गुरुवार 19 नवंबर 2020 की दैनिक मुरली

19-11-2020 praatahmurli om shanti "baapdaada"' madhuban

“ meethe bachche - yeh saari duniya rogiyon ki badi hospital hai , baba aaye hain saari duniya ko nirogi banaane ''

prashn:- kaun-si smriti rahe to kabhi bhi murjhaais va duhkh ki lahar nahin aa sakti hai?

uttar:- abhi ham is puraani duniya, puraane shareer ko chhod ghar mein jaayenge phir nai duniya mein punarjanma lenge। ham abhi raajayog seekh rahe hain - raajaai mein jaane ke liye। baap ham bachchon ke liye roohaani raajasthaan sthaapan kar rahe hain, yahi smriti rahe to duhkh ki lahar nahin aa sakti।

geet:- tumheen ho maata…

om shanti। geet koi tum bachchon ke liye nahin hain, naye-naye ko samjhaane ke liye hain। aise bhi nahin ki yahaan sab samajhdaar hi hain। nahin, besmajh ko samajhdaar banaaya jaata hai। bachche samajhte hain ham kitne besmajh ban gaye the, ab baap hamko samajhdaar banaate hain। jaise school mein padhkar bachche kitna samajhdaar ban jaate hain। har ek apni-apni samajh se barrister, engineer aadi bante hain। yeh to aatma ko samajhdaar banaana hai। padhti bhi aatma hai shareer dvaara। parantu baahar mein jo bhi shiksha milti hai, woh hai alpakaal ke liye shareer nirvaah arth। bhal koi convert bhi karte hain, hinduon ko Christian bana dete hain - kislie? thoda sukh paane ke liye। paise naukri aadi sahaj milne ke liye, aajeevika ke liye। ab tum bachche jaante ho hamko pahle-pahle to aatma-abhimaani banna pade। yeh hai mukhya baat kyonki yeh hai hi rogi duniya। aisa koi manushya nahin jo rogi nahin banta ho। kuchh na kuchh hota zaroor hai। yeh saari duniya bade te badi hospital hai, jismen sab manushya patit rogi hain। aayu bhi bahut kam hoti hai। achaanak mrityu ko pa lete hain। kaal ke chambe mein aa jaate hain। yeh bhi tum bachche jaante ho। tum bachche sirf bhaarat ki hi nahin, saare vishwa ki service karte ho gupta reeti। mool baat hai ki baap ko koi nahin jaante। manushya hokar aur paarlaukik baap ko nahin jaante, unse pyaar nahin rakhte। ab baap kehte hain mere saath pyaar rakho। mere saath pyaar rakhte-rakhte tumko mere saath hi vaapis chalna hai। jab tak vaapis chalo tab tak is chhi-chhi duniya mein rehna padta hai। pahle-pahle to deh-abhimaani se dehi-abhimaani bano tab tum dhaarna kar sakte ho aur baap ko yaad kar sakte ho। agar dehi-abhimaani nahin bante to koi kaam ke nahin। deh-abhimaani to sab hain। tum samajhte bhi ho ki ham aatma-abhimaani nahin bante, baap ko yaad nahin karte to ham vahi hain jo pahle the। mool baat hi hai dehi-abhimaani banne ki। na ki rachna ko jaanne ki। gaaya bhi jaata hai rachta aur rachna ka gyaan। aise nahin ki pahle rachna phir rachta ka gyaan kahenge। nahin, pahle rachta, vahi baap hai। kaha bhi jaata hai-he god father। woh aakar tum bachchon ko aapasmaan banaate hain। baap to sadaiv aatma-abhimaani hai hi isliye woh supreme hai। baap kehte hain main to aatma-abhimaani hoon। jismen pravesh kiya hai unko bhi aatma-abhimaani banaata hoon। inmen pravesh karta hoon inko convert karne kyonki yeh bhi deh-abhimaani the, inko bhi kehta hoon apne ko aatma samajh mujhe yathaartha reeti yaad karo। aise bahut manushya hain jo samajhte hain aatma alag hai, jeev alag hai। aatma deh se nikal jaati hai to do cheez hui na। baap samjhaate hain tum aatma ho। aatma hi punarjanma leti hai। aatma hi shareer lekar part bajaati hai। baba baar-baar samjhaate hain apne ko aatma samjho, ismen badi mehnat chaahiye। jaise student padhne ke liye ekaanta mein, bageeche aadi mein jaakar padhte hain। paadri log bhi ghoomne jaate hain to ekdam shant rehte hain। woh koi aatma-abhimaani nahin rehte। Christ ki yaad mein rehte hain। ghar mein rahkar bhi yaad to kar sakte hain parantu khaas ekaanta mein jaate hain Christ ko yaad karne aur koi taraph dekhte bhi nahin। jo achhe-achhe hote hain, samajhte hain ham Christ ko yaad karte-karte unke paas chale jaayenge। Christ heaven mein baitha hai, ham bhi heaven mein chale jaayenge। yeh bhi samajhte hain Christ heavenly god father ke paas gaya। ham bhi yaad karte-karte unke paas jaayenge। sab Christian us ek ke bachche thahre। unmein kuchh gyaan theek hai। kyonki Christ ki aatma to oopar gai hi nahin। Christ naam to shareer ka hai, jisko phaansi par chadhaaya। aatma to phaansi par nahin chadhti hai। ab Christ ki aatma god father ke paas gai, yeh kehna bhi wrong ho jaata hai। vaapis koi kaise jaayenge? har ek ko sthaapna phir paalna zaroor karni hoti hai। makaan ko potaai aadi karaai jaati hai, yeh bhi paalna hai na।

