शुक्रवार 11 दिसंबर 2020 की दैनिक मुरली

11-12-2020 praatahmurli om shanti "baapdaada"' madhuban

“meethe bachche - madhuban holiest oph di holi baap ka ghar hai, yahaan tum kisi bhi patit ko nahin la sakte''

prashn:- is eeshvareey mission mein jo pakke nishchay buddhi hain unki nishaaniyaan kya hongi?

uttar:- 1- ve stuti-ninda … sabmen dheeraj se kaam lenge, 2. krodh nahin karenge, 3. kisi ko bhi daihik drishti se nahin dekhenge। aatma ko hi dekhenge, aatma hokar baat karenge, 4. stri-purush saath mein rehte kamal phool samaan rahenge, 5. kisi bhi prakaar ki tamanna (ichchha) nahin rakhenge।

geet:- jale na kyon parvaana........

om shanti। roohaani bachchon prati roohaani baap samjha rahe hain arthaat bhagwan padha rahe hain roohaani student ko। un school mein jo bachche padhte hain, unhein koi roohaani student nahin kahenge। ve to hain hi aasuri vikaari sampradaay ke। aage tum bhi aasuri athva raavan sampradaay ke the। ab raam raajya mein chalne ke liye 5 vikaaron roopi raavan par jeet paane ka purushaartha kar rahe ho। yeh jo knowledge praapta nahin karte unhon ko samjhaana padta hai - tum raavan raajya mein ho। khud samajhte nahin hain। tum apne mitra-sambandhiyon aadi ko kehte ho ham behad ke baap se padhte hain to aise nahin ki woh nishchay karte hain। kitna bhi baap kahe ya bhagwan kahe to bhi nishchay nahin karte। naye ko to yahaan aane ka hukm nahin hai। bigar chitthi va bigar poochhe to koi aa bhi nahin sakte। parantu kahaan-kahaan koi aa jaate hain, yeh bhi kaayde ka ullanghan hai। ek-ek ka poora samaachaar, naam aadi likh poochhna hota hai। inko bhej deven? phir baba kehte hain bhale bhej do। agar aasuri patit duniya ke student honge to baap samjhaayenge, woh padhaai to vikaari patit padhaate hain। yeh eeshvar padhaate hain। us padhaai se paai-paise ka darja milta hai। bhal koi bahut bada imtahaan paas karte hain, phir kahaan tak kamaate rahenge। vinaash to saamne khada hai। natural calamities bhi sab aane vaali hain। yeh bhi tum samajhte ho, jo nahin samajhte hain unhon ko baahar vijiting room mein bithaae samjhaana hota hai। yeh hai eeshvareey padhaai, ismen nishchaybuddhi hi vijayanti honge arthaat vishwa par raajya karenge। raavan sampradaay vaale to yeh jaante nahin। ismen badi khabardaari chaahiye। permission bigar koi bhi andar aa nahin sakta। yeh koi ghoomne-phirne ki jagah nahin hai। thode samay mein kaayde kade ho jaayenge kyonki yeh hai holiest oph di holi। shivbaaba ko indra bhi kehte hain na। yeh indra sabha hai। 9 ratna angoothi mein bhi pahante hain na। un ratnon mein neelam bhi hota hai, panna, maanik bhi hota hai। yeh sab naam rakhe hue hain। pariyon ke bhi naam hain na। tum pariyaan udne vaali aatmaayen ho। tumhaara hi varnan hai। parantu manushya in baaton ko kuchh bhi samajhte nahin hain।

