सोमवार 16 नवंबर 2020 की दैनिक मुरली

16-11-2020 praatahmurli om shanti "baapdaada"' madhuban

“meethe bachche - tum is roohaani university ke student ho, tumhaara kaam hai saari universe ko baap ka message dena''

prashn:- abhi tum bachche kaun sa dhindhora peette aur kaun si baat samjhaate ho?

uttar:- tum dhindhora peette ho ki yeh nai daivi raajdhaani phir se sthaapan ho rahi hai। anek dharmo ka ab vinaash hona hai। tum sabko samjhaate ho ki sab bephikar raho, yeh international rola hai। ladaai zaroor lagni hai, iske baad daivi raajdhaani aayegi।

om shanti। yeh hai roohaani university। saare universe ki jo bhi aatmaayen hain, university mein aatmaayen hi padhti hain। universe arthaat vishwa। ab kaayde anusaar university akshar tum bachchon ka hai। yeh hai roohaani university। jismaani university hoti hi nahin। yeh ek hi god fatherly university hai। sabhi aatmaon ko lesson milta hai। tumhaara yeh paigaam koi na koi prakaar se sabko zaroor pahunchna chaahiye, message dena hai na aur yeh message bilkul simple hai। bachche jaante hain woh hamaara behad ka baap hai, jisko sab yaad karte hain। aise bhi kahen woh hamaara behad ka maashook hai, jo bhi vishwa mein jeev aatmaayen hain woh us maashook ko yaad zaroor karti hain। yeh points achhi reeti dhaaran karni hai। jo fresh buddhi honge woh achhi reeti dhaaran kar sakenge। universe mein jo bhi aatmaayen hain un sabka baap ek hi hai। university mein to manushya hi padhenge na। abhi tum bachche yeh bhi jaante ho - ham hi 84 janma lete hain। 84 laakh ki to baat hi nahin। universe mein jo bhi aatmaayen hain, is samay sab patit hain। yeh hai hi chhi-chhi duniya, duhkhadhaam। use sukhdhaam mein le jaane vaala ek hi baap hai, unko liberator bhi kehte hain। tum saare universe va vishwa ke maalik bante ho na। baap sabke liye kehte hain yeh message pahunchaakar aao। baap ko sab yaad karte hain, unko guide, liberator, merciful (merciful) bhi kehte hain। anek bhaashaayen hain na। sabhi aatmaayen ek ko pukaarti hain to woh ek hi saari universe ka teacher bhi hua na। baap to hai hi parantu yeh kisko pata nahin ki woh ham sab aatmaon ka teacher bhi hai, guru bhi hai। sabko guide bhi karte hain। is behad ke guide ko sirf tum bachche hi jaante ho। tum braahmanon ke sivaae aur koi nahin jaante। aatma ko bhi tumne jaana hai ki aatma kya cheez hai। duniya mein to ek bhi manushya nahin, khaas bhaarat aam duniya kisko bhi pata nahin ki aatma kya cheez hai। bhal kehte hain bhrakuti ke beech chamakta hai ajab sitaara। parantu samajh kuchh nahin। abhi tum jaante ho aatma to avinaashi hai। woh kabhi badi ya chhoti nahin hoti। jaise tumhaari aatma hai, baap bhi vahi bindi hai। bada chhota nahin। woh bhi hai aatma sirf param aatma hai, supreme hai। barobar sabhi aatmaayen paramdham mein rahne vaali hain। yahaan aati hain part bajaane। phir apne paramdham jaane ki koshish karte hain। parampita paramatma ko sab yaad karte hain kyonki aatmaon ko parampita ne hi mukti mein bheja tha to unko hi yaad karte hain। aatma hi tamopradhaan bani hai। yaad kyon karte hain? itna bhi pata nahin। jaise bachcha kahega - “baba'', bas। unko kuchh bhi pata hi nahin। tum bhi baba mama kehte ho, jaante kuchh nahin ho। bhaarat mein ek nationality thi, unko deity nationality kaha jaata hai। phir baad mein aur bhi unmein enter hue hain। abhi kitne dher ho gaye hain, isliye itne jhagde aadi hote hain। jahaan-jahaan jaasti ghus gaye hain, unko vahaan se nikaalne ki koshish karte rehte hain। bahut jhagde ho gaye hain। andhiyaara bhi bahut ho gaya hai। kuchh to limit bhi honi chaahiye na। actors ki limit hoti hai। yeh bhi bana banaaya khel hai। ismen jitne bhi actors hain, usmein kam jaasti ho na sake। jab sab actors stage par aa jaate hain phir unko vaapis bhi jaana hai। jo bhi actors rahe hue honge, aate rahenge। bhal kitna bhi control aadi karne ke liye maatha maarte rehte hain, parantu kar nahin sakte। bolo, ham bi.ke. aisa birth control kar dete hain jo baaki 9 laakh jaakar rahenge। phir saari aadamshumaari hi kam ho jaayegi। ham aapko satya bataate hain, ab sthaapna kar rahe hain। nai duniya, naya jhaad zaroor chhota hi hoga। yahaan to yeh control kar nahin sakenge kyonki tamopradhaan aur hota jaata hai। vriddhi hoti jaati hai। actors jo bhi aane vaale hain, yahaan hi aakar shareer dhaaran karenge। in baaton ko koi samajhte nahin hain। shrewd buddhi samajhte hain raajdhaani mein to har prakaar ke paartadhaari hote hain। satayug mein jo raajdhaani thi woh phir se sthaapan ho rahi hai। transfer ho jaayenge। tum abhi tamopradhaan se satopradhaan class mein transfer hote ho। puraani duniya se nai duniya mein jaate ho। tumhaari padhaai is duniya ke liye nahin hai। aisi university aur koi ho na sake। god father hi kehte hain ham tumko amarlok ke liye padhaate hain। yeh mrityulok khalaas hona hai। satayug mein in lakshmi-naaraayan ki raajdhaani thi। yeh sthaapan kaise hui, yeh kisko pata nahin hai।

