शुक्रवार 31 दिसंबर 2021 की दैनिक मुरली

31-12-2021 praatahmurli om shanti "baapdaada"' madhuban

“meethe bachche - sada sukhi raho, jitna yaad karenge utna sukh milega, yahi baap tum bachchon ko aasheervaad dete hain''

prashn:- sangamayug par tum bachche aisa kaun sa shubh kaarya karte ho jo saare kalpa mein nahin hota?

uttar:- pavitra banna aur banaana - sabse shubh kaarya hai। pavitra banne se tum pavitra duniya ke maalik ban jaate ho। pavitra banne ki yukti baap ne bataai hai ki meethe bachche tum mujhe lav se yaad karo। dehi-abhimaani bano। aisi yukti sabko sunaate raho।

geet:- kisne yeh sab khel rachaaya…

om shanti। shivbaaba baith karke apne bachchon ko, saaligraamon ko samjhaate hain। shivbaaba ko to sab jaante hi hain। yeh bhi jaante hain ki shivbaaba ko apna shareer nahin hai। shiv ki pratima to ek hi hai। ismen koi farka nahin aata। unko dikhaate hi hain ling ke samaan। jaise manushya hain to manushya mein koi farka nahin pad sakta। aankh, naak, kaan sabko do hain। aatma koi chhipi hui cheez nahin hai। jaise manushyon ki, devtaaon ki pooja hoti hai, vaise aatmaon aur paramatma ki bhi pooja hoti hai। shiv ke mandir mein jaao to dher chhote-chhote saaligraam rakhe hue hain, jinki pooja hoti hai। manushyon ki do prakaar ki pooja hoti hai - ek to vikaariyon ki, doosri nirvikaariyon ki, usko kaha jaata hai bhoot pooja kyonki yahaan to shareer koi ka bhi pavitra hai nahin। 5 tatvon ka bana hua hai, mitti ka bana hua but (putla) hai। moortiyaan banaate hain, to bhi mitti aur paani milaate hain phir usko sukhaane ke liye dhoop chaahiye। dhoop bhi aag ka ansh hai, aage dhoop se aag jalaate the। to bachchon ko yeh pata hai ki niraakaar ki bhi pooja hoti hai। saakaar devtaaon ki bhi hoti hai, to manushyon ki bhi pooja hoti hai। devta hain pavitra, yahaan apvitra hain। baaki pooja to bhooton (5 tatvon) ki hi hoti hai। aatma kya cheez hai, yeh manushya nahin jaante। kaha jaata hai - realise your self। aatma ko realise karo। aatma hai bindi samaan। kaeeyon ne saakshaatkaar bhi kiya hai। varnan karte hain chhoti si light unse nikal hamaare mein pravesh ho gai। achha isse phaayda to kuchh bhi nahin hua। naarad aur meera bhakti mein teekhe gaaye jaate hain। bhal saakshaatkaar hote hain parantu seedhi utarni hoti hai na। phaayda alpakaal ke liye hota hai। abhi tum bachche aatma-abhimaani bane ho। jaante ho aage ham deh-abhimaani the। ab yeh hain nai baaten। aatma padh rahi hai। yeh to ekdam pakka kar dena chaahiye, baba hamko padhaate hain। yeh to pahla pakka nishchay ho jaae। aatma-abhimaani banna hai। aadhaakalpa aatma-abhimaani bante hain phir aadhaakalpa deh-abhimaani bante hain। satayug mein aatma ko yeh shuddh abhimaan nahin hai ki ham paramatma ko jaante hain। shuddh abhimaan aur ashuddha abhimaan hota hai na। kartavya bhi shubh aur ashubh hote hain। kaha jaata hai shubh kaarya mein deri nahin karni chaahiye। baap kehte hain main tumko kitna