रविवार 11 अक्टूबर 2020 की दैनिक मुरली

11-10-20 praatahmurli om shanti ''avyakt-baapdaada'' revise 31-03-86 madhuban

sarvashakti-sampanna banne tatha vardaan paane ka varsha

aaj sarva khajaanon ke maalik, apne master bachchon ko dekh rahe hain। baalak so maalik, kahaan tak bane hain, yeh dekh rahe hain। is samay jo shreshtha aatmaayen sarva shaktiyon ke sarva khajaanon ke maalik bante hain woh maalikpan ke sanskaar bhavishya mein bhi vishwa ke maalik banaate hain। to kya dekha? baalak to sabhi hain, baba aur main yeh lagan sabhi bachchon mein achhi lag gai hai। baalak pan ka nasha to sabhi mein hain lekin baalak so maalik arthaat baap samaan sampanna। to baalakpan ki sthiti aur maalikpan ki sthiti, ismen antar dekha। maalikpan arthaat har kadam svatah hi sampanna sthiti mein svayan ka hoga aur sarva prati bhi hoga। isko kehte hain master arthaat baalak so maalik। maalikpan ki visheshta- jitna hi maalikpan ka nasha utna hi vishwa sevaadhaari ke sanskaar sada emerge roop mein hain। jitna hi maalikpan ka nasha utna hi saath-saath vishwa sevaadhaari ka nasha। donon ki samaanta ho। yeh hai baap samaan maalik banna। to yeh result dekh rahe the ki baalak aur maalik donon swaroop sada hi pratyaksha karma mein aate hain va sirf knowledge tak hain! lekin knowledge aur pratyaksha karma mein antar hai। kai bachche is samaanta mein baap samaan pratyaksha karma roop mein achhe dekhe। kai bachche abhi bhi baalak-pan mein rehte hain lekin maalikpan ke us roohaani nashe mein baap samaan banne ki shaktishaali sthiti mein kabhi sthit hote hain aur kabhi sthit hone ke prayatna mein samay chala jaata hai।

lakshya sabhi bachchon ka yahi shreshtha hai ki baap samaan banna hi hai। lakshya shaktishaali hai। ab lakshya ko sankalp, bol, karma, sambandh-samparka mein laana hai। ismen antar pad jaata hai। koi bachche sankalp tak samaan sthiti mein sthit rehte hain। koi sankalp ke saath vaani tak bhi aa jaate hain। kabhi-kabhi karma mein bhi aa jaate hain। lekin jab sambandh, samparka mein aate, seva ke sambandh mein aate, chaahe parivaar ke sambandh mein aate, is sambandh aur samparka mein aane mein percentage kabhi kam ho jaati hai। baap samaan banna arthaat ek hi samay sankalp, bol, karma, sambandh sabmen baap samaan sthiti mein rehna। koi do mein rehte koi teen mein rehte। lekin chaaron hi sthiti jo bataai usmein kabhi kaise, kabhi kaise ho jaate hain। to baapdaada bachchon ke prati sada ati snehi bhi hain। sneh ka swaroop sirf avyakt ka vyakta roop mein milna nahin hai। lekin sneh ka swaroop hai samaan banna। kai bachche aise sochte hain ki baapdaada nirmohi ban rahe hain। lekin yeh nirmohi banna nahin hai। yeh vishesh sneh ka swaroop hai।

