शुक्रवार 18 फ़रवरी 2022 की दैनिक मुरली

18-02-2022 praatahmurli om shanti "baapdaada"' madhuban

“meethe aagyaakaari bachche - tumhein sada ateendriy sukh mein rehna hai, kabhi bhi rona nahin hai kyonki tumhein abhi oonche te ooncha baap mila hai''

prashn:- ateendriy sukh tum gop gopiyon ka gaaya hua hai, devtaaon ka nahin - kyon?

uttar:- kyonki tum abhi eeshvar ki santaan bane ho। tum manushya ko devta banaane vaale ho। jab devta ban jaayenge tab phir utarna shuru karenge, degree kam hoti jaayegi isliye unke sukh ka gaayan nahin hai। yeh to tum bachchon ke sukh ka gaayan karte hain।

geet:- mujhko sahaara dene vaale…

om shanti। yeh ek ne kaha ya do ne kaha? kyonki baap bhi hai to daada bhi hai। to yeh om shanti kisne kaha? kehna pade donon ne kaha kyonki tum jaante ho do aatmaayen hain। ek aatma hai, doosri param aatma hai। in sabko jeev aatma kaha jaata hai। tum aatmaayen bhi yahaan part bajaane aaye ho। doosre dharmo ki baat hi nahin। baba bhaarat mein hi aate hain। bhaarat hi birth place hai। shiv jayanti bhi manaate hain, parantu woh kab aur kaise aate hain, yeh kisko bhi pata nahin hai। shiv to niraakaar ko kaha jaata hai। unki pooja bhi hoti hai। shiv jayanti bhi manaate hain। jo past ho gaya hai, woh manaate hain। parantu jaante nahin ki woh kab aaye, kya karke gaye। ab tum bachchon ko to sab kuchh pata hai। tum koi se bhi poochh sakte ho ki yeh kiski raatri manaate ho? mandir mein jaakar poochho - yeh kaun hain? inka raajya kab tha? parampita paramatma ke saath tumhaara kya sambandh hai? unke saath kiska sambandh hai? zaroor kahenge sabka sambandh hai। woh sabka parampita hai। to zaroor pita se sabko sukh ka varsa milta hoga। is samay duhkh ki duniya hai। bhal nai invention nikaalte hain parantu din pratidin duhkh ki kalaayen to badhti hi jaati hain kyonki ab utarti kala hai na। kitni aaphten aati rehti hain। manushyon ko duhkh dekhna hi hai। jab ati duhkh hota hai to traahi-traahi karne lagte hain, tab hi baap aate hain। is samay sab manushya-maatra patit hain, isliye inko vicious world kehte hain। vahaan satayug mein duhkh hota hi nahin। tum bachche samajhte ho ki yeh drama bana hua hai। is samay sabhi raavan arthaat 5 bhooton ke vash hain। yahi dushman hai। duhkh ki bhi kalaayen hoti hain na। abhi to bahut tamopradhaan ho gaye hain kyonki vish se to sab paida hote hain। duniya ko to maaloom nahin ki vahaan vish hota hi nahin hai। kehte hain vahaan bachche tab kaise paida honge। bolo, tum pahle baap ko jaano unse varsa lo। baaki vahaan ki jo rasam-rivaaj hogi, vahi chalegi। tum kyon yeh sanshay uthaate ho। koi ne prashn poochha ki shivbaaba jab yahaan hai to phir vahaan mool vatan mein aatmaayen hongi? zaroor। yahaan vriddhi hoti rehti hai, to aatmaayen hain na। parantu pahli-pahli mool baat hai - baap aur varse ko yaad karna hai। in baaton se tumhaara kya matlab। tumhaare jab gyaan chakshu khul jaayenge phir koi bhi prashn poochhne ka rahega hi nahin। baap kehte hain mujhe yaad karo aur varse ko yaad karo। sirf mukti paane chaahte ho to manamnaabhav। raajaai chaahte ho to madhya ji bhav।

