बुधवार 27 अप्रैल 2022 की दैनिक मुरली

27-04-2022 praatahmurli om shanti "baapdaada"' madhuban

“meethe bachche - shreemat par chalkar apne karmon ko sudhaaro, vikarmon ko bhasma karo, maala ka daana banna hai to ek baap ke sivaae doosra koi yaad na aaye''

prashn:- kin bachchon ki raksha baap svatah karta hai?

uttar:- jo jitna saphaai se chalte hain, baap se sada sachche rehte hain, unki raksha svatah hoti rehti hai। jhootha chalne vaalon ki raksha ho nahin sakti। maaya unhein bahut kheenchati rehti hai। unke liye phir saja kaayam ho jaati hai।

prashn:- bachche roohaani surgeon se apni beemaari chhipaate kyon hain?

uttar:- kyonki unhein apni ijjat ka dar rehta hai। jaante bhi hain maaya ne humein dhokha diya hai। okhe criminal ho gai hain phir bhi baap se chhipa lete hain। baba kehte hain bachche jitna tum chhipaayenge utna neeche girte jaayenge। maaya kha legi। phir padhaai chhoot jaayegi, isliye bahut khabardaar rehna। manmat va aasuri mat par nahin chalna।

om shanti। roohaani baap roohaani bachchon ko samjhaate hain, bachchon ne yeh nishchay to kiya hai ki roohaani baap hi aatmaon ko padhaate hain isliye gaayan hai ki aatma paramatma alag rahe… mool vatan mein to sabhi aatmaayen ikatthi rehti hain। alag nahin rehti phir vahaan se aatmaayen bichhudti hain। aakarke apna-apna part bajaati hain। satopradhaan se utarte-utarte tamopradhaan ban jaati hain। bulaate bhi hain he patit-paavan aao, aakar paavan banaao। baap bachchon ko samjhaate hain ham har 5 hajaar varsha baad aate hain। yeh srishti chakra hi 5 hajaar varsha ka hai। niraakaar shivbaaba bhi zaroor tan dvaara hi sunaayenge। oopar se koi prerna aadi nahin karte hain। jaise tum aatmaayen shareer dhaaran kar baatcheet karti ho, baap bhi kehte hain main is tan dvaara tumse baat karta hoon। tum bachchon ko direction deta hoon, jitna jo direction par chalte hain woh apna hi kalyaan karte hain। baap to samjhaate hain phir koi shreemat par chale va na chale। teacher ki sune va na sune। woh to apne liye hi phaayda athva nuksaan karte hain। nahin sunega to fail ho jaayega। shivbaaba to achhi reeti samjhaate hain। shivbaaba se tum bachchon ko seekhkar phir sikhaana hai। san shows father, ismen jismaani baap ki baat nahin hai। yeh hai roohaani baap ki baat। bachche samajhte hain jitna jo shreemat par chalte hain utna varsa paate hain। baap kehte hain mujhe yaad karo to tumhaare janma-janmaantar ke paap kat jaayenge kyonki raavan-raajya mein paap aatmaayen, punya aatmaon ke aage maatha tekti hain। parantu yeh nahin jaanti ki yahi punya aatmaayen phir paap aatmaayen banti hain। samajhte hain woh sadaiv punya aatmaayen hain। baap samjhaate hain punarjanma lete-lete punya aatma se paap aatma bante hain। 84 janma lete hain to satopradhaan se tamopradhaan mein aate hain। paap aatma bante hain phir baap ko yaad karte hain, jab punya aatma hain to baap ko yaad karne ki darkaar nahin। ab yeh sab baaten sabko baap to nahin baith samjhaayenge। bachche service karte hain। manushya to is samay asur bante jaate hain, is kaaran buddhi mein baithta hi nahin ki paramatma sarvavyaapi nahin hai। saara madaar is baat par hai। shreekrishna to dehdhaari hain, unko devta kaha jaata hai। aatmaon ka father to niraakaar baap hai, unko hi yaad karna hai। bhal prajaapita bhi kehte hain lekin woh to saakaar hai। yeh sab baaten achhi tarah samjhaai jaati hain। parantu kai bachche na samajhkar ulta raasta le jangal mein jaakar padte hain। baba raasta bataate hain - shahar ka athva svarga mein jaane ka parantu na samajhne ke kaaran jangal mein jaakar padte hain। jangal mein chale jaate hain to kaante ban jaate hain। yahaan rehte bhi raasta poora pakadte nahin hain। beech mein rah jaate hain। phir vahaan bhi pichhaadi mein aa jaate hain। tum yahaan aaye ho svarga mein jaane ke liye। treta ko bhi vaastav mein svarga nahin kahenge। 25 pratishat kam ho gaya na। abhi tum ho sangam par। baap kehte hain puraani duniya ko tyaag nai duniya ko yaad karo। aise to nahin kahenge puraani duniya ko bhool treta ko yaad karo। treta ko thode hi nai duniya kahenge। raasta theek na pakadne ke kaaran neeche-oopar hote rehte hain। drama anusaar kalpa pahle jinhonne poora imtahaan paas kiya hai vahi karenge। treta mein jaane vaalon ko naapaas hi kahenge। jo svargavaasi bante hain vahi poore paas hote hain। kalpa kalpaantar, janma-janmaantar sangam par vahi imtahaan paas karte hain। jaise ab kar rahe hain। jo phool banne ka nahin hoga, unko bhal kitna bhi jor se kheenchenge lekin woh nahin banenge। ak to phir bhi phool hai na। kaante to chubhte rehte hain। saara madaar padhaai par hai। maaya achhe-achhe bachchon ko bhi kaanta bana deti hai। traitor ban jaate hain। jo apne ghar ko chhod doosri taraph jaaye unko traitor kaha jaata hai। baap to maaya se chhudaane aaye hain। kehte hain baba, maaya badi dustar hai। apni taraph kheenchati hai। maaya kam chumbak nahin hai। is samay dekho khoobsoorti bhi kitni badh gai hai, kitne fashionable bante hain। bioscope mein kya-kya dikhaate hain। aage yeh bioscope nahin the। 100 varsha ke andar hi nikle hain। ismen drama ke raaz ko bhi samjhaana hai। 100 varsha ke andar jaise bahishta ban gaya hai। vahaan to yeh science bhi bahut sukh dene vaali hoti hai। vahaan science ka ghamanda nahin hota hai। kitna sukh deti hai। parantu woh sukh sthaai ho jaae isliye puraani duniya ka vinaash hota hai।

