मंगलवार 23 नवंबर 2021 की दैनिक मुरली

23-11-2021 praatahmurli om shanti "baapdaada"' madhuban

“meethe bachche - is drama mein tum hero heroine paartadhaari ho, saare kalpa mein tumhaare jaisa hero part aur kisi ka bhi nahin''

prashn:- manushya se devta banne ka imtahaan kaun paas kar sakta hai?

uttar:- jo follow father kar baap samaan pavitra bante vahi yeh imtahaan paas kar sakte hain। 21 janmon ka behad ka varsa milta hai to zaroor thodi mehnat karni padegi। abhi mehnat nahin ki to kalpa-kalpaantar nahin karenge phir oonch pad kaise paayenge। pavitra banenge to achha pad paayenge। nahin to sajaayen khaani padengi।

om shanti। meethe-meethe roohaani bachchon se baba sammukh baat kar rahe hain। bachche samajhte honge hamaare saath behad ka baap baat kar rahe hain। jo sabse ati meetha hai। baap bhi meetha hota hai, teacher bhi meetha hota hai kyonki donon se varsa milta hai। guru se bhakti ka varsa milta hai। yahaan to ek se hi teenon milte hain। khushi bhi hoti hai। tum unke sammukh baithe ho। tum jaante ho behad ka baap jisko patit-paavan kaha jaata hai, vahi manushya srishti ka beejroop hai। woh beej jad hota hai। yeh hai chaitanya। inko sat chit aanand swaroop kaha jaata hai phir unki mahima bhi hai। woh gyaan ka saagar hai parantu usse knowledge kya milti hai, yeh kisko pata nahin hai। tum jaante ho jinhon ko baap knowledge de rahe hain, vahi bhakti maarga mein inke mandir, shaastra aadi banaate hain। yeh bhi tum jaante ho ki barobar har 5 hajaar varsha ke baad yeh kalpa ka sangam aata hai। isko kaha jaata hai roohaani avinaashi purushottam sangamayug। yoon to uttam purush bahut hi hote hain। parantu woh ek janma mein uttam purush bante hain, phir madhyam kanishta ho padte hain। yeh lakshmi-naaraayan dekho kitne uttam purush hain। yeh hain purushottam aur purushottamni। aisa uttam donon ko kisne banaaya? gaaya jaata hai oonch te oonch bhagwan hai, woh oopar mein rehte hain। manushya srishti mein oonche te oonch yeh vishwa mahaaraaja mahaaraani hain। oonche te oonch bhaarat mein raajya karte the। ab yeh raajya unhonne kaise paaya! yeh kisko pata nahin। aisa baap jo tumko itna oonch banaate hain, woh kitna meetha lagna chaahiye। unki mat par chalna chaahiye। aisa ooncha vishwa ka maalik banaane vaala baap padhaate kaise saadhaaran reeti se hain। yeh bhi tum jaante ho ki behad ka baap bhaarat mein aata hai। shiv jayanti bhi manaate hain। bhaarat ko aakar svarga banaate hain। ab smriti aai hai ki ham svargavaasi 84 janma bhog narkavaasi bane hain। phir baba aaya hua hai svargavaasi banaane। ab baap kehte hain mujhe yaad karo to tumhaari aatma tamopradhaan se satopradhaan banegi। satopradhaan banne bigar vaapis koi ja nahin sakte। nahin to saja khaani padegi। saza bhi aatma ko milti hai na। garbha jel mein shareer dhaaran karaae phir saja dete hain। bachchon ko bahut duhkh bhogna padta hai। traahi-traahi karte hain। kehte hain phir paap nahin karoonga। tum bachchon ko to garbha jel mein jaana nahin hai। vahaan garbha mahal hai kyonki paap hota nahin। yahaan raavanraajya mein paap hota hai tab to raam raajya maangate hain। parantu yeh jaante nahin raavan raajya kya cheez hai। jalaate hain to khatma hona chaahiye। phir-phir jalaate hain, goya mara nahin hai। phir yeh sab karne se phaayda kya? vo log jaakar lanka lootkar aate hain। ek jhaad ko beemaari hoti hai, usko sona samajh le aate hain। vaastav mein tum is samay raavan par jeet paate aur golden ej ke maalik bante ho। ajmer mein baikuntha ka model banaaya hai। ab tum jaante ho baba aaya hai bachchon ko phir se svarga ka maalik banaane। heere javaahron ke mahlon mein ham raajya karenge।