angoothi mein bhi ratna jab daalte hain, to unmein koi pukhraaj, neelam, perooz bhi hote hain। koi ka daam hazaar roopaya to koi ka daam 10-20 roopaya। bachchon mein bhi nambarvaar hain। koi to padhkar maalik ban jaate hain। koi phir padhkar daas-daasiyaan ban jaate hain। raajdhaani sthaapan hoti hai na। to baap baith padhaate hain। indra bhi unko hi kaha jaata hai। yeh gyaan varsha hai। gyaan to sivaae baap ke koi de na sake। tumhaari em object hi yeh hai। agar nishchay ho jaae ki eeshvar padhaate hain phir woh padhaai ko chhodenge nahin। jo honge hi pattharbuddhi, unko kabhi teer nahin lagega। aakar chalte-chalte phir gir padte hain। 5 vikaar aadhaakalpa ke shatru hain। maaya deh-abhimaan mein laakar thappad maar deti hai phir aashcharyavat sunanti, kathanti, bhaaganti ho jaate hain। yeh maaya badi dushtar hai, ek hi thappad se gira deti hai। samajhte hain ham kabhi nahin girenge phir bhi maaya thappad laga deti hai। yahaan stri-purush donon ko pavitra banaaya jaata hai। so to eeshvar ke sivaae koi bana na sake। yeh hai eeshvareey mission।

baap ko khivaiya bhi kaha jaata hai, tum ho naeeya। khivaiya aate hain, sabhi ki naeeya ko paar lagaane। kehte bhi hain sach ki naeeya dolegi parantu doobegi nahin। kitne dher ke dher math panth hain। gyaan aur bhakti ki jaise ladaai hoti hai। kabhi bhakti ki bhi vijay hogi, aakhir to gyaan ki hi vijay hogi। bhakti ke taraph dekho kitne bade-bade yoddhe hain। gyaan maarga ki taraph bhi kitne bade-bade yoddhe hain। arjun bheem aadi naam rakhe hain। yeh to sab kahaaniyaan baith banaai hain। gaayan to tumhaara hi hai। hero-heroine ka part tumhaara abhi baj raha hai। is samay hi yuddha chalti hai। tumhaare mein bhi bahut hain jo in baaton ko bilkul samajhte nahin hain। jo achhe-achhe honge unko hi teer lagega। third-class to baith na saken। din-pratidin bahut kade kaayde hote jaayenge। pattharbuddhi jo kuchh nahin samajhte unko to yahaan baithna bhi bekaayde hai।

yeh haal holiest oph holi hai। pope ko holi kehte hain। yeh to baap hai holiest oph holi। baap kehte hain in sabhi ka mujhe kalyaan karna hai। yeh sab vinaash ho jaane vaale hain। yeh bhi koi sab thode hi samajhte hain। bhal sunte hain parantu ek kaan se sun doosre kaan se nikaal dete hain। na kuchh dhaaran karte hain, na karaate hain। aise goonge-bahre bhi bahut hain। baap kehte hain hear no evil.... woh to bandar ka chitra dikhaate hain। parantu yeh to manushya ke liye kaha jaata hai। manushya is samay bandar se bhi badtar hain। naarad ki bhi kahaani baith banaai hai। unko bola tum apni shakla to dekho - 5 vikaar to andar mein nahin hain? jaise saakshaatkaar hota hai। hanumaan ka bhi saakshaatkaar hota hai na। baap kehte hain kalpa-kalpa yeh hota hai। satayug mein yeh kuchh bhi baaten hoti nahin। yeh puraani duniya hi khatma ho jaayegi। jo pakke nishchaybuddhi hain, woh samajhte hain kalpa pahle bhi hamne yeh raajya kiya tha। baap kehte hain - bachche, ab daivi gun dhaaran karo। koi bekaayde kaam nahin karo। stuti-ninda sabmen dheeraj dhaaran karna hai। krodh nahin hona chaahiye। tum kitne oonch student ho, bhagwan baap padhaate hain। woh direct padha rahe hain phir bhi kitne bachche bhool jaate hain kyonki saadhaaran tan hai na। baap kehte hain dehdhaari ko dekhne se tum itna uth nahin sakenge। aatma ko dekho। aatma yahaan bhrakuti ke beech rehti hai। aatma sunkar kaandh hilaati hai। hamesha aatma se baat karo। tum aatma is shareer roopi takhta par baithi ho। tum tamopradhaan thi ab satopradhaan bano। apne ko aatma samajh baap ko yaad karne se deh ka bhaan chhoot jaayega। aadhaakalpa ka deh-abhimaan raha hua hai। is samay sab deh-abhimaani hain।

