बुधवार 5 जनवरी 2022 की दैनिक मुरली

05-01-2022 praatahmurli om shanti "baapdaada"' madhuban

“meethe bachche - tumhein abhi naya jeevan mila hai, puraana jeevan badal gaya hai kyonki tum ab eeshvareey santaan bane ho, tumhaari preet ek baap se hai''

prashn:- brahman jo devta banne vaale hain, unki mukhya nishaani kya hogi?

uttar:- woh brahma ki mukh vanshaavli brahman sabhi ek mat vaale honge। unmein kabhi matbhed nahin ho sakta, aapas mein phoot nahin pad sakti। laukik mein jo brahman kahlaate unmein to anek maten hoti hain। koi apne ko pushkarni kahlaate, koi saarsiddha। tum brahman ek baap ki mat se devta bante ho। devtaaon mein bhi kabhi phoot nahin padti।

geet:- jis din se mile ham tum…

om shanti। jab jeev aatmaayen aur paramatma athva bachche aur baap milte hain to nai preet ho jaati hai kyonki aur sang preet toot jaati hai। jaise kanya ki pahle to piyar ghar se preet hoti hai। sagaai hone se nai preet jutti hai। unke liye saara sasur ghar naya hota hai। nai duniya ki nai preet jutti hai to saare naye parivaar se preet jut jaati hai। ab gaayan bhi hai - aatmaayen paramatma alag rahe bahukaal.... yeh sundar mela hai naya। yeh ghar naya, yeh sambandh naya। tum jaante ho - ham hain brahmaakumaar aur brahmaakumaariyaan। shoodra kumaar aur kumaariyaan ab nahin hain। brahma aur brahmaakumaar kumaariyon ka aapas mein kitna lav hai kyonki yeh ho gaye eeshvareey santaan। eeshvar to hai niraakaar। unke saath lav to saakaar mein chaahiye na। niraakaar ko kaise lav karenge। aatma shareer se alag ho jaati hai to lav nahin hota। aatma aur paramatma jab saakaar mein milen tab lav ho। niraakaar roop mein bhal gaate rehte hain -tum maat-pita.. tum aao to tumhaari kripa se hamko sukh ghanere milen। patit-paavan aao... gaate hain na। barobar bhaarat mahaan tha to athaah sukh tha। uska naam hi tha sukhdhaam, yeh hai duhkhadhaam aur jahaan aatmaayen rehti hain woh hai shantidham। vahaan to aatmaayen pavitra hi rehti hain। apvitra koi aatma rah nahin sakti। tumko ab baap mila hai to naya jeevan mila hai। puraana jeevan badal ab naya jeevan bana rahe hain। apne baap se behad sukh ka varsa le rahe hain। sukh ghanere bhaarat mein hi hote hain - svarga mein। aur shanti ghaneri hoti hai nirvaandhaam mein, jahaan tumhaara aur hamaara ghar hai। to samjhaana chaahiye ham aatmaayen shantidham ki rahne vaali hain। baap bhi vahaan ka rahne vaala hai। woh hamaare muaaphik janma-maran ke chakra mein nahin aate hain। hai woh bhi aatma, parantu param aatma hai, paramdham mein rahne vaale hain। ham aatmaayen bhi paramdham mein rahne vaale parampita paramatma ke bachche the। ghar to ham sabka vahi hai। ghar bhi sabko yaad hai। koi marta hai to kehte hain phalaana paar nirvaan gaya। woh hai vaani se pare sthaan। soorya chaand ki jahaan gam nahin, ham vahaan ke rahvaasi hain। ab baba ko yaad karte rehte hain। jab baap aate hain to nai baaten phir se sunaate hain। manushya is drama ko jaan jaayen to bolen - ham jo kadam uthaate hain second by second naya hai। behad ka drama phirta rehta hai। to baap aakar nai baaten sunaate hain। tum bachchon ko trikaaldarshi, trinetri bana raha hoon। baap brahmaanda ka maalik hai to triloki ka bhi maalik hai na kyonki teenon hi lokon ki knowledge dete hain। tum triloki ke maalik nahin bante ho। tum vishwa ke maalik mahaaraaja-mahaaraani bante ho। triloki arthaat teenon lokon ko jaana jaata hai। maalik to ek lok svarga ka bante ho। to yeh hain nai-nai baaten। baba ke bachche bante hi hain varsa lene ke liye। koi ko bhi yeh samjhaana bada sahaj hai। poochho bhagwan se tumhaara kya sambandh hai? bhagwan to hai svarga ka rachayita। maat-pita hai। bhagwan ko kabhi narka athva duhkhadhaam ka rachayita nahin kahenge। parampita paramatma brahma dvaara svarga ki sthaapna karte hain। zaroor nai duniya svarga hi rachenge। paramatma brahma dvaara pahle brahman dharma rachte hain, unko raajayog sikhlaate hain jo phir brahman se devta bante hain। to brahma dvaara brahman phir vishnu dvaara daivi dharma hoga। is samay tum brahman bankar phir kshatriy bhi bante ho। vishnu dharma mein jaate ho। abhi eeshvareey dharma athva brahman dharma mein aaye ho phir bhavishya daivi dharma mein jaayenge। brahman dharma bhi chaahiye na। prajaapita brahma dvaara mukh vanshaavli brahman rache, woh thahre bachche। sannyaasi bhi mukh se rachte hain। parantu woh bachche nahin rachte, woh followers rachte hain। unko vansh nahin kaha jaata। mukh se kehte hain tum hamaare followers ho। vansh ko to varsa mile। yeh to tum bachche jaante ho din-pratidin brahma mukh vanshaavli ki vriddhi hoti jaayegi। bi.ke. bahut hote jaayenge। jitne devtaayen banne honge, utne brahman zaroor banenge। parampita paramatma brahma dvaara manushyon ko brahman so devta banaate hain, to zaroor svarga ke maalik honge। unke liye hi gaayan hai manushya se devta.. to yeh baba aakar nai-nai baaten sunaate hain। nai duniya ke liye nai baaten hone kaaran shaastron mein kahaan bhi yeh baaten nahin hain isliye manushya moonjhate hain।