baapdaada pahle se hi suna chuke hain ki bahut-kaal ki praapti ke hisaab ka samay abhi bahut kam hai isliye baapdaada bachchon ko sada bahutkaal ke liye vishesh dridhta ki tapasya dvaara svayan ko tapaana arthaat majboot karna, paripakva karna iske liye yeh vishesh samay de rahe hain। vaise to golden jubilee mein bhi sabhi ne sankalp kiya ki samaan banenge, vighna-vinaashak banenge, samaadhaan swaroop banenge। yeh sab vaayde baap ke paas chitragupta ke roop mein hisaab ke khaate mein noondhe hue hain। aaj bhi kai bachchon ne dridh sankalp kiya। samarpan hona arthaat svayan ko sarva praaptiyon mein paripakva banaana। samarpanta ka arth hi hai sankalp, bol, karma aur sambandh in chaaron mein hi baap samaan banna। patra jo likhkar diya woh patra va sankalp sookshm vatan mein baapdaada ke paas sada ke liye record mein rah gaya। sabki phaailsa vahaan vatan mein hain। har ek ka yeh sakanlpa avinaashi ho gaya।

is varsha bachchon ke dridhta ki tapasya se har sankalp ko amar, avinaashi banaane ke liye svayan se baar-baar dridhta ke abhyaas se rooh-rihaan karne ke liye, realisation karne ke liye aur reincarnate swaroop ban phir karma mein aane ke liye is sthiti ko sadaakaal ke liye aur majboot karne ke liye, baapdaada yeh samay de rahe hain। saath-saath vishesh roop mein shuddh sankalp ki shakti se jama ka khaata aur badhaana hai। shuddh sankalp ki shakti ka vishesh anubhav abhi aur antarmukhi ban karne ki aavashyakta hai। shuddh sankalpon ki shakti sahaj vyartha sankalpon ko samaapta kar doosron ke prati bhi shubh bhaavna, shubh kaamna ke swaroop se parivartan kar sakte hain। abhi is shuddh sankalp ke shakti ka vishesh anubhav sahaj hi vyartha sankalpon ko samaapta kar deta hai। na sirf apne vyartha sankalp lekin aapke shuddh sankalp, doosron ke prati bhi shubh bhaavna, shubh kaamna ke swaroop se parivartan kar sakte hain। abhi is shuddh sankalp ke shakti ka stock svayan ke prati bhi jama karne ki bahut aavashyakta hai। murli sunna yeh lagan to bahut achhi hai। murli arthaat khajaana। murli ki har point ko shakti ke roop mein jama karna - yeh hai shuddh sankalp ki shakti ko badhaana। shakti ke roop mein har samay kaarya mein lagaana। abhi is visheshta ka vishesh attention rakhna hai। shuddh sankalp ki shakti ke mahatva ko abhi jitna anubhav karte jaayege utna mansa seva ke bhi sahaj anubhvi bante jaayenge। pahle to svayan ke prati shuddh sankalpon ki shakti jama chaahiye aur phir saath-saath aap sabhi baap ke saath vishwa kalyaankaari aatmaayen vishwa parivartak aatmaayen ho। to vishwa ke prati bhi yeh shuddh sankalpon ki shakti dvaara parivartan karne ka kaarya abhi bahut raha hua hai। jaise vartamaan samay brahma baap avyakt roopdhaari ban shuddh sankalp ki shakti se aap sabki paalna kar rahe hain। seva ki vriddhi ke sahayogi ban aage badha rahe hain। yeh vishesh seva shuddh sankalp ke shakti ki chal rahi hai। to brahma baap samaan abhi is visheshta ko apne mein badhaane ka tapasya ke roop mein abhyaas karna hai। tapasya arthaat dridhta sampanna abhyaas। saadhaaran ko tapasya nahin kahenge to abhi tapasya ke liye samay de rahe hain। abhi hi kyon de rahe hain? kyonki yeh samay aapke bahut-kaal mein jama ho jaayega। baapdaada sabhi ko bahutkaal ki praapti karaane ke nimitta hain। baapdaada sabhi bachchon ko bahutkaal ke raajya bhaagya adhikaari banaana chaahte hain। to bahut-kaal ka samay bahut thoda hai isliye har baat ke abhyaas ko tapasya ke roop mein karne ke liye yeh vishesh samay de rahe hain kyonki samay aisa aayega - jismen aap sabhi ko daata aur vardaata ban thode samay mein anekon ko dena padega। to sarva khajaanon ke jama ka khaata sampanna banaane ke liye samay de rahe hain।

