शुक्रवार 1 जनवरी 2021 की दैनिक मुरली

01-01-2021 praatahmurli om shanti "baapdaada"' madhuban

“meethe bachche - tumhein paavan duniya mein chalna hai isliye kaam mahaashatru par jeet paani hai, kaamjeet, jagatjeet banna hai''

prashn:- har ek apni activity se kaun-sa saakshaatkaar sabko kara sakte hain?

uttar:- main hans hoon ya bagula hoon? yeh har ek apni activity se sabko saakshaatkaar kara sakte hain kyonki hans kabhi kisi ko duhkh nahin denge। bagule duhkh dete hain, woh vikaari hote hain। tum bachche abhi bagule se hans bane ho। tum paarasbuddhi banne vaale bachchon ka kartavya hai sabko paarasbuddhi banaana।

om shanti। jab om shanti kaha jaata hai to apna svadharma yaad padta hai। ghar ki bhi yaad aati hai। parantu ghar mein baith to nahin jaana hai। baap ke bachche hain to zaroor apna svarga bhi yaad karna pade। to om shanti kahne se yeh saara gyaan buddhi mein aa jaata hai। main aatma shant swaroop hoon, shanti ke saagar baap ka bachcha hoon। jo baap svarga sthaapan karte hain woh baap hi hamko pavitra shant swaroop banaate hain। mukhya baat hai pavitrata ki। duniya hi pavitra aur apvitra banti hai। pavitra duniya mein ek bhi vikaari nahin hai। apvitra duniya mein 5 vikaar hain, isliye kaha jaata hai vikaari duniya। woh hai nirvikaari duniya। nirvikaari duniya se seedhi utarte-utarte phir neeche vikaari duniya mein aate hain। woh hai paavan duniya, yeh hai patit duniya। woh hai din, sukh। yeh hai bhatakne ki raat। yoon to raat mein koi bhatakta nahin hai। parantu bhakti ko bhatakna kaha jaata hai।

tum bachche ab yahaan aaye ho sadgati paane। tumhaari aatma mein sab paap the, 5 vikaar the। unmein bhi mukhya hai kaam vikaar, jisse hi manushya paap aatma bante hain। yeh to har ek jaante hain ham patit hain aur paap aatma bhi hain। ek kaam vikaar ke kaaran sab qualification bigad padti hain isliye baap kehte hain kaam ko jeeto to tum jagatjeet arthaat naye vishwa ke maalik banenge। to andar mein itni khushi rahni chaahiye। manushya patit bante hain to kuchh bhi samajhte nahin। baap samjhaate hain - koi bhi vikaar nahin hona chaahiye। mukhya hai kaam vikaar, is par kitne hangaamen hote hain। ghar-ghar mein kitni ashaanti, haahaakaar ho jaata hai। is samay duniya mein haahaakaar kyon hai? kyonki paap aatmaayen hain। vikaaron ke kaaran hi asur kaha jaata hai। abhi tum samajhte ho is samay duniya mein koi bhi kaam ki cheez nahin, bhambhor ko aag lagni hai। jo kuchh in aankhon se dekha jaata hai, sabko aag lag jaayegi। aatma ko to aag lagti nahin। aatma to sadaiv jaise insure hai, sadaiv jeeti rehti। aatma ko kabhi insure karaate hain kya? shareer ko insure karaaya jaata hai। aatma avinaashi hai। bachchon ko samjhaaya gaya hai - yeh khel hai। aatma to oopar rahne vaali 5 tatvon se bilkul alag hai। 5 tatvon se saari duniya ki saamagri banti hai। aatma to nahin banti hai। aatma sadaiv hai hi। sirf punya aatma, paap aatma banti hai। aatma par hi naam padta hai punya aatma, paap aatma। 5 vikaaron se kitne gande ban jaate hain। ab baap aaye hain paapon se chhudaane। vikaar hi saara character bigaadte hain। character kisko kaha jaata hai, yeh bhi samajhte nahin। yeh hai oonch te oonch roohaani government। paandav government na kah tumko eeshvareey government kah sakte hain। tum samajhte ho ham eeshvareey government hain। eeshvareey government kya karti hai? aatmaon ko pavitra banaakar devta banaati hai। nahin to devta kahaan se aaye? yeh koi bhi nahin jaante, hain to yeh bhi manushya parantu devta kaise the, kisne banaaya? devtaayen to hote hi hain svarga mein। to unhon ko svargavaasi kisne banaaya? svargavaasi phir zaroor narkavaasi bante hain phir svargavaasi। yeh bhi tum nahin jaante the to aur phir kaise jaanenge! ab tum samajhte ho ki drama bana hua hai, itne sab actors hain। yeh sab baaten buddhi mein honi chaahiye। padhaai to buddhi mein honi chaahiye na aur pavitra bhi zaroor banna hai। patit banna bahut kharaab baat hai। aatma hi patit banti hai। ek-do mein patit bante hain। patiton ko paavan banaana yeh tumhaara dhandha hai। paavan bano to paavan duniya mein chalenge। yeh aatma samajhti hai। aatma na ho to shareer bhi thahar na sake, respond mil na sake। aatma jaanti hai ham asul paavan duniya ke rahvaasi hain। abhi baap ne samjhaaya hai tum bilkul hi besmajh the, isliye patit duniya ke laayak ban pade ho। ab jab tak paavan nahin banenge tab tak svarga ke laayak nahin ban sakenge। svarga ki bhent bhi sangam par ki jaati hai। vahaan thode hi bhent kar sakenge। is sangamayug par hi tumko saara gyaan milta hai। pavitra banne ka hathiyaar milta hai। ek ko hi kaha jaata hai patit-paavan baba, hamko aisa paavan banaao। yeh svarga ke maalik hain na। tum jaante ho ham hi svarga ke maalik the phir 84 janma lekar patit bane hain। shyaam aur sundar, inka naam bhi aisa rakha hai। krishna ka chitra shyaam bana dete hain parantu arth thode hi samajhte hain। krishna ki bhi tumko kitni clear samjhaani milti hai। inmen do duniyaayen kar di hain। vaastav mein do duniyaayen to hain nahin। duniya ek hi hai। woh nai aur puraani hoti hai। pahle chhote bachche naye hote hain phir bade ban boodhe hote hain। to tum kitna maatha maarte ho samjhaane ke liye, apni raajdhaani sthaapan kar rahe ho na। lakshmi-naaraayan ne samjha hai na। samajh se kitne meethe bane hain। kisne samjhaaya? bhagwan ne। ladaai aadi ki to baat hi nahin। bhagwan kitna samajhdaar, knowledgeful hai। kitna pavitra hai। shiv ke chitra aage sab manushya jaakar naman karte hain parantu woh kaun hai, kya karte hain, yeh koi nahin jaante। shiv kaashi vishvanaath ganga… bas sirf kehte rehte hain। arth zara bhi nahin samajhte। samjhaao to kahenge tum kya hamko samjhaayenge। ham to ved-shaastra aadi sab padhe hain। parantu raam raajya kisko kaha jaata hai, yeh bhi koi jaante nahin। raam raajya satayug nai duniya ko kaha jaata hai। tumhaare mein bhi nambarvaar hain, jinko dhaarna hoti hai। kai to bhool bhi jaate hain kyonki bilkul hi pattharbuddhi ban gaye hain। to ab paarasbuddhi jo bane hain unka kaam hai auron ko paarasbuddhi banaana। pattharbuddhi ki activity vahi chalti rahegi kyonki hans aur bagule ho gaye na। hans kabhi kisko duhkh nahin dete। bagule duhkh dete hain। kai hain jinki chaal hi bagule misal hoti hai, unmein sab vikaar hote hain। yahaan bhi aise bahut vikaari aa jaate hain, jinko asur kaha jaata hai। pahchaan nahin rehti। bahut centres par bhi vikaari aate hain, bahaana banaate hain, ham brahman hain, parantu hai jhooth। isko kaha hi jaata hai jhoothi duniya। woh nai duniya sachchi duniya hai। abhi hai sangam। kitna farka rehta hai। jo jhooth bolne vaale, jhootha kaam karne vaale hain, woh third grade bante hain। first grade, second grade to hote hain na।