tumhaari yeh hai eeshvareey sampradaay। parantu jo eeshvareey santaan bankar phir eeshvar ko phaarakti de dete woh phir aasuri sampradaay ban padte hain। ek baari mama baba kaha, gyaan suna to unko varsa zaroor milega। mama baba kehte rehte hain। likhte bhi hain pitaashri, maateshvari। prajaapita brahma to mashhoor hai na! shivbaaba bhi naameegraami hai। aatma kehti hai god father। baap kehte hain - main pahle-pahle prajaapita brahma ko adopt karta hoon। yeh brahma ki adoption sab brahman hain। to nai rachna hui na। zaroor bahut honge। itne sab vish se thode hi paida ho sakte। gaaya bhi jaata hai prajaapita brahma aur jagdamba। brahma bhi ek, vishnu bhi ek, lakshmi-naaraayan bhi ek, jagdamba bhi ek hoti hai। in hi features vaala phir kabhi nahin dekhenge। har ek manushya phir kalpa baad hi usi features mein dekha ja sakta hai। yahaan to ek hi ko bahut features mein bana dete hain। yahaan bahuton ke naam raadhekrishna hain। parantu samajhte thode hi hain। raadhe-krishna to svarga ke first prince, princess ka naam hai। ham to patit hain, ham kaise yeh naam rakh sakte hain। to shivbaaba yeh nai-nai baaten sunaate hain, nai duniya ke liye yeh nai baaten, naya gyaan hai। baap kehte hain - hamne hi kalpa pahle bhi nai baaten sunaai thi। ab phir suna rahe hain। tum abhi sun rahe ho। tum devi-devta ban jaayenge to phir yeh gyaan khalaas ho jaayega। itni oonchi chadhaai hai। yeh bhi gaaya hua hai aashcharyavat apne baap ke bananti, sunanti, auron ko sunaavanti phir bhi aho maaya bhaaganti ho jaate hain। phir kisko yeh kah bhi nahin sakte ki bi.ke. ke paas chalo। yeh bhi drama mein noondh hai। nothing new। bahut aate aur jaate rahenge। bhatthi mein baithe hue bhi maaya se haarkar bhaaganti ho gaye। svarga mein to aayenge jaisa purushaartha kiya hai vaisa pad paayenge। apne liye va apne sambandhi aadi ke liye koi poochhe to bata sakte hain। khud bhi samajh sakte hain ki is haalat mein kya pad hoga! baap baith samjhaate hain - dehli mein sab dharmon ki conference hoti hai, ab conference karte hain ki srishti par shanti kaise sthaapan ho ya aapas mein milkar ek kaise ho jaaen! ek to ho na saken। religious head ki conference hai parantu unko to pata nahin hai ki dharma nambarvaar kaise hain। pahla number dharma kaun sa hai? religious heads maana jis-jis ne dharma sthaapan kiya woh heads aayen। jaise chief ministers ki conference hoti hai to usmein collector va judge aadi nahin aa sakte। governors ki aapas mein conference hogi to governors hi aayenge। haan karke governor apne private potri aadi ko saath mein le aayen। vichaar karna chaahiye ki yeh sab dharma nambarvaar kaise sthaapan hote hain? sabse bada dharma kaun sa hai? aadi sanaatan to devi-devta dharma hi tha। us dharma ka head kahaan? woh dharma kisne sthaapan kiya? krishna to abhi hai nahin। nahin to phir krishna ko maanne vaale chaahiye। woh hain vallabhaachaari। to zaroor hamaara devi-devta dharma tha, woh phir hindu dharma kah dete hain। parantu hindu dharma to hai nahin। devta dharma ka bhi abhi koi hai nahin। to dharmon ke heads aane chaahiye। saath mein bhal potri aadi ko bhi le aayen। mukhya dharma to hain hi 4, unke heads chaahiye। devi-devta ka head kaun? gaate to hain goddess aaph knowledge sarasvati, prajaapita brahma ... to zaroor yahi bade honge। woh bhi samjhenge brahma se brahman dharma hua। parantu yeh nahin jaante ki yeh braahmanon ko kaise padhaakar devta banaate hain। woh brahman log bhi kehte hain। ham brahma ki santaan hain parantu kaise paida hue, yeh nahin jaante। phir braahmanon mein bhi koi pushkarni, koi saarsiddha, koi kaise hain। yahaan to brahma ke bachche brahman hi brahman hain aur koi phoot inmen padti nahin hai। doosre braahmanon mein phoot padti hai, inmen nahin। na kabhi devtaaon mein phoot padti hai। sooryavanshi sab sooryavanshi, matbhed ki baat nahin। phoot mein kitna nuksaan ho jaata hai। to baap se tum yeh nai-nai baaten sunte ho na। koi geet nahin gaate hain, knowledge dete hain naye prakaar ki। saare srishti chakra ki knowledge dete hain jo dhaaran karni hai। aisa jo baap teacher guru, unko phaarakti de padhaai thode hi chhod deni chaahiye। padhaai chhodi goya baap ko chhoda, student nahin to bachche bhi nahin। baap ko chhoda goya varse ko ganvaaya। patit-paavan ek hi baap hai।