tum bachche jaante ho ki hamko padhaane vaala kaun hai? is chaitanya dibbi mein chaitanya heera baitha hai। woh sat baba bhi hai, param aatma hi shareer se bolte hain। koi marta hai to unki aatma ko bulaaya jaata hai। us samay yeh khyaal rehta hai ki hamaare baba ki aatma aai hai। jaise ki do aatmaayen ho gai। woh aatma aakar vaasna leti hai। yoon to hai sab drama। parantu phir bhi bhaavna ka bhaada mil jaata hai। aage to braahmanon mein kuchh taakat thi, aakar baatcheet karte the। roochi se khilaaya jaata tha। yeh gyaan to nahin hai ki woh aatma hai। aatma to vaasna leti hai baba to vaasna bhi nahin lete hain kyonki woh to abhokta hai। aatma to bhogti hai। baba kehte hain main abhokta hoon। aatma to vaasna ki mureed hoti hai। main to mureed nahin hoon, mere saath yog lagaane se tumhaare vikarma dagdha honge। samjhaana hai shiv jayanti manaate hain। shiv to niraakaar hai। jaise aatma ki bhi jayanti hoti hai। aatma shareer mein aakar pravesh karti hai। shiv hi patit-paavan hai, jiska hi aahvaan karte hain ki aakar is raavan ke duhkhon se liberate karo। is samay 5 vikaar sarvavyaapi hain। aadha-aadha hain na। jab raavan raajya shuru hota hai tab aur dharma aate hain। sabko apna-apna part bajaane aana hai। main aata hi yahaan hoon। ab tum bachche jaante ho is chaitanya dibbi mein kaudi se heera banaane vaala baap baitha hua hai। vahi sat-chit-aanand swaroop hai, gyaan ka saagar hai। tum abhi jaante ho, baap yaad dilaate hain to yaad karte hain phir bhool jaate hain kyonki woh pope aadi jo hain, unko to chaitanya shareer hai। naameegraami hai। unki kitni mahima hoti hai। yahaan to ye dibbi mein chhipa hua heera hai। koi jaante hi nahin ki woh ek hi baar aate hain। bachche to jaante hain ki baba inmen baitha hai। yeh hamaara sat baba, sat teacher bhi hai। yeh paathshaala hai na। tumhaare mein bhi koi bhool jaate hain। chalan se sab kuchh pata lag jaata hai। koi bachche to thodi pareeksha lene se phaan ho jaate hain। nahin to bachchon ka kehna hai jo khilaao, chaahe maaro, chaahe pyaar karo। sapoot bachche to aagyaakaari hote hain। baba kehte hain - bachche kabhi bhi rona nahin hai। tumhaara itna bada baap aur saajan hai, unke bankar phir tum rote ho! main tumhaara bada baap baitha hoon। maaya naak se pakadti hai to tum rote ho। gaayan bhi hai - ateendriy sukh gop gopiyon se poochho। parantu maaya bhula deti hai। baap par kurbaan jaayen, balihaar jaayen, woh andar yaad rahe to khushi ho। tum bachche abhi jaante ho baba sachcha-sachcha indra hai। vo paani ki varsha barsaane vaala indra nahin। yeh gyaan indra hai। indra-dhanush nikalta hai, usmein rang to bahut hote hain parantu mukhya 3 hote hain। baba tumko is samay trikaaldarshi banaate hain। trikaaldarshi arthaat aadi madhya ant ko jaanne vaala arthaat svadarshan chakradhaari। teenon kaalon ko jaanne vaala। yeh baaten tum apne se hi milaayenge। tum bachche jaante ho ki yeh indra sabha hai isliye baba likhte rehte hain - koi bhi vikaari, moot paleeti meri sabha mein na ho। tum bhi gyaan dance karne vaali pariyaan ho। gyaan indra ka pariyon ko pharmaan hai - koi vicious arthaat vikaari aadmi ko yahaan nahin laana। tum bachchon ke paas vicious hi viceless banne ke liye aate hain। parantu meri sabha mein nahin laana hai। kaayde bhi hain na। vaise to main yahaan bahuton se baatcheet karta hoon। eemaandaar, sapoot, achha bachcha hai to lav jaata hai। jaise gaandhi ke liye sabko lav hai, kaam to achha kiya na। is bane banaaye drama ko bhi samajhna hai, yeh hoobhu repeat ho raha hai। koi ka dosh nahin hai। raavan ko to sabhi ko bhrashtaachaari banaana hi hai। in sab baaton ko tum bachche hi jaante ho aur kya jaanen। patit-paavan kehte hain। kuchh bhi samajhte nahin hain। tum to vahi ho jinhonne kalpa pahle bhi baba ko madad ki thi। satayug mein yeh thode hi maaloom rahega ki hamne yeh raajya kaise liya।

ab tum jaante ho - yeh behad ka baap kitni badi aasaami hai। baap hi bhaarat ko kaudi se heere jaisa banaate hain। svarga mein ek hi aadi sanaatan devi-devta dharma tha, ab phir se uski sthaapna ho rahi hai। saari duniya mein shanti sthaapan karna - yeh to parampita paramatma ki responsibility hai। woh baap hi aakar sabko dhanka banaate hain। samjhaate hain tum nidhanke kyon bane ho। raavan raajya kab se shuru hua hai, tum jaante nahin ho। raavan ka but banaakar jalaate rehte ho। is samay bhakti maarga ki utarti kala hai। raamraajya to satayug ko kaha jaata hai। tum is samay ho eeshvareey aulaad kyonki kala kam hoti jaati hai। is samay tumhaare mein badi royalty chaahiye। tum ho manushya ko devta banaane vaale। ateendriy sukh bhi gop-gopiyon ka hi gaaya hua hai। aise kabhi nahin kaha hai ki ateendriy sukh lakshmi-naaraayan se poochho, parantu gop gopiyon ke liye kaha hai kyonki woh eeshvareey aulaad hain। devta bante ho phir degree kam ho jaati hai। raajaayen kitna dabadbe se chalte hain। parantu hain to sab tamopradhaan।