abhi tum bachche yogbal se nirvikaari satopradhaan bante ho। aatma sampoorn nirvikaari ban phir chali jaayegi shanti-dhaam, vahaan duhkh ki baat nahin। baba ne samjhaaya hai is naatak mein tumhaara sabse bada mukhya part hai hero heroine ka। raajya lena aur ganvaana - yeh khel hai। hero heroine tum ho। hero ka arth hai mukhya paartadhaari। tum golden ej mein pavitra grihastha aashram mein rehte the। iron ej mein apvitra grihastha vyavhaar hai। ab baba golden ej mein le jaayega। vahaan lakshmi-naaraayan sooryavanshiyon ka raajya hoga। woh punarjanma le chandravanshi mein aayenge, vriddhi hoti rahegi। ab kitne karod ho gaye hain। ab kehte hain birth kam ho। jinko ek do bachcha hoga woh thode hi banda karenge। ab tum to itla kar sakte ho ki population kam karaana yeh to baap ke oopar hai। baap jaante hain jaasti manushya honge to marenge। main aaya hoon sabko khalaas kar ek dharma ki sthaapna karne। vahaan 9 laakh honge। chhu mantra hua na। kaliyug roopi raat poori hokar din shuru ho jaayega। birth control par kitna kharcha karte hain। baap ka koi kharcha nahin। natural calamities hogi, sab khatma ho jaayega, drama mein noondh hai। woh log jo plan bana rahe hain, woh bhi drama mein noondh hai। yooropvaasi yaadav, bhaaratvaasi kaurav aur paandav। woh sab ek taraph, is taraph do bhaai-bhaai hain। bhaarat mein bhaai-bhaai hain। jo abhi kaliyug mein bhaai-bhaai hain tum ab nikal aaye ho sangam par। kaurav aur paandav ek hi ghar ke the। aatma asul mein bhaai-bhaai hai। tum aatmaon se hi pahle-pahle baba mila hai। race mein jo pahle-pahle jaate hain woh inaam lete hain। tumhaari hai yaad ki daud। yeh koi shaastra mein nahin hai। baap kehte hain mere saath yog rakho। yeh yog ki yaatra is samay hi hoti hai। yeh yaatra aur koi sikhla na sake। satayug mein na roohaani yog, na jismaani yog hota - vahaan darkaar hi nahin। yeh is samay tumhaari buddhi mein baithta hai। drama mein ek-ek second ka act samjhaaya hai, isko svadarshan chakra kaha jaata hai। vaastav mein svadarshan chakradhaari abhi tum bante ho। 84 janmon ka athva srishti chakra ka knowledge tumko hai। sva maana aatma। aatma ko yeh gyaan hai to abhi tum bachche svadarshan chakradhaari bane ho। ham tumko kahenge roohaani bachchon। svadarshan chakradhaari brahman kul bhooshan। in aksharon ka arth koi naya samajh nahin sakta। yeh alankaar tumko nahin dete hain kyonki tumse kai bhaaganti ho jaate hain। abhi tumhaari buddhi mein 84 ka chakra hai। ab number one mein jaayenge। pahle ghar jaakar phir devta banenge। phir kshatriy, vaishya, shoodra banenge। kitni samajh ki baat hai। itna bhi koi yaad kare to aho saubhaagya। baaki thoda samay hai phir ham svarga mein jaayenge। baaki shaastron mein to bahut danta kathaayen likh di hain। krishna jo sabhi ka pyaara hai, unke liye bhi likh diya hai sarpa ne dasa, yeh hua…। krishna, raadhe se bhi pyaara lagta hai kyonki murli bajaai hai। yeh vaastav mein hai gyaan ki baat। tum is samay gyaan-gyaaneshvari ho। phir padhkar raaj-raajeshvari banti ho। yeh hai em object। tumse koi poochhte hain yahaan ka uddeshya kya hai? bolo, manushya se devta banna। ham so devta the। 84 janmon baad shoodra banen, ab phir brahman bane hain, phir devta banenge। padhaane vaala gyaan ka saagar paramatma hai, na ki krishna। yeh raajayog koi bhi sikhla na sake। tum kehte ho baba ham kalpa-kalpa aapse aakar raajya-bhaagya lete hain। yeh bhi tum jaante ho। is mahaabhaari ladaai se hi svarga ke get khulne vaale hain। baba aakar raajayog sikhlaate hain to zaroor svarga chaahiye। narka khatma hona chaahiye। yeh mahaabhaari ladaai shaastron mein hai।