ab behad ke baap ko tum yaad karo। yeh knowledge behad ke baap ke sivaae koi de na sake। apna hi kalyaan karna hai। rogi se nirogi banna hai। yeh rogiyon ki badi hospital hai। saari vishwa rogiyon ki hospital hai। rogi zaroor jaldi mar jaayenge, baap aakar is saare vishwa ko nirogi banaate hain। aise nahin ki yahaan hi nirogi banenge। baap kehte hain - nirogi hote hi hain nai duniya mein। puraani duniya mein nirogi ho na saken। yeh lakshmi-naaraayan nirogi, ever healthy hain। vahaan aayu bhi badi hoti hai, rogi vicious hote hain। viceless rogi nahin hote। woh hai hi sampoorn nirvikaari। baap khud kehte hain is samay saari vishwa, khaas bhaarat rogi hai। tum bachche pahle-pahle nirogi duniya mein aate ho, nirogi bante ho yaad ki yaatra se। yaad se tum chale jaayenge apne sweet hom। yeh bhi ek yaatra hai। aatma ki yaatra hai, baap paramatma ke paas jaane ki। yeh hai spiritual yaatra। yeh akshar koi samajh nahin sakenge। tum bhi nambarvaar jaante ho, parantu bhool jaate ho। mool baat hai yeh, samjhaana bhi bahut sahaj hai। parantu samjhaaye woh jo khud bhi roohaani yaatra par ho। khud hoga nahin, doosre ko bataayenge to teer nahin lagega। sachchaai ka jauhar chaahiye। ham baba ko itna yaad karte hain jo bas। stri pati ko kitna yaad karti hai। yeh hai patiyon ka pati, baapon ka baap, gurooon ka guru। guru log bhi us baap ko hi yaad karte hain। Christ bhi baap ko hi yaad karte the। parantu unko koi jaante nahin hain। baap jab aaye tab aakar apni pahchaan deve। bhaaratvaasiyon ko hi baap ka pata nahin hai to auron ko kahaan se mil sakta। vilaayat se bhi yahaan aate hain, yog seekhne ke liye। samajhte hain praacheen yog bhagwan ne sikhaaya। yeh hai bhaavna। baap samjhaate hain sachcha-sachcha yog to main hi kalpa-kalpa aakar sikhlaata hoon, ek hi baar। mukhya baat hai apne ko aatma samajh baap ko yaad karo, isko hi roohaani yog kaha jaata hai। baaki sabka hai jismaani yog। brahm se yog rakhte hain। woh bhi baap to nahin hai। woh to mahtatva hai, rahne ka sthaan। to right ek hi baap hai। ek baap ko hi satya kaha jaata hai। yeh bhi bhaaratvaasiyon ko pata nahin ki baap hi satya kaise hai। vahi sachkhanda ki sthaapna karte hain। sachkhanda aur jhooth khanda। tum jab sachkhanda mein rehte ho to vahaan raavan raajya hi nahin hota। aadhaakalpa baad raavan raajya jhooth khanda shuru hota hai। sach khanda poora satayug ko kahenge। phir jhooth khanda poora kaliyug ka ant। abhi tum sangam par baithe ho। na idhar ho, na udhar ho। tum travel (yaatra) kar rahe ho। aatma travel kar rahi hai, shareer nahin। baap aa karke yaatra karna sikhlaate hain। yahaan se vahaan jaana hai। tumko yeh sikhlaate hain। vo log phir stars moon aadi taraph jaane ki travel karte hain। abhi tum jaante ho unmein koi phaayda nahin। in cheezon se hi saara vinaash hona