tumhaare paas chitron mein brahma ka chitra dekhkar bahut manushya moonjhate hain। to tum bachchon ke paas lakshmi-naaraayan ka chitra ek trimoorti sahit hai, ek bigar trimoorti ke bhi hai, unmein sirf shiv dikhaaya hua hai, to donon rakhna chaahiye। agar kuchh brahma ke liye bolen to kaho, kiske shareer mein aave। brahma-sarasvati hi lakshmi-naaraayan bante hain। zaroor brahma tan mein hi aave tab to brahman paida hon। nahin to itne bachche kaise ho sakte hain। yeh brahma ke bachche brahmaakumaar kumaariyaan hain। tum bhi brahmaakumaar kumaari ho। prajaapita bigar srishti kaise rachenge। yeh ab nai srishti rach rahe hain। ho tum bhi parantu tum maante nahin ho। agar abhi brahman nahin banenge to devta bhi nahin ban sakte। yeh bhi samajhte hain yahaan aayenge vahi jinka sapling lagna hoga। baap kitna achhi reeti samjhaate hain। baba har ek ki avastha ko bhi jaante hain। koi kis cheez ka bhookha, koi fashion ka bhookha, baba se aakar poochho - baba ham theek chal rahe hain? yeh hamaari baat right hai ya wrong? to bhi samjhen ki inko dar hai। dekho, gaandhi ji ko sabhi ne kitni madad di, parantu usne khud nahin khaaya, sab desh ke liye kiya। woh gaandhi to phir bhi manushya tha, yeh to behad ka baba hai। shivbaaba to daata hai, sab bachchon ke liye hi karte hain। poochha jaata hai tum ek roopaya kyon dete ho? kehte hain shivbaaba ko dete hain, 21 janmon ka varsa paane ke liye। aise koi nahin samjhe to mainne diya, main to 21 janmon ka varsa leta hoon। baba to gareeb-nivaaz hai। 21 janmon ka varsa dete hain, yeh buddhi mein rahe। sab kuchh bachchon ke kaam mein aata hai। gaandhi bhi kaam mein lagaate the। apne liye kuchh bhi ikattha nahin kiya। apne paas bhi jo kuchh tha, woh de diya, dene vaala kabhi khud ikattha nahin karta। sannyaasi chhodkar chale jaate hain phir aakar ikattha karte hain। unhon ke paas to bahut paise hain, kitne flats hain। vaastav mein sannyaasiyon ko ek paisa bhi haath mein nahin hona chaahiye। law aise hai। woh kabhi daani nahin ho sakte। tumko to baap ki raay par chalna hai। baba yeh sab kuchh aapka hai। jaise aap kahenge aise kaam mein lagaayenge। baba direction dete rehte hain। bachchon ko amal mein laana hai। achha।

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kadam-kadam baap ki raay par chalna hai। poora-poora balihaar jaana hai। jahaan bithaayen, jo khilaayen... aisa aagyaakaari hokar rehna hai।

2) apni chalan bahut royal oonchi rakhni hai, ham eeshvareey aulaad hain isliye badi royalty se chalna hai, kabhi bhi rona nahin hai।

vardaan:- saadhaaran jeevan mein bhaavna ke aadhaar par shreshtha bhaagya banaane vaale padmaapdam bhaagyavaan bhav

baapdaada ko saadhaaran aatmaayen hi pasanda hain। baap svayan bhi saadhaaran tan mein aate hain। aaj ka karodapti bhi saadhaaran hai। saadhaaran bachchon mein bhaavna hoti hai aur baap ko bhaavna vaale bachche chaahiye, deh-bhaan vaale nahin। draamaanusaar sangamayug par saadhaaran banna bhi bhaagya ki nishaani hai। saadhaaran bachche hi bhaagya vidhaata baap ko apna bana lete hain, isliye anubhav karte hain ki “bhaagya par mera adhikaar hai।'' aise adhikaari hi padmaapdam bhaagyavaan ban jaate hain।

slogan:- sevaaon mein dil badi ho to asambhav kaarya bhi sambhav ho jaayega।