मंगलवार 20 अक्टूबर 2020 की दैनिक मुरली

20-10-2020 praatahmurli om shanti "baapdaada"' madhuban

meethe bachche – “tum ho spiritual, roohaani incognito salvation army, tumhein saari duniya ko salvage karna hai, doobe hue bede ko paar lagaana hai"

prashn:- sangam par baap kaun-si university kholte hain jo saare kalpa mein nahin hoti?

uttar:- raajaai praapta karne ke liye padhne ki god fatherly university va college sangam par baap hi kholte hain। aisi university saare kalpa mein nahin hoti। is university mein padhaai padhkar tum double sirtaaj raajaaon ka raaja bante ho।

om shanti। meethe-meethe roohaani bachchon se pahle-pahle baba poochhte hain yahaan aakar jab baithte ho to apne ko aatma samajh baap ko yaad karte ho? kyonki yahaan tumko koi dhandhaadhori, mitra-sambandhi aadi bhi nahin hain। tum yeh vichaar karke aate ho ki ham behad ke baap se milne jaate hain। kaun kehte hain? aatma shareer dvaara bolti hai। paarlaukik baap ne yeh shareer udhaar par liya hai, inse samjhaate hain। yeh ek hi baar hota hai jo behad ka baap aakar sikhlaate hain। apne ko aatma samajh baap ko yaad karne se tumhaara beda paar hoga। har ek ka beda dooba hua hai, jo jitna purooshaartha karenge utna beda paar hoga। gaate hain na - he maanjhi bedi (naiya) meri paar lagaao। vaastav mein har ek ko apne purooshaartha se paar jaana hai। jaise tairna sikhlaate hain phir seekh jaate hain to aapehi tairte hain। woh sab hain jismaani baaten। yeh hain roohaani baaten। tum jaante ho aatma abhi keechad ke duban mein phans gai hai। is par hiran ka bhi misaal dete hain। paani samajh jaate hain, parantu woh hoti hai keechad, to usmein phans padte hain। kabhi-kabhi steamers, motor aadi bhi keechad mein phans padti hain। phir unko salvage karte hain। woh sab hain salvation army। tum ho roohaani। tum jaante ho sab maaya ke duban mein bahut phanse hue hain, inko maaya ka duban kaha jaata hai। baap aakar samjhaate hain - inse tum kaise nikal sakte ho। woh salvage karte hain, usmein madad chaahiye aadmi ko aadmi ki। yahaan to phir aatma jaakar duban mein phansi hai। baap raasta bataate hain inse tum kaise nikal sakte ho। phir doosron ko bhi raasta bata sakte ho। apne ko aur doosron ko raasta bataana hai ki tumhaari naeeya is vishay saagar se ksheersaagar mein kaise jaaye। satayug ko kehte hain ksheersaagar arthaat sukh ka saagar। yeh hai duhkh ka saagar। raavan duhkh ke saagar mein dubote hain। baap aakar sukh ke saagar mein le jaate hain। tumko roohaani salvation army kaha jaata hai। tum shreemat par sabko raasta bataate ho। har ek ko samjhaate ho - do baap hain, ek had ka, doosra behad ka। laukik baap hote hue bhi sab paarlaukik baap ko yaad karte hain parantu unko jaante bilkul nahin hain। baba koi glaani nahin karte hain parantu drama ka raaz samjhaate hain। yeh bhi samjhaane ke liye hi kehte hain ki is samay sabhi manushya maatra 5 vikaaron roopi daldal mein phanse hue aasuri sampradaay hain। daivi sampradaay ko aasuri sampradaay jaakar naman karte hain kyonki woh sampoorn nirvikaari hain। sannyaasiyon ko naman karte hain woh bhi gharbaar chhodkar jaate hain। pavitra rehte hain। in sannyaasiyon aur devtaaon mein raat-din ka farka hai। devtaaon ka to janma bhi yogbal se hota hai। in baaton ko koi jaante nahin। sab kehte hain eeshvar ki gati mat nyaari, eeshvar ka ant nahin pa sakte। sirf eeshvar va bhagwan kahne se itna lav nahin aata hai। sabse achha akshar hai baap। manushya behad ke baap ko nahin jaante to jaise orphan hain।

