मंगलवार 26 अप्रैल 2022 की दैनिक मुरली

26-04-2022 praatahmurli om shanti "baapdaada"' madhuban

“meethe bachche - oonch pad paana hai to aatma mein gyaan ka petrol bharte jaao, savere-savere uthkar baap ko yaad karo, koi bhi ulti chalan nahin chalo''

prashn:- baba har bachche ki janma-patri jaante hue bhi sunaate nahin, kyon?

uttar:- kyonki baba kehte main hoon shikshak, mera kaam hai tum bachchon ko shiksha dekar sudhaarna, baaki tumhaare andar kya hai, yeh main sunaaoonga nahin। main aaya hoon aatma ko injection lagaane na ki shaareerik beemaari theek karne।

prashn:- tum bachche abhi kis baat se darte nahin ho, kyon?

uttar:- tum abhi is puraane shareer ko chhodne se darte nahin ho kyonki tumhaari buddhi mein hai - ham aatma avinaashi hain। baaki yeh puraana shareer bhal chala jaae humein to vaapis ghar jaana hai। ham ashareeri aatma hain। baaki is shareer mein rehte baap se gyaan amrit pi rahe hain isliye baba kehte bachche sada jeete raho; serviceable bano to aayu badhti jaayegi।

geet:- bachpan ke din bhula na dena…

om shanti! bachchon ne geet suna। jisko ab mama baba kehte hain unko bhulaana nahin hai। geet jinhonne banaaya hai woh to arth ko samajhte nahin hain। yeh nishchay hi nahin hai ki ham us parampita paramatma ki santaan hain। us parampita paramatma ko, patiton ko paavan banaane ke liye aana padta hai। kitni oonchi service par aate hain। unko koi abhimaan nahin hai, usko kaha jaata hai niranhakaari। unko nishchaybuddhi va dehi-abhimaani hone ki baat nahin। woh kab sanshay mein aate nahin। deh-abhimaani bante hi nahin। manushya deh-abhimaani bante hain to phir dehi-abhimaani banne mein kitni mehnat lagti hai। baba kehte hain apne ko aatma samjho। manushya to kah dete hain apne ko paramatma samjho। kitna pharka hai। ek taraph yaad karte hain patit-paavan ko, phir kehte hain sabmen paramatma hai। unko jaakar samjhaana hai। baba dekho kahaan se aaya hai tum bachchon ko sudhaarne ke liye। jinko pakka nishchay hai woh to kehte hain barobar aap hamaare maat-pita ho। ham aapki shreemat par chal shreshtha devta banne ke liye yahaan aaye hain। paramatma to sadaiv paavan hi paavan hai। unko bulaate hain - patit duniya mein aao। to zaroor patit shareer mein hi usko aana padega। patit duniya mein to paavan shareer hota hi nahin। to baap dekho kitna nirhankaari hai, patit shareer mein aana padta hai। ham apne ko sampoorn nahin kahenge, ab ban rahe hain।