ab baap kehte hain dehi-abhimaani bano। aatma hi sab kuchh dhaaran karti hai। khaati-peeti sab kuchh aatma karti hai। baap ko to abhokta kaha jaata hai। woh hai niraakaar। yeh shareerdhaari sab kuchh karte hain। woh khaata-peeta kuchh nahin, abhokta hai। to iski phir vo log copy baith karte hain। kitna manushyon ko thagte hain। tumhaari buddhi mein abhi saara gyaan hai, kalpa pahle jinhonne samjha tha vahi samjhenge। baap kehte hain main hi kalpa-kalpa aakar tumko padhaata hoon aur saakshi ho dekhta hoon। nambarvaar purushaartha anusaar jo padha tha vahi padhenge। time lagta hai। kehte hain kaliyug abhi 40 hazaar varsha shesh hai। to ghor andhiyaare mein hain na। isko agyaan andhiyaara kaha jaata hai। bhakti maarga aur gyaan maarga mein raat-din ka farka hai। yeh bhi samajhne ki baaten hain। bachche badi khushi mein doobe hue rahne chaahiye। sab kuchh hai, koi tamanna nahin। jaante hain kalpa pahle misal hamaari sab kaamnaayen poori hoti hain isliye pet bhara rehta hai। jinko gyaan nahin, unka thode hi pet bhara rahega। kaha jaata hai - khushi jaisi khuraak nahin। janma-janmaantar ki raajaai milti hai। daas-daasi banne vaalon ko itni khushi nahin rahegi। poora mahaaveer banna hai। maaya hila na sake।

