गुरुवार 21 अप्रैल 2022 की दैनिक मुरली

21-04-2022 praatahmurli om shanti "baapdaada"' madhuban

“meethe bachche - baap ki yaad mein rehna - yeh bahut meethi mithaai hai, jo doosron ko bhi baantate raho arthaat alpha aur be ka parichay dete raho''

prashn:- sthaai yaad mein rahne ki sahaj vidhi kya hai?

uttar:- sthaai yaad mein rehna hai to deh sahit jo bhi sambandh hain un sabko bhoolo। chalte-phirte, uthte baithte yaad mein rahne ka abhyaas karo। agar yog mein baithte laalbatti bhi yaad aai to yog toot jaayega। sthaai yaad rah nahin sakegi। jo kehte koi khaas baithkar yog karaaye, unka yog bhi lag nahin sakta।

geet:- raat ke raahi…

om shanti। abhi yeh hui yog ki baat kyonki abhi hai raat। raat kaha jaata hai kaliyug ko, din kaha jaata hai satayug ko। tum abhi kaliyug roopi raat se satayugi din mein jaate ho isliye raat ko bhool din ko yaad karo। narka se buddhi ko hataana hai। buddhi kehti hai barobar yeh narka hai aur kisi ki buddhi nahin kehti। buddhi hai aatma mein। aatma ab jaan gai hai ki baba aaya hai raat se din mein le jaane। baap kehte hain he aatmaayen tumko jaana hai svarga mein। parantu pahle shantidham mein jaakar phir svarga mein aana hai। goya tum yogi ho, pahle ghar ke, peechhe raajdhaani ke। ab mrityulok arthaat raat poori honi hai। ab jaana hai din mein isko eeshvareey yog kaha jaata hai। eeshvar niraakaar hamko yog sikhlaate hain athva ham aatmaon ki sagaai karaate hain। yeh hai roohaani yog, woh hai jismaani। tum bachchon ko ek jagah baith yog nahin lagaana hai। woh to manushya jaise khud baithte hain vaise sabko baithak sikhaate hain। yahaan tumko baithak nahin sikhaai jaati hai। haan sabha mein kaaydesir baithna hai। baaki yog mein to kaise bhi baithen, chalte phirte sote bhi lag sakta hai। artist yog mein rah chitra bana sakte hain। shivbaaba, jinse yog lagaate hain, unka chitra banaate hain। jaante hain yeh hamaara baba niraakaari duniya paramdham mein rehte hain। ham bhi vahaan ke rahvaasi hain। ham aatmaon ko jaana hai, yeh buddhi mein chalte-phirte rehna chaahiye। aise nahin ki mujhe tapasya mein bithaao, yog karaao - yeh kehna bhi wrong hai। buddhu aise kahenge। bachche laukik baap ko khaas baithkar yaad karte hain kya? baba-baba karte hi rehte hain, kabhi bhoolte heen nahin hain। chhote bachche aur hi jaasti yaad karte hain। mukh chalta hi rehta hai। yahaan paarlaukik baap kyon bhool jaata hai? buddhiyog kyon toot padta hai? mukh se baba-baba kehna bhi nahin hai। aatma jaanti hai baba ko yaad karna hai। agar khaas baithne ki aadat hai to yog siddha na ho sake। yeh eeshvareey yog tumko svayan eeshvar sikhla rahe hain। yogeshvar kehte ho na। tumko eeshvar ne yog sikhaaya hai ki mujh baap ko yaad karo। aise nahin jab mujhe deedi yog mein baithaati hai to maja aata hai। unka yog kab sthaai nahin rah sakega। samjho heartfail ki takleeph ho jaati hai to us samay koi yog mein bithaayega kya? yeh to buddhi se yaad karna hai। manushya jo bhi yog sikhlaate hain woh hai wrong। yogi koi bhi is duniya mein hai nahin। yoon to kisko bhi yaad karo to woh bhi yog hua। aam achha lagta hai to unse yog lag jaata hai, laalbatti achhi lagti hai to woh yaad aayegi to unse bhi yog hua। parantu yahaan to deh sahit deh ke jo bhi sambandh hain un sabko bhool mujh ek ke saath yog lagaao tab tumhaara kalyaan hoga aur tum vikarmaajeet ban jaayenge। baap hi aakar sadgati ka raasta bataate hain। baap ke bigar koi bhi sadgati de na sake। baaki sab hain durgati ka raasta bataane vaale। svarga kaha jaata hai sadgati ko aur muktidhaam, jahaan ham aatmaayen rehti hain woh hai ghar। is samay sabhi ko durgati mein pahunchaane vaali hai - manushya mat। niraakaar baap aakar sadgati dete hain phir aadhaakalpa ham sadgati mein rehte hain। vahaan bhagwan se milne va mukti jeevanmukti paane liye dar-dar bhatakte nahin hain। jab raavan raajya shuru hota hai tab dar-dar dhoondhana shuru karte hain kyonki ham girne lag padte hain। bhakti ko bhi shuru hona hi hai। tum jaante ho abhi ham shareer ko chhod phir shivaalay mein jaayenge। satayug hai behad ka shivaalay। is samay hai vaishyaalay। yeh baaten yaad karni padti hain। shivbaaba ko yaad nahin karenge to vo yogi nahin, bhogi thahra। tum kisko sunne ke liye kehte ho to kehte hain ham do vachan sunenge। ab do vachan to bahut naameegraami hain। manamnaabhav, madhyaajeebhav। mujhe yaad karo aur varse ko yaad karo। in do vachnon se hi jeevanmukti milti hai। baap kehte hain mujhe yaad karo to nirogi banenge aur chakra ko yaad karenge to dhanvaan banenge। do vachan se tum ever healthy aur ever wealthy ban jaate ho। agar right baat hai to us par chalna pade, nahin to samajhte hain buddhu hai। alpha aur be - yeh hain do vachan। alpha allaah, be hui rachna। baba hai alpha, be hai baadshaahi। tumhaare mein koi ko baadshaahi milti hai aur koi praja mein jaate hain। tum bachchon ko potaamel rakhna chaahiye ki saare din mein kitna samay baap ko aur varse ko yaad kiya। yeh shreemat baap hi dete hain। aatmaon ko baap