बुधवार 18 नवंबर 2020 की दैनिक मुरली

18-11-2020 praatahmurli om shanti "baapdaada"' madhuban

“meethe bachche - abhi tum satya baap dvaara satya devta ban rahe ho, isliye satayug mein satsang karne ki jaroorat nahin''

prashn:- satayug mein devtaaon se koi bhi vikarma nahin ho sakta hai, kyon?

uttar:- kyonki unhein satya baap ka vardaan mila hua hai। vikarma tab hota hai jab raavan ka shraap milne lagta hai। satayug-treta mein hai hi sadgati, us samay durgati ka naam nahin। vikaar hi nahin jo vikarma ho। dvaapar-kaliyug mein sabki durgati ho jaati isliye vikarma hote rehte hain। yeh bhi samajhne ki baaten hain।

om shanti। meethe-meethe roohaani bachchon prati baap baith samjhaate hain - yeh supreme baap bhi hai, supreme teacher bhi hai, supreme satguru bhi hai। baap ki aisi mahima bataane se automatically siddha ho jaata hai ki krishna kisi ka baap ho nahin sakta। woh to chhota bachcha, satayug ka prince hai। woh teacher bhi nahin ho sakta। khud hi baithkar teacher se padhte hain। guru to vahaan hota nahin kyonki vahaan sab sadgati mein hain। aadhaakalpa hai sadgati, aadhaakalpa hai durgati। to vahaan hai sadgati, isliye gyaan ki vahaan darkaar nahin rehti। naam bhi nahin hai kyonki gyaan se 21 janmon ke liye sadgati milti hai phir dvaapar se kaliyug ant tak hai durgati। to krishna phir dvaapar mein kaise aa sakta। yeh bhi kisko dhyaan mein nahin aata hai। ek-ek baat mein bahut hi guhya raaz bhara hua hai, jo samjhaana bahut zaroori hai। woh supreme baap, supreme teacher hai। angreji mein supreme hi kaha jaata hai। angreji akshar kuchh achhe hote hain। jaise drama akshar hai। drama ko naatak nahin kahenge, naatak mein to adli-badli hoti hai। yeh srishti ka chakra phirta hai-aisa kehte bhi hain, parantu kaise phirta hai, hoobhu phirta hai ya change hoti hai, yeh kisko bhi pata nahin hai। kehte bhi hain bani-banaai ban rahi…zaroor koi khel hai jo phir se chakra khaata rehta hai। is chakra mein manushyon ko hi chakra lagaana padta hai। achha, is chakra ki aayu kya hai? kaise repeat hota hai? isko phirne mein kitna samay lagta hai? yeh koi nahin jaante। islaami-bauddhi aadi yeh sab hain gharaane, jinka drama mein part hai।