doosri baat - vighna-vinaashak va samaadhaan swaroop banne ka jo vaayda kiya hai to vighna-vinaashak svayan ke prati bhi aur sarva ke prati bhi banne ka vishesh dridh sankalp aur dridh swaroop donon ho। sirf sankalp nahin lekin swaroop bhi ho। to is varsha baapdaada extra chance de rahe hain। jisko bhi yeh vighna vinaashak banne ka vishesh bhaagya lena hai woh is varsha mein le sakte hain। is varsha ko vishesh vardaan hai। lekin vardaan lene ke liye vishesh do attention dene padege। ek to sada baap samaan dene vaale banna hai, lene ki bhaavna nahin rakhni hai। regard mile, sneh mile tab snehi banen, va regard mile tab regard den, nahin। daata ke bachche ban mujhe dena hai। lene ki bhaavna nahin rakhna। shreshtha karma karte hue doosre taraph se milna chaahiye yeh bhaavna nahin rakhna। shreshtha karma ka phal shreshtha hota hi hai। yeh knowledge aap jaante ho lekin karne samay yeh sankalp nahin rakhna। ek to vardaan lene ke paatra banne ke liye sada daata ban karke rehna aur doosra vighna vinaashak banna hai, to samaane ki shakti sada vishesh roop mein attention mein rakhna। svayan prati bhi samaane ki shakti aavashyak hai। saagar ke bachche hain, saagar ki visheshta hai hi samaana। jismen samaane ki shakti hogi vahi shubh bhaavna, kalyaan ki kaamna kar sakenge isliye daata banna, samaane ke shakti swaroop saagar banna। yeh do visheshtaayen sada karma tak laana। kai baar kai bachche kehte hain socha to tha ki yahi karenge lekin karne mein badal gaya। to is varsha mein chaaron hi baaton mein ek hi samay samaanta ka vishesh abhyaas karna hai। samjha। to ek baat khajaanon ko jama karne ka aur daata ban dene ka sanskaar natural roop mein dhaaran ho jaae uske liye samay de rahe hain। to vighna-vinaashak banna aur banaana, ismen sada ke liye apna number nishchit karne ka chance de rahe hain। kuchh bhi ho svayan tapasya karo aur kiska vighna samaapta karne mein sahayogi bano। khud kitna bhi jhukna pade lekin yeh jhukna sada ke liye jhoolon mein jhoolna hai। jaise shreekrishna ko kitna pyaar se jhulaate rehte hain। aise abhi baap tum bachchon ko apni godi ke jhoole mein jhulaayenge aur bhavishya mein ratna jadit jhoolon mein jhoolenge aur bhakti mein poojya ban jhule mein jhoolenge। to jhukna, mitna yeh mahaanta hai। main kyon jhukoon, yeh jhuken, ismen apne ko kam nahin samjho। yeh jhukna mahaanta hai। yeh marna, marna nahin, avinaashi praaptiyon mein jeena hai isliye sada vighna-vinaashak banna aur banaana hai। ismen first division mein aane ka jisko chance lena ho woh le sakte hain। yeh vishesh chance lene ke samay ka baapdaada mahatva suna rahe hain। to samay ke mahatva ko jaan tapasya karna।

