रविवार 28 फ़रवरी 2021 की दैनिक मुरली

28-02-21 praatahmurli om shanti ''avyakt-baapdaada'' revise 10-11-87 madhuban

shubhchintak-mani ban vishwa ko chintaaon se mukta karo

aaj ratnaagar baap apne chaaron or ke vishesh shubh-chintak maniyon ko dekh rahe hain। ratnaagar baap ki maniyaan vishwa mein apni shubh-chintak kirnon se prakaash kar rahi hain kyonki aaj ki is artificial chamak vaale vishwa mein sarva aatmaaen chintaamni hain। aise alpakaal ki chamakne vaali chintaamniyon ko aap shubh-chintak maniyaan apne shubh-chintan ki shakti dvaara parivartan kar rahi ho। jaise soorya ki kirnen door-door tak andhakaar ko mitaati hain, aise aap shubh-chintak maniyon ki shubh sankalp roopi chamak kaho, kirnen kaho - vishwa ke chaaron or phail rahi hain। aajkal kai aatmaaen samajhti hain ki koi prichual light gupta roop mein apna kaarya kar rahi hai। lekin ye light kahaan se ye kaarya kar rahi hai, vo jaan nahin sakte। koi hai - yahaan tak touching honi shuru ho gai hai। aakhir dhoondhate-dhoondhate sthaan par pahunch hi jaayenge। to yeh touching aap shubh-chintak maniyon ke shreshtha sankalp ki chamak hai। baapdaada harek bachche ke mastak dvaara mani ki chamak ko dekhte hain kyonki nambarvaar chamakne vaale hain। hain sabhi shubh-chintak maniyaan lekin chamak nambarvaar hai।

shubh-chintak banna - yahi sahaj roop ki mansa seva hai jo chalte-phirte har brahman aatma va anjaan aatmaon ke prati kar sakte ho। aap sabke shubh-chintak banne ke vibration vaayumandal ko va chintaamni aatma ki vritti ko bahut sahaj parivartan kar denge। aaj ke manushya aatmaon ke jeevan mein chaaron or se chaahe vyaktiyon dvaara, chaahe vaibhav dvaara - vyaktiyon mein svaartha bhaav hone ke kaaran, vaibhvon mein alpakaal ki praapti hone ke kaaran - thode samay ke liye shreshtha praapti ki anubhooti hoti hai lekin alpakaal ki khushi thode samay ke baad chinta mein badal jaati hai arthaat vaibhav va vyakti chinta mitaane vaale nahin chinta utpanna karaane ke nimitta ban jaate hain। aise koi na koi chinta mein pareshaan aatmaon ko shubh-chintak aatmaaen bahut thodi dikhaai deti hain। shubh-chintak aatmaon ke thode samay ka samparka bhi anek chintaaon ko mitaane ka aadhaar ban jaata hai। to aaj vishwa ko shubh-chintak aatmaon ki aavashyakta hai, isliye aap shubh-chintak maniyaan va aatmaaen vishwa ko ati priy hai। jab samparka mein aa jaate hain to anubhav karte hain ki aise shubh-chintak duniya mein koi dikhaai nahin dete।

shubh-chintak sada rahen - iska vishesh aadhaar hai shubh chintan। jiska sada shubh-chintan rehta, avashya woh shubh-chintak hai। agar kabhi-kabhi vyartha chintan va par-chintan hota hai to sada shubh-chintak bhi nahin rah sakte। shubh-chintak aatmaayen auron ke bhi vyartha chintan, par-chintan ko samaapta karne vaale hain। to har ek shreshtha sevaadhaari arthaat sada shubh-chintak mani ke shubh-chintan ka shaktishaali khazaana sada bharpoor hoga। bharpoorta ke kaaran hi auron ke prati shubh-chintak ban sakte hain। shubh-chintak arthaat sarva gyaan-ratnon se bharpoor। aur aisa gyaan-sampanna daata ban auron ke prati sada shubh-chintak ban sakta hai। to check karo ki saare din mein jyaada samay shubh-chintan rehta hai va parchintan rehta hai? shubh chintan vaala sada apne sampannata ke nashe mein rehta hai, isliye shubh-chintak swaroop dvaara doosron prati deta jaata aur bharta jaata। par-chintan aur vyartha chintan vaala sada khaali hone ke kaaran apne ko kamjor anubhav karega, isliye shubh-chintak ban auron ko dene ke paatra nahin ban sakta। vartamaan samay sarva ki chinta mitaane ke nimitta banne vaali shubh-chintak maniyon ki aavashyakta hai, jo chinta ke bajaae shubh-chintan ki vidhi ke anubhvi bana saken। jahaan shubh-chintan hoga vahaan chinta svatah samaapta ho jaayegi। to sada shubh-chintak ban gupta seva kar rahe ho na?

