शनिवार 18 दिसंबर 2021 की दैनिक मुरली

18-12-2021 praatahmurli om shanti "baapdaada"' madhuban

“meethe bachche - shreemat kehti hai padhaai par poora-poora dhyaan do, padhenge-likhenge to banenge navaab arthaat diltakhtansheen ban jaayenge''

prashn:- service ki vriddhi na hone ka kaaran kya hai?

uttar:- agar service karne vaale bachchon mein deh-abhimaan aa jaata hai, thodi bhi service ki aur nasha chadh gaya ki mainne phalaane ko gyaan diya to service vriddhi ko nahin pa sakegi। bachche yeh bhool jaate hain ki inko baba ne touch kiya hai। deh-abhimaan hi service ko badhne nahin deta isliye baba baar-baar yukti bataate hain ki dehi-abhimaani bhav।

geet:- humein un raahon par chalna hai…

om shanti। ek hai sadaiv paramdham mein rahne vaala oonche te ooncha baap। us shivbaaba ke neeche vishnu ka chitra hai। abhi tum jaante ho ki hamko shivbaaba vishnupuri ka maalik bana rahe hain। vishnu arthaat lakshmi-naaraayan। in do ka combined roop hai vishnu। yeh hamaara em object hai, kisko bhi samjhaane ke liye। buddhi mein rehna chaahiye ki baba hai niraakaar phir hamko kaise padhaaye isliye brahma ka chitra dikhaaya hai। baba hamko brahma dvaara vishnupuri ka maalik bana rahe hain। tumko yeh certain bhi hai। phir bhool jaate ho ki ham student hain, hamko shivbaaba padha rahe hain। bhaarat ko hi vishnupuri bana rahe hain। agar yeh buddhi mein rahe to kitni khushi honi chaahiye। yeh trimoorti ka chitra kitna naameegraami hai। trimoorti mein vo log brahma, vishnu, shankar ko dikhaate hain parantu shiv ko bhool gaye hain। kitni yeh bhaari bhool hai। abhi tum bachche jaante ho ki shivbaaba hamko vishnupuri ka maalik bana rahe hain aur aaye hue hain। inke bahut janmon ke ant ke janma ke bhi ant mein aakar pravesh karte hain। baba aate hi bhaarat mein hain aur bhaarat ko hi vishwa ka maalik banaate hain।

tum bachchon ko yeh nishchay hai ki har 5 hajaar varsha ke baad sangamayug mein hi aate hain। tum bachche yahaan aaye ho raajaai lene ke liye arthaat svarga ka maalik banne ke liye। yeh to tum bachchon ko maaloom hai ki bhaarat mein sirf ek hi dharma tha। us samay aur koi dharma nahin tha to kitna nasha chadhna chaahiye aur daiveegunon ki dhaarna bhi karni chaahiye। agar baap dekhte hain bachche daiveegun dhaaran nahin karte hain to kahenge na - yeh koi kambakhta hai। padhte nahin to maano apne pair par kulhaada maarte hain। baap kitna sahaj samjhaate hain। tum jaante ho ki baba raajayog sikhla rahe hain। to bachchon ko yahaan hi daiveegun dhaaran karne hain। satayug mein chalkar to nahin karenge na। jo dhaarna karte aur karaate hain unko khushi bhi bahut rehti hai। baap hai hi oonch te oonch, mool vatan mein rahne vaala। sookshm vatan vaasiyon ko devta kaha jaata hai aur yahaan hain manushya। paramatma hai sabhi aatmaon ka baap athva svarga ka rachayita। yeh gyaan bhi abhi tumko milta hai। tum jaante ho ki ham bhi pahle pattharbuddhi the। baap dvaara ham bhi paavan ban rahe hain। pahle-pahle bhaarat mein god goddess ka raajya tha। usko bhagavti shri lakshmi, bhagwan shri naaraayan ka raajya kaha jaata hai। ab woh kahaan gaye? unhon ko aisa kisne banaaya? yeh na koi bata sakenge, na yeh baaten kisko khyaal mein hi aayengi। tum jaante ho is saakaar srishti mein hi unhon ka raajya tha। abhi bhi woh bhinna naam roop se yahaan hain। yeh sab baaten jaanne se bachchon ko bahut khushi honi chaahiye ki baba hamko padhaakar aisa bana rahe hain। number one hero-heroine yeh hain। sookshm vatan mein bhi tum inhon ko dekhte ho। inhon ko bhi certain hai ki yeh ban rahe hain। knowledgeful shri shri inhon ko padhaakar aisa shri lakshmi-naaraayan bana rahe hain। tum inke bachche bhi god goddess banenge। god dvaara tum yeh god goddess ban rahe ho, praja bhi ban rahe ho parantu unko god goddess nahin kah sakte, isliye unko devi-devta kaha jaata hai। phir bhi mukhya lakshmi-naaraayan ko god goddess kah dete hain। inhonne sabse oonch purushaartha kar ye pad paaya hai। sabhi ko to bhagwan bhagavti nahin kahenge na। number one ki hi mahima gaai jaati hai sarvagun sampanna... aur koi dharma vaale ki yeh mahima nahin hai। koi aise bhi nahin kah sakte - yeh to bana-banaaya drama hai। pahle hai hi daivi gharaana phir doosre dharma vaale aate hain। tum bachchon ko bhi purooshaartha karaaya jaata hai। jinhon ka part hai vahi svarga mein aayenge, baaki sab shantidham mein chale jaayenge। ismen koi ka prashn nahin uth sakta। ab maangate bhi hain hamko shanti mile। svarga ko to woh jaante hi nahin। to baba unhon ki aash poorn kar dete hain। aur bhaaratvaasi svarga ko yaad karte hain parantu yeh nahin jaante ki svarga mein lakshmi-naaraayan ka raajya tha। ab tumhaari buddhi mein hai ki hamko bhagwan padha rahe hain - bhagwan bhagavti banaane ke liye। foreign vaale to shantidham ko svarga samajhte hain। samajhte hain god father vahaan rehte hain। tum jaante ho heaven alag hai, shantidham alag hai। tum hi heaven mein aate ho। pahle shantidham phir sukhdhaam phir duhkhadhaam phir shantidham mein jaana hai... yeh khel bana hua hai। sab aatmaayen satayug mein aayen, yeh ho nahin sakta। yeh variety dharmon vaala srishti chakra hai। pahle sooryavanshi phir doosre dharma aate hain। is drama mein farka nahin pad sakta। vahi history-geography phir repeat hoti hai parantu kaise repeat hoti hai, yeh aakar jaanna chaahiye। satayug mein tumhaara raajya tha, ab phir satayug mein jaane ke liye tumhaara kalpa pahle vaala purushaartha chal raha hai।