achha banaata hoon। tum pavitra bano to pavitra duniya ka maalik banoge। in jaisa shubh kaarya koi ho nahin sakta। tum paavan the। ab ghadi-ghadi baap kehte hain dehi-abhimaani bano। apne ko aatma samajh baap se poora lav rakhna hai। aatma ka sambandh hi ek baap se hai। woh baith padhaate hain। yeh practical anubhav ki baat hai। behad ke baap se ham behad svarga ka varsa le rahe hain। baap bhi kehte hain he meethe-meethe bachchon। aatmaon ko kehte hain। aatma in kaanon se sunti hai। tum samajhte ho aaj hamko kaun meethe-meethe bachche kah rahe hain? meethe-meethe bachche। baap ka bachchon par lav rehta hai na। bahut khushi se bachchon ki paalna karte hain। yeh bhi bachchon ka behad ka baap hai। aatma kehti hai ham shareer ke organs dvaara sunaata hoon। agyaan kaal mein baap bachchon ko kitna lav karte hain। jaante hain yeh vaaris hai, inhon ko ham laayak banaata hoon jisse bahut sukhi banen। achha varsa paayen। kehte hain na - bachche jeete raho, sukhi bano। aasheervaad nikalti rahegi। bachcha sadaiv sukhi ho। parantu woh to sada sukhi ho na sake। tum bachche jaante ho baba hamko aasheervaad de rahe hain - sada sukhi raho, mujhe yaad karo। baap kitna pyaar, prem, namrata se baith samjhaate hain। baap bachchon ka servant hai na। kitne bachchon ki chaakri karni hoti hai। maa mar jaati hai to baap ko sab kuchh bachchon ka karna padta hai। yeh baap kitna bachchon ko pyaar se samjhaate hain। apne pairon par khada hona hai। he aatma tumko baap se varsa lena hai। deh ka bhaan chhod apne ko aatma samjho - yeh bada bhaari sabak (paath) hai। bachche ghadi-ghadi bhool jaate hain। kehte hain baba ko yaad karna bhool jaate hain। yaad akshar bada sahaj hai। yog va neshtha aadi yeh shaastron ke akshar hain। baap kitna sahaj batlaate hain sirf yaad karo। baap ko dekhne se badi khushi honi chaahiye। hamaare jaisa baba duniya mein kisi ko nahin milta। tum jaante ho - ham aatma patit bani thi। ab baap paavan banaate hain, isliye pukaarte bhi hain he patit-paavan aao, aakar paavan banaao। baap ko yaad karne ke sivaae aur koi takleeph nahin dete hain। iska naam hi hai sahaj yaad, sahaj gyaan। yeh bhi bachche samajh gaye hain। baap sat hai, chaitanya hai। unki aatma gyaan ka saagar hai, gyaan ki authority hai। yahaan manushyon ki mahima hoti hai, phalaana shaastron ki authority hai। yahaan baap kehte hain main hi sabhi vedon shaastron ko jaanta hoon, authority hoon। bhakti maarga mein chitra bhi dikhaate hain - vishnu ki naabhi se brahma nikla। unko phir shaastra diye hain। brahma dvaara sab vedon shaastron ka saar samjhaate hain। baap sabhi baaten achhi reeti baith samjhaate hain। ab brahma to hai sookshm-vatan mein। bhagwan ho gaya mool vatan mein। ab sookshm vatan mein kisko gyaan sunaayenge। zaroor yahaan aakar sunaayenge na। yeh badi samajhne ki baaten hain। brahma dvaara sab shaastron ka saar bhagwan kahaan sunaayenge? sunaane ki baat to yahaan hoti hai।

