बुधवार 20 अप्रैल 2022 की दैनिक मुरली

20-04-2022 praatahmurli om shanti "baapdaada"' madhuban

“meethe bachche - jo khushi khud ko mili hai, woh sabko deni hai, tumhein sukh-shanti baantane ka dhandha karna hai''

prashn:- tum bachchon ko is behad drama ki har scene bahut hi pasanda hai - kyon?

uttar:- kyonki svayan creator ko yeh drama pasanda hai। jab creator ko pasanda hai to bachchon ko bhi avashya pasanda hoga। tum kisi baat mein bhi naaraaz nahin ho sakte। tum jaante ho yeh duhkh-sukh ka naatak bahut sundar bana hua hai। ismen haar-jeet ka khel chalta rehta hai, ise kharaab kah nahin sakte। din bhi achha to raat bhi achhi… is drama mein jo bhi part mila hua hai, use khushi se bajaane vaale bahut maje mein rehte hain। is behad naatak ki knowledge ka simran karne vaale sada harshit rehte hain। buddhi bharpoor rehti hai।

geet:- hamaare teertha nyaare hain...

om shanti। vaastav mein school mein koi geet nahin gaaye jaate hain। yeh paathshaala hai। phir bhi yahaan geet kyon gaaye jaate hain? satayug mein to yeh geet nahin gaaye jaate hain। abhi ham log baithe hain sangam par isliye bhakti aur geeton aadi ko lekar uska arth samjhaate hain, manushya to arth samajhte nahin। ham abhi na yahaan hain, na vahaan hain। beech mein baithe hain, to inka thoda aadhaar lete hain। bachchon ko gyaan aur bhakti ka raaz to samjhaaya gaya hai। is samay tum gyaan sun rahe ho, bhavishya ke liye। bhavishya ke liye purushaartha kar koi praalabdha banaave, aisa koi manushya nahin hai। tum purushaartha karte ho - bhavishya nai duniya ke liye। manushya daan punya aadi karte hain doosre janma ke liye। woh hai bhakti, yeh hai gyaan, koi kehte bhi hain gyaan, bhakti aur vairaagya। sannyaasiyon ka hai had ka vairaagya। tumhaara hai behad ka vairaagya। vo log gharbaar se vairaagya dilaate hain, duniya se nahin। woh yeh jaante hi nahin ki tamopradhaan jadajdeebhoot srishti hai, inka vinaash hona hai kyonki kalpa ki aayu badi lambi bana di hai। ab baap baith samjhaate hain, buddhi bhi kehti hai yeh baat to bilkul hi theek hai। mukhya baat hai pavitrata ki, jiske liye woh gharbaar chhodte hain। tum saari puraani duniya ko buddhi se bhool jaate ho। pavitra bante ho, pavitra duniya mein jaane ke liye। tumhaari yaatra hai buddhi ki। karmendriyon se kahaan jaana nahin hai, tumhaara shaareerik kuchh bhi nahin chalta। abhi ham roohaani baap ke paas jaate hain, woh jismaani yaatraayen to anek hain। kab kahaan jaayenge, kab kahaan। tumhaari buddhi ek taraph hi hai। isko avyabhichaari bhakti kahen to bhi ho sakta hai। tum ek ko yaad karte ho। un sabki bhakti hai vyabhichaari। anekon ko yaad karte hain। tumhaari hai avyabhichaari roohaani yaatra, jismen ham ja rahe hain vaapis apne ghar। vo log nirvaandhaam ko ghar bhi nahin samjhenge। kehte hain paar nirvaan gaya। tum jaante ho vahaan ham aatmaayen baba ke saath rehti hain। abhi baba hamko lene ke liye aaye hain। woh samajhte hain ham sab eeshvar ke roop hain। kitne shaastra aadi padhte hain, yahaan tumko woh kuchh bhi nahin sikhaaya jaata hai। tumko to in karma-kaanda ka bhi sannyaas karaaya jaata hai। yeh sab bhakti ke karmakaanda hain। jaise prabhu ki gati mat nyaari hai। pahle-pahle tumko alpha sikhaate hain। baap khud hi dalaal bankar aate hain। gaate bhi hain, parantu samajhte nahin hain। tumko koi bhakti se ghrina nahin hai। koi se bhi ghrina nahin aati hai, jabki jaante hain ki drama bana hua hai। haan samjhaate zaroor hain ki is puraani chhi-chhi duniya ko chhodna hai, vaapis jaana hai। jab bhakti mein the to bhakti se pyaar tha। geet aadi sunne se mauj aati thi। ab samajhte hain woh to koi kaam ke nahin the। sunne mein koi harja nahin hai parantu jaante hain, yeh bhi bhakti ki act hai। hamaara ab unse buddhiyog toot gyaan se jut gaya hai। gyaan aur bhakti donon ko tum jaante ho। manushyon ko jab tak gyaan na mile to bhakti ko hi bahut achha samajhte hain। ham janma-janmaantar bhakti karte aaye। bhakti se sneh badh gaya। ab hamaari buddhi mein hai - yeh duhkh sukh, haar jeet ka bana hua drama hai। to un par raham aata hai, kyon na unhon ko bhi rachayita aur rachna ka gyaan mil jaaye, to baba ka varsa pa saken। jo khushi apne ko mili hai woh doosron ko deni chaahiye। sindhavriti (videsh mein business karne jaane vaale) jab dekhte hain phalaani jagah dhandha achha chalta hai, to apne mitra sambandhiyon ko bhi raay dete hain ki phalaani jagah chalo, vahaan kamaai bahut achhi hogi।