tum bachche har ek dharma ke aadi-madhya-ant ko jaante ho। Christian dharma kab sthaapan hota hai, kaise hota hai, kaise vriddhi ko paata hai। yeh jhaad mein saaph dikhaaya hua hai ki naye-naye jo aate hain unki kaise taal taaliyaan nikalti hain, unke kitne patte honge? bahut thode। prajaapita brahma ko great great grand father kaha jaata hai। pahle hai devi-devta dharma phir aur biraadriyaan nikalti hain। ab ant mein jhaad jadajdeebhoot avastha ko paata hai। manushyon ko is srishti roopi jhaad ka pata hi nahin। tum jaante ho yeh anaadi avinaashi drama hai, ismen ek second ka bhi farka nahin pad sakta। is jhaad ki aayu bhi accurate hai। yeh manushya srishti roopi behad ka naatak hai। yahaan ham aate hain part bajaane। yeh gyaan baba hi samjhaate hain। yeh shaastra sab bhakti maarga ke hain, aadhaakalpa bhakti maarga chalta hai। usmein ek second bhi farka nahin pad sakta। is gyaan ki praalabdha bhi accurate aadhaakalpa chalti hai, jisne jo part bajaaya hai woh bajaayenge। ab tumhaari buddhi behad ki ho gai hai। auron ki buddhi ko bhi behad mein laana hai tab hi tum behad vishwa ke maalik bante ho। niraakaari duniya mein hai niraakaar baap aur niraakaari aatmaayen sab bachche। sookshm vatan ka part to bahut thode samay ka hai। ab is saakaari duniya mein sabse number one supreme kaun hai? lakshmi-naaraayan। supreme baap hi supreme dharma ki sthaapna karte hain। aur koi bhi dharma ko tum supreme nahin kah sakte ho। abhi to sabhi tamopradhaan hain। ek baap hi hai jo ever pure hai, ever supreme hai। baaki sabko sato rajo tamo mein aana hai। ab to tamopradhaan duniya ka vinaash hona hi hai। in aankhon se jo kuchh dekhte ho - sab vinaash hone vaala hai। jab naya makaan banta hai to puraana khatma karna hi padta hai। tum bachche nai duniya ka saakshaatkaar bhi karte ho। ab puraani se dil hataani hai। geet hai na - jaag sajniyaan jaag, baap tumko arth samjhaate hain ki bachche ab nai duniya sthaapan ho rahi hai। to ab tumhaari buddhi mein smriti aa gai hai ki hamaara is drama mein avinaashi part hai, hamko phir bhi aana hai। aadi se ant tak tumhaara hi part hai। aadhaakalpa ke baad aur taal taaliyaan bhi nikalti hi rehti hain। jab taaliyaan nikalna banda ho jaayengi tab samajhna ki vahaan se aana band hai। phir yahaan se jaana shuru ho jaayega। phir yeh sab itni aatmaayen kahaan jaayengi। yeh tum bachche jaante ho, satayug mein bahut thode manushya honge। ek biraadri ki phir kitni vriddhi hoti hai। kitna bada jhaad hota hai। abhi sabhi tamopradhaan manushyon ka naatak hai athva kaanton ka jangal hai। yeh manushya srishti jhaad ekdam vinaash nahin ho jaata hai। bhal kitne bhi toofaan aayen parantu ekdam vinaash nahin hota। parivartan zaroor hota hai।