baap kehte hain - ab kayaamat ka samay hai, sabko vaapis jaana hai - hisaab-kitaab chuktu kar। sona aag mein daalte hain, to pure ho jaata hai। ab aag to saari duniya ko lagni hai parantu is aag mein paavan nahin ho sakenge। ismen yogbal ki baat hai ya to phir sajaayen khaakar shareer chhodenge, hisaab-kitaab chuktu hoga। paap ka hisaab-kitaab chuktu kar phir paavan hokar vaapis jaana hai। vaapis jaane ka bhi samay yeh hai। mahaabhaarat ki ladaai bhi hai। holi bhi manaate hain। raavanraajya khatma ho jaana hai phir raamraajya mein to bahut thode hote hain। abhi raavanraajya mein to bahut hain। yeh sab aatmaayen kahaan jaayengi? zaroor liberator bhi chaahiye। baap kehte hain - main sabko le jaaoonga, sabki jyoti jagaakar le jaaoonga। phir unhon ko apna-apna part bajaana hai। tum jaante ho ham devi-devta dharma mein aayenge। muktidhaam mein jaakar phir vaapis chale aayenge। 84 janma bhogenge। sooryavanshi, chandravanshi.. banenge। saara chakra buddhi mein aa gaya hai। aatma bata sakti hai ki aao to ham aapko shivbaaba ka occupation bataayen। bachchon ke sivaae to koi bata na sake। woh kahenge paramatma to niraakaar hai, unka phir occupation kya bataayenge! are woh patit-paavan hai to zaroor paavan banaane unko aana hai na। kaise raajayog sikhlaate hain, brahma dvaara kaise devi-devta dharma ki sthaapna hoti hai, woh ham bata sakte hain। to baba baith sab baaten samjhaate hain, bachchon ko hi samjhaayenge। kalpa pahle jinhonne padha hai woh padhte hain, nahin padh sakte to bhaaganti ho jaate hain। nai baat nahin। phir bhi baba ka hamesha bachchon par lav rehta hai। bichaara phir bhi aakar baap se poora varsa le। parantu takdeer mein nahin hoga to kya kar sakte? baap ka to lav hai na kyonki bhakti maarga mein bhi baap ko bahut yaad karte hain। jo bhi devi-devta dharma vaale honge woh zaroor yaad karte honge। aadhaakalpa khoob yaad karte hain। aatma ne sukh paaya hai to duhkh mein baap ko yaad karegi। woh jaasti bhakti kar pujaari se phir poojya bante hain। jo devi-devta the, unka hi sapling lag raha hai।