baap kehte hain pavitrata ka bhi poora saboot dena hai। kai kehte hain yeh donon ikatthe rahkar pavitra rehte, yeh to impossible hai। to bachchon ko samjhaana chaahiye। yogbal na hone kaaran itni sahaj baat bhi poori reeti samjha nahin sakte hain। unko yeh baat koi nahin samjhaate ki yahaan hamko bhagwan padhaate hain। woh kehte pavitra banne se tum 21 janma svarga ke maalik banenge। woh hai pavitra duniya। pavitra duniya mein patit koi ho na sake। 5 vikaar hi nahin hain। woh hai viceless world। yeh hai vicious world। hamko satayug ki baadshaahi milti hai to ham ek janma ke liye kyon nahin paavan banenge! jabardasta lottery milti hai hamko। to khushi hoti hai। devi-devta pavitra hain na। apvitra se pavitra bhi baap hi banaayenge। to bataana chaahiye hamko yeh temptation hai। baap hi aisa banaate hain। baap bigar to nai duniya koi bana na sake। manushya se devta banaane bhagwan hi aate hain, jiski raatri gaai jaati hai। yeh bhi samjhaaya hai gyaan, bhakti, vairaagya। gyaan aur bhakti aadha-aadha hai। bhakti ke baad hai vairaagya। ab ghar jaana hai, yeh shareer roopi kapde utaar dene hain। is chhi-chhi duniya mein nahin rehna hai। 84 ka chakra ab poora hua। ab via shantidham jaana hai। pahle-pahle alpha ki baat nahin bhoolni hai। yeh bhi bachche samajhte hain yeh puraani duniya khatma honi hai। baap nai duniya sthaapan karte hain। baap anek baar aaye hain svarga ki sthaapna karne। narka ka vinaash ho jaana hai। narka kitna bada hai, svarga kitna chhota hai। nai duniya mein ek hi dharma hota hai। yahaan hain anek dharma। ek dharma kisne sthaapan kiya? brahma ne to nahin kiya। brahma hi patit so phir paavan banta hai। mere liye to nahin kahenge patit so paavan। paavan hain to lakshmi-naaraayan naam hai। brahma ka din, brahma ki raat। yeh prajaapita hai na। shivbaaba ko anaadi creator kaha jaata hai। anaadi akshar baap ke liye hai। baap anaadi to aatmaayen bhi anaadi hain। khel bhi anaadi hai। bana banaaya drama hai। sva aatma ko srishti chakra ke aadi-madhya-ant, dyooreshan ka gyaan milta hai। yeh kisne diya? baap ne। tum 21 janmon ke liye dhanke ban jaate ho phir raavan ke raajya mein nidhanke ban jaate ho। yahaan se hi character bigadte hain, vikaar hain na। baaki do duniyaayen nahin hain। manushya to phir samajhte hain narka-svarga sab ikatthe hi chalte hain। abhi tum bachchon ko kitna clear samjhaaya jaata hai। abhi tum gupta ho। shaastron mein to kya-kya likh diya hai। soot kitna moonjha hua hai। sivaae baap ke koi suljha na sake। unhein hi pukaarte hain - ham koi kaam ke nahin rahe hain, aakar paavan banaae hamaare character sudhaaro। tumhaare kitne character sudharte hain। koi-koi ke to sudharne badle aur hi bigadte hain। chalan se bhi maaloom pad jaata hai। aaj mahaarthi hans kahlaate hain, kal bagula ban padte। deri nahin lagti hai। maaya bhi gupta hai na। krodh koi dekhne mein thode hi aata hai। bhaun-bhaun karte hain to phir woh baahar nikalne se dikhaai padta hai। phir aashcharyavat sunanti.... kathanti bhaaganti ho jaate hain। kitna girte hain। ekdam patthar ban jaate hain। indraprastha ki bhi baat hai na। maaloom to pad hi jaata hai। aisa phir sabha mein nahin aana chaahiye। thoda-bahut gyaan suna hai to svarga mein aa hi jaate hain। gyaan ka vinaash nahin ho sakta।