baba hamesha kehte hain jahaan tum bhaashan karte ho to yeh lakshmi-naaraayan ka chitra zaroor rakho। inmen date bhi zaroor likhi hui ho। tum samjha sakte ho ki naye vishwa ki shurooaat se 1250 varsha tak is dynasty ka raajya tha। jaise kehte hain na - Christian dynasty ka raajya tha। ek do ke pichhaadi chale aate hain। to jab ye devta dynasty thi to doosra koi tha nahin। ab phir yeh dynasty sthaapan ho rahi hai। baaki sabka vinaash hona hai। ladaai bhi saamne khadi hai। bhaagvat aadi mein is par bhi kahaani likh di hai। chhote-pan mein yeh kahaaniyaan aadi sunte rehte the। abhi tum jaante ho yeh raajaai kaise sthaapan hoti hai। zaroor baap ne hi raajayog sikhaaya hai। jo paas hote hain woh vijay maala ka daana bante hain aur koi is maala ko jaante nahin। tum hi jaante ho। tumhaara pravritti maarga hai। oopar mein baba khada hai, unko apna shareer hai nahin। phir brahma sarasvati so lakshmi-naaraayan। pahle chaahiye baap phir joda। roodraaksha ke daane hote hain na। nepaal mein ek vriksha hai, jahaan se yeh roodraaksha ke daane aate hain। unmein sachche bhi hote hain। jitna chhote utna daam bahut। abhi tum arth ko samajh gaye ho। yeh vishnu ki vijay maala athva roonda maala banti hai। vo log to sirf maala pherte-pherte raam-raam karte rahenge, arth kuchh bhi nahin। maala ka jaap karte hain। yahaan to baap kehte hain mujhe yaad karo। yeh hai ajpaajaap। mukh se kuchh bolna nahin hai। geet bhi sthool ho jaata hai। bachchon ko to sirf baap ko yaad karna hai। nahin to phir geet aadi yaad aate rahenge। yahaan mool baat hai hi yaad ki। tumko aavaaj se pare jaana hai। baap ka direction hai hi manamnaabhav। baap thode hi kehte hain geet gaao, radi maaro। meri mahima gaayan karne ki bhi darkaar nahin hai। yeh to tum jaante ho woh gyaan ka saagar, sukh-shanti ka saagar hai। manushya nahin jaante। aise hi naam rakh diye hain। tumhaare sivaae aur koi bhi nahin jaante। baap hi aakar apna naam roop aadi bataate hain - main kaisa hoon, tum aatma kaisi ho! tum bahut mehnat karte ho - part bajaane। aadhaakalpa bhakti ki hai, main to aise part mein aata nahin hoon। main duhkh sukh se nyaara hoon। tum duhkh bhogte ho phir tum hi sukh bhogte ho - satayug mein। tumhaara part mere se bhi oonch hai। main to aadhaakalpa vahaan hi aaraam se baitha rehta hoon vaanaprastha mein। tum mujhe pukaarte aate ho। aise nahin ki main vahaan baith tumhaari pukaar sunta hoon। mera part hi is samay ka hai। drama ke part ko main jaanta hoon। ab drama poora hua hai, mujhe jaakar patiton ko paavan banaane ka part bajaana hai aur koi baat hai nahin। manushya samajhte hain paramatma sarvashaktimaan hai, antaryaami hai। sabke andar kya-kya chalta hai, woh jaante hain। baap kehte hain aise hai nahin। tum jab bilkul tamopradhaan ban jaate ho - tab accurate time par mujhe aana padta