ye jo behad ki vishwa-seva ka plan banaaya hai, is plan ko sahaj saphal banaane ka aadhaar bhi shubh-chintak sthiti hai। variety prakaar ki aatmaaen sambandh-samparka mein aayengi। aisi aatmaon ke prati shubh-chintak banna arthaat un aatmaon ko himmat ke pankh dena hai kyonki sarva aatmaayen chinta ki chita par rahne ke kaaran apne himmat, umang, utsaah ke pankh kamjor kar chuki hain। aap shubh-chintak aatmaon ki shubh-bhaavna unhon ke pankhon mein shakti bharegi aur aap ki shubh-chintak bhaavnaaon ke aadhaar se udne lagenge arthaat sahayogi banenge। nahin to, dilshikasta ho gaye hain ki better world (sukhmay sansaar) banaana ham aatmaon ki kya shakti hai? jo svayan ko hi nahin bana sakte to vishwa ko kya banaayenge? vishwa ko badalna bahut mushkil samajhte hain kyonki vartamaan sarva sattaaon ki result dekh chuke hain, isliye mushkil samajhte hain। aisi dilshikasta aatmaon ko, chinta ki chita par baithi hui aatmaon ko, aapki shubh-chintak-shakti dilshikasta se dilkhush kar degi। jaise, doobe hue manushya ko tinke ka sahaara bhi dil khush kar deta hai, himmat mein le aata hai। to aapki shubh-chintak sthiti unhon ko sahaara anubhav hogi, jalti hui aatmaon ko sheetal jal ki anubhooti hogi।

sarva ka sahayog praapta karne ka aadhaar bhi shubh-chintak sthiti hai। jo sarva ke prati shubh-chintak hain, unko sarva se sahayog svatah hi praapta hota hi hai। shubh-chintak bhaavna auron ke man mein sahayog ki bhaavna sahaj aur svatah utpanna karegi। shubh chintak aatmaon ke prati har ek ke dil mein sneh utpanna hota hai aur sneh hi sahayogi bana deta hai। jahaan sneh hota hai, vahaan samay, sampatti, sahayog sada nyauchhaavar karne ke liye taiyaar ho jaate hain। to shubh chintak snehi banaayega aur sneh sab prakaar ke sahayog mein nyauchhaavar banaayega isliye, sada shubh-chintan se sampanna raho, shubh-chintak ban sarva ko snehi, sahayogi banaao। shubh-chintak aatma sarva ki santushtata ka sahaj certificate le sakti hai। shubh-chintak hi sada prasannata ki personality mein rah sakte hain, vishwa ke aage vishesh personality vaale ban sakte hain। aajkal personality vaali aatmaayen sirf naameegraami banti hain arthaat naam bulanda hota hai lekin aap roohaani pasnailiti vaale sirf naameegraami arthaat gaayan-yogya nahin lekin gaayan-yogya ke saath poojan yogya bhi bante ho। kitne bhi bade dharma-kshetra mein, raajya-kshetra mein, science ke kshetra mein personality vaale prasiddha hue hain lekin aap roohaani personality samaan 63 janma poojneey nahin bane hain isliye yeh shubh-chintak banne ki visheshta hai। sarva ko jo praapti hoti hai khushi ki, sahaare ki, himmat ke pankhon ki, umang-utsaah ki - yeh praapti ki duaayen, aasheervaaden kisko adhikaari bachche bana deti hain aur koi bhakta aatma ban jaate hain isliye anek janma ke poojya ban jaate hain। shubh-chintak arthaat bahutkaal ki poojya aatmaaen isliye, yeh vishaal kaarya aarambha karne ke saath-saath jaise aur programme banaate ho, uske saath-saath sva ke prati programme banaao ki:-