abhi tum practical mein jaante ho - kaise bhagwan aakar brahma dvaara humein sunaate hain। bachchon ko to athaah khushi honi chaahiye। manushya 5-10 laakh kamaate hain, kitna khushi hoti hai। yahaan baap baith tumhaara khajaana bharte hain। kehte hain mujhe yaad karo to tum sone jaisa ban jaayenge। yeh bhaarat sone ki chidiya ban jaayega। jaante ho baba mool vatan se aakar brahma dvaara hamko shaastron ka saar samjha rahe hain। sab raaz samjhaate hain। us yog, tap-daan-punya aadi se mukti to koi nahin paata hai। manushya samajhte hain in sab raaston se ham mukti mein jaate hain। agar aisa hota to phir patit-paavan baap ko aane ki kya darkaar। agar woh vaapis jaane ka raasta hota to koi jaate na। duniya mein manushyon ki anek mat hain। ab bachchon ko baap ne samjhaaya hai vaapis koi bhi ja nahin sakte। baap kehte hain - main in dvaara sab vedon shaastron ka saar samjhaata hoon। isne bhi bahut guru kiye hain, padha likha hai, baap kehte hain in sabko bhool jaao। patit-paavan to parampita paramatma ko hi kahenge। woh manushya srishti ka beejroop, vrikshapti chaitanya hai। aatmaayen sab chaitanya hain। tum jaante ho ham mool vatan mein jaakar phir aayenge part bajaane। aadhaakalpa sukh ka part bajaayenge। saara madaar padhaai par hai, jitna padhenge utna oonch pad paayenge। yeh padhaai bahut oonchi hai। em object hi hai nar se naaraayan, manushya se devta banne ki। jab aadi sanaatan devi-devta dharma hai tab koi hinsa hoti nahin। vahaan vikaar ki baat hoti nahin। na koi ladaai-jhagda hota hai।

abhi tum samjhaate ho ki jab anek dharma hain to bhaashaayen bhi anek hain। sabki ek bhaasha ho nahin sakti। ab advait dharma tumhaara sthaapan ho raha hai। advait va devta ek akshar ho jaata hai। abhi tum devta dharma ke ban rahe ho। geet bhi hai na - baba ham aapse 21 janmon ke liye saare vishwa ki baadshaahi lete hain। vahaan aise koi nahin kahenge ki yeh hamaari space hai, yahaan se tum paas na karo। yahaan to ek doosre ko daraate rehte hain। baithe-baithe ladne-jhagadne ka bhoot aa baitha hai। tum bachche jaante ho ham shreemat par apni raajdhaani sthaapan kar rahe hain। ham vishwa ke maalik bante hain। ham honge bhaarat mein hi। dehli ke aas-paas hi nadiyon par honge। vahaan sadaiv bahaari mausam hoti hai, sab sukhi rehte hain। prakriti bhi satopradhaan hoti hai na। tum samajh sakte ho ham kaise daivi raajya sthaapan kar rahe hain phir se। to bachchon ko baap ki yaad mein bada khushi mein rehna chaahiye। nirantar yaad karo aur koi takleeph nahin di jaati, ismen hi mehnat hai। ghadi-ghadi baap ki yaad bhool jaati hai। deh-abhimaan mein aane se ulta kaam kar lete hain। pahla vikaar hai hi deh-abhimaan ka। yeh tumhaara bada dushman hai। dehi-abhimaani na hone ke kaaran phir kaam aadi vikaar das lete hain। bachche bhi samajhte hain manzil oonchi hai। pavitra bhi rehna hai। tum ho sachche-sachche brahman। karodon ko bhoon-bhoon karte raho। kachhue ka misaal bhi yahaan tumse lagta hai। baap samjhaate hain - bhal tum apna kaam kaaj aadi karo, office mein baitho, dekho koi graahak nahin hai to yaad mein baith jaao। saath mein chitra rakhe hon। phir tumko aadat pad jaayegi। ham baba ki yaad mein baith jaate hain। yuktiyaan to baba anek prakaar ki batlaate hain। bhakti maarga mein chitra ko yaad karte hain। yahaan yeh hai phir vichitra ki yaad। yeh nai baat hai na। apne ko aatma samajh aur baap ko yaad karo। nai baat hone kaaran mehnat lagti hai। ismen practice karni hoti hai। gyaan to mil gaya hai। yeh bhi samjhaaya hai vishnu se brahma kaise bante hain। vishnu arthaat lakshmi-naaraayan ke 84 janmon ke baad vahi brahma-sarasvati bante hain। yeh baaten aur koi shaastron mein nahin hain। aise nahin ki vishnu ki naabhi se koi brahma nikalta hai। baap kehte hain - main tum bachchon ko svadarshan chakradhaari banaata hoon। uska arth bhi tum jaante ho। yeh tumhaare akshar hi aise gupta hain jo koi copy kar na sake। aajkal copy bhi karte hain na। saphed poshdhaari bhi bahut bante hain, rees karte hain। ismen koi copy kar na saken।