hai। saadhaaran tan mein hi aata hoon। tum bachchon ko aakar duhkh se chhudaata hoon। ek dharma ki sthaapna brahma dvaara, anek dharmo ka vinaash shankar dvaara…haahaakaar ke baad jayjaykaar ho jaayegi। kitna haahaakaar hona hai। aaphton mein marte rahenge। natural calamities ki bhi bahut madad rehti hai। nahin to manushya bahut rogi, duhkhi ho jaaen। baap kehte hain bachche duhkhi na pade rahen isliye natural calamities bhi aisi jor se aati hain jo sabko khatma kar deti hain। bombs to kuchh nahin hain, natural calamities bahut madad karti hain। earthquake mein dher khatma ho jaate hain। paani ka ek do ghutka aaya yeh khatma। samudra bhi zaroor uchhal khaayega। dharti ko hap karega, 100 foot paani uchhal khaaye to kya kar dega। yeh hai haahaakaar ki scene। aisi scene dekhne ke liye himmat chaahiye। mehnat bhi karna hai, nirbhay bhi banna hai। tum bachchon mein ahankaar bilkul nahin hona chaahiye। dehi-abhimaani bano। dehi-abhimaani rahne vaale bade meethe hote hain। baap kehte hain - main to hoon niraakaar aur vichitra। yahaan aata hoon - service karne ke liye। hamaari badaai dekho kitni karte hain। gyaan ka saagar... he baba aur phir kehte hain patit duniya mein aao। tum nimantran to bada achha dete ho। aisa bhi nahin kehte ki svarga mein aakar sukh to dekho। kehte hain he patit-paavan ham patit hain, hamko paavan banaane aao। nimantran dekho kaisa hai। ekdam tamopradhaan patit duniya aur phir patit shareer mein bulaate hain। bada achha nimantran dete hain bhaaratvaasi! drama mein raaz hi aisa hai। inko bhi thode hi pata tha ki mera bahut janmon ke ant ka janma hai। baba ne pravesh kiya hai tab bataate hain। baba ne har ek baat ka raaz samjhaaya hai। brahma ko hi vanni (patni) banna hai। baba khud kehte hain - meri yeh vanni hai। main inmen pravesh kar in dvaara tumko apna banaata hoon। yeh sachchi-sachchi badi maa ho gai aur woh adopted mo thahri। mo baap tum inko kah sakte ho। shivbaaba ko sirf father hi kahenge। yeh hai brahma baba। mama gupta hai। brahma hai mo parantu tan puroosh ka hai। yeh to sambhaal nahin sakenge isliye adopt kiya hai bachchi ko। naam rakh diya hai maateshvari। head ho gai। drama anusaar hai hi ek sarasvati। baaki durga, kaali aadi sab anek naam hain। mo baap to ek hi hote hain na। tum sab ho bachche। gaayan bhi hai brahma ki beti sarasvati। tum brahmaakumaar kumaariyaan ho na। tumhaare oopar naam bahut hain। yeh sab baaten tumhaare mein bhi nambarvaar samjhenge। padhaai mein bhi nambarvaar to hote hain na। ek na mile doosre se। yeh raajdhaani sthaapan ho rahi hai। yeh bana banaaya drama hai। inko vistaar se samajhna hai। bahut dher points hain। bairistari padhte hain phir unmein bhi nambarvaar hote hain। koi barrister to 2-3 laakh kamaate hain। koi dekho kapde bhi phate hue pahnenge। ismen bhi aise hain।