tum braahmanon ki dynasty nahin hai, yeh hai brahman kul। sarvottam brahman kul kaha jaata hai। devi-devtaaon ka bhi kul hai। yeh to samjhaana bahut sahaj hai। sookshm vatan mein pharishte rehte hain। vahaan haddi-maans hota nahin। devtaaon ko to haddi-maans hai na। brahma so vishnu, vishnu so brahma। vishnu ki naabhi kamal se brahma kyon dikhaaya hai? sookshm vatan mein to yeh baaten hoti nahin। na javaahraat aadi ho sakte, isliye brahma ko saphed poshdhaari brahman dikhaaya hai। brahma saadhaaran manushya bahut janmon ke ant mein gareeb hua na। is samay hain hi khaadi ke kapde। woh bichaare samajhte nahin sookshm shareer kya hota hai। tumko baap samjhaate hain - vahaan hain hi pharishte, jinko haddi-maans hota nahin। sookshm vatan mein to yeh shrringaar aadi hona nahin chaahiye। parantu chitron mein dikhaaya hai to baba uska hi saakshaatkaar karaae phir arth samjhaate hain। jaise hanoomaan ka saakshaatkaar karaate hain। ab hanoomaan jaisa koi manushya hota nahin। bhakti maarga mein anek prakaar ke chitra banaaye hain, jinka vishvaas baith gaya hai unko aisa kuchh bolo to bigad padte। deviyon aadi ki kitni pooja karte hain phir dubo dete hain। yeh sab hai bhakti maarga। bhakti maarga ke daldal mein gale tak doobe hue hain to phir nikaal kaise sakenge। nikaalna hi mushkil ho jaata hai। koi-koi to auron ko nikaalne nimitta ban khud hi doob jaate hain। khud gale tak duban mein phansate arthaat kaam vikaar mein gir padte hain। yeh hai sabse badi duban (daldal)। satayug mein yeh baaten hoti nahin। abhi tum satya baap dvaara satya devta ban rahe ho। phir vahaan satsang hote nahin। satsang yahaan bhakti maarga mein karte rehte hain, samajhte hain sab eeshvar ke roop hain। kuchh bhi nahin samajhte। baap baith samjhaate hain-kaliyug mein hain sab paap aatmaayen, satayug mein hote hain punya aatmaayen। raat-din ka pharka hai। tum abhi sangam par ho। kaliyug aur satayug donon ko jaante ho। mool baat hai is paar se us paar jaane ki। ksheersaagar aur vishay saagar ka gaayan bhi hai parantu arth kuchh nahin samajhte। abhi baap baith karma-akarma ka raaz samjhaate hain। karma to manushya karte hi hain phir koi karma akarma hote hain, koi vikarma hote hain। raavan raajya mein sab karma vikarma ho jaate hain, satayug mein vikarma hota nahin kyonki vahaan hai raamraajya। baap se vardaan paaye hue hain। raavan dete hain shraap। yeh sukh aur duhkh ka khel hai na। duhkh mein sab baap ko yaad karte hain। sukh mein koi yaad nahin karte। vahaan vikaar hote nahin। bachchon ko samjhaaya hai-sapling lagaate hain। yeh saiplig lagaane ki rasam bhi abhi padi hai। baap ne sapling lagaana shuru kiya hai। aage jab British government thi to kabhi akhbaar mein nahin padta tha ki jhaadon ka sapling lagaate hain। ab baap baith devi-devta dharma ka sapling lagaate hain, aur koi sapling nahin lagaate। bahut dharma hain, devi-devta dharma praayah lop hai। dharma bhrashta, karma bhrashta hone ke kaaran naam hi ulta-sulta rakh diya hai। jo devta dharma ke hain unhon ko phir usi devi-devta dharma mein aana hai। har ek ko apne dharma mein hi jaana hai। Christian dharma ka nikalkar phir devi-devta dharma mein aa nahin sakenge। mukti to ho na sake। haan, koi devi-devta dharma ka convert hokar Christian dharma mein chala gaya hoga to woh phir lautkar apne devi-devta dharma mein aa jaayega। unko yeh gyaan aur yog bahut achha lagega, isse siddha hota hai ki yeh apne dharma ka hai। ismen badi vishaalbuddhi chaahiye samajhne aur samjhaane ki। dhaarna karni hai, kitaab padhkar nahin sunaani hai। jaise koi geeta sunaate hain, manushya baithkar sunte hain। koi to geeta ke shlok ekdam kantha kar lete hain। baaki to inka arth har ek apna-apna baith nikaalte hain। shlok saare sanskrit mein hain। yahaan to gaayan hai ki saagar ko syaahi bana do, saara jangal kalam bana do to bhi gyaan ka ant nahin hota। geeta to bahut chhoti hai। 18 adhyaay hain। itni chhoti geeta banaakar gale mein pahante hain। bahut patle akshar hote hain। gale mein pahanne ki bhi aadat hoti hai। kitna chhota locket banta hai। vaastav mein hai to second ki baat। baap ka bana jaise ki vishwa ka maalik bana। baba ham aapka ek din ka bachcha hoon, aise bhi likhne shuru karenge। ek din mein nishchay hua aur phat se patra likhenge। bachcha bana to vishwa ka maalik hua। yeh bhi koi ki buddhi mein mushkil baithta hai। tum vishwa ka maalik bante ho na। vahaan aur koi khanda nahin rehta hai, naam-nishaan gum ho jaata hai। koi ko maaloom bhi nahin rehta ki yeh khanda the। agar the to zaroor unki history-geography chaahiye। vahaan yeh hote hi nahin isliye kaha jaata hai tum vishwa ke maalik banne vaale ho। baba ne samjhaaya hai - main tumhaara baap bhi hoon, gyaan ka saagar hoon। yeh to bahut oonch te oonch gyaan hai jisse ham vishwa ke maalik bante hain। hamaara baap supreme hai, satya baap, satya teacher hai, satya sunaate hain। behad ki shiksha dete