tum jaante ho ki is raavan raajya mein duhkh hi duhkh hai। manushyon ko yeh maaloom nahin hai ki gyaan kya cheez hai। saadhu-santa bhi nahin jaante ki is gyaan se svaraajya milta hai। poochhte hain is gyaan se kya praapti hoti hai? to likha jaata hai shanti aur sukh donon milte hain, so bhi avinaashi। kisko sukh-shanti ka dhandha haath aa jaata hai to phir usmein hi lag padte hain। haan jismaani service bhi kuchh samay ke liye karni padti hai। satsang ka time bhi subah aur shaam ko hota hai। maataaon ko ghar ka bandhan rehta hai to unhon ke liye phir din ka time rakha jaata hai। subah ka time sabse achha hai, fresh mind hota hai। jo sunte ho unko phir dhaaran kar ugaarna hai। duniya mein yeh kisko maaloom nahin ki niraakaar paramatma bhi padhaane aate hain। bhagvaanuvaach - tumko raajayog sikhlaakar nar se naaraayan banaata hoon। yeh yog bada naameegraami hai। manushya vinaashi dhan ka daan punya karte hain to raajaai ghar mein achha janma lete hain। yahaan to tum 21 janma ka varsa pa rahe ho। tum sab kuchh daan karte ho 21 janma ke liye। phir koi bhi pad paane ke liye purooshaartha nahin karna padega। pad fix ho jaata hai। abhi tum apna varsa baap se le rahe ho isliye baba kehte hain achhi tarah padho to janma-janmaantar raaja bano। pahla janma milega hi oonch। praja ko bhi oonch milta hai। raajaai mein daas daasiyaan aadi sab chaahiye। jitna padhenge, mahaadaani banenge utna oonch pad paayenge। baba bhi mahaadaani hai। sabko saahookaar bana dete hain। sukh aur shanti ka varsa dete hain। pahle-pahle sukh mein hi aate hain, sabhi sukhi rehte the kyonki pahla samay satopradhaan phir rajo phir tamo mein aate hain। unka part apna aur hamaara part apna। jo is dharma ke hain, unka hi sapling lagta hai। tum jab sampoorn ban jaayenge to jhat jaan jaayenge ki yeh hamaare dharma ka hai va nahin hai।