magazine mein bhi nikaala hai, manushya kya kehte aur bhagwan kya kehte hain। baap koi gaali nahin dete hain, bachchon ko samjhaate hain kyonki baap to sabko jaante hain na। samjhaane liye kehte hain - inmen aasuri gun hain, aapas mein ladte rehte hain। yahaan to ladne ki darkaar nahin hai। woh hain kaurav arthaat aasuri sampradaay। yeh hain daivi sampradaay। baap samjhaate hain - manushya, manushya ko mukti va jeevanmukti ke liye raajayog sikhlaayen yeh ho nahin sakta। is samay baap hi tum aatmaon ko sikhla rahe hain। deh-abhimaan, dehi-abhimaani mein pharka dekho kitna hai। deh-abhimaan se tum girte aaye ho। baap ek hi baar aakar tumko dehi-abhimaani banaate hain। aise nahin ki tum satayug mein deh se sambandh nahin rakhenge। vahaan yeh gyaan nahin rehta ki main aatma parampita paramatma ki santaan hoon। yeh gyaan abhi hi tumko milta hai jo praayah lop ho jaata hai। tum hi shreemat par chal praalabdha paate ho। baap aate hi hain raajayog sikhlaane। aisi padhaai aur koi hoti nahin। double sirtaaj raajaayen satayug mein hote hain। phir single taaj vaalon ki raajaai bhi hai, abhi woh raajaai nahin rahi hai, praja ka praja par raajya hai। tum bachche abhi raajaai ke liye padhte ho, isko god fatherly university kaha jaata hai। tumhaara naam bhi likha hua hai। vo log bhal naam rakhte hain geeta paathshaala। padhaate kaun hain? shreekrishna bhagvaanuvaach kah denge। ab krishna to padha na saken। krishna to khud pa"shaala mein padhne jaate hain। prince-princess kaise school mein jaate hain, vahaan ki bhaasha hi doosri hai। aise bhi nahin ki sanskrit mein geeta gaai hai। yahaan to anek bhaashaayen hain। jo jaisa raaja hota hai woh apni bhaasha chalaate hain। sanskrit bhaasha koi raajaaon ki nahin hai। baba koi sanskrit nahin sikhlaate hain। baap to raajayog sikhlaate hain, satayug ke liye।

