शनिवार 1 जनवरी 2022 की दैनिक मुरली

01-01-2022 praatahmurli om shanti "baapdaada"' madhuban

“meethe bachche - tumhein sada service ke khyaalaaton mein rehna hai, gyaani tu aatma banna hai, samay vyartha nahin ganvaana hai''

prashn:- jo gyaanvaan bachche hain, unki nishaani kya hogi?

uttar:- ve sada service par jute rahenge। avinaashi gyaan ratnon ka daan karne mein unhein khushi hogi। baap bhi unse raazi hoga। woh kab vaahyaat khaan-paan aadi ke khyaalaaton mein samay nahin ganvaayenge। unko kabhi rona nahin aa sakta। unhein kabhi yeh anhakaar nahin aayega ki phalaane ko hamne gyaan diya। hamesha kahenge baba ne diya।

geet:- duhkhiyon par raham karo…

om shanti। yeh to bachche abhi jaante hain ki baba ne raham kiya tha। ab phir kar rahe hain। raham karne vaala kaun hai? phir berahmi kaun? yeh barobar abhi tum hi jaante ho। baap ne raham kiya bhaarat par arthaat bhaarat ko heere jaisa banaaya, shreshthaachaari daivi svaraajya diya tha। tum ab samajh rahe ho - lakshmi-naaraayan ko raajya bhaagya kisne diya? zaroor parampita paramatma ne rachna rachi hai। devtaaon ne parampita paramatma se varsa liya hai, yeh duniya nahin jaanti। bhaaratvaasiyon ko svaraajya tha। baap ne raham kiya tha, phir raham maangate hain। berahmi kaun mila jisne duhkhi kangaal bhrashtaachaari banaaya! unki effigy varsha-varsha jalaate rehte hain। is raavan ne hi duhkh diya hai। jo duhkh dete hain va tang karte hain to unka vair lene ke liye, unki insult karne ke liye effigy banaate hain। baap kehte hain - yeh sab patit hain। khud ko patit bhi maante hain, phir eeshvar bhi maante hain। akhbaar mein daalte bhi hain ki Christ se 3 hajaar varsha pahle bhaarat paristaan tha। sabse pahle the devtaayen phir islaami, bauddhi aadi hue। bachchon ko hisaab-kitaab bata diya hai। beech mein aur bhi dharma aa jaate hain। ab bhaaratvaasi chitron ko bhi maante hain isliye yeh prashnaavli bhi banaai hai। is par samjhaana bahut sahaj hai। parantu jinmen gyaan nahin hai unko buddhu kaha jaata hai। gyaan sunkar phir auron ko sunaana hai। bhal service to aur bhi bahut hai parantu woh hui sthool service। koi commander, koi general, koi pyaade bhi hote hain। khaan-paan aadi banaana - yeh bhi seva hai, inka bhi phal avashya milta hai। samajhte hain gyaani tu aatmaon ki ham service karte hain। seva karne vaale dil par chadhte hain। sab mahima karte hain। baaki yeh zaroor hai - gyaani tu aatma baap ko ati priy lagte hain। iska matlab yeh nahin ki doosre priy nahin hain। sabki service dikhaai padti hai। baba se koi poochhe - main dil par chadha hua hoon to baba bata sakte hain। baaki jo sirf service lete rehte hain, unko kya milega? bhal raajdhaani mein aayenge parantu pad to itna nahin paayenge। tum mitra-sambandhiyon ki service bhi bahut kar sakte ho। matlab service ka khyaal rakhna chaahiye। phaaltu samay nahin ganvaana chaahiye। unhon ko baba buddhu kehte hain। baba kitni achhi points samjhaate hain। prashnaavli bhi bahut achhi hai। jagat amba hai gyaan-gyaaneshvari। raaj-raajeshvari hai lakshmi। woh hai satayug ki। yeh mahima jagat amba ki is samay ki hai। bachchon mein haddi dhaarna chaahiye। paripakva avastha chaahiye tab dil par chadhe। school mein bhi student nambarvaar dil par chadhte hain। variety hote hain। yeh points samjhaane ki bahut achhi hain। jagat amba ko dhan lakshmi nahin kahenge। yeh hai jagat amba, inko god ne knowledge di hai isliye sarasvati goddess oph knowledge gaai hui hai। is samay is naamroop mein goddess aaph knowledge hai, jis knowledge se hi phir pad paaya hai। past janma mein knowledge paai hai, tab lakshmi bani। lakshmi past janma mein jagat amba thi yeh to bilkul clear raaz hai। past, present, future kya banenge। ek-ek baat badi achhi hai। lakshmi kaise 84 janma leti hai, kahaan-kahaan leti hai, yeh samjhaane ki baate hain। samjhaane ki khushi rehti hai। daan dene mein khushi hoti hai na।

