रविवार 24 अप्रैल 2022 की दैनिक मुरली

24-04-22 praatahmurli om shanti ''avyakt-baapdaada'' revise 31-03-90 madhuban

merciful aur behad ki vairaag vritti

aaj loveful aur merciful baapdaada apne samaan bachchon ko dekh rahe hain। aaj baapdaada vishwa ke sarva anjaan bachchon ko dekh rahe the। bhale anjaan hain lekin phir bhi bachche hain। baap-daada ke sambandh se sarva bachchon ko dekhte hue kya anubhav kiya ki majority aatmaon ko samay prati samay kisi-na-kisi kaaran se jaane-anjaane bhi vartamaan samay mercy arthaat raham ki, daya ki aavashyakta hai aur aavashyakta ke kaaran hi merciful baap ko yaad karte rehte hain। to chaaron or ki aavashyakta pramaan is samay raham-drishti ki pukaar hai kyonki ek to bhinna-bhinna samasyaaon ke kaaran apne man aur buddhi ka santulan na hone ke kaaran merciful baap ko va apni-apni maanyata vaalon ko mercy ke liye bahut duhkh se, pareshaani se pukaarte rehte hain। chaahe anjaan aatmaaen baap ko na jaanne ke kaaran apne dharma pitaaon va gurooon ko va eeshta devon ko merciful samajhkar pukaarte hain lekin aap sab to jaante hi ho ki is samay sivaae ek baap param-aatma ke aur kisi bhi aatma dvaara mercy mil nahin sakti। bhale baap unhon ki ichchha poorn karne ke kaaran, bhaavna ka phal dene ke kaaran kisi bhi ishta ko va mahaan aatma ko nimitta bana de lekin daata ek hai - isliye vartamaan samay ke pramaan merciful baap bachchon ko bhi kehte hain ki baap ke sahayogi saathi bhujaaen aap brahman bachche ho। to jis cheez ki aavashyakta hai, woh dene se prasanna ho jaate hain। to master merciful bane ho? aapke hi bhaai-bahne hain - chaahe sage hain va lage hain lekin hain to parivaar ke। apne parivaar ki anjaan, pareshaan aatmaon ke oopar raham-dil bano। dil se raham aaye। vishwa ki anjaan aatmaon ke liye bhi raham chaahiye। aur saath-saath brahman-parivaar ke purushaartha ki teevragti ke liye va sva-unnati ke liye merciful ki aavashyakta hai। sva-unnati ke liye sva par jab merciful bante hain to merciful aatma ko sada behad ki vairaagyavritti svatah hi aati hai। sva ke prati bhi raham ho ki main kitni oonch-te-oonch baap ki vahi aatma hoon aur vahi baap samaan banne ke lakshyadhaari hoon। us pramaan original shreshtha svabhaav va sanskaar mein agar koi kami hai to apne oopar dil ka raham kamiyon se vairaagya dila dega।