hai। baaki jo bhi itni mehnat karte hain sab vyartha। tum jaante ho yeh sab cheezen jo science se banti hain woh bhavishya mein tumhaare hi kaam aayengi। yeh drama bana hua hai। behad ka baap aakar padhaate hain to kitna regard rakhna chaahiye। teacher ka vaise bhi bahut regard rakhte hain। teacher pharmaan karte hain - achhi reeti padhkar paas ho jaao। agar pharmaan ko nahin maanenge to naapaas ho jaayenge। baap bhi kehte hain tumko padhaate hain vishwa ka maalik banaane। yeh lakshmi-naaraayan maalik hain। bhal praja bhi maalik hai, parantu darje to bahut hain na। bhaaratvaasi bhi sab kehte hain na - ham maalik hain। gareeb bhi bhaarat ka maalik apne ko samjhega। parantu raaja aur unmein farka kitna hai। knowledge se martabe ka pharka ho jaata hai। knowledge mein bhi hoshiyaari chaahiye। pavitrata bhi zaroori hai to health-wealth bhi chaahiye। svarga mein sab hain na। baap em object samjhaate hain। duniya mein aur koi ki buddhi mein yeh em object hogi nahin। tum phat se kahenge ham yeh bante hain। saare vishwa mein hamaari raajdhaani hogi। yeh to abhi panchaayti raajya hai। pahle the double taajdhaari phir ek taaj abhi no taaj। baba ne murli mein kaha tha - yeh bhi chitra ho - double sirtaaj raajaaon ke aage single taaj vaale maatha jhukaate hain। abhi baap kehte hain main tumko raajaaon ka raaja double sirtaaj banaata hoon। woh hai alpakaal ke liye, yeh hai 21 janmon ki baat। pahli mukhya baat hai paavan banne ki। bulaate bhi hain ki aakar patit se paavan banaao। aise nahin kehte ki raaja banaao। abhi tum bachchon ka hai behad ka sannyaas। is duniya se hi chale jaayenge apne ghar। phir heaven mein aayenge। andar mein khushi rahni chaahiye jabki samajhte hain ham ghar jaayenge phir raajaai mein aayenge phir murjha-is duhkh aadi yeh sab kyon hona chaahiye। ham aatma ghar jaayengi phir punarjanma nai duniya mein lengi। bachchon ko sthaai khushi kyon nahin rehti hai? maaya ka opposition bahut hai isliye khushi kam ho jaati hai। patit-paavan khud kehte hain mujhe yaad karo to tumhaare janma-janmaantar ke paap bhasma ho jaayenge। tum svadarshan chakradhaari bante ho। jaante ho phir ham apne raajasthaan mein chale jaayenge। yahaan bhinna-bhinna prakaar ke raajaayen hue hain, ab phir roohaani raajasthaan banna hai। svarga ke maalik ban jaayenge। Christian log heaven ka arth nahin samajhte hain। woh muktidhaam ko heaven kah dete hain। aise nahin ki heavenly god father koi heaven mein rehte hain। woh to rehte hi hain shantidham mein। abhi tum purooshaartha karte ho paradise mein jaane ke liye। yeh farka bataana hai। god father hai muktidhaam mein rahne vaala। heaven nai duniya ko kaha jaata hai। father hi aakar paradise sthaapan karte hain। tum jisko shantidham kehte ho unko vo log heaven samajhte hain। yeh sab samajhne ki baaten hain।