ab baap kehte hain - tumko purushaartha kar oonch pad paana hai। agar vikaar mein gaye to pad bhrashta kar denge। sooryavanshi, chandravanshi banenge phir vaishya vanshi, shoodra vanshi। abhi tum samajhte ho yeh chakra kaise phirta hai। woh to kaliyug ki aayu hi 40 hazaar varsha kah dete hain। seedhi to neeche utarni hoti hai na। 40 hazaar varsha hon to manushya dher ho jaaen। 5 hazaar varsha mein hi itne manushya hain, jo khaane ko nahin milta। to itne hazaar varshon mein kitni vriddhi ho jaae। to baap aakar dheeraj dete hain। patit manushyon ko to ladna hi hai। unhon ki buddhi is taraph aa na sake। ab tumhaari buddhi dekho kitni badalti hai phir bhi maaya dhokha zaroor deti hai। ichchha maatram avidya। koi ichchha ki to gaya। worth not A penny ban jaate hain। achhe-achhe mahaarthiyon ko bhi maaya koi na koi prakaar se kabhi dhokha deti rehti hain। phir woh dil par chadh nahin sakte। jaise laukik maa-baap ke dil par nahin chadhte hain। koi to bachche aise hote hain jo baap ko bhi khatma kar dete hain। parivaar ko khatma kar dete hain। mahaan paap aatmaayen hain। raavan kya kar dete, bahut dirty duniya hai। inse kabhi dil nahin lagaani chaahiye। pavitra banne ki badi himmat chaahiye। vishwa ke baadshaahi ki prize lene ke liye pavitrata mukhya hai isliye baap ko kehte hain ki aakar paavan banaao। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) maaya ke dhokhon se bachne ke liye ichchha maatram avidya banna hai। is dirty duniya se dil nahin lagaani hai।

2) pavitrata ka poora-poora saboot dena hai। sabse ooncha character hi pavitrata hai। apne aapko sudhaarne ke liye pavitra zaroor banna hai।

vardaan:- apne ekaagra swaroop dvaara sookshm shakti ki leelaaon ka anubhav karne vaale antarmukhi bhav

ekaagrata ka aadhaar antarmukhta hai। jo antarmukhi hain ve andar hi andar sookshm shakti ki leelaaon ka anubhav karte hain। aatmaon ka aahvaan karna, aatmaon se roohrihaan karna, aatmaon ke sanskaar svabhaav ko parivartan karna, baap se connection judvaana - aise roohon ki duniya mein roohaani seva karne ke liye ekaagrata ki shakti ko badhaao, isse sarva prakaar ke vighna svatah samaapta ho jaayenge।

slogan:- sarva praaptiyon ko svayan mein dhaaran kar vishwa ki stage par pratyaksha hona hi pratyakshata ka aadhaar hai।

vishesh note:- yeh January maas meethe saakaar baba ki smritiyon ka maas hai, svayan ko samartha banaane ke liye vishesh antarmukhi ban sookshm shaktiyon ki leelaaon ka anubhav karna hai। poora hi maas apni avyakt sthiti mein rehna hai। man aur mukh ka maun rakhna hai।