baapdaada aaj yahi roohrihaan kar rahe the ki sabhi bachche knowledge mein to bahut hoshiyaar hain। point swaroop to ban gaye hain lekir har kamjori ko jaanne ki points hain, jaante bhi hain ki yeh hona chaahiye, karna nahin chaahiye, yeh jaante hue bhi point-swaroop banna aur jo kuchh vyartha dekha-suna aur apne se hua usko fullstop ki point lagaana nahin aata hai। points to hain lekin point swaroop banne ke liye vishesh kya aavashyakta hai? apne oopar raham aur auron ke oopar raham। bhakti-maarga mein bhi sachche bhakta honge va aap bhi sachche bhakta bane ho, aatma mein record bhara hua hai na। to sachche bhakta sada merciful hote hain isliye ve paap-karma se darte hain। baap se nahin darte lekin paap se darte hain। isliye kai paap-karma se bache hue rehte hain। to gyaan-maarga mein bhi jo yathaartha merciful hain - usmein 3 baaton se kinaara karne ki shakti hoti hai। jismen raham nahin hota ve samajhte hue, jaante hue teen baaton ke parvash ban jaate hain। woh teenon baaten hain - albelaapan, eershya aur ghrina। koi bhi kamjori va kami ka kaaran 90 pratishat yeh teenon baaten hoti hain। aur jo merciful hoga woh baap ke saathi, dharmaraaj ki saza se kinaara karne ki shubh-ichchha rakhte hain। jaise bhakta dar ke maare albele nahin hote, aise brahman-aatmaayen baap ke pyaar ke kaaran, dharmaraajpuri se cross na karna pade - is meethe dar se albele nahin hote hain। baap ka pyaar usse kinaara kara deta hai। apne dil ka raham albelaapan samaapta kar deta hai। aur jab apne prati raham bhaavna aati hai to jaisi vritti, jaisi smriti, vaisi sarva brahman srishti ke prati svatah hi merciful bante hain। yeh hai yathaartha gyaanayukta raham। bina gyaan ke raham kabhi nuksaan bhi karta hai। lekin gyaanayukta raham kabhi bhi kisi aatma ke prati eershya va ghrina ka bhaav dil mein utpanna karne nahin dega। gyaanayukta raham ke saath-saath svayan ki roohaaniyat ka roohaab bhi avashya hota hai। akela raham nahin hota। lekin raham aur roohaab donon ka balance rehta hai। agar gyaanayukta raham nahin hai, saadhaaran raham hai to kisi bhi aatma ke prati chaahe lagaav ke roop se, chaahe kisi bhi kamjori se uske oopar prabhaavit ho sakte hain। prabhaavit bhi nahin hona hai। na ghrina chaahiye, na prabhaavit chaahiye kyonki aap tan-man-buddhi sahit baap ke oopar prabhaavit ho chuke ho। jab man aur buddhi ek ke taraph aur oonche-te-oonche taraph prabhaavit ho chuki to phir doosre ke oopar prabhaavit kaise ho sakte? agar doosre ke oopar prabhaavit hote hain to usko kya kahenge? di hui vastu ko phir se svayan use karna, usko kaha jaata hai - amaanat mein khyaanat। jab man-buddhi de diya to phir aapki rahi kahaan jo prabhaavit hote ho? baap ke havaale kar diya hai ya aadhi rakhi hai, aadhi di hai? jinhonne full di hai ve haath uthaao। dekho, brahman-jeevan ka foundation, mahaamantra kya hai? manamnaabhav। to manamna-bhav nahin hue ho? to gyaan sahit merciful aatma kabhi kisi ke oopar chaahe gunon ke oopar, chaahe seva ke oopar, chaahe kisi bhi prakaar ke sahayog praapta hone ke kaaran aatma par prabhaavit nahin ho sakti kyonki behad ki vairaagi hone ke kaaran baap ke sneh, sahayog, saath - inke sivaae aur kuchh usko dikhaai nahin dega। buddhi mein aayega hi nahin। tumheen se uthoon, tumheen se sooon, tumheen se khaaoon, tumheen se seva karoon, tumheen saath karmayogi banoon - yahi smriti sada us aatma ko rehti hai। bhale koi shreshtha aatma dvaara sahayog milta bhi hai lekin uska bhi daata kaun? to ek baap ki taraph hi buddhi jaayegi na। sahayog lo, lekin daata kaun hai, yeh bhoolna nahin chaahiye। shreemat ek baap ki hai। koi nimitta aatma aapko baap ki shreemat ki smriti dilaati hai to unki shreemat nahin kahenge, lekin baap ki shreemat ko follow kar auron ko bhi follow karaane ke liye smriti dilaati hai। nimitta aatmaayen, shreshtha aatmaayen kabhi yeh nahin kahengi ki meri mat par chalo। meri mat hi shreemat hai - yeh nahin kahengi। shreemat ki phir se smriti dilaate, isko kehte hain yathaartha sahayog lena aur sahayog dena। deedi ki, daadi ki shreemat nahin kahenge। nimitta bante hain shreemat ki shakti smriti dilaate hain isliye koi bhi aatma ke oopar prabhaavit nahin hona। agar kisi bhi baat mein kisi par prabhaavit hote hain, chaahe uske naam ki mahima par, roop par va kisi visheshta par to lagaav ke kaaran, prabhaavit hone ke kaaran buddhi vahaan atak jaayegi। agar buddhi atak gai to udti kala ho nahin sakti। apne oopar bhi prabhaavit hote hain - meri bahut achhi planning buddhi hai, mera gyaan bahut spashta hai, mere jaisi seva aur koi kar nahin sakte। meri inventar buddhi hai, gunvaan hoon - yeh apne oopar bhi prabhaavit nahin hona hai। visheshta hai, planning buddhi hai lekin seva ke nimitta kisne banaaya? maaloom tha kya ki seva kya hoti hai isliye sva-unnati ke liye yathaartha gyaanayukta merciful banna bahut aavashyak hai। phir yeh eershya, ghrina samaapta ho jaati hai। teevragti ki kami ka mool kaaran yahi hai - eershya va ghrina ya prabhaavit hona। chaahe apne oopar chaahe doosre ke oopar aur chauthi baat sunaai - albelaapan। yeh to hota hi hai, time par taiyaar ho jaayenge, yeh hai albelaapan। baap-daada ne ek hansi ki baat pahle bhi sunaai hai। brahman-aatmaon ke door ki nazar badi tej hai aur najdeek ki nazar thodi kamjor hai isliye doosron ki kami jaldi dikhaai deti hai aur apni kami deri se dikhaai deti hai।