1) sada ke liye har aatma ke prati, aur anek prakaar ki bhaavnaaen parivartan kar ek shubh-chintak bhaavna sada rakhenge।

2) sarva ko svayan se aage badhaane, aage rakhne ka shreshtha sahayog sada dete rahenge।

3) better world arthaat shreshtha vishwa banaane ke liye sarva prati shreshtha kaamna dvaara sahayogi banenge।

4) sada vyartha-chintan, par-chintan ko samaapta kar arthaat beeti baaton ko bindi lagaaye, bindi arthaat mani ban sada vishwa ko, sarva ko apni shreshtha bhaavna, shreshtha kaamna, sneh ki bhaavna, samartha banaane ki bhaavna ki kirnon se roshni dete rahenge।

yeh sva ka programme saare programme ke saphalta ka foundation hai। is foundation ko sada majboot rakhana to pratyakshata ka aavaaj svatah hi bulanda hoga। samjha? sabhi, kaarya ke nimitta ho na। jab vishwa ko sahayogi banaate hain, to pahle to aap nimitta ho। chhote, bade, beemaar ho ya svastha ho, mahaarthi, ghodesvaar - sabhi sahayogi hain। pyaade to hain hi nahin। to sabhi ki anguli chaahiye। harek eet ka mahatva hai। koi foundation ki eet hai, koi oopar ke deevaar ki eet hai lekin ek-ek eet mahatva vaali hai। aap sabhi samajhte ho ki ham programme kar rahe hain ya samajhte ho programme vaale banaate hain, programme banaane vaalon ka programme hai? hamaara programme kehte ho na। to baapdaada bachchon ke vishaal kaarya ko, programme ko dekh harshit hain। desh-videsh mein vishaal kaarya ka umang-utsaah achha hai। harek brahman aatma ke andar vishwa ki aatmaon ke liye raham hai, taras hai ki hamaare sarva bhaai-bahnen baap ki pratyakshata ka aavaaj sunen ki baap apna kaarya kar raha hai। sameep aaven, sambandh mein aaven, adhikaari banen, poojya devta banen ya 33 karod naam gaayan karne vaale hi banen lekin aavaaj zaroor sunen। aisa umang hai na? abhi to 9 laakh hi nahin banaaye hain। to samjha, apna programme hai। apnaapan hi apne programme mein apna vishwa banaayega। achha।

aaj paanch taraph ki party aai hain। triveni kehte hain lekin ye paanch veni ho gai। paanch taraph ki nadiyaan saagar mein pahunch gai hain। to nadi aur saagar ka mela shreshtha mela hai। sabhi naye-puraane khushi mein naach rahe hain। jab naaummeend se ummeend ho jaati to aur khushi hoti hai। puraanon ko bhi achaanak chance mila hai to aur jyaada khushi hoti hai। soch kar baithe the - pata nahin kab milenge? abhi milenge - yeh to socha bhi nahin tha। ‘kab' se ‘ab' ho jaata hai to khushi ka anubhav aur nyaara hota hai। achha। aaj videsh vaalon ko bhi vishesh yaadapyaar de rahe hain। vishesh sevaadhaari (jayanti behen) aai hai na। videsh-seva arth pahle nimitta bani na। vriksha ko dekh beej yaad aata hai। beejroop parivaar yeh nimitta bana videsh seva ke liye। to pahle nimitta parivaar ko yaad de rahe hain।