tum bachche sabko samjhaate ho ki baap nai duniya rachte hain to bhaarat ko hi varsa mila tha, phir gum ho gaya। drama anusaar varsa lena bhi hai to ganvaana bhi hai। yeh chakra chalta rehta hai। is samay hamne varsa ganvaaya hai, ab phir se le rahe hain। lakshmi-naaraayan ke raajya ka kisko bhi pata nahin hai, isliye poochha jaata hai ki lakshmi-naaraayan ko yeh raajya kab aur kaise mila? jaise unhon ne krishna ko aage rakh lakshmi-naaraayan ko gum kar diya hai aur ham phir lakshmi-naaraayan ko aage rakh krishna ko gum kar dete hain। lakshmi-naaraayan to hain hi satayug ke, naaraayan vaach to ho na sake। baap kehte hain main aata hi hoon sangam par। lakshmi-naaraayan ne zaroor aage janma mein sangam par hi raajya liya hai। lakshmi-naaraayan hi 84 janma bhog ab antim janma mein hain। lakshmi-naaraayan ko bhi raajya dene vaala zaroor koi hoga na। to bhagwan ne hi diya। is samay tum bilkul hi beggar ho phir prince ban jaate ho। prince ka to zaroor raaja mahaaraaja ke paas janma hoga। abhi tak bhi koi achhe-achhe raajaayen hain, jinka praja par bahut pyaar rehta hai। abhi tum jaante ho ham raajayog seekh rahe hain, jisse ham raajya-bhaagya paate hain। hamko yeh nishchay hai, kyonki yeh anaadi drama hai। haar jeet ka khel hai। jo hota hai woh theek, kya creator ko drama pasanda nahin hoga! zaroor pasanda hoga। to creator ke bachchon ko bhi pasanda hoga। ham ghrina koi se nahin kar sakte। yeh to samajhte hain ki bhakti ka bhi drama mein part hai। drama saara achha hai। bura drama kyon kahenge! drama ka raaz buddhi mein hai, jo tumko samjhaate hain। abhi bhakti ka part poora hota hai। ab purushaartha kar baap se varsa lena hai। baap kehte hain yeh sab aasuri sampradaay hain, ismen ghrina ki to baat hi nahin। eeshvareey sampradaay aur aasuri sampradaay ka to khel hai। woh koi apne ko duhkhi samajhte thodehi hai। bhakti karte rehte hain aur samajhte hain ek din bhagwan aakar bhakti ka phal dega। ghar baithe koi na koi roop mein bhagwan aakar milega; aur sannyaasi log samajhte hain ham aapehi chale jaayenge nirvaandhaam। apne purushaartha se tatva ke saath yog lagaate hain aur samajhte hain ham leen ho jaayenge। duniya mein anek mat hain, baba aakar ek mat banaate hain। samjhaate hain yeh drama anaadi bana hua hai, bahut hi sundar naatak bana hua hai। drama mein duhkh sukh ka part noondha hua hai, jise dekh bahut khushi hoti hai। yeh behad ka khel bada fine bana hua hai। so to sabko pasanda hi aana chaahiye। din bhi achha to raat bhi achhi। khel hai na। jaante hain ab raat poori honi hai। hamko din mein jaakar oonch pad paana hai। naaraaz kya honge, drama mein jo part mila hai, woh to bajaana hi hai। bahut achha drama hai, isko kharaab kah nahin sakte। yeh khel kab banda hota hi nahin hai, bahut first class khel hai। inko jaanne se buddhi bharpoor ho gai hai। jaise baap knowledgeful hai vaise bachche bhi knowledgeful hain। kitna samay sukh, kitna samay duhkh paana hai, yeh bhi tum sab kuchh jaan gaye ho tab to kehte hain vaah prabhu teri leela। prabhu ki rachna zaroor achhi hi hogi। usko kharaab kaun kahega। drama mein jo part mila hua hai vo to bajaana hi hai। yeh khel kabhi banda hona hi nahin hai, inko jaanne se maja hi maja aata hai। bhakti mein satayugi raajaai ka pata bhi nahin hai। satayugi raajaai mein phir bhakti ka pata hi nahin rehta hai। bhakti mein bhi kitne sundar geet gaate hain he prabhu teri leela vichitra hai। yeh tum bachche hi samajh sakte ho aur koi is leela ko jaante hi nahin। baba se hamko kitna varsa milta hai। saara din buddhi mein khyaal chalna chaahiye, kaisa wonderful khel hai। wonderful iski samjhaani hai। baap ki leela kitni achhi hai। tum is behad ke naatak ko jaante ho, phir jo pad milta hai unko bhi dekh harshit hote ho, manushya naatak dekh khush hote hain na। woh variety naatak hote hain, yeh ek hi naatak hai। is naatak ko jaanne se ham vishwa ke maalik ban jaate hain। kitni wonderful baat hai। baap dvaara tumne hi jaana hai। in baaton mein raman karna padta hai। grihastha vyavhaar mein rehte 2-3 ghanta nikaal, woh naatak dekhkar aate hain। woh bhi kisse poochha jaata hai kya? buddhi mein baith jaata hai। vaise yeh bhi behad ka naatak hai, yeh kyon bhoolna chaahiye! is chakra ki smriti to bilkul hi sahaj hai, isko aur koi nahin jaante hain। tum buddhi se jaante ho aur phir divya drishti se dekhte bhi ho। aage chal aur bhi bahut hi scene scenery dekhenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap samaan mahaadaani banna hai। sabko sukh-shanti ka varsa dena hai। gyaan ko dhaaran kar phir ugaarna hai।

2) behad naatak ko dekh sada harshit rehna hai। prabhu ki leela aur yeh drama kitna vichitra hai - iska simran kar maje mein rehna hai।

vardaan:- purooshaartha ke saath yog ke prayog ki vidhi dvaara vrittiyon ko parivartan karne vaale sada vijayi bhav

purooshaartha dharni banaata hai, woh bhi zaroori hai lekin purooshaartha ke saath-saath yog ke prayog se sabki vrittiyon ko parivartan karo to saphalta sameep dikhaai degi। dridh nishchay aur yog ke prayog dvaara kisi ki bhi buddhi ko parivartan kar sakte ho। sevaaon mein jab bhi koi halchal hui hai to usmein vijay yog ke prayog se hi mili hai, isliye purooshaartha se dharni banaao lekin beej ko pratyaksha karne ke liye yog ka prayog karo tab vijayi bhav ka vardaan praapta hoga।

slogan:- seva dvaara punya ki poonji jama karne vaale hi punyaatma hain।