to raham ki bhaavna loveful bhi ho aur merciful bhi ho, isse dil se vairaagya aayega। jis samay sunte hain va bhatthi hoti hai, ruhrihaan hoti hai, us samay to sab samajhte hain ki aise hi karna hai। woh alpakaal ka vairaagya aata hai, dil ka nahin hota। jo baap ko achha nahin lagta usse dil se vairaagya aana chaahiye। apne-aapko bhi achha nahin lagta hai lekin behad ki vairaag vritti ka hal chalaao, merciful bano। kai bachche bahut achhi-achhi baaten sunaate hain। kehte hain - jab koi jhooth bolta hai, tab bahut gussa aata, jhooth par gussa aata hai ya koi galti karta hai to gussa aata hai। vaise nahin aata, usne jhooth bola yeh to theek hai, usko wrong samajhte ho aur jo aap gussa karte ho woh phir right hai kya? wrong, wrong ko kaise samjha sakte? uska asar kaise ho sakta hai। us samay apni galti ko nahin dekhte lekin doosre ki jhooth ki chhoti baat ko bhi bada kar dete hain। aise samay par raham dil bano। apni praapta hui baap ki shaktiyon dvaara merciful bano, sahayog do। lakshya achha rakhte hain ki unko jhooth se bacha rahe hain, lakshya achha hai uske liye mubaarak ho। lekin result kya nikli? woh bhi fail, aap bhi fail। to fail vaala fail vaale ko kya paas karaayega? kai phir samajhte hain - hamaari jimmevaari hai - usko achha banaana, aage badhaana। lekin jimmevaari nibhaane vaala pahle apni jimmevaari us samay nibha rahe ho ya doosre ki nibhaate ho। kai nimitta teacher bante hain to samajhte hain chhoton ke liye ham jimmevaar hain, inko shiksha deni hai, sikhaana hai। lekin sadaiv yeh socho ki yathaartha knowledge source oph income hogi। agar aapne shikshak ki jimmevaari se shiksha di to pahle yeh dekho ki us shiksha se doosre ki kamaai jama hui? source oph income hua ya source oph giraavat hui? isliye baapdaada sada kehte hain ki koi bhi karma karte ho to trikaaldarshi sthiti mein sthit hokar karo। sirf vartamaan nahin dekho ki isne kiya, isliye kaha। lekin uska bhavishya parinaam kya hoga, woh bhi dekho। jo past aadi anaadi sthiti brahman aatmaon ki thi, ab bhi hai aur aage bhi rahegi, usi pramaan hain? teenon kaal check karo, to samjha baapdaada kya chaahte hain?