to conference aadi jab kahaan bhi hoti hain to usmein mukhya dharma vaalon ko bulaana pade। bi.ke. ko bulaayen to woh poori raay denge। prajaapita brahma ke bachche brahmaakumaar kumaariyaan hi poori raay de sakte hain ki kya karna hai। tum pees chaahte ho parantu pees to nirvaandhaam mein hi hoti hai। abhi to duhkhadhaam hai, anek dharma hain। ek dharma tha to sukh-shanti sab kuchh tha। abhi yeh vinaash to zaroor hoga, ismen to khush hona chaahiye, svarga ke get khul rahe hain। aise-aise bachchiyon ko samjhaana pade। samjha। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kabhi bhi baap ko va padhaai ko chhod varsa nahin ganvaana hai। ek mat ho rehna hai।

2) sazaaon se chhootne ke liye yogbal se puraane sab hisaab-kitaab chuktu karne hain।

vardaan:- trustee pan ki smriti se nimitta samajh har kaarya karne vaale double light bhav

nimittapan ka bhaav bojh ko sahaj khatma kar deta hai। meri jimmevaari hai, mere ko hi sambhaalna hai, mere ko hi sochna hai....to bojh hota hai। jimmevaari baap ki hai aur baap ne trustee arthaat nimitta banaaya hai is smriti se double light ban udti kala ka anubhav karte raho। jahaan mera hai vahaan bojh hai isliye kabhi kisi bhi kaarya mein jab bojh mahsoos ho to check karo ki kahin galti se tere ke bajaae mera to nahin kehte।

slogan:- har bol mein aatmik bhaav aur shubh bhaavna ho to koi bhi bol vyartha nahin ja sakta।

lavleen sthiti ka anubhav karo

jaise koi saagar mein sama jaae to us samay sivaay saagar ke aur kuchh nazar nahin aayega। aise aap bachche sarva-gunon ke saagar mein sama jaao। baap mein nahin samaana hai, lekin baap ki yaad mein, sneh ke saagar mein sama jaana hai।