to bachchon ko samjhaaya gaya hai ki yeh international rola hai। abhi tum samjhaate ho ki sab bephikar raho। ladaai to zaroor lagni hi hai। tum dhindhora peette ho ki nai daivi raajdhaani phir se sthaapan ho rahi hai। anek dharmo ka vinaash hoga। kitna clear hai। prajaapita brahma se yeh praja rachi jaati hai। kehte hain yeh hai meri mukh vanshaavli। tum mukh vanshaavli brahman ho। woh kukh vanshaavli brahman hain। woh hain pujaari, tum abhi poojya ban rahe ho। tum jaante ho ham so devta poojya ban rahe hain। tumhaare oopar abhi light ka taaj nahin hai। tumhaari aatma jab pavitra banengi tab yeh shareer chhod degi। is shareer par tumko light ka taaj nahin de sakte, shobhega nahin। is samay tum ho gaayan laayak। is samay koi ki bhi aatma pavitra nahin hai, isliye kiske oopar bhi is samay light nahin honi chaahiye। light satayug mein hoti hai। do kala kam vaale ko bhi yeh light nahin deni chaahiye। achha।

meethe-meethe sikeeldhe bachchon prati maat-pita baapdaada ka yaad-pyaar aur gudmaarnig। roohaani baap ki roohaani bachchon ko namaste।

dhaarna ke liye mukhya saar:-

1) apni sthiti aisi achal aur nirbhay banaani hai jo antim vinaash ki scene ko dekh saken। mehnat karni hai dehi-abhimaani banne ki।

2) nai raajdhaani mein oonch pad paane ke liye padhaai par poora-poora dhyaan dena hai। paas hokar vijay maala ka daana banna hai।

vardaan:- nirbal, dilshikasta, asmartha aatma ko extra bal dene vaale roohaani merciful bhav

jo roohaani merciful bachche hain-woh mahaadaani ban bilkul hopeless case mein hope paida kar dete hain। nirbal ko balvaan bana dete hain। daan sada gareeb ko, beshaare ko diya jaata hai। to jo nirbal dilshikasta, asmartha praja quality ki aatmaayen hain unke prati roohaani merciful ban mahaadaani bano। aapas mein ek doosre ke prati mahaadaani nahin। woh to sahayogi saathi ho, bhaai bhaai ho, hamashreek purooshaarthi ho, sahayog do, daan nahin।

slogan:- sada ek baap ke shreshtha sang mein raho to aur kisi ke sang ka rang prabhaav nahin daal sakta।