ab behad ka baap kehte hain bachche, shreemat par chalo। baap shreemat dete hain - savere uthkar yaad karo to paap bhasma ho jaayen। shreemat par nahin chalenge to vikarma vinaash nahin honge। bandar ke bandar hi rah jaayenge aur phir bahut kadi saza khaani padegi। jaanvar aadi to saja nahin khaate hain। saza manushya ke liye hai। agar bail kisko maarta hai, woh mar bhi jaaye to kya unko jel mein daalenge! manushya ko to phauran jel mein daal denge। baap samjhaate hain is samay manushya to unse bhi badtar hain। unko phir manushya se devta banna hai। baba samjhaate hain, yeh lakshmi-naaraayan bhi geeta ka gyaan nahin jaante hain। vahaan darkaar hi nahin kyonki baap hai rachayita। vahaan koi trikaaldarshi hote hi nahin। abhi yeh log trikaaldarshi na hote hue bhi kah dete hain ham bhagwan hain। to bade aksharon mein likh do ki geeta ka bhagwan parampita paramatma hai na ki shreekrishna। mool yeh ekaz bhool hi kiski buddhi mein nahin baithti hai। na bachche kiski buddhi mein bithaate hain। bhaarat hi svarga tha, yeh bhool gaye hain। kalpa ki aayu hi laakhon varsha kah di hai isliye koi puraani cheez milti hai to kehte hain yeh laakhon varsha ki hai। kabhi koi-koi kehte bhi hain - Christ se 3 hajaar varsha pahle bhaarat svarga tha। tum jaante ho ham bhi devta the। maaya ne bilkul hi kaudi tulya bana diya hai। koi bhi moolya nahin hai। to ab tum bachchon ko bhi ghor andhiyaare se nikalna chaahiye। kabhi koi aisa kartavya nahin karna chaahiye jo tumko bhi kehna pade ki tum koi bandar ho। main kitna doordesh se aata hoon, tumhaare maile kapde dhone ke liye, tumhaari aatma bilkul maili ho gai hai। ab mujhe yaad karo to tumhaari jyoti jag jaaye। gyaan ka petrol bharte jaao। to vahaan bhi kuchh pad paao। vahaan jaakar daas-daasi bano, yeh to achha nahin hai। yeh hai raajayog to pad paana chaahiye ooncha। daas-daasi jaakar bane to bhagwan se kya varsa paaya, kuchh bhi nahin। baba se koi poochhe to phat se baba bata sakte hain। kaam karna chaahiye ishaare se। bigar kahe jo kaam kare so devta..। kahne se jo kare so manushya। tumko ab shreemat milti hai devta banne ki। shreshtha banaane vaala baap kehte hain ki pradarshani mein bade-bade aksharon mein aisa board laga do to sabki okh khule ki shreekrishna bhagwan nahin hai, woh to punarjanma mein aate hain। woh samajhte hain shreekrishna janma-maran mein nahin aate hain, woh to haazira-hajoor hai। hanoomaan ka pujaari kahega - hanumaan haazira-hazoor hai। yahaan to ek hi baap se varsa lena hai। geeta ka bhagwan heere jaisa banaate hain। unka naam badalne se bhaarat ka yeh haal hua hai। yeh baat ajun (abhi) itni jor se samjhaai nahin hai। gyaan ka saagar to ek hi hai। vahi patit-paavan hai। vo log phir ganga ko patit-paavni kehte hain। ab saagar se to ganga nikli hai, to kyon nahin saagar mein jaakar snaan karen। unko samjhaane ke liye bachchon mein paristaani gun chaahiye। sabko samjhaana chaahiye - ham to baap ki hi mahima karte hain। niraakaar paramatma ko to sab maante hain। parantu sirf sarvavyaapi kah dete hain। kehte bhi hain he raam, he paramatma। maala simarte hain na। oopar mein hai phool। uska bhi arth nahin samajhte। phool aur meru yugal daana। maata-pita pravritti maarga hai na। rachna rachenge to zaroor maata-pita chaahiye। to in dvaara baith laayak banaate hain, jo phir maala simri jaati hai। paramatma ka, aatma ka roop kya hai। woh bhi nahin jaante hain। tumne nai baat suni hai। paramatma ek chhoti bindi hai। wonder hai na - itni chhoti bindi ko koi gyaan saagar maanenge? manushya ko maante hain। parantu woh to manushyon ko manushya dvaara hi gyaan milta hai - jisse durgati hi ho gai hai। yahaan to bhagwan khud aakar gyaan de sadgati karte hain arthaat raajaaon ka raaja banaate hain। tum wonder khaate ho। aatma chhoti si bindi hai, ati sookshm hai। to baap bhi aisa hi hoga na। aur hai kitni badi authority। kaise patit duniya aur patit shareer mein aakar padhaate hain। log kya jaanen in baaton ko। woh to ulte latke hue hain। ab baap pharmaan karte hain jo meri mat par chalenge vahi svarga ka maalik banenge, ismen darne ki baat hi nahin। ham aatma ashareeri hain। ab vaapis jaana hai। main to avinaashi aatma hoon। baaki yeh puraana shareer bhal chala jaaye। haan baba gyaan amrit pilaate hain isliye bhal jeete rahen। woh bhi jo serviceable honge unki aayu badhegi। pradarshani mein bahut service honi hai, bahut improvement hogi। shreekrishna ki mahima aur paramatma ki mahima mein bahut farka hai। baap kehte hain tum svarga mein paavan the। ab patit kaise bane ho, jaanna chaahiye na। baap aakar patthar buddhi ko paaras banaate hain।

