte hain haay raam, parantu eeshvar va raam kaun hai, yeh kisko pata nahin। tumko siddha karna hai - gyaan ka saagar, patit-paavan, sarva ka sadgati daata, trimoorti parampita paramatma shiv hai। brahma-vishnu-shankar teenon ka janma ikattha hai। sirf shivjayanti nahin hai parantu trimoorti shiv jayanti hai। zaroor jab shiv ki jayanti hogi to brahma ki bhi jayanti hogi। shiv ki jayanti manaate hain parantu brahma ne kya kiya। laukik, paarlaukik aur yeh hai alaukik baap। yeh hai prajaapita brahma। baap kehte hain nai duniya ke liye yeh naya gyaan abhi tumko milta hai phir praayah lop ho jaata hai। jisko baap rachta aur rachna ka gyaan nahin to agyaani thahre na। agyaan neend mein soye pade hain। gyaan se hai din, bhakti se hai raat। shivraatri ka arth bhi nahin jaante isliye unki holy de bhi uda di hai।

abhi tum jaante ho baap aate hi hain - sabki jyot jagaane। tum yeh battiyaan aadi jagaayenge to samjhenge inka koi bada din hai। ab tum jagaate ho arth sahit। vo log thode hi samjhenge। tumhaare bhaashan se poora samajh nahin sakte। abhi saare vishwa par raavan ka raajya hai, yahaan to manushya kitne duhkhi hain। riddhi-siddhi vaale bhi bahut tang karte hain। akhbaaron mein bhi padta hai, inmen evil soul hai। bahut duhkh dete hain। baba kehte hain in baaton se tumhaara koi connection nahin। baap to seedhi baat bataate hain - bachche, tum mujhe yaad karo to tum paavan ban jaayenge। tumhaare sab duhkh door ho jaayenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yathaartha reeti baap ko yaad karne va aatma-abhimaani banne ki mehnat karni hai, sachchaai se apna chart rakhna hai, ismen hi bahut-bahut phaayda hai।

2) sabse bada duhkh dene vaala kaanta kaam vikaar hai, is par yogbal se vijay praapta kar patit se paavan banna hai। baaki kinheen bhi baaton se tumhaara connection nahin।

vardaan:- vighna proof chamkeeli pharishta dress dhaaran karne vaale sada vighna-vinaashak bhav

sva ke prati aur sarva ke prati sada vighna vinaashak banne ke liye question mark ko vidaai dena aur full stop dvaara sarva shaktiyon ka full stock karna। sada vighna proof chamkeeli pharishta dress pahankar rakhna, mitti ki dress nahin pahanna। saath-saath sarva gunon ke gahnon se saje rehna। sada ashta shakti shastradhaari sampanna moorti bankar rehna aur kamal pushpa ke aasan par apne shreshtha jeevan ke paanv rakhna।

slogan:- abhyaas par poora-poora attention do to first division mein number aa jaayega।

maateshvari ji ke anmol mahaavaakya

“yeh eeshvareey knowledge sarva manushya aatmaon ke liye hai''

pahle-pahle to apne ko ek mukhya point khyaal mein avashya rakhni hai, jab is manushya srishti jhaad ka beej roop paramatma hai to us paramatma dvaara jo knowledge praapta ho rahi hai vo sab manushyon ke liye zaroori hai। sabhi dharma vaalon ko yeh knowledge lene ka adhikaar hai। bhal harek dharma ki knowledge apni-apni hai, harek ka shaastra apna-apna hai, harek ki mat apni-apni hai, harek ka sanskaar apna-apna hai lekin yeh knowledge sabke liye hain। bhal vo is gyaan ko na bhi utha sake, hamaare gharaane mein bhi na aave parantu sabka pita hone kaaran unse yog lagaane se phir bhi pavitra avashya banenge। is pavitrata ke kaaran apne hi section mein pad avashya paayenge kyonki yog ko to sabhi manushya maante hain, bahut manushya aise kehte hain humein bhi mukti chaahiye, magar sajaaon se chhoot mukta hone ki shakti bhi is yog dvaara mil sakti hai।

“ajpaajaap arthaat nirantar eeshvareey yaad''

yeh jo kahaavat hai shvaanso shvaans ajpaajaap japte raho uska yathaartha arth kya hai? jab ham kehte hain ajpaajaap to iska yathaartha arth hai jaap ke bigar shvaanso-shvaans apna buddhiyog apne parampita paramatma ke saath nirantar lagaana aur yeh eeshvareey yaad shvaanso-shvaans kaayam chalti aati hai, us nirantar eeshvareey yaad ko ajpaajaap kehte hain। baaki koi mukh se jaap japna arthaat raam raam kehna, andar mein koi mantra uchchaaran karna, yeh to nirantar chal nahin sakta। vo log samajhte hain ham mukh se mantra uchchaaran nahin karte lekin dil mein uchchaaran karna, yeh hai ajpaajaap। parantu yeh to sahaj ek vichaar ki baat hai jahaan apna shabd hi ajpaajaap hai, jisko japne ki bhi jaroorat nahin hai। aantarik baith koi moorti ka dhyaan bhi nahin karna hai, na kuchh simran karna hai kyonki vo bhi nirantar khaate peete rah nahin sakenge lekin ham jo eeshvareey yaad karte hain, vahi nirantar chal sakti hai kyonki yeh bahut sahaj hai। jaise samjho bachcha hai apne baap ko yaad karta hai, to usi samay baap ka photo saamne nahin laana padta hai lekin mansa-vaacha-karmana baap ke saare occupation, activity, gunon sahit yaad aata hai bas, woh yaad aane se bachche ki bhi vo act chalti hai, tab hi san shows father karenge। vaise apne ko bhi aur sabki yaad dil bheetar se mitaae, us ek hi asli paarlaukik parampita paramatma ki yaad mein rehna hai, ismen uthte-baithte, khaate-peete nirantar yaad mein chal sakte hain। us yaad se hi karmaateet bante hain। to is natural yaad ko hi ajpaajaap kehte hain। achha - om shanti।