मंगलवार 8 फ़रवरी 2022 की दैनिक मुरली

08-02-2022 praatahmurli om shanti "baapdaada"' madhuban

“meethe bachche - ek baap hi hai jiski aparmaapaar mahima hai, baap jaisi mahima aur kisi ki bhi ho nahin sakti''

prashn:- tum bachchon ko is padhaai ka bahut-bahut kadar hona chaahiye - kyon?

uttar:- kyonki saare kalpa mein ek hi baar baap paramdham se padhaane ke liye aate hain। manushya padhne ke liye bhaarat se videsh mein jaate, yeh koi badi baat nahin। yahaan to padhaane vaala kitni door se aata hai। to bachchon ko padhaai ka bahut kadar hona chaahiye। thodi dikkat bhi ho to harja nahin। tumhaare school gali-gali mein banne chaahiye, nahin to itne sab padhenge kaise! baba ka parichay to sabko milna hai zaroor।

om shanti। meethe-meethe bachche kehte hain yeh kaun hai? yeh koi saadhu-sannyaasi manushya to nahin hai। yeh to aur cheez hai। manushya ko to jhat pahchaan len phalaana saadhu sannyaasi hai, naam lekar kahenge - phalaana mahaatma hai। yeh sirf bachche jaante hain। bachcha kaha jaata hai aatma ko। aatma hi sab jaanti hai, shareer nahin। aatma hi kehti hai yeh phalaana hai। organs dvaara jaanti hai। agar aatma na ho to yeh okhe kaam na kar saken। sab kuchh aatma hi jaanti hai।

abhi tum bachchon ko aatma-abhimaani banaaya jaata hai। aatma kehti hai in karmendriyon se phalaana kartavya karta hoon। vaastav mein aatma ko mel kaha jaayega, female nahin। mel hai kyonki ham sab bhaai-bhaai hain। abhi tum nai baaten sunte ho। yeh kaun aaya? unka koi apna manushya ka roop nahin hai। tum jaante ho behad ka baap hai shivbaaba, jo inke dvaara samjhaate hain। aise nahin phalaana sannyaasi hai, unki aatma bolti hai। nahin, manushyon ka saara naam roop mein attention jaata hai। tumhaari buddhi samajhti hai - yeh hamaara behad ka baap hai। woh shareer dvaara hamko apna varsa dete hain। raajayog sikhlaate hain। yeh hai sabka baap। sarva ka patit-paavan, sirf manushyon ka nahin, 5 tatvon ka bhi hai। sarva ki sadgati karne vaala hai oonche te ooncha baap। srishti mein mahima karne laayak hai to ek baap hi hai, doosra na koi। na brahma, vishnu, shankar ki mahima kar sakte hain। unka birth de manaakar kya karenge! lakshmi-naaraayan jiska combined roop vishnu hai - abhi woh kahaan hai? lakshmi-naaraayan punarjanma lete-lete abhi antim janma mein hain। phir shivbaaba laayak bana rahe hain। sarva ka sadgati daata woh ek hi hai। mahima bhi ek ki hai। us patit-paavan bigar dekho srishti ka kya haal ho gaya hai। krishna ke bhakton se poochho raadhe krishna kahaan hain to kahenge sarvavyaapi hai। raadhe ke pujaari kahenge raadhe hi raadhe hai। hanoomaan ke pujaari kahenge - jidhar dekho hanoomaan hi hanoomaan। parantu nahin। baap apni mahima to nahin karenge। apne part se siddha karte hain aur koi ki mahima gaai nahin ja sakti। lakshmi-naaraayan hi raajaai karte hain, chhotepan mein raadhe krishna hain। woh to hai praalabdha। to unki mahima kya karenge। brahma ki bhi mahima nahin, vishnu ki bhi koi mahima nahin। mahima to ek ki hi hai। unko hi patit-paavan kaha jaata hai। abhi tum bachche jaante ho ki vishnu kaun hai! vishnu ko svadarshan chakra sookshm vatan mein kyon dikhaate hain? manushya ko to jaasti bhuja hoti nahin। sookshm vatan mein bhi 4 bhuja dikhaai hain - pravritti maarga ko siddha karne ke liye।