ab tum bachche kaanton se phool ban rahe ho। yeh baat bhi jab dhandhedhori mein jaate hain to bhool jaate hain, jinko dhaarna hoti hai woh saara din vichaar saagar manthan karte rehte hain ki kaise ham service karen athva kaanton ko phool banaayen। baap sabse bada dharmaatma hai, jo saadhuon ka bhi uddhaar karne vaala hai। baap jab tak saakaar mein na aaye to manushyon ka uddhaar kaise ho। baaki prerna se thode hi hoga। to baba aakar saara gyaan dekar tumko trikaaldarshi banaate hain। to tum bachchon ko kitna nasha rehna chaahiye। baba bahut yuktiyaan bataate hain ki aisi-aisi service karenge to bahuton ka kalyaan hoga। baap ko yaad karo to vikarma vinaash ho jaayenge aur chakra ko yaad karo to chakravarti raaja ban jaayenge। auron ko bhi banaate jaao। jaise padhaai se manushya barrister ban jaate hain, tum manushya se devta ban jaate ho। baba kehte hain - agar aap samaan nahin banaate to goya serviceable nahin bane ho। service kiski chhipi nahin rah sakti। tumhaara bhi ant mein prabhaav niklega। abhi to bachchon ki avastha neeche oopar hoti rehti hai। kuchh pareekshaayen aati hain to bachche murjha jaate hain। tumko bhi feel hota hoga ki aaj hamaari avastha yaad mein tikti nahin hai। dashaayen to badalti rehti hain na। brahaspati ki dasha utarti hai to ekdam neeche gira deti hai। beemaari bhi karmabhog hai jo service nahin kar sakte। abhul to ant mein hi banenge parantu sadaiv yeh nasha rehna chaahiye ki hamko parampita paramatma padha rahe hain bhagwan-bhagavti banaane ke liye। abhi agar fail hue to kalpa-kalpaantar tumhaara aisa part ho jaayega। baba bhi saakshi hokar dekh rahe hain aur apne ko bhi dekhna hai ki ham kya service karte hain। kabhi-kabhi maaya bachchon ko thappad laga deti hai। shreemat par na chalne ke kaaran maaya maar-maar kar murda bana deti hai। service bhi nahin kar paate hain। nahin to dekh bhi rahe ho ki maataayen kitni service karti hain। koi-koi to deh-abhimaan mein aakar kehte hain - hamne inko gyaan diya, yeh bhool jaate hain ki baba ne inko touch kiya hai - bachchon ka naam baala karne ke liye। deh-abhimaan hone ke kaaran jo service honi chaahiye woh nahin ho paati hai। phir kehte hain - baba bhool ho gai। baba ne samjhaaya hai bade aadmiyon ko bahut yukti se samjhaana hai। unhon se hi aavaaj niklega aur vaah-vaah hogi parantu bachchon ko ajun yog ki power bharni hai। ab baba aakar purushaartha karvaate hain phir bhi takdeer mein nahin hai to shreemat par chalte hi nahin hain। padhenge, likhenge to banenge navaab aur baba ki dil par chadhenge। dekho, sab bachche baba ko bulaate hain kyon? woh baap bhi bachchon ki dil par chadha hua hai। baap ne service kar bachchon ko kitna gul-gul bana diya hai। service karna to farja hai। magazine mein likh sakte ho phalaana mara nothing new। is drama ke raaz ko brahman samajh sakte hain। shoodra to kuchh bhi nahin samajh sakte hain। unko to sanshay aata rahega। magazine se bhi tum samjha sakte ho। woh lenge, padhenge, agar nahin samajh mein aaya to phenk denge। agar kiski takdeer mein nahin hai to tadbeer kya karenge। phir jara bhi dhaarna nahin kar paate hain। to dil bhi nahin hogi ki aise ko yeh mantra denve, isko kaha jaata hai mahaamantra, manamnaabhav। achha agar khud nahin yaad karte ho to doosron ka to kalyaan karo। ghar-ghar mein yeh paigaam do ki baap kehte hain mujhe yaad karo। patit-paavan main hi hoon। service ke liye maatha phirna chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apni buddhi had se nikaal behad mein rakhni hai। doosron ko bhi behad mein laana hai। is puraani duniya se dil hata dena hai।

2) sada khushi mein rahne ke liye dhaarna karni aur karaani hai। hamko bhagwan padhaate hain - yeh nasha rakhna hai।

vardaan:- tapasya dvaara apne vikarmo va tamogun ke sanskaaron ko bhasma karne vaale tapasveemoorta bhav

jaise abhi eeshvareey paalna ka kartavya chal raha hai aise last mein tapasya dvaara apne vikarmo aur har aatma ke tamoguni sanskaar va prakriti ke tamogun ko bhasma karne ka kartavya chalna hai। iske liye sada ekras sthiti ke aasan par sthit ho apne tapasvi roop ko pratyaksha karo। aapki har karmendriy se deh-abhimaan ka tyaag aur aatma-abhimaani banne ki tapasya pratyaksha roop mein dikhaai de।

slogan:- sanskaaron ki takkar se bachne ke liye baalak aur maalikpan ka balance rakho।