baap kehte hain knowledge to bahut sahaj hai। yeh hai pavitra banne ki knowledge, mukti-jeevanmukti mein jaane ki knowledge, jo baap hi de sakte hain। jab kisko phaansi di jaati hai to andar mein yahi rehta hai ham bhagwan paas jaate hain। phaansi dene vaale bhi kehte hain god ko yaad karo। god ko jaante donon nahin hain। unko to us samay mitra-sambandhi aadi jaakar yaad padte hain। gaayan bhi hai antakaal jo stri simre...... koi na koi yaad zaroor rehta hai। satayug mein hi mohjeet rehte hain। vahaan jaante hain ek khaal chhod doosri le lenge। vahaan yaad karne ki darkaar nahin isliye kehte hain duhkh mein simran sab karen....... yahaan duhkh hai isliye yaad karte hain bhagwan se kuchh mile। vahaan to sab kuchh mila hi hua hai। tum kah sakte ho hamaara uddeshya hai manushya ko aastik banaana, dhani ka banaana। abhi sab nidhan ke hain। ham dhanka bante hain। sukh, shanti, sampatti ka varsa dene vaala baap hi hai। in lakshmi-naaraayan ki kitni badi aayu thi। yeh bhi jaante hain bhaaratvaasiyon ki pahle-pahle aayu bahut badi rehti thi। ab chhoti hai। kyon chhoti hui hai-yeh koi bhi nahin jaante। tumhaare liye to bahut sahaj ho gaya hai samajhna aur samjhaana। so bhi nambarvaar hain। samjhaani har ek ki apni-apni hai, jo jaisi dhaaran karte hain aise samjhaate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jaise baap sadaiv aatma-abhimaani hain, aise aatma-abhimaani rahne ka poora-poora purooshaartha karna hai। ek baap ko dil se pyaar karte-karte baap ke saath ghar chalna hai।

2) behad ke baap ka poora-poora regard rakhna hai arthaat baap ke pharmaan par chalna hai। baap ka pahla pharmaan hai - bachche achhi reeti padhkar paas ho jaao। is pharmaan ko paalan karna hai।

vardaan:- sense aur essence ke balance dvaara apnepan ko svaaha karne vaale vishwa parivartak bhav

sense arthaat gyaan ki points, samajh aur essence arthaat sarva shakti swaroop smriti aur samartha swaroop। in donon ka balance ho to apnaapan va puraanaapan svaaha ho jaayega। har second, har sankalp, har bol aur har karma vishwa parivartan ki seva prati svaaha hone se vishwa parivartak svatahban jaayenge। jo apni deh ki smriti sahit svaaha ho jaate hain unke shreshtha vibration dvaara vaayumandal ka parivartan sahaj hota hai।

slogan:- praaptiyon ko yaad karo to dukh va pareshaani ki baaten bhool jaayengi।