baap kehte hain meethe bachche - ab tum jaan gaye ho 84 janma ham kaise lete hain। tumhaara grihastha vyavhaar pavitra tha। mandiron mein jaakar gaate hain na sarvagun sampanna… tum maat pita... ab yeh mahima phir wrong ho jaati hai। yeh mahima hai sirf ek ki। devtaaon ki nahin hai। jo kuchh mahima hai so ek ki। woh hai parampita param aatma। param baap, param teacher, param satguru akaal kehte hain na। unko yaad karte hain, vahi akaalmoorta hai। shivbaaba ko bail par dikhaate hain। woh phir akaal takhta dikhaate hain, ab yeh to koi ko pata nahin hai shivbaaba kya hai! mandir mein jo rakhte hain woh unka ansh hai। woh to hai gyaan saagar patit-paavan। unko to manushya ka tan chaahiye na। tum bachche jaante ho ki unka takhta yeh brahma hi hai। dharma sthaapkon ki kya mahima hai। woh to sirf aakar dharma sthaapan karte hain। woh koi jeevanmukti nahin dete। manushya kehte hain moksha mile, phir aayen hi nahin। woh dharma sthaapak to apne dharma vaalon ko neeche le aane ke nimitta bante hain। unko to aakar apna dharma sthaapan karna hai। drama ka part hai। jo bhi aate hain unko punarjanma lena hi hai, yeh to sthaapna baap karte hain, woh sabka patit-paavan hai aur koi paavan nahin banaate hain। woh to aate hain apna-apna part bajaate hain। sato rajo tamon mein aana hi hain unhon ne dharma sthaapan kiya, bas। jo shiksha di phir uske shaastra banen। jo dharma sthaapan karte hain unko phir paalna zaroor karni hai। vaapis koi jaata nahin। sabhi is samay bhinna-bhinna naam roop mein yahaan patit duniya mein hain। pahle number mein lakshmi-naaraayan dekho। woh bhi ab yahaan hain। prajaapita brahma dvaara brahman rachte hain। phir yeh jaakar raadhe krishna banenge। jab tak shiv-baba na aaye tab tak koi paavan ban na sake। balihaari us ek ki hai। unki hi mahima hai। kehte bhi hain - shivaae namah, tum maat-pita...sab yaad karte hain। sabse jaasti mahima us baap ki hi hai। pukaarte bhi hain O god father, baap ko hi pukaarte hain। yeh naatak bana hua hai। jab srishti puraani hoti hai tab baap aate hain। mool vatan, sookshm vatan, sthoolavtan teenon lokon ka gyaan dete hain। gyaan ek hi baar milta hai। unko gyaan ka saagar kaha jaata hai। baaki yeh soorya chaand aadi to behad maandave ki roshni dene vaali battiyaan hain। woh raat, woh din, yeh maandave ki battiyaan hain। aise nahin ki soorya devta namah kahenge। nahin, devtaayen to brahma vishnu shankar hain। koi mool vatan se aatmaayen yahaan aati hain to seedha garbha mein jaati hain, sookshm vatan mein nahin jaati। seedha satayug mein aayengi garbha mahal mein। vahaan to koi paap karma hote nahin। yahaan paap karte hain tab traahi-traahi karte hain। dharmaraaj humein baahar nikaalo phir ham paap nahin karenge। baahar nikalne se phir paap karne lag padte hain। vahaan ki vahaan rahi... yeh bhi drama mein hai। bhaarat ka sabse bada dushman raavan hi hai, dvaapar se raavan raajya shuru hota hai। dvaapar mein hi devi devtaayen vaam maarga mein jaate hain। unhon ka phir mandir hai। puri mein dekho kaisa mandir bana hua hai। andar jagat naath ki moorti hai aur baahar mein devtaaon ke bade gande chitra hain। aise-aise chitra mandir mein nahin hone chaahiye। tum to abhi shreemat par shreshtha banne ka purooshaartha kar rahe ho। satayug aadi mein lakshmi-naaraayan shreshtha hain na। unhon ne yeh shreshtha pad kaise paaya। ab tum phir se padh rahe ho। baap kehte hain main kalpa-kalpa, kalpa ke sangamayuge phir se aata hoon, aata hi rahoonga। phir se tum bachchon ko raajayog sikhlaaoonga। phir sato rajo tamon mein aana hai। tumko 84 janma bhogna padta hai, jo pahle-pahle aate hain। sab nahin bhogte। 