sva-unnati to karenge lekin parivartan kya laayenge? chaahe mahaarthi ho chaahe naye ho - baapdaada ki ek hi shubh aasha hai, jitna chaahte hain utna abhi hua nahin hai। result to sunaayenge na। baapdaada alpakaal ka vairaagya nahin chaahte hain। niji vairaagya aaye - jo baap ko achha nahin lagta woh nahin karna hai, nahin sochna hai, nahin bolna hai। isko baapdaada kehte hain dil ka pyaar। abhi mix hai, kabhi dil ka pyaar hai, kabhi dimaag ka pyaar hai। maala ka har ek manka harek manke ke saath sameep ho, snehi ho, pragti ke liye sahayogi ho, isliye maala rooki hui hai kyonki maala taiyaar hona arthaat yugal daane ke samaan ek-do ke bhi sameep snehi banna। pahle 108 ki maala bane tab doosri bane। baapdaada bahut baar maala taiyaar karne ke liye baithte hain lekin abhi poori hi nahin hui hai। manka, manke ke sameep tab aata hai arthaat baap usko pirota tabhi hai jab us manke ko teen certificate hon:-

baap pasand, brahman-parivaar pasand aur apne yathaartha purushaartha pasand। teenon baaten check karte hain to manka haath mein hi rah jaata hai, maala mein nahin aata। to is varsha kaun-sa slogan yaad rakhenge? trimoorti baap aur vishesh teenon sambandh dvaara teen certificate lena hai। aur auron ko bhi dilaane mein sahayogi banna hai। maala ka sameep manka banna hi hai। to suna - sva-unnati kya karni hai? jaise brahma baap ka foundation number one parivartan mein kya raha? behad ka vairaagya। jo baap ne kaha woh brahma ne kiya, isliye win karke one ban gaye। achha।

baapdaada yeh result dekhenge। har ek apne ko dekhe, doosre ko nahin dekhna hai। kai samajhte hain season ka aaj last de hai lekin baapdaada kehte hain - last nahin hai, maala banne ka fast season ka din hai। sabhi ko chance hai। abhi maala ke manke piroye nahin hain, fix nahin hue hain। teen certificate lo aur piro jaao। jitna pratyaksha saboot dene vaale pratyaksha chehre aur chalan mein dekhenge utna phir se nai rangat dekhenge। agar aap bhi wahin ke wahin rahe to rangat bhi vahi ki vahi rahi, isliye apne mein naveenta laao, parivaar mein bhi teevra purushaartha ki nai lahar laao। phir aage chalkar kitne wonderful nazaare dekhenge। jo ab tak hua woh beeta, abhi har karma mein naya umang, naya utsaah… in pankhon se udte chalo।

baaki jinhonne bhi jo seva mein sahayog diya arthaat apna bhaagya jama kiya, woh achha kiya। chaahe desh chaahe videsh ke chaaron or ke sevaadhaariyon ne seva ki, isliye sevaadhaariyon ko baapdaada sada yahi kehte hain ki sevaadhaari arthaat golden chance ka bhaagya lene vaale। abhi isi bhaagya ko jahaan bhi jaao vahaan badhaate rehna, kam nahin hone dena। thode samay ka chance sada ke liye teevra purushaartha ka golden chance dilaata rahega। sevaadhaari bhi jo chale gaye hain athva jo ja rahe hain, sabhi ko mubaarak। achha।

sarva merciful shreshtha aatmaon ko, sada svayan ko sva-unnati ki udti kala mein le jaane vaale, teevra purushaarthi aatmaon ko, sada har samay ek baap ko saath anubhav karne vaale anubhvi aatmaon ko, sada baap ke dil ki aashaaon ko poorn karne vaale kul deepak aatmaon ko, sada apne ko maala ke sameep manke banaane vaale vijayi aatmaon ko, behad ki vairaagya vritti se har samay baap ko follow kar baap samaan banne vaale ati snehi right hand bachchon ko baapdaada ka yaad-pyaar aur namaste।

vardaan:- praaptiyon ko emerge kar sada khushi ki anubhooti karne vaale sahajyogi bhav

sahjayog ka aadhaar hai - sneh aur sneh ka aadhaar hai sambandh। sambandh se yaad karna sahaj hota hai। sambandh se hi sarva praaptiyaan hoti hain। jahaan se praapti hoti hai man-buddhi vahaan sahaj hi chali jaati hai, isliye baap ne jo shaktiyon ka, gyaan ka, gunon ka, sukh-shanti, aanand, prem ka khajaana diya hai, jo bhi bhinna-bhinna praaptiyaan hui hain, un praaptiyon ko buddhi mein emerge karo to khushi ki anubhooti hogi aur sahaj yogi ban jaayenge।

slogan:- jo sarva prashnon se paar rehta hai - vahi prasannachit hai।