(khaansi aai) yeh kisko hoti hai? shivbaaba ko ya brahma baba ko? (brahma ko) yeh karmabhog hai। ant tak hota rahega। jab tak sampoorn ban jaayen phir yeh shareer bhi nahin rahega। tab tak kuchh na kuchh hota rahega, isko karmabhog kaha jaata hai। satayug mein karmabhog hota nahin। koi beemaari aadi hoti nahin। ham ever healthy-ever wealthy bante hain। sadaiv harshit rehte hain kyonki behad ke baap se varsa milta hai। phir aadhaakalpa ke baad duhkh shuru hota hai। so bhi jab bhakti vyabhichaari ho jaati hai tab duhkh jaasti hota hai, tab traahi-traahi karte hain aur phir vinaash hota hai। ab tum sammukh sunte ho to kitna maja aata hai। jaante ho yeh hamaara sachcha baap, sachcha teacher, sachcha satguru hai। yeh mahima ek hi niraakaar baap ki hai। woh hai oonche te ooncha bhagwan। us baap ko yaad karo to oonch pad paayenge। yeh koi saadhu-santa mahaatma to takhta par nahin baithta hai। kabhi paanv padne bhi nahin dete hain। baap kehte hain - main tumhaara obedient servant hoon। mujhe pair kahaan hain? tum maatha kisko tekenge? bahut gurooon ko maatha tekte-tekte tumhaari tippad hi ghis gai hai। jo bhaktimaarga mein hota hai woh gyaan maarga mein ho na sake। bhakti maarga mein kehte hain he raam... baap kehte hain yahaan koi aavaaj nahin karna hai। apne ko aatma samajh gupta baap ko yaad karna hai। he shiv..... bhi kehna nahin hai। tumko aavaaj se pare jaana hai। bachche ko andar mein baap yaad rehta hai। aatma jaanti hai ki yeh hamaara baba hai। tumko andar gupta yaad karna hai, isko ajpa yaad kaha jaata hai। jaap nahin karna hai। maala andar phero ya baahar phero। baat ek hi hai। andar pherna koi gupta nahin। gupta baat hai - apne ko aatma samajh baap ko yaad karna। woh shivbaaba yeh prajaapita brahma। tumko double engine milti hai, shrringaarne liye। inki aatma bhi shrringaar rahi hai। phir sab chalenge piyar ghar। vahaan se phir sasurghar vishnupuri mein aayenge। yeh hai double piyar ghar alaukik, vo laukik woh paarlaukik। is alaukik baap ko koi jaante nahin, tab kehte hain is daada ko kyon bithaaya hai। yeh kisko pata nahin hai ki is tan se paramatma padhaate hain। yeh bahut janmon ke ant mein poojya se pujaari bane hain। raaja se rank bane hain। baba samjhaate hain - is tan mein main pravesh karta hoon। phir bhi kiski buddhi mein baithta nahin। mandiron mein bail rakh diya hai। ab shankar to hai sookshm vatan vaasi। sookshm vatan mein bail aadi to hote hi nahin। bail arthaat mel। bhaageerath ko mel dikhaate hain। manushya to bilkul besmajh ban pade hain। baap kehte hain - raavan ne besmajh banaaya hai। khud kehte hain raamraajya chaahiye। ab raamraajya to satayug mein hota hai। kaliyug mein raavan raajya। raam aur raavan bhaarat mein hota hai। shiv jayanti bhi bhaarat mein manaate hain, raavan jayanti nahin manaate kyonki dushman hai। jayanti uski manaai jaati hai jo sukh deta hai। ab shivbaaba aakar gyaan sunaate hain aur raavan par jeet pahnaate hain। ab tum jaante ho raavan kya cheez hai! kab aate hain! accurate hisaab bataaya jaata hai। yeh baaten achhi reeti dhaaran karo। bhoolo mat। gyaan saagar ke paas baadal bankar aaye ho। bharkar varsha barsaani hai, dhaarna badi achhi chaahiye। yahaan tum sammukh baithe ho। bhaasna aati hai ham behad baap ke sammukh, ghar mein baithe hain। brahman kul bhooshan bhi hain। mama baba bhi hain। baba hamko teacher ke roop mein padha rahe hain। satguru ke roop mein saath le jaayenge। vo guru log le nahin jaate। guru ka kaam hai followers ko saath le jaana। vaastav mein woh followers bhi hain nahin। woh sannyaasi, woh grihasthi to followers kaise thahre। tum shivbaaba ko bhi follow karte ho, brahma baba ko bhi follow karte ho। jaise yeh bante hain, tum bhi bante ho। ham aatma pavitra ban baba ke paas chali jaayengi। baba kehte hain maamekam yaad karo। sachche-sachche followers tum ho।