84 laakh to hain nahin। manushyon ko jo kuchh koi ne kaha, woh sat-sat kehte rehte hain। agar 84 laakh janma hon to kalpa ki aayu badi ho jaae। baap kehte hain 84 janma hain, so bhi devi devtaaon ke। achha phir islaami, bauddhi, Christian aadi kitne janma lete honge। hisaab hai na। aate to bahut hain, taal taaliyaan hain। tum saare srishti ke aadi madhya ant ko jaante ho। bhaarat hi pahle number vishwa ka maalik tha, aur koi dharma tha hi nahin। abhi us devi-devta dharma ki taang hai nahin। unka shaastra bhi nahin hain। yeh geeta aadi shaastra phir banenge। aise nahin tum jo sachchi geeta banaate ho, woh hogi। niklegi phir bhi vahi geeta। bhakti maarga ke liye to sab chaahiye na। brahma dvaara samjhaate hain bachchon ko। ab barobar brahma dvaara bhagwan ki praapti hoti hai। baba kehte hain yeh sab hai bhakti maarga। meri praapti tab hoti hai jab main yahaan aata hoon bhaarat mein। bhaarat hi avinaashi khanda hai। bhaarat hi kitna saahookaar tha। somnaath ka mandir kitna bada hai। sab loot le gaye। bidla ke paas bahut paise hain to kitne bade mandir banaaye hain। baap kitna achhi reeti samjhaate hain, yeh aur koi samjha na sake। gyaan saagar baap jab bachchon ko samjhaate hain tab bachche samajh jaate hain। yeh kaun padhaate hain? yeh koi sannyaasi nahin। unka naam hi hai shiv। sab aatmaayen unke bachche hain। unhon ke shareeron ke naam badalte rehte hain। inka naam hi hai ek। kehte hain mera koi doosra naam nahin hai। tum to janma-maran mein aate ho, deh-abhimaani bhi bante ho। main kabhi deh-abhimaani nahin banta hoon। baap hai hi for ever dehi-abhimaani kyonki punarjanma mein nahin aate hain। shivraatri manaate ho na। parantu raatri ka arth kuchh bhi samajh nahin sakte hain। kitni bhoolen hain। abhi hai raat, phir din hona hai। ab kalpa ka ant arthaat raat hui hai। satayug treta hai din। dvaapar kaliyug hai raat। mujhe aana hi hai sangam par। yeh hai behad ki raat aur din। bhagvaanuvaach, samjhaate ho yeh vela mukhya hai। parantu shivbaaba ki vela nahin le sakte। woh kab aate hain, pata thode hi lagta hai। to yeh hai behad ki din aur raat, isko kalpa ka sangam kahenge। birth de bhi agar manaate hain to ek ka। shivbaaba aate hain phir chale jaate hain। unka na janma hai aur na hi maut hai। kahenge baba chala gaya, yeh khel hai। baap baith samjhaate hain, gaate bhi hain raaste chalte brahman phans gaya। is baba ko thode hi pata tha। achaanak praveshta ho gai। pahle thode hi maaloom padta hai। dheere-dheere maaloom padta hai ki yeh baba ka kaam hai। is gyaan yagya se vinaash jvaala prajvalit honi hai। behad ke yagya mein behad ki saamagri svaaha honi hai। behad baap ka yeh yagya hai। inke baad phir koi yagya nahin racha jaata hai। bhakti maarga hi khalaas ho jaata hai। yeh knowledge buddhi mein rakhni chaahiye। padhaai padhne ke liye aana pade। thodi dikkat (takleeph) hoti hai। manushya padhne ke liye bhaarat se london America bhi jaate hain। yeh to kya hai। baap kehte hain main kalpa, kalpa, kalpa ke sangam yuge-yuge paramdham se padhaane ke liye aata hoon, to bachchon ko kitna kadar hona chaahiye। aage chalkar tumhaare school gali-gali mein banenge। nahin to sab padhenge kaise। baba ka parichay sabko milna chaahiye। baap ko zaroor jaanenge। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shreemat par sada shreshtha banne ka purooshaartha karna hai। padhaai ke liye bahaana nahin dena hai। padhaai padhni zaroor hai।

2) jaise aadi mein pavitra grihastha aashram tha, aise abhi apna pavitra grihastha aashram banaana hai। balihaari ek baap ki hai, uska hi gungaan karna hai।

vardaan:- har khajaane ko sva prati aur sarva prati kaarya mein lagaane vaale anubhvi moorta bhav

samaane ki shakti ko dhaaran kar sarva khajaanon se sampanna ban unhein sva ke kaarya mein athva anya ki seva ke kaarya mein use karo। khajaanon ko use karne se anubhvi moorta bante jaayenge। sunna, samaana aur samay par kaarya mein lagaana - isi vidhi se anubhav ki authority ban sakte ho। jaise sunna achha lagta hai, point badi achhi shaktishaali hai, aise use use karke shaktishaali vijayi ban jaao tab kahenge anubhvi moorta।

slogan:- gunvaan use kaha jaata - jo glaani karne vaalon ko bhi gun maala pahnaata chale।