hain। behad ka guru hai, sabki sadgati karte hain। ek ki mahima ki to woh mahima phir doosre ki ho nahin sakti। phir woh aap samaan banaaye tab ho sakte। to tum bhi patit-paavan thahre। sat naam likhte hain। patit-paavni gangaayen yeh maataayen hain। shiv shakti kaho shiv vanshi kaho। shiv vanshi brahmaakumaar-kumaariyaan। shiv vanshi to sab hain। baaki brahma dvaara rachna rachte hain to sangam par hi brahmaakumaar-kumaariyaan hote hain। brahma dvaara adopt karte hain। pahle-pahle hote hain brahmaakumaar-kumaariyaan। koi bhi etraaj uthaate hain to usko bolo, yeh prajaapita hai, inmen pravesh karte hain। baap kehte hain bahut janmon ke ant mein main pravesh karta hoon। dikhaate hain vishnu ki naabhi se brahma nikla। achha vishnu phir kiski naabhi se nikla? usmein ero ka nishaan de sakte ho ki donon ot-prot hain। brahma so vishnu, vishnu so brahma। yeh unse, woh unse paida hua hai। inko lagta hai ek second, unko lagta hai 5 hazaar varsha। yeh wonderful baaten hain na। tum baith samjhaayenge। baap kehte hain lakshmi-naaraayan 84 janma lete hain phir unke hi bahut janmon ke ant mein main pravesh kar yeh banaata hoon। samajhne ki baat hai na। baitho to samjhaayen ki inko brahma kyon kehte hain। saari duniya ko dikhaane ke liye yeh chitra banaaye hain। ham samjha sakte hain, samajhne vaale hi samjhenge। nahin samajhne vaale ke liye kahenge yeh hamaare kul ka nahin hai। bichaara bhal vahaan aayega parantu praja mein। hamaare liye to sab bichaare hain na-gareeb ko bichaara kaha jaata hai। kitni points bachchon ko dhaaran karni hain। bhaashan karna hota hai topics par। yeh topic koi kam hai kya। prajaapita brahma aur sarasvati, 4 bhujaaen dikhaate hain। to 2 bhuja beti ki ho jaati hain। yugal to hai nahin। yugal to vaastav mein bas vishnu hi hai। brahma ki beti hai sarasvati। shankar ko bhi yugal nahin hai, is kaaran shiv-shankar kah dete hain। ab shankar kya karte hain? vinaash to atomic bombs se hota hai। baap kaise baith bachchon ka maut karaayenge, yeh to paap ho jaae। baap to aur hi sabko shantidham vaapis le jaate hain, bigar mehnat। hisaab-kitaab chuktu kar sab ghar jaate hain kyonki kayaamat ka samay hai। baap aate hi hain service par। sabko sadgati de dete hain। tum bhi pahle gati mein phir sadgati mein aayenge। yeh baaten samajhne ki hain। in baaton ko zara bhi koi nahin jaante। tum dekhte ho koi to bahut maatha khapaate, bilkul samajhte nahin। jo kuchh achha samajhne vaale honge, woh aakar samjhenge। bolo, ek-ek baat par samajhna hai to time do। yahaan to sirf hukm hai, sabko baap ka parichay do। yeh hai hi kaanton ka jangal kyonki ek-do ko duhkh dete rehte hain, isko duhkhadhaam kaha jaata hai। satayug hai sukhdhaam। duhkhadhaam se sukhdhaam kaise banta hai yeh tumko samjhaayen। lakshmi-naaraayan sukhdhaam mein the phir yeh 84 janma le duhkhadhaam mein aate hain। yeh brahma ka naam bhi kaise rakha। baap kehte hain main ismen pravesh kar behad ka sannyaas karaata hoon। phat se sannyaas kara dete hain kyonki baap ko service karaani hai, vahi karaate hain। inke pichhaadi bahut nikle jiska naam baith rakha। woh log phir billi ke poongare baith dikhaate hain। yeh sab hain danta kathaayen। billi ke poongare ho kaise sakte। billi thode hi baith gyaan sunegi। baba yuktiyaan bahut batlaate rehte hain। koi baat kisko samajh mein na aaye to unko bolo-jab tak alpha ko nahin samjha hai to aur kuchh samajh nahin sakenge। ek baat nishchay karo aur likho, nahin to bhool jaayenge। maaya bhula degi। mukhya baat hai baap ke parichay ki। hamaara baap supreme baap, supreme teacher hai jo saare vishwa ke aadi-madhya-ant ka raaz samjhaate hain, jiska koi ko pata nahin hai। is samjhaane mein time chaahiye। jab tak baap ko nahin samjha hai tab tak prashn uthte hi jaayenge। alpha nahin samjha hai to be ko kuchh nahin samjhenge। muphta sanshay uthaate rahenge-aise kyon, shaastra mein to aise kehte hain isliye pahle sabko baap ka parichay do। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) karma, akarma aur vikarma ki guhya gati ko buddhi mein rakh ab koi vikarma nahin karne hain, gyaan aur yog ki dhaarna karke doosron ko sunaana hai।

2) satya baap ki satya knowledge dekar manushyon ko devta banaane ki seva karni hai। vikaaron ke daldal se sabko nikaalna hai।

vardaan:- apni powerful sthiti dvaara mansa seva ka certificate praapta karne vaale sva abhyaasi bhav

vishwa ko light aur might ka vardaan dene ke liye amritvele yaad ke sva abhyaas dvaara powerful vaayumandal banaao tab mansa seva ka certificate praapta hoga। last samay mein mansa dvaara hi nazar se nihaal karne ki, apni vritti dvaara unki vrittiyon ko badalne ki seva karni hai। apni shreshtha smriti se sabko samartha banaana hai। jab aisa light might dene ka abhyaas hoga tab nirvighna vaayumandal banega aur yeh kila majboot hoga।

slogan:- samajhdaar woh hai jo mansa-vaacha-karmana teenon sevaayen saath-saath karte hain।