गुरुवार 31 दिसंबर 2020 की दैनिक मुरली

31-12-2020 praatahmurli om shanti "baapdaada"' madhuban

“meethe bachche - tumhaari yeh eeshvareey mission hai, tum sabko eeshvar ka banaakar unhein behad ka varsa dilaate ho''

prashn:- karmendriyon ki chanchalta samaapta kab hogi?

uttar:- jab tumhaari sthiti silver ez tak pahunchegi arthaat jab aatma treta ki sato stage tak pahunch jaayegi to karmendriyon ki chanchalta band ho jaayegi। abhi tumhaari return journey hai isliye karmendriyon ko vash mein rakhna hai। koi bhi chhipaakar aisa karma nahin karna jo aatma patit ban jaae। avinaashi surgeon tumhein jo parhej bata rahe hain, us par chalte raho।

geet:- mukhda dekh le praani…

om shanti। roohaani bachchon prati roohaani baap samjha rahe hain। na sirf tum bachchon ko, jo bhi roohaani bachche prajaapita brahma mukh-vanshaavli hain, woh jaante hain। ham braahmanon ko hi baap samjhaate hain। pahle tum shoodra the phir aakar brahman bane ho। baap ne varnon ka bhi hisaab samjhaaya hai। duniya mein varnon ko bhi samajhte nahin। sirf gaayan hai। abhi tum brahman varna ke ho phir devta varna ke banenge। vichaar karo yeh baat right hai? judge your self। hamaari baat suno aur bhent karo। shaastra jo janma-janmaantar sune hain aur jo gyaan saagar baap samjhaate hain unki bhent karo - right kya hai? brahman dharma athva kul bilkul bhoole hue hain। tumhaare paas viraat roop ka chitra right bana hua hai, is par samjhaaya jaata hai। baaki itni bhujaaon vaale chitra jo banaaye hain aur deviyon ko hathiyaar aadi baith diye hain, woh sab hain wrong। yeh bhakti maarga ke chitra hain। in aankhon se sab dekhte hain parantu samajhte nahin। koi ke occupation ka pata nahin hai। abhi tum bachchon ko apni aatma ka pata pada hai। aur 84 janmon ka bhi maaloom pada hai। jaise baap tum bachchon ko samjhaate hain, tumko phir auron ko samjhaana hai। shivbaaba to sabke paas nahin jaayenge। zaroor baap ke madadgaar chaahiye na isliye tumhaari hai eeshvareey mission। tum sabko eeshvar ka banaate ho। samjhaate ho woh ham aatmaon ka behad ka baap hai। unse behad ka varsa milega। jaise laukik baap ko yaad kiya jaata hai, unse bhi jaasti paarlaukik baap ko yaad karna pade। laukik baap to alpakaal ke liye sukh dete hain। behad ka baap behad ka sukh dete hain। yeh abhi aatmaon ko gyaan milta hai। abhi tum jaante ho 3 baap hain। laukik, paarlaukik aur alaukik। behad ka baap alaukik baap dvaara tumko samjha rahe hain। is baap ko koi bhi jaante nahin। brahma ki biography ka kisko pata nahin hai। unka occupation bhi jaanna chaahiye na। shiv ki, shreekrishna ki mahima gaate hain baaki brahma ki mahima kahaan? niraakaar baap ko zaroor mukh to chaahiye na, jisse amrit de। bhakti maarga mein baap ko kabhi yathaartha reeti yaad nahin kar sakte hain। abhi tum jaante ho, samajhte ho shivbaaba ka rath yeh hai। rath ko bhi shrringaar karte hain na। jaise muhammad ke ghode ko bhi sajaate hain। tum bachche kitna achhi reeti manushyon ko samjhaate ho। tum sabhi ki badaai karte ho। bolte ho tum yeh devta the phir 84 janma bhog tamopradhaan bane ho। ab phir satopradhaan banna hai to uske liye yog chaahiye। parantu bada mushkil koi samajhte hain। samajh jaaen to khushi ka paara chadhe। samjhaane vaale ka to aur hi paara chadh jaae। behad ke baap ka parichay dena koi kam baat hai kya। samajh nahin sakte। kehte hain yeh kaise ho sakta। behad ke baap ki jeevan kahaani sunaate hain।