baap bachchon ko oonch chadhaane ke liye dekho kitni mehnat karte hain। parantu koi-koi to maante hi nahin hain ki baba hamko padhaate hain। achhe-achhe bhi maaya ke chambe mein aa jaate hain। maaya poora hi vash kar leti hai। parantu phir bhi ek baar jo gyaan suna hai to svarga mein zaroor aayenge, parantu oonch pad nahin paayenge। kehte to sab hain ham naaraayan banenge। to purushaartha bhi itna karna hai, parantu hai saara drama ka khel। koi chadhte hain, koi girte hain। neeche oopar hota hi rehta hai। saara madaar yaad ki yaatra par hai। baap tumko akhut khajaana dete hain। vahaan karmabhog ki baat hi nahin। is samay yahaan jo jama karte hain vahi poora varsa paate hain। yeh khyaal nahin karna chaahiye ki chadhenge to phir girenge bhi। jaasti gire hain to ab to chadhna hi hai। drama anusaar purushaartha to hota hi rehta hai। shiv ki sabse jaasti pooja hoti hai। unko phir thikkar bhittar mein kah dete hain। kitna agyaan hai। bhal shiv ki pooja bhi karte hain, bali bhi chadhaate hain, parantu phir bhi shiv ko koi jaante nahin hai ki woh gyaan ka saagar baap kaise aakar padhaate hain। ab padhkar purushaartha kar oonch pad paana hai। maaya bhi kisko chhodti nahin hai, ekdam pakad leti hai। baba kehte hain bachche sachcha-sachcha chart likho। kai bachche sach nahin bataate hain to saja bhi ho jaati hai। saja ke samay tobaan-tobaan karte hain। kshama karo phir aise nahin karenge। chhota bachcha koi bura kaam karte hain to baap maarte hain to tobaan-tobaan karte hain। yeh hai behad ka baap। itna bada baap kitni namrata se chalte hain। kitna mulaayam hai। jaise chhote bachche mulaayam hote hain, koi bhi baat hogi kahenge achha theek hai kyonki drama par chalte hain, achha bhaavi aisi thi। phir samjhaate hain - aage aisa na ho। shreemat aur aasuri mat। yeh brahma bhi alaukik baap hai na, phir bhi behad ka baap hai। had ke baap ki bhal koi na maane। behad ke baap ne ise (brahma ko) nimitta banaaya hai to inka zaroor maanna chaahiye na isliye yeh baba kehte hain maaya koi kam nahin hai, ulta kaam kara leti hai। samajhna chaahiye - yeh hai eeshvareey mat। baap kehte hain in dvaara agar aisi koi mat mil gai to bhi main theek kar doonga। baba ne rath bhi anubhvi liya hai। kitni gaali khaai hai। baba ke saath bahut saphaai se rehna chaahiye। jitna jo saphaai se chalega, utni unki raksha hogi। jhoothi chalan chalne vaalon ki raksha nahin hoti hai, unke liye saja kaayam ho jaati hai। maaya naak se pakad leti hai। bachche jaante hain - maaya kha gai isliye hamne padhaai chhod di। baba kehte hain kuchh bhi ho parantu padhaai kabhi bhi banda nahin karo। jo jaisa karega, vaisa paayega। kab paayega? bhavishya mein, kyonki ab duniya mein change hone vaali hai। yeh koi nahin jaante, sivaae tumhaare। tumhaare mein bhi bahut bachche bhool jaate hain। agar yaad mein rahen to khushi bhi rahe, parantu maaya ekdam bhula deti hai। yeh maaya se ladaai ant tak chalti rahegi। achhe-achhe bachche bhi jaante hain ki hamaare se yeh ho gaya phir sach nahin bataate, ijjat ka dar rehta hai। ghutka khaate rehte hain। haan koi yugal hain to samajhte hain ek ne bataaya to ham bhi bata den। takdeer mein oonch pad nahin hai to surgeon se chhipaate rehte hain। jitna chhipaayenge utna neeche girte jaayenge। yeh okhen aisi hain jo criminal-pane ko chhodti nahin hain। koi to bahut