eeshvareey santaan ko kabhi bhi kisko mansa-vaacha-karmana duhkh nahin dena chaahiye। baap kehte hain duhkh denge to mahaan duhkhi hokar marenge। hamesha sabko sukh dena chaahiye। ghar mein mehmaanon ki bahut achhi seva ki jaati hai। yeh puraana shareer hai, bhogna bhog, hisaab-kitaab chuktu karna hai, ismen darna nahin hai। nahin to phir saja khaani padegi। bahut meetha banna hai। baap kitna pyaar se samjhaate hain। kamaai mein kabhi ubaasi va jhutka nahin aana chaahiye। baap kehte hain mujhe yaad karne se tum sada nirogi ban jaayenge। tumko svarga mein le chalne aaya hoon, to koi bhi kukarma mat karo। sankalp to bahut aayenge - phalaani cheez uthaakar kha len। inko bhaaki pahan leven। are baap to bachchon ki janma-patri jaante hain, isliye manners achhe dhaaran karne hain। baap kehte hain main sabhi ki janma-patri jaanta hoon। parantu ek-ek ko baith sunaaoonga kya ki tumhaare andar kya hai। mera kaam hai shiksha dena। main to teacher hoon। aise nahin baba to jaante hain - hamaari davaai aapehi bhej denge। baba kahenge beemaari hai to doctor ke paas jaao। haan sabse achhi davaai hai yog। baaki main koi doctor thode hi hoon jo baith davaai doonga। haan kabhi de bhi deta hoon, drama mein kuchh noondh hai to। baaki main tumhaari aatma ko injection lagaane aaya hoon। drama mein hai to kabhi dava bhi dete hain। baaki aise nahin baba samartha hai, hamaari beemaari ko kyon nahin chhuda sakte hain। bhagwan to jo chaahe so kar sakta hai। nahin, baap to aaye hi hain patiton ko paavan banaane। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) mansa-vaacha-karmana kisi ko kabhi duhkh nahin dena hai। karma-bhog se darna nahin hai। khushi-khushi se puraana hisaab-kitaab chuktu karna hai।

2) sankalpon ke vash ho koi bhi kukarma nahin karna hai। achhe manners dhaaran karne hain। devta banne ke liye har baat ishaare se samajh karni hai। kahalvaana nahin hai।

vardaan:- behad ke sampoorn adhikaar ke nishchay aur roohaani nashe mein rahne vaale sarvashreshtha, sampattivaan bhav

vartamaan samay aap bachche aise shreshtha sampoorn adhikaari bante ho jo svayan almighty authority ke oopar aapka adhikaar hai। parmaatma adhikaari bachche sarva sambandhon ka aur sarva sampatti ka adhikaar praapta kar lete hain। is samay hi baap dvaara sarvashreshtha sampatti bhav ka vardaan milta hai। aapke paas sarva gunon ki, sarva shaktiyon ki aur shreshtha gyaan ki avinaashi sampatti hai, isliye aap jaisa sampattivaan aur koi nahin।

slogan:- sada alert raho to albelaapan samaapta ho jaayega।

maateshvari ji ke anmol mahaavaakya - “paramatma ke baare mein anek manushyon ki mat ka aakhreen phainsala''

abhi to yeh saari duniya jaanti hai ki paramatma ek hai, us hi paramatma ko koi shakti maante hain, koi kudrat kehte hain, matlab to koi na koi roop mein jarur maante hain। to jis vastu ko maante hain avashya woh koi vastu hogi tab to unke oopar naam pade hain parantu us ek vastu ke baare mein is duniya mein jitne bhi manushya hain utni maten hain, parantu cheez phir bhi ek hi hai। usmein mukhya chaar maten sunaate hain - koi kehta hai eeshvar sarvatra hai, koi kehta hai, brahm hi sarvatra hai। koi kehta eeshvar satyam maaya mithyam, koi kehta eeshvar hai hi nahin, kudrat hi kudrat hai। vo phir eeshvar ko nahin maante। ab yeh hain itni maten। vo to samajhte hain jagat prakriti hai, baaki kuchh hai nahin। ab dekho jagat ko maante hain parantu jis paramatma ne jagat racha, us jagat ke maalik ko nahin maante! duniya mein jitne anek manushya hain, unhon ki itni maten, aakhreen bhi in sabhi maton ka phainsala svayan paramatma aakar karta hai। is saare jagat ka nirnay paramatma aakar karta hai athva jo sarvottam shaktivaan hoga, vahi apni rachna ka nirnay vistaarpoorvak samjhaayega, vahi humein rachta ka bhi parichay dete hain aur phir apni rachna ka bhi parichay dete hain। achha - om shanti।