teesri baat - samay pramaan jitna vaayumandal ashaanti aur halchal ka badhta ja raha hai usi pramaan buddhi ki line bahut clear honi chaahiye kyonki samay pramaan touching aur catching in do shaktiyon ki aavashyakta hai। ek to baapdaada ke direction ko buddhi dvaara catch kar sako। agar line clear nahin hogi to baap ke direction saath manmat bhi mix ho jaati। aur mix hone ke kaaran samay par dhokha kha sakte hain। jitni buddhi spashta hogi utna baap ke direction ko spashta catch kar sakenge। aur jitna buddhi ki line clear hogi, utna svayan ki unnati prati, seva ki vriddhi prati aur sarva aatmaon ke daata ban dene ki shaktiyaan sahaj badhti jaayengi aur touching hogi is samay is aatma ke prati sahaj seva ka saadhan va sva-unnati ka saadhan yahi yathaartha hai। to vartamaan samay pramaan yeh donon shaktiyon ki bahut aavashyakta hai। isko badhaane ke liye eknaami aur economy vaale banna। ek baap doosra na koi। doosre ka lagaav aur cheez hai। lagaav to wrong hai hi hai lekin doosre ke svabhaav ka prabhaav apni avastha ko halchal mein laata hai। doosre ka sanskaar buddhi ko takkar mein laata hai। us samay buddhi mein baap hai ya sanskaar hai? chaahe lagaav ke roop mein buddhi ko prabhaavit kare, chaahe takraav ke roop mein buddhi ko prabhaavit kare lekin buddhi ki line sada clear ho। ek baap doosra na koi isko kehte hain eknaami aur economy kya hai? sirf sthool dhan ki bachat ko economy nahin kehte। woh bhi zaroori hai lekin samay bhi dhan hai, sankalp bhi dhan hai, shaktiyaan bhi dhan hain, in sabki economy। vyartha nahin ganvaao। economy karna arthaat jama ka khaata badhaana। eknaami aur economy ke sanskaar vaale yeh donon shaktiyaan (touching aur catching) ka anubhav kar sakenge। aur yeh anubhav vinaash ke samay nahin kar sakenge, yeh abhi se abhyaas chaahiye। tab samay par is abhyaas ke kaaran ant mein shreshtha mat aur gati ko pa sakenge। aap samjho ki abhi vinaash ka samay kuchh to pada hai। chalo 10 varsha hi sahi। lekin 10 varsha ke baad phir yeh purooshaartha nahin kar sakenge। kitni bhi mehnat karo, nahin kar sakenge। kamjor ho jaayenge। phir ant yuddha mein jaayegi। saphalta mein nahin। tretaayugi to nahin banna hai na। mehnat arthaat teer kamaan। aur sada muhabbat mein rehna, khushi mein rehna arthaat murleedhar banna, sooryavanshi banna। murli nachaati hai aur teer kamaan nishaana lagaane ke liye mehnat karaata hai। to kamaandhaari nahin murli vaala banna hai isliye peechhe koi ulhana nahin dena ki thoda-sa phir se extra samay de do। chance de do va kripa kar lo। yeh nahin chalega isliye pahle se suna rahe hain। chaahe peechhe aaya hai ya aage lekin samay ke pramaan to sabhi ko last stage par pahunchne ka samay hai। to aisi fast gati se chalna pade। samjha। achha।

chaaron or ke sarva snehi bachchon ko, sada diltakhta nasheen bachchon ko, sada santushtata ki jhalak dikhaane vaale bachchon ko, sada prasannata ki personality mein rahne vaale bachchon ko, sada behad vishaal dil, behad ki vishaal buddhi dhaaran karne vaali, vishaal aatmaon ko baapdaada ka sneh sampanna yaadapyaar aur namaste।

vardaan:- 5 vikaar roopi dushman ko parivartit kar sahayogi banaane vaale maayaajeet jagatjeet bhav

vijayi, dushman ka roop parivartan zaroor karta hai। to aap vikaaron roopi dushman ko parivartit kar sahayogi swaroop bana do jisse ve sada aapko salaam karte rahenge। kaam vikaar ko shubh kaamna ke roop mein, krodh ko roohaani khumaari ke roop mein, lobh ko anaasakta vritti ke roop mein, moh ko sneh ke roop mein aur dehaabhimaan ko svaabhimaan ke roop mein parivartit kar do to maayaajeet jagatjeet ban jaayenge।

slogan:- real gold mein mera pan hi alloy hai, jo value ko kam kar deta hai isliye merepan ko samaapta karo।