abhi tum bachche samajhte ho jo ham baba se roz sammukh baith sunte hain। baahar mein bhi bachche samajhte honge - madhuban mein shivbaaba brahma dvaara murli chalaate hain। aatma hi baap ko yaad karti hai। yaad se vikarma vinaash honge kyonki jab se vikaari bane hain, paap karte hi aaye hain to janma-janmaantar ka sir par bojha hai। tamopradhaan bante jaate hain। tamopradhaan banne mein aadhaakalpa laga hai। sato rajo tamo bante aatma maili hoti hai na - khaad padne se। woh khaad zaroor nikaalni chaahiye। nahin to baap ki yaad ke sivaae aatma ud nahin sakti। maaya raavan sabke pankh kaat deti hai। yeh bhi samajh ki baat hai। moksha aadi to kisko bhi milta hi nahin। bulaate hain ham patiton ko aakar paavan banaao। bas ismen aur koi baat hi nahin। baap shiksha dete hain tum tamopradhaan se satopradhaan kaise banenge। bachchon ko likhte bhi rehte hain। bachche tum baap ko bhoolne se tamopradhaan bane ho। ab baap ko yaad karo to satopradhaan banenge। satopradhaan vishwa ka maalik banne ke liye baap ko yaad karo। tumhaari aatma mein 84 janmon ka gyaan hai। 84 ka chakra poora kiya hai। aatma mein kitna bhaari part bhara hua hai। yeh wonder lagta hai। itni chhoti aatma mein kitna part bhara hua hai। aatma kehti hai ham 84 janma lete hain। yeh bhi abhi tumko samajh mili hai। manushya to kuchh bhi nahin jaante hain। baap abhi samjha rahe hain - tum aatmaayen 84 janma bhogti ho। ek shareer chhod doosra leti ho। punarjanma lete-lete seedhi neeche utarte aaye hain। ab phir satopradhaan bankar raajya karna hai to kitni khushi honi chaahiye। baba hamko behad ka varsa kalpa-kalpa dete hi hain। tum bachchon ko ab pahchaan mili hai। tum jaante ho ham maala ke daane bante hain jo phir nambarvaar raajya karenge। vahaan ke raajdhaani ki jo rasam-rivaaj hogi vahi phir repeat hogi। unke liye phaaltu khyaalaat karne ki darkaar hi nahin hai। yeh kaise hoga, kya hoga। jaise raajya kiya hoga vaise karenge। woh saakshi ho dekhna hai। chintan karne ki darkaar nahin ki kya hoga। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shubh kaarya mein deri nahin karni hai। pavitra ban baap se poora varsa lena hai। apne ko laayak banaakar apne pairon par khada hona hai। ek baap se poora lav rakhna hai।

2) kaam-kaaj karte, ek vichitra baap ko yaad karna hai। koi bhi vyartha khyaalaat nahin karne hain। satopradhaan banna hai। apaar khushi mein rehna hai।

vardaan:- shreshtha mat ke aadhaar par maayaavi sangadosh se pare rahne vaale shakti swaroop bhav

bachchon ki ek complain rehti hai ki sambandhi nahin sunte, sang achha nahin hai, is kaaran shaktishaali nahin ban sakte। lekin shreshtha mat ke aadhaar par gyaan swaroop, shakti swaroop ke vardaani ban apni sthiti ko achal banaao। saakshi hokar har ek ka part dekho। apne satoguni part mein sthit raho। sada baap ke sang mein raho to tamoguni aatma ke sang ke rang ka prabhaav pad nahin sakta।

slogan:- karmayogi woh hai jo karma ke kalpa vriksha ki daali par baith karma karte bhi upraam sthiti mein rahe।