baap kehte hain aankhon ki badi sambhaal rakhni hai। criminal drishti na jaae। stri ko dekhne se chalaaymaan ho jaate hain। are tum to bhaai-behen, kumaar-kumaari ho na। phir karmendriyaan chanchalta kyon karti! bade-bade lakhapti, karodapti ko bhi maaya khalaas kar deti hai। gareebon ko bhi maaya ekdam maar daalti hai। phir kehte baba hamne dhakka khaaya। are 10 varsha ke baad bhi haar kha li। ab to paataal mein gir pade। andar mein samajhte hain inki avastha kaisi hai। koi-koi to badi achhi service karte hain। kanyaaon ne bhi bheeshma pitaamah aadi ko baan maare hain na। geeta mein thoda bahut hai। yeh to hai hi bhagvaanuvaach। agar krishna bhagwan ne geeta sunaai to phir aisa kyon kehte main jo hoon jaisa hoon, koi virla jaante। krishna yahaan hota to pata nahin kya kar dete। krishna ka shareer to hota hi hai satayug mein। yeh nahin jaante ki krishna ke bahut janmon ke ant ke shareer mein main pravesh karta hoon। krishna ke aage to jhat sab bhaag aayen। pope aadi aate hain to kitna jhunda jaakar ikattha hota hai। manushya yeh thode hi samajhte ki is samay sab patit tamopradhaan hain। kehte bhi hain he patit-paavan aao parantu samajhte nahin ki ham patit hain। bachchon ko baap kitna achhi reeti samjhaate hain। baba ki buddhi to sab centres ke ananya bachchon taraph chali jaati hai। jab jaasti ananya bachche yahaan aate hain to phir yahaan dekhta hoon, nahin to baahar mein bachchon ko yaad karna padta hai। unke aage gyaan dance karta hoon। majority gyaani tu aatma hote hain to maja bhi aata hai। nahin to bachchiyon par kitna atyaachaar hote hain। kalpa-kalpa sahan karna padta hai। gyaan mein aane se phir bhakti bhi chhoot jaati hai। ghar mein samjho mandir hai, stri-purush donon bhakti karte hain, stri ko gyaan ki chatak lag jaati hai aur bhakti chhod deti to kitna hangaama ho jaayega। vikaar mein bhi na jaaye, shaastra aadi bhi na padhe to jhagda hoga na। ismen vighna bahut padte hain, aur satsang mein jaane ke liye rokte nahin hain। yahaan hai pavitrata ki baat। purush to nahin rah sakte to jangal mein chale jaate, striyaan kahaan jaayen। striyon ke liye woh samajhte hain narka ka dvaar hai। baap kehte hain yeh to svarga ka dvaar hain। tum bachchiyaan abhi svarga sthaapan karti ho। inse pahle narka ka dvaar thi। abhi svarga ki sthaapna hoti hai। satayug hai svarga ka dvaar, kaliyug hai narka ka dvaar। yeh samajh ki baat hai। tum bachche bhi nambarvaar purushaartha anusaar samajhte ho। bhal pavitra to rehte hain। baaki gyaan ki dhaarna nambarvaar hoti hai। tum to vahaan se nikalkar yahaan aakar baithe ho, parantu ab to samjhaaya jaata hai grihastha vyavhaar mein rehna hai। unhon ko takleeph hoti hai। yahaan rahne vaalon ke liye to koi takleeph nahin hai। to baap samjhaate hain kamal phool samaan grihastha vyavhaar mein rehte pavitra raho। so bhi is antim janma ki baat hai। grihastha vyavhaar mein rehte hue apne ko aatma samjho। aatma hi sunti hai, aatma hi yeh bani hai। aatma hi janma-janmaantar bhinna-bhinna dress pahanti aai hai। ab ham aatmaon ko vaapis jaana hai। baap se yog lagaana hai। mool baat hai yeh। baap kehte hain main aatmaon se baat karta hoon। aatma bhrakuti ke beech rehti hai। in organs dvaara sunti hai। aatma inmen nahin hoti to shareer murda ban jaata। baap kitna wonderful gyaan aakar dete hain। paramatma bigar to yeh baaten koi samjha na sake। sannyaasi aadi koi aatma ko thode hi dekhte hain। woh to aatma ko paramatma samajhte hain। doosra phir kehte aatma mein lep-chhep nahin lagta hai। shareer ko dhone ganga mein jaate hain। yeh nahin samajhte aatma hi patit banti hai। aatma hi sab kuchh karti hai। baap samjhaate rehte hain, yeh mat samjho ham phalaana hoon, yeh phalaana hai...। nahin, sab aatmaayen hain। jaati-paati ka koi bhed nahin rehna chaahiye। apne ko aatma samjho। government koi dharma ko nahin maanti। yeh sab dharma to deh ke hain। parantu sab aatmaon ka baap to ek hi hai। dekhna bhi aatma ko hai। sabhi aatmaon ka svadharma shant hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jo baat kaam ki nahin hai, use ek kaan se sun doosre se nikaal dena hai, hear no evil...... baap jo shikshaayen deta hai use dhaaran karna hai।

2) koi bhi had ki tamannaayen nahin rakhni hai। aankhon ki badi sambhaal rakhni hai। criminal drishti na jaae। koi bhi karmendriy chalaaymaan na ho। khushi se bharpoor rehna hai।

vardaan:- attention roopi ghrit dvaara aatmik swaroop ke sitaare ki chamak ko badhaane vaale aakarshan moorta bhav

jab baap dvaara, knowledge dvaara aatmik swaroop ka sitaara chamak gaya to bujh nahin sakta, lekin chamak ki percentage kam aur jyaada ho sakti hai। yeh sitaara sada chamakta hua sabko aakarshit tab karega jab roz amritvele attention roopi ghrit daalte rahenge। jaise deepak mein ghrit daalte hain to woh ekras jalta hai। aise sampoorn attention dena arthaat baap ke sarva gun va shaktiyon ko svayan mein dhaaran karna। isi attention se aakarshan moorta ban jaayenge।

slogan:- behad ki vairaagyavritti dvaara saadhna ke beej ko pratyaksha karo।