ab baap kehte hain - bachche, paavan bano। tum pukaarte the na ki he patit-paavan aao। geeta mein bhi manamnaabhav akshar hai parantu unki samjhaani koi ke paas hai nahin। baap aatma ka gyaan bhi kitna clear kar samjhaate hain। koi shaastra mein yeh baaten hain nahin। bhal kehte hain aatma bindi hai, bhrakuti ke beech star hai। parantu yathaartha reeti kisi ki buddhi mein nahin hai। woh bhi jaanna pade। kaliyug mein hai hi unrighteous। satayug mein hain sab righteous। bhakti maarga mein manushya samajhte hain - yeh sab eeshvar se milne ke raaste hain isliye tum pahle form bharaate ho - yahaan kyon aaye ho? isse bhi tumko behad ke baap ka parichay dena hai। poochhte ho aatma ka baap kaun? sarvavyaapi kahne se to koi arth hi nahin nikalta। sabka baap kaun? yeh hai mukhya baat। apne-apne ghar mein bhi tum samjha sakte ho। ek-do mukhya chitra seedhi, trimoorti, jhaad yeh bahut zaroori hai। jhaad se sab dharma vaale samajh sakte hain ki hamaara dharma kab shuru hua! ham is hisaab se svarga mein ja sakte hain? jo aate hi peechhe hain woh to svarga mein ja na sake। baaki shanti-dhaam mein ja sakenge। jhaad se bhi bahut clear hota hai। jo-jo dharma peechhe aaye hain unhon ki aatmaayen zaroor oopar mein jaae viraajmaan hongi। tumhaari buddhi mein saara foundation lagaaya jaata hai। baap kehte hain aadi sanaatan devi-devta dharma ka sapling to laga phir jhaad ke patte bhi tumko banaane hain, patte bigar to jhaad hota nahin isliye baba purushaartha karaate rehte hain - aap-samaan banaane ke liye। aur dharma vaalon ko patte nahin banaane padte hain। woh to oopar se aate hain, foundation lagaate hain। phir patte peechhe oopar se aate-jaate hain। tum phir jhaad ki vriddhi ke liye yeh pradarshani aadi karte ho। isse patte lagte hain, phir toofaan aane se gir padte hain, murjha jaate hain। yeh aadi sanaatan devi-devta dharma ki sthaapna ho rahi hai। ismen ladaai aadi ki koi baat nahin। sirf baap ko yaad karna aur karaana hai। tum sabko kehte ho aur jo bhi rachna hai unko chhodo। rachna se kabhi varsa mil na sake। rachayita baap ko hi yaad karna hai। aur kiski yaad na aaye। baap ka bankar, gyaan mein aakar phir agar koi aisa kaam karte hain to uska bojha sir par bahut chadhta hai। baap paavan banaane aate hain aur phir aisa kuchh kaam karte hain to aur hi patit ban padte hain isliye baba kehte hain aisa koi kaam nahin karo jo ghaata pad jaae। baap ki glaani hoti hai na। aisa karma nahin karo jo vikarma jaasti ho jaaen। parhej bhi rakhni hai। davaai mein bhi parhej rakhi jaati hai। doctor kahe yeh khataai aadi nahin khaana hai to maanna chaahiye। karmendriyon ko vash karna padta hai। agar chhipaakar khaate rahenge to phir davaai ka asar nahin hoga। isko kaha jaata hai aasakti। baap bhi shiksha dete hain - yeh nahin karo। surgeon hai na। likhte hain baba man mein sankalp bahut aate hain। khabardaar rehna hai। gande svapna, mansa mein sankalp aadi bahut aayenge, inse darna nahin hai, satayug-treta mein yeh baaten hoti nahin। tum jitna aage nazdeek hote jaayenge, silver ej tak pahunchenge tab karmendriyon ki chanchalta banda ho jaayegi। karmendriyaan vash ho jaayengi। satayug-treta mein vash thi na। jab us treta ki avastha tak aao tab vash hongi। phir satayug ki avastha mein aayenge to satopradhaan ban jaayenge phir sab karmendriyaan poori vash ho jaayengi। karmendriyaan vash thi na। nai baat thode hi hai। aaj karmendriyon ke vash hain, kal phir purushaartha kar karmendriyon ko vash kar lete hain। woh to 84 janmon mein utarte aaye hain। abhi return journey hai, sabko satopradhaan avastha mein jaana hai। apna chart dekhna hai - hamne kitne paap, kitne punya kiye hain। baap ko yaad karte-karte iron ej se silver ej tak pahunch jaayenge to karmendriyaan vash ho jaayengi। phir tumko mahsoos hoga - abhi koi toofaan nahin aate hain। woh bhi avastha aayegi। phir golden ej mein chale jaayenge। mehnat kar paavan banne se khushi ka paara bhi chadhega। jo bhi aate hain unko samjhaana hai - kaise tumne 84 janma liye hain? jisne 84 janma liye hain, vahi samjhenge। kahenge ab baap ko yaad kar maalik banna hai। 