baap kehte hain - main aaya hoon tumko le jaane ke liye। ab gyaan-chita par baitho to le jaaoonga। satayug mein lakshmi-naaraayan ka raajya tha, us samay aur sab dharma shantidham mein the। yeh baaten badi sahaj hain। baba ke followers bano। jitna pavitra banenge, achha pad paayege, nahin to saja khaani padegi। jaana to zaroor hai 21 janmon ka varsa milta hai to kyon nahin mehnat karni chaahiye। ab mehnat nahin ki to kalpa-kalpaantar nahin karenge। phir oonch pad kaise paayenge। yeh bada behad ka class hai। ek hi imtahaan hai। manushya se devta banna hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ek baap ka sachcha-sachcha follower ban poora-poora pavitra banna hai। 21 janmon ka varsa lene ka purushaartha karna hai।

2) mukh se “he shivbaaba'' bhi nahin kehna hai। aavaaz se pare jaana hai। apne ko aatma samajh andar mein baap ko yaad karna hai।

vardaan:- sthool va sookshm mein har pharmaan ko paalan karne vaale sampoorn pharmaanbardaar bhav

sthool pharmaan paalan karne ki shakti unheen bachchon mein aa sakti hai jo sookshm pharmaan paalan karte hain। sookshm aur mukhya pharmaan hai nirantar yaad mein raho va man-vachan-karma se pavitra bano। sankalp mein bhi apvitrata va ashuddhata na ho। yadi sankalp mein bhi puraane ashuddha sanskaar touch karte hain to sampoorn vaishnav va sampoorn pavitra nahin kahenge isliye koi ek sankalp bhi pharmaan ke sivaae na chale tab kahenge sampoorn pharmaanbardaar।

slogan:- baap ko jaankar dil se baba kehna yeh sabse badi visheshta hai।