videsh ke sarva nimitta bane sevaadhaari bachche sada baap ko pratyaksha karne ke prayatna mein umang-utsaah se din-raat lage hue hain। unhon ko baar-baar yahi aavaaj kaanon mein goonjata hai ki videsh ke bulanda aavaaj se bhaarat mein baap ko pratyaksha karna hai। yeh aavaaj sada seva ke liye kadam aage badhaata rehta hai। vishesh seva ke umang-utsaah ka kaaran hai - baap se dil se pyaar, sneh hai। har kadam mein, har ghadi mukh mein ‘baba-baba' shabd rehta hai। jab bhi koi card athva gift bhejenge to usmein dil (heart) ka chitra zaroor banaate hain। iska kaaran hai ki dil mein sada dilaaraam hai। dil di hai aur dil li hai। dene aur lene mein hoshiyaar hain, isliye dil ka sauda karne vaale, dil se yaad karne vaale apni nishaani ‘dil' hi bhejte hain aur yahi dil ki yaad va dil ka sneh door hote bhi majority ko sameep ka anubhav karaata hai। sabse vishesh visheshta baapdaada yahi dekhte ki brahma baap se ati sneh hai। baap aur daada ke guhya raaz ko bahut sahaj anubhav mein laate hain। brahma baba ki saakaar paalna ka part na hote bhi avyakt paalna ka anubhav achha kar rahe hain। baap aur daada donon ka sambandh anubhav karna - is visheshta ke kaaran apni saphalta mein bahut sahaj badhte ja rahe hain। to harek desh vaale apna-apna naam pahle samjhen। harek bachcha apna naam samajhte hue baapdaada ka yaadapyaar sveekaar karna। samjha?

plan to bana hi rahe hain। desh, videsh ki reeti mein thoda-bahut antar to hota hai lekin preet ke kaaran reeti ka antar bhi ek hi lagta hai। videsh ka plan va bhaarat ka plan, lekin plan to ek hi hai। sirf tareeka thoda-bahut kahaan parivartan karna bhi padta hai। desh aur videsh ka sahayog is vishaal kaarya ko sada hi saphalta praapta karaata hi rahega। saphalta to sada bachchon ke saath hai hi। desh ka umang-utsaah aur videsh ka umang-utsaah - donon ka milkar kaarya ko aage badha raha hai aur sada hi aage badhta rahega। achha।

bhaarat ke chaaron or ke sada snehi, sahayogi bachchon ke sneh, sahayog ka shubh sankalp, shubh aavaaj baapdaada ke paas sada pahunchta rehta hai। desh, videsh ek do se aage hai। harek sthaan ki visheshta apni-apni hai। bhaarat baap ki avatran bhoomi hai aur bhaarat pratyakshata ka aavaaj bulanda karne ke nimitta bhoomi hai। aadi aur ant bhaarat mein hi part hain। videsh ka sahayog bhaarat mein pratyakshata karaayega aur bhaarat ki pratyakshata ka aavaaj videsh tak pahunchega isliye, bhaarat ke bachchon ki visheshta sada shreshtha hai। bhaarat vaale sthaapna ke aadhaar bane। sthaapna ke aadhaarmoorta bhaarat ke bachche hain, isliye bhaaratvaasi bachchon ke bhaagya ka sabhi gaayan karte hain। yaad aur seva mein sada umang-utsaah se aage badh rahe hain aur badhte hi rahenge isliye bhaarat ke har ek bachche apne-apne naam se baapdaada ka yaadapyaar sveekaar karna। to desh-videsh ke behad baap ke behad sevaadhaari bachchon ko baapdaada ka yaadapyaar aur namaste।

vardaan:- sarva aatmaon ko shaktiyon ka daan dene vaale master beejroop bhav

anek bhakta aatma roopi patte jo sookh gaye hain, murjha gaye hain unko phir se apne beejroop sthiti dvaara shaktiyon ka daan do। unhein sarva praapti karaane ka aadhaar hai aapki “ichchha maatram avidya'' sthiti। jab svayan ichchha maatram avidya honge tab anya aatmaon ki sarva ichchhaayen poorn kar sakenge। ichchha maatram avidya arthaat sampoorn shaktishaali beejroop sthiti। to master beejroop ban bhakton ki pukaar suno, praapti karaao।

slogan:- sada supreme rooh ki chhatrachhaaya mein rehna hi alaukik jeevan ki safety ka saadhan hai।