baap kehte hain kaam mahaashatru hai, in par jeet pahno। pratigya karaate hain, yahaan jo bhi aate hain unse pratigya karaai jaati hai। kaam par jeet paane se tum jagatjeet banenge। yeh hai mukhya vikaar। yeh hinsa dvaapar se chali aati hai, jisse vaam maarga shuru hua। devtaayen kaise vaam maarga mein jaate hain, unka bhi mandir hai। vahaan bahut chhi-chhi chitra banaaye hain। baaki vaam maarga mein kab gaye, uski tithi-taareekh to hai nahin। siddha hota hai kaam chita par baithne se kaale bante hain parantu naam-roop to badal jaata hai na। kaam chita par chadhne se iron aged ban padte hain। abhi to 5 tatva bhi tamopradhaan hain na, isliye shareer bhi aise tamopradhaan bante hain। janma se hi koi kaise, koi kaise ho padte hain। vahaan to ekdam sundar shareer hote hain। abhi tamopradhaan hone ke kaaran shareer bhi aise hain। manushya eeshvar prabhu aadi bhinna-bhinna naamon se yaad karte hain parantu un bichaaron ko pata hi nahin hai। aatma apne baap ko yaad karti hai - he baba, aakar shanti do। yahaan to karmendriyon se part baja rahe hain to shanti kaise milegi। vishwa mein shanti thi jabki in lakshmi-naaraayan ka raajya tha। parantu laakhon varsha kalpa ki aayu kah di hai to manushya bichaare kaise samjhenge। jab inka (devtaaon ka) raajya tha to ek raajya ek dharma tha aur koi khanda mein aise nahin kehte ki ek dharma ek raajya ho। yahaan aatma maangati hai ek raajya ho। tumhaari aatma jaanti hai ab ham ek raajya sthaapan kar rahe hain। vahaan saare vishwa ke maalik ham rahenge। baap hamko sab kuchh de dete hain। koi bhi hamse raajaai chheen nahin sakte। ham saare vishwa ke maalik ban jaate hain। vishwa mein koi sookshm vatan, mool vatan nahin aata hai। yeh srishti ka chakra yahaan hi phirta rehta hai। isko baap, jo rachayita hai vahi jaante hain। aise nahin ki rachna rachte hain। baap aate hi hain sangam par, puraani duniya se nai duniya banaane। doordesh se baba aaya hua hai, tum jaante ho nai duniya hamaare liye ban rahi hai। baba ham aatmaon ka shrringaar kar rahe hain। unke saath phir shareeron ka bhi shrringaar ho jaayega। aatma pavitra hone se phir shareer bhi satopradhaan milenge। satopradhaan tatvon se shareer banenge। inhon ka satopradhaan shareer hai na isliye natural beauty rehti hai। gaaya bhi jaata hai religion is might। ab might mili kahaan se? ek hi devi-devtaaon ka religion hai jisse might milti hai। yeh devtaayen hi saare vishwa ke maalik bante hain aur koi vishwa ke maalik nahin bante hain। tumko kitni might milti hai। likha hua bhi hai aadi sanaatan devi-devta dharma ki sthaapna shivbaaba brahma dvaara karte hain। yeh baaten duniya mein koi jaante thode hi hain। baap kehte hain main brahman kul sthaapan karta hoon phir unhon ko sooryavanshi dynasty mein le aata hoon। jo achhi reeti padhte hai woh paas ho sooryavanshi mein aate hain। hai saari gyaan ki baat। unhonne phir sthool baan hathiyaar aadi dikhaaye hain। baan chalaana bhi seekhte hain। chhote bachchon ko bhi bandook chalaana sikhaate hain। tumhaara phir hai yog baan। baap kehte hain maamekam yaad karoge to tumhaare vikarma vinaash honge। hinsa ki koi baat nahin hai। tumhaari padhaai bhi hai gupta। tum ho spiritual, roohaani salvation army। yeh koi ko maaloom nahin hai ki roohaani army kaise hoti hai। tum ho incognito, spiritual roohaani salvation army। saari duniya ko tum salvage karte ho। sabka beda dooba hua hai। baaki sone ki lanka koi hai nahin। aise nahin ki soni dvaarika neeche chali gai hai, woh nikal aayegi। nahin, dvaarika mein bhi inka raajya tha parantu satayug mein tha। satayugi raajaaon ki dress hi alag hoti hai, treta ki alag। bhinna-bhinna dress, bhinna-bhinna rasam rivaaj hoti hai। har ek raaja ki rasam-rivaaj apni-apni, satayug ka to naam lete hi dil khush ho jaati hai। kehte hi hain svarga, paradise parantu manushya kuchh bhi jaante nahin। mukhya to hai yeh delvaada mandir। hoobhu tumhaara yaadgaar hai। models to hamesha chhota banaate hain na। yeh bilkul accurate models hain। shivbaaba bhi hai, aadi dev bhi hai, oopar mein baikuntha dikhaaya hai। shiv-baba hoga to zaroor rath bhi hoga। aadi dev baitha hai, yeh bhi kisko pata nahin hai। yeh shivbaaba ka rath hai। mahaaveer hi raajaai praapta karte hain। aatma mein taakat kaise aati hai, yeh bhi tum abhi samajhte ho। ghadi-ghadi apne ko aatma samjho। ham aatma satopradhaan thi to pavitra thi। shantidham, sukhdhaam mein zaroor pavitra hi rahenge। ab buddhi mein aata hai, kitni sahaj baat hai। bhaarat satayug mein pavitra tha। vahaan apvitra aatma rah na sake। itni sab patit aatmaayen oopar kaise jaayengi। zaroor pavitra bankar hi jaayengi। aag lagti hai phir sabhi aatmaayen chali jaayengi। baaki shareer rah jaate hain। yeh sab nishaaniyaan bhi hain। holika ka arth koi samajhte thode hi hain। saari duniya ismen svaaha honi hai। yeh gyaan yagya hai। gyaan akshar nikaal baaki roodra yagya kah dete hain। vaastav mein yeh hai roodra gyaan yagya। yeh braahmanon dvaara hi racha jaata hai। sachche-sachche brahman tum ho। prajaapita brahma ki to sab aulaad hain na। brahma dvaara hi manushya srishti rachi jaati hai। brahma ko hi great-great grand father kaha jaata hai, inka sijra hota hai na। jaise alag-alag biraadri ka sijra rakhte hain। tumhaari buddhi mein hai ki mool vatan mein hai aatmaon ka sijra, kaaydemuzeeb। shivbaaba phir brahma-vishnu-shankar, phir lakshmi-naaraayan aadi ye sab hain manushyon ke sizre। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) roohaani salvation army ban svayan ko aur sarva ko sahi raasta bataana hai। saari duniya ko vishay saagar se salvage karne ke liye baap ka poora-poora madadgaar banna hai।

2) gyaan-yog se pavitra ban aatma ka shrringaar karna hai, shareeron ka nahin। aatma ke pavitra banne se shareer ka shrringaar svatah ho jaayega।

vardaan:- man-buddhi ko manmat se free kar sookshm vatan ka anubhav karne vaale double light bhav

sirf sankalp shakti arthaat man aur buddhi ko sada manmat se khaali rakho to yahaan rehte bhi vatan ki sabhi scene-seenriyaan aise spashta anubhav karenge jaise duniya ki koi bhi scene spashta dikhaai deti hai। is anubhooti ke liye koi bhi bojh apne oopar nahin rakho, sab bojh baap ko dekar double light bano। man-buddhi se sada shuddh sankalp ka bhojan karo। kabhi bhi vyartha sankalp va vikalpa ka ashuddha bhojan na karo to bojh se halke hokar oonchi sthiti ka anubhav kar sakenge।

slogan:- vyartha ko full stop do aur shubh bhaavna ka stock full karo।