sikhlaate hain। manushya dhan ke liye kitna maatha maarte hain। dhan to brahma ke paas bahut tha। jab dekha ki alpha se baadshaahi milti hai to dhan kya karenge? kyon na sab kuchh alpha ke havaale kar baadshaahi lenve। baba ne is par ek geet bhi banaaya... alpha ko allaah mila... be ko mili baadshaahi... usi samay buddhi mein aaya hamko to vishnu chaturbhuj banna hai, ham is dhan ko kya karenge। bas baba ne buddhi ka taala khol diya। yeh (saakaar) baba to dhan kamaane mein busy tha, jab raajaai milti hai to gadaai ka kaam kyon karen। phir baba bhookh to nahin mara। baba ke paas jo aate hain - unki bahut achhi paalna hoti hai। ghar mein bhookh marte honge। yahaan to jo shreemat par chalte hain unko baba bhi bahut achhi madad karte hain। baba kehte hain sabko raasta bataao ki behad ke baap ko yaad karo aur chakra ki knowledge ko yaad karo to tumhaara beda paar ho jaayega। khivaiya aaya hai beda paar karne। tab to gaate hain patit-paavan, khivaiya parantu yaad kisko karna hai, yeh kisko bhi maaloom nahin hai kyonki sarvavyaapi kah diya hai। ek hi shiv ke chitra ko kehte hain bhagwan। phir lakshmi-naaraayan ya brahma vishnu shankar ko bhagwan kyon kehte hain। agar sab hi baap ban jaayen to varsa kaun dega। sarvavyaapi kahne se to na dene vaala raha, na lene vaala raha। likha hua hai brahma dvaara sthaapna। oopar mein shiv khada hai। shivbaaba brahma dvaara devta banaate hain to brahma bhi devta banenge। yeh kaam ek baap ka hi hai। unki hi mahima hai, eko onkaar... akaalmoorta, aatma akaalmoorta hoti hai। unko kaal nahin khaate, to baap bhi akaalmoorta hai। shareer to sabke khatma ho jaate hain। aatma ko kabhi kaal khaata nahin hai। vahaan akaale mrityu kab hota nahin hai। samajhte hain hamko ek shareer chhod doosra lena hai। svarga mein hai to zaroor punarjanma bhi svarga mein hi hoga। yahaan to sab narkavaasi hain। kehte hain phalaana svarga padhaara, to zaroor pahle narka mein tha। itni sahaj baat bhi samajhte nahin hain। sanyaasi bhi nahin jaante hain। vo to jyoti jyot samaaya kah dete hain। bhaaratvaasi bhagat bhagwan ko yaad karte hain। grihasthi bhagat hain kyonki bhakti pravritti maarga vaalon ke liye hoti hain। woh to hain tatva gyaani। samajhte hain ham tatva se yog lagaakar leen ho jaayenge। woh to aatma ko bhi vinaashi maante hain। satya kab bol nahin sakte। satya hai ek paramatma। tumko abhi satya ka sang hai to baaki sab jhooth hue। kaliyug mein sat bolne vaala koi manushya hota hi nahin। rachayita aur rachna ke baare mein koi bhi sat nahin bolta। baap kehte hain abhi main tumko sabhi shaastron ka saar batlaata hoon। mukhya jo geeta hai unmein bhi paramatma ke badle manushya ka naam daal diya hai, jabki krishna is samay saanvara hai। ab krishna ka bhi aisa chitra banaayen jo manushya samjhen। double shade deven। ek taraph saanvare ka shade, doosre taraph gore ka shade phir un par samjhaaya jaae ki kaam chita par baithne se kaala ban jaate hain। phir gyaan chita par baithne se gora ban jaate hain। nivritti aur pravritti donon hi maarga dikhaana hai। iron ej phir golden ej banti hai। golden ke baad phir silver, copper hoti hai। aatma kehti hai pahle main kaam chita par thi, ab main gyaan chita par baithi hoon। ab tum bachche jaante ho ham patit se paristaani ban rahe hain। yog mein rah tum koi bhi cheez banaao to kabhi kharaab nahin hogi। buddhi theek rahne se madad milti hai। lekin hai mushkil। baba kehte hain ham bhi bhool jaate hain। bahut tirkan baaji hai। bada achha abhyaas chaahiye। sthaai yaad thahar nahin sakti hai। chalte phirte yaad mein rahne ka abhyaas karna hai। yaad to kahaan bhi kar sakte ho, yaad se bal milta hai। is samay sachcha yog koi bhi jaante hi nahin hai। baap ke sivaae jo bhi yog lagaana sikhlaate hain, woh wrong hai। bhagwan ne jab yog sikhlaaya to svarga ban gaya। manushyon ne jab yog sikhlaaya to svarga se narka ban gaya। koi bhi ulti chalan thodi chalte hain to buddhi ka taala banda ho jaata hai। 10-15 minute bhi yaad mein nahin rah sakte। nahin to budhiyon ke liye, bachchon ke liye, beemaaron ke liye bhi bahut sahaj hai। bahut achhi mithaai hai। bhal goonga bahera ho, woh bhi ishaaron se samajh sakte hain। baap ko yaad karo to yeh varsa milega। koi bhi aaye to bolo ham aapko raasta bataate hain। behad ke baap svarga ke rachayita se svarga ke sada sukh ka varsa kaise milta hai। yeh chhoti-chhoti chitkiyaan parche baantate rehna chaahiye। dil mein bahut umang rehna chaahiye। koi bhi dharma vaala aaye to ham aise samjhaayen। baap kehte hain yeh deh ke sab dharma chhod mujhe yaad karo to vikarma vinaash honge। tum mere paas chale aayenge। pahle-pahle yeh nishchay karo phir doosri baat, tab tak aage badhna hi nahin hai। apne ko aatma samajh baap ko yaad karo। bas yeh hai sabse first-class baat। sirf do akshar hain alpha aur be, baap aur varsa। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apna sab kuchh alpha ke havaale kar be baadshaahi leni hai। potaamel rakhna hai ki baap aur varse ki kitna samay yaad rahi।