baap avinaashi gyaan ratnon ka daan dete hain to phir auron ko daan dene ki service karni chaahiye। sirf mama baba ke pichhaadi nahin padna chaahiye। service par lagna hai tab baba raazi ho। gyaanvaan service mein juta rahega। service mein nahin jutte to unko buddhu kahenge। woh samajhte ham baba ki dil par nahin hain। bahut phaaltu khaan-paan ke khyaalaat chalte hain। em object baahar mein to bahut achhi likhi hui hai। naam likha hua hai - yeh hai patit-paavan god fatherly university। baap se 21 janmon ke liye phir se health, wealth, happiness ka varsa milta hai। board par occupation poora likha hua hai। shivbaaba ka bhi chitra hai। lakshmi-naaraayan ka bhi chitra hai। em-object bhi likha hua hai, parantu samajhte kuchh nahin hain। phir poochhte bhi nahin hain। dukaan hoti hai to un par board laga hua hota hai। yeh milk ki dukaan hai, yeh phalaane ki hai। satsang par kabhi board nahin lagta hai। woh to naameegraami ho jaate hain। yahaan to board laga hua hai to 21 janmon ke liye daivi pad praapta karne ki shiksha milti hai। parantu phir bhi buddhi mein nahin baithta hai phir andar aakar poochhte hain - yahaan ka uddeshya kya hai? parantu board padhte nahin hain jo em object samajh saken। dekhna chaahiye na - kiska dukaan hai। parantu kuchh bhi nahin jaante। aadi dev ka naam bhi mahaaveer, hanoomaan rakh diya hai। parantu yeh kaun hain, kab hokar gaye hain, jaante nahin।

tum bachchon mein samjhaane ki himmat chaahiye। samjhaane vaale mein hi agar koi vikaar hoga to kisko teer nahin lagega। agar kisko teer lagta bhi hai to woh shivbaaba samjhaate hain। jinmen koi avgun hai to unki samjhaani kisko lagegi nahin। woh to baba aakar kisko drishti de, gyaan dete hain। woh aise na samjhe mainne inko bahut achha gyaan diya। mere gyaan se inmen parivartan aaya hai। yeh bhi ulta ahankaar hai। jismen rone ki aadat hai woh kisko gyaan nahin de sakte। woh to vidhva ho gai। woh kabhi nahin samjhe ki main kisko gyaan de sakti hoon। woh to baap unka kalyaan kar dete hain। roya to uski durgati hai। tum jaante ho ham harshitmukh devi-devta banne vaale hain। agar rote hain to khote karma kiye hue hain, jo dhokha dete hain। achhe-achhe bhi rote hain। phir baba ko kisko uthaana hai to khud aakar drishti de dete hain। rote hain to vidhva hain। yahaan kehte hain ham raam ke bane hain aur phir rote hain to goya unka raam mar gaya। goya raam se buddhiyog toota hua hai। bemukh hai। avastha badi achhi chaahiye। bhal koi prabhaavit hote hain parantu woh baba ki taakat se prabhaavit hote hain। baba jo bolega usmein koi galti nahin hogi kyonki baap hai hi satya। agar koi akshar nikal bhi gaya to bigdi ko banaane vaala baitha hai। ismen samajhne ki badi achhi buddhi chaahiye। baap to service par upasthit hai। unko bachchon ki bhi rakhni hai। bi.ke. kahlaate hain to madad bhi karte hain। koi koi bi.ke. aur hi nuksaan karte hain। baba bhi jaante hain to jigyaasu bhi jaante hain। inki chalan aisi hai, theek nahin hai, tab likhte hain baba inko apne paas manga lo।