84 janma nahin samajhte ho to shaayad raajaai ke maalik nahin bane honge। ham to himmat dilaate hain, achhi baat sunaate hain। tum neeche gir padte ho। jisne 84 janma liye honge unko jhat smriti aayegi। baap kehte hain tum shantidham mein pavitra to the na। ab phir tumko shantidham, sukhdhaam mein jaane ka raasta bataate hain। aur koi bhi raasta bata na sake। shanti-dhaam mein bhi paavan aatmaayen hi ja sakengi। jitna khaad nikalti jaayegi utna oonch pad milega, jo jitna purushaartha kare। har ek ke purushaartha ko to tum dekh rahe ho, baba bhi bahut achhi madad karta hai। yeh to jaise puraana bachcha hai। har ek ki nabja ko samajhte ho na। sayaane jo honge woh jhat samajh jaayenge। behad ka baap hai, unse zaroor svarga ka varsa milna chaahiye। mila tha, ab nahin hai phir mil raha hai। em object saamne khada hai। baap ne jab svarga ki sthaapna ki thi, tum svarga ke maalik the। phir 84 janma le neeche utarte aaye ho। abhi hai yeh tumhaara antim janma। history repeat to zaroor karegi na। tum saara 84 ka hisaab bataate ho। jitna samjhenge utna patte bante jaayenge। tum bhi bahuton ko aap samaan banaate ho na। tum kahenge ham aaye hain - saare vishwa ko maaya ki janjeeron se chhudaane। baap kehte hain main sabko raavan se chhudaane aata hoon। tum bachche bhi samajhte ho baap gyaan ka saagar hai। tum bhi gyaan praapta kar master gyaan saagar bante ho na। gyaan alag hai, bhakti alag hai। tum jaante ho bhaarat ka praacheen raajayog baap hi sikhlaate hain। koi manushya sikhla nahin sakte। parantu yeh baat sabko kaise bataayen? yahaan to asuron ke vighna bhi bahut padte hain। aage to samajhte the shaayad koi kichda daalte hain। abhi samajhte ho yeh vighna kaise daalte hain। nothing new। kalpa pahle bhi yeh hua tha। tumhaari buddhi mein yeh saara chakra phirta rehta hai। baba hamko srishti ke aadi-madhya-ant ka raaz samjha rahe hain, baba hamko light house ka bhi title dete hain। ek aankh mein muktidhaam, doosri aankh mein jeevan-muktidhaam। tumko shantidham mein jaakar phir sukhdhaam mein aana hai। yeh hai hi duhkhadhaam। baap kehte hain in aankhon se jo kuchh tum dekhte ho, unko bhoolo। apne shantidham ko yaad karo। aatma ko apne baap ko yaad karna hai, isko hi avyabhichaari yog kaha jaata hai। gyaan bhi ek se hi sunna hai। woh hai avyabhichaari gyaan। yaad bhi ek ko karo। mera to ek, doosra na koi। jab tak apne ko aatma nishchay nahin karenge tab tak ek ki yaad aayegi nahin। aatma kehti hai main to ek baba ki hi banoongi। mujhe jaana hai baba ke paas। yeh shareer to puraana jadajdeebhoot hai, inmen bhi mamatva nahin rakhna hai। yeh gyaan ki baat hai। aise nahin ki shareer ki sambhaal nahin karni hai। andar mein samajhna hai - yeh puraani khaal hai, inko to ab chhodna hai। tumhaara hai behad ka sannyaas। woh to jangal mein chale jaate hain। tumko ghar mein rehte yaad mein rehna hai। yaad mein rehte-rehte tum bhi shareer chhod sakte ho। kahaan bhi ho tum baap ko yaad karo। yaad mein rahenge, svadarshan chakradhaari banenge to kahaan bhi rehte tum oonch pad pa lenge। jitna individual mehnat karenge utna pad paayenge। ghar mein rehte bhi yaad ki yaatra mein rehna hai। abhi final result mein thoda time pada hai। phir nai duniya bhi taiyaar chaahiye na। abhi karmaateet avastha ho jaae to sookshm vatan mein rehna pade। sookshm vatan mein rahkar bhi phir janma lena padta hai। aage chalkar tumko sab saakshaatkaar hoga। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ek baap se hi sunna hai। ek ki hi avyabhichaari yaad mein rehna hai। is shareer ki sambhaal rakhni hai, lekin mamatva nahin rakhna hai।

2) baap ne jo parhej bataai hai use poora paalan karna hai। koi bhi aisa karma nahin karna hai jo baap ki glaani ho, paap ka khaata banen। apne ko ghaate mein nahin daalna hai।

vardaan:- apni vishaal buddhi roopi tijori dvaara gyaan ratnon ka daan karne vaale mahaadaani bhav

buddhi sabhi karmendriyon mein shiromni gaai hui hai। jo vishaal buddhi hain arthaat jinki buddhi saalim hai, unka mastak sada chamakta hai kyonki buddhi roopi tijori mein saara gyaan bhara hua hai। ve apne buddhi roopi tijori se gyaan ratnon ka daan kar mahaadaani ban jaate hain। tum buddhi ko sada gyaan ka bhojan dete raho, buddhi agar gyaan bal se bharpoor hai to prakriti ko bhi yogbal se theek kar leti hai। sarvottam buddhi vaale sampoorn gyaan se sarvottam kamaai kar vaikuntha ki baadshaahi praapta karte hain।

slogan:- shakti swaroop sthiti ka anubhav karna hai to sankalpon ki gati ko dhairyavat banaao।