2) koi bhi ulti chalan nahin chalni hai। sthaai yaad mein rahne ka abhyaas karna hai।

vardaan:- sarva shaktiyon dvaara har complain ko samaapta kar complete banne vaale shaktishaali aatma bhav

andar mein agar koi bhi kami hai to uske kaaran ko samajhkar nivaaran karo kyonki maaya ka niyam hai ki jo kamjori aapmen hogi, usi kamjori ke dvaara woh aapko maayaajeet banne nahin degi। maaya usi kamjori ka laabh legi aur ant samay mein bhi vahi kamjori dhokha degi। isliye sarva shaktiyon ka stock jama kar, shaktishaali aatma bano aur yog ke prayog dvaara har complain ko samaapta kar complete ban jaao। yahi slogan yaad rahe -“ab nahin to kab nahin''।

slogan:- shanti aur dhairyata ki shakti se vighnon ko samaapta karne vaale hi vighna-vinaashak hain।

maateshvari ji ke anmol mahaavaakya - “apna asli lakshya kya hai?''

pahle pahle yeh jaanna jaruri hai ki apna asli lakshya kya hai? vo bhi achhi tarah se buddhi mein dhaaran karna hai tab hi poorn reeti se us lakshya mein upasthit ho sakenge। apna asli lakshya hain - main aatma us paramatma ki santaan hoon। asul mein karmaateet hoon phir apne aapko bhoolne se karmabandhan mein aa gai, ab phir se vo yaad aane se, is eeshvareey yog mein rahne se apne kiye hue vikarma vinaash kar rahe hain। to apna lakshya hua main aatma paramatma ki santaan hoon। baaki koi apne ko ham so devta samajh us lakshya mein sthit rahenge to phir jo paramatma ki shakti hai vo mil nahin sakegi। aur na phir tumhaare vikarma vinaash honge ab yeh to apne ko full gyaan hai, main aatma paramatma ki santaan karmaateet ho bhavishya mein jaakar jeevan-mukta devi devta pad paayenge, is lakshya mein rahne se woh taakat mil jaati hai। ab yeh jo manushya chaahte hain hamko sukh shanti pavitrata chaahiye, vo bhi jab poorn yog hoga tab hi praapti hogi। baaki devta pad to apni bhavishya praalabdha hai, apna purushaartha alag hai aur apni praalabdha bhi alag hai। to yeh lakshya bhi alag hai, apne ko is lakshya mein nahin rehna hai ki main pavitra aatma aakhreen paramatma ban jaaoongi, nahin। parantu hamko paramatma ke saath yog lagaae pavitra aatma banna hai, baaki aatma ko koi paramatma nahin banna hai। achha-om shanti।