achhe bachche hain - jo kabhi doosre koi ko yaad bhi nahin karte। jaise pativrata stri ki kab koi par-purush mein drishti nahin jaati hai। to baap samjhaate hain - agar maala ka daana banna hai to aisi avastha chaahiye। vishwa ka maalik banna koi kam baat hai kya? behad ka baap padhaate hain baaki kya chaahiye। baba tumko practical dikhaate hain ki phalaane-phalaane mein yeh khoobi hai, inmen yeh hai - tab nambarvaar yaad-pyaar dete hain। yahaan baithe-baithe bhi baba ki buddhi serviceable bachchon taraph rehti hai। agyaan kaal mein bhi aagyaakaari bachchon par pyaar rehta hai। baba jaante hain mere kaun se bachche achhi service karte hain। tum ho brahmaakumaar aur brahmaakumaariyaan, shivbaaba ke potre aur potriyaan daade se varsa to zaroor milna hai। brahma ke paas varsa nahin hai। baap khud kehte hain main tum aatmaon ka behad ka baap hoon। tumko behad ka varsa deta hoon, isliye ab meri shreemat par chalo। main aaya hoon tum bachchon ko aap samaan ashareeri banaae vaapis le chalne ke liye। ab tumhaari jyoti jaga rahe hain - gyaan aur yog se। agar gyaan aur yog mein theek reeti na rahe to dharmaraaj ke mochre khaane padenge, isliye pahle apne vikarmon ko bhasma karo। is samay manushya bhal apne ko svarga mein samajhte hain parantu yeh hai alpakaal ka sukh। unhon ko behad ka baap varsa bhi nahin dete hain। baap kehte hain main gareeb nivaaj hoon। jo bilkul hi gareeb, patit ahilyaayen hain unhon ko saahookaar bana deta hoon। agar koi patit se paavan nahin bante hain to vijay maala mein aa nahin sakenge। yeh to behad ke baap saath sauda karna hota hai। baba yeh to sab mitti mein mil jaana hai, isliye ham aapke oopar balihaar jaate hain। yeh sab kuchh aap le lo, humein svarga ka maalik bana do। baap kehte hain main to daata hoon। yeh raajaai sthaapan karne mein athva vishwa ka maalik banne mein koi kharcha nahin hai। vahaan dekho ladaai ke liye kitna kharcha hota hai। yahaan to tumhaara kya kharcha hai? kyonki koi bhi hathiyaar panvaar hai nahin। yogbal se vishwa ke maalik bante hain। vo log baahubal se itna ladte hain - phir bhi vishwa ka maalik nahin ban sakte hain। drama mein unhon ka part hi nahin hai। sachcha-sachcha raajayog behad ka baap hi sikhlaate hain। tum jaante ho raajayog se parampita paramatma ne svarga ki sthaapna ki thi। abhi tum sangamayug par padh rahe ho aur padhaai anusaar hi nambarvaar pad milega। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap samaan namrata ka gun dhaaran karna hai। kisi ko bhi kaanta nahin chubhaana hai। phool ban khushbu deni hai।

2) sachchaai ka gun dhaaran kar surgeon se koi bhi baat chhipaani nahin hai। padhaai kisi bhi haalat mein nahin chhodni hai। aagyaakaari banna hai।

vardaan:- baap dvaara mile hue vardaanon ko samay par kaarya mein lagaakar phaleebhoot banaane vaale vardaani moorta bhav

baapdaada dvaara jo bhi vardaan milte hain unhein samay par kaarya mein lagaao to vardaan kaayam rahenge। vardaan ke beej ko phaldaayak banaane ke liye use baar-baar smriti ka paani do, vardaan ke swaroop mein sthit hone ki dhoop do। to ek vardaan anek vardaanon ko saath mein laayega aur phal swaroop vardaani moorta ban jaayenge। jitna vardaanon ko samay par kaarya mein lagaayenge utna vardaan aur shreshtha swaroop dikhaata rahega।

slogan:- attention natural ho to tension svatah khatma ho jaayega।