tum bachchon ko to dadheechi rishi muaaphik haddiyaan deni hain। koi-koi to navaab hokar chalte hain। baap samjhaate hain - is kamaai mein bhi grahchaari baithti hain, dashaayen badalti hain। kab brahaspati ki, kab chakra ki, kab mangal ki, kab raahu ki। phir ekdam chaknaachoor ho jaate hain। baba bahut achhi-achhi points samjhaate hain। bolo, aap to bade achhe buddhivaan padhe likhe ho। board par to poori em-object likhi hui hai। em-object ko jab samjhen tab us roohaab se andar aayen। likha hua hai god father se varsa milta hai - 21 janma aur 2500 varshon ke liye। sooryavanshi aur chandravanshi raajdhaani। koi to achhi reeti samjhenge kyonki nambarvaar graahak hain na। yeh sab shivbaaba ki dukaan hai। seth ek hai। yeh dukaan to hajaaron laakhon ki andaaj mein niklenge। sannyaasiyon ke kitne dukaan hain, vilaayat mein bhi hain। vilaayat vaale samajhte hain ki bhaarat ka praacheen yog aur gyaan sannyaasi hi dete honge। parantu nahin, yeh to baap hi dete hain। manushya koi bhi yeh gyaan de na saken। parantu sirf dene vaale baap ka naam badal bachche ka naam rakh diya hai। tum siddha kar bataayenge - ki heaven sthaapan karne vaala god father hi baith samjhaate hain। pope ko bhi likhte hain - bhaarat ki yaatra par aaye parantu is yaatra ko poora samjha nahin। ab kaho to tumhaare paas kisko bhej den। yahaan to vo log aa na saken। position bahut rehta hai। yahaan to gareeb aayenge। kehte hain - Christ beggar hai। is samay ham bhi beggar hain। beggar se prince banne vaale hain। bhal kiske paas dhan bahut hai, parantu beggar hai। kehte hain Christ gareeb hai। zaroor gareebi mein hi aayenge gyaan lene। salaam to bharna hai। kayaamat ka samay hai। hisaab-kitaab chuktu hone vaala hai। number one salaam karne vaala bhi yahaan baitha hai। to woh bhi aayenge। tumhaari yeh sooryavanshi chandravanshi raajdhaani sthaapan ho rahi hai। to mukhya chitra hain lakshmi-naaraayan ka। first, second, third unhon ke chitra chale aate hain। hamaare to chitra vinaash ho jaate hain। accurate chitra thode hi koi hain। delvaada mandir mein bhi jagat amba aur lakshmi naaraayan ke chitra hain। parantu kisko pata nahin ki gyaan-gyaaneshvari so raaj-raajeshvari banti hai। zaroor uske bachche bhi honge। padhaai hai source aaph income। brahman hi padhkar devi-devta bante hain। kitna clear hai।

baap kehte hain -mujhe bachchon ka show karna hota hai। aise nahin uska phal unko milega। nahin, bachchon ko apni mehnat ka phal milega। main service karta hoon, woh to jisko drishti deta hoon, uski takdeer hai। yeh jagat amba kaun hai, kya praarabdha paai hai - in baaton ko manushya nahin jaante hain। baap samjhaate hain - meethe bachche rona bhi apasgun hai। yeh behad baap ka ghar hai na। jo khud rote hain woh auron ko kya service kar hansaayenge? yahaan to hansana seekhna hai। hansana arthaat muskaraana। aavaaj se bhi hansana nahin hai। kitni shiksha di jaati hai। points samjhaai jaati hain। din-pratidin knowledge sahaj hoti jaati hai। tumhaare mein bhi taakat aati jaati hai। achha!

meethe-meethe sikeeldhe bachchon prati maat-pita baapdaada ka nambarvaar purushaartha anusaar yaad-pyaar aur good-morning। roohaani baap ki roohaani bachchon ko namaste।

dhaarna ke liye mukhya saar:-

1) kabhi bhi apna ahankaar nahin dikhaana hai। dadheechi rishi misal seva mein haddiyaan deni hai।

2) sada harshitmukh rehna hai, kabhi bhi rona nahin hai। rona maana vidhva banna isliye muskaraate rehna hai, jor se bhi hansana nahin hai।

vardaan:- ek baap mein saare sansaar ki anubhooti karte hue nirantar ek ki yaad mein rahne vaale sahaj yogi bhav

sahjayog ka arth hi hai - ek ko yaad karna। ek baap doosra na koi। tan-man-dhan sab tera, mera nahin। aise trustee ban double light rahne vaale hi sahajyogi hain। sahajyogi banne ki sahaj vidhi hai - ek ko yaad karna, ek mein sab kuchh anubhav karna। baap hi sansaar hai to yaad sahaj ho gai। aadhaakalpa mehnat ki abhi baap mehnat se chhudaate hain। lekin yadi phir bhi mehnat karni padti hai to uska kaaran hai apni kamjori।

slogan:- mahaan aatma woh hai jo pavitrata roopi dharma ko jeevan mein dhaaran karta hai।

-hvishesh attention:-

yeh January maas ham sabke ati priy pitaashri brahma baba ki sampannata aur sampoornata ka vishesh maas hai। poora hi maas ham sab brahma vatsa vishesh shiv baap ke saath-saath brahma baap ke sneh mein samaaye hue rehte hain। baba kehte, yeh sneh mein samaana bhi samaan banna hai। bhakton ne is sneh mein samaane ki sthiti ke liye hi kaha hai ki aatma paramatma mein sama jaati hai। to aao, ham sabhi poora hi maas us lavleen sthiti mein samaane ka anubhav karen, isi lakshya se roz ki murli ke neeche lav mein leen hone ki ek vishesh point likh rahe hain, aap isi anusaar murli class ke baad roz 10 minute yog abhyaas karna ji।

lavleen sthiti ka anubhav karo

pyaar ke saagar baap ke saath milan manaate pyaar se baba kaho aur usi pyaar mein sama jaao। lagan mein magan ho jaao। yeh lavleen sthiti aur sab baaton ko sahaj samaapta kar degi।