गुरुवार 2 जून 2022 की दैनिक मुरली

02-06-2022 praatahmurli om shanti "baapdaada"' madhuban

“meethe bachche - satya baap tumhein sab satya sunaate hain, aise sachche baap se sada sachche rehna hai, andar mein koi bhi jhooth kapat nahin rakhni hai''

prashn:- sangam par tum bachche kis contrast ko achhi tarah se jaante ho?

uttar:- brahman kya karte aur shoodra kya karte, gyaan maarga kya hai aur bhakti maarga kya hai, us jismaani sena ke liye yuddha ka maidaan kaun sa hai aur hamaara yuddha ka maidaan kaun sa hai - yeh sab contrast tum bachche hi jaante ho। satayug athva kaliyug mein is contrast ko koi nahin jaante।

geet:- maata O maata…

om shanti। yeh hai bhaarat maataaon ki mahima। jaise parampita paramatma shiv ki mahima hai। sirf ek maata ki mahima to chal na sake। ek to kuchh kar na sake। zaroor sena chaahiye। sena bigar kaam kaise chale। shivbaaba hai ek। woh ek na ho to maataayen bhi na hon। na bachche ho, na brahmaakumaar aur kumaariyaan hon। majority maataaon ki hai, isliye maataaon ko hi mahima di gai hai। bhaarat maataayen jo shiv shakti gupta sena hain aur ahinsak hai। koi bhi prakaar ki hinsa nahin karti hain। hinsa do prakaar ki hoti hai। ek hai kaam kataari chalaana, doosra hai goli aadi chalaana, krodh karna, maarna aadi। is samay jo bhi jismaani senaayen hain, woh donon hinsa karti hain। aajkal bandook aadi chalaana maataaon ko bhi sikhaate hain। woh hain jismaani sena ki maataayen aur yeh hain roohaani sena ki daivi sampradaay vaali maataayen। woh kitni drill aadi seekhti hain। tum shaayad kabhi maidaan mein gai bhi nahin ho। woh bahut mehnat karte hain। kaam vikaar mein bhi jaate hain, aise koi mushkil honge jo shaadi nahin karte honge। us military mein bhi bahut seekhte rehte hain। chhote-chhote bachchon ko bhi sikhaate hain। woh bhi sena hai, yeh bhi sena hai। sena ka to geeta mein achha hi vistaar likha hua hai। parantu practical mein kya hai - yeh to tum hi jaante ho ki ham kitne gupta hain। shiv shakti sena kya karti hai? vishwa ka maalik kaise bante hain? isko kaha jaata hai yuddhasthal। tumhaara yuddha ka maidaan bhi gupta hai। maidaan is maandave ko kaha jaata hai। aage maataayen yuddha ke maidaan mein nahin jaati thi। abhi yahaan se poori bhent hoti hai। donon senaaon mein maataayen hain। unmein majority purushon ki hai, yahaan majority maataaon ki hai। contrast hai na। gyaan maarga aur bhakti maarga ka। yeh last contrast hai। satayug mein contrast ki baat nahin hoti। baba aakar contrast bataate hain। brahman kya karte aur shoodra kya karte hain? donon hi yahaan yuddha ke maidaan mein hain। satayug va kaliyug ki baat nahin hai। yeh hai sangamayug ki baat। tum paandav sangamayugi ho। kaurav hain kaliyugi। unhonne kaliyug ka time bahut lamba kar diya hai। is kaaran sangam ka unhon ko maaloom hi nahin hai। dheere-dheere yeh gyaan bhi tumhaare dvaara samjhenge। to ek maata ki mahima nahin hai। yeh hai shakti sena। oonche te oonch ek bhagwan hai aur tum hoobhu kalpa pahle vaali sena ho। is bhaarat ko daivi raajasthaan banaana, yeh tumhaara hi kaam hai।

tum jaante ho pahle ham sooryavanshi the phir chandravanshi, vaishya vanshi bane। parantu mahima sooryavanshi ki hi karenge। ham purushaartha hi aisa kar rahe hain jo ham pahle sooryavanshi arthaat svarga mein aaven। satayug ko svarga kaha jaata hai। treta ko vaastav mein svarga nahin kaha jaata hai। kehte bhi hain phalaana svarga padhaara। aise to nahin kehte phalaana treta mein raam-seeta ke raajya mein gaya। bhaaratvaasi jaante hain ki baikuntha mein shreekrishna ka raajya tha। parantu shreekrishna ko dvaapar mein le gaye hain। manushyon ko satya ka pata hi nahin hai। satya bataane vaala satguru koi unko mila hi nahin hai, tumko mila hai। woh sab sach bataate hain aur sachcha banaate hain। bachchon ko kehte hain, bachche tum kabhi bhi jhooth kapat nahin karna। tumhaara kuchh bhi chhipa nahin rahega, jo jaisa karma karte hain, aisa paate hain। baap achhe karma sikhlaate hain। eeshvar ke paas koi ka vikarma chhip nahin sakta। karmabhog bhi bahut kada hota hai। bhal tumhaara yeh antim janma hai to bhi saja to khaani padegi kyonki anek janmon ka hisaab-kitaab chuktu hona hai। baba ne samjhaaya hai kaashi kalvat khaate hain to jab tak praan niklen, tab tak bhogna bhogni padti hai। bahut kashta sahan karna padta hai। ek to karmabhog beemaari aadi ka doosra phir vikarmon ki saja। us samay kuchh bol nahin sakte, chillaate rehte hain। traahi-traahi karte hain। paap aatmaon ko yahaan bhi saja vahaan bhi saja milti hai। satayug mein paap hota hi nahin। na court, na magistrate hote hain, na garbha jel ki saja hoti hai। vahaan garbha mahal hota hai। dikhaate bhi hain peepal ke patte par krishna angootha choosta hua aaya। woh garbha mahal ki baat hai। satayug mein bachche bade aaraam se paida hote hain। aadi-madhya-ant sukh hi sukh hai। is duniya mein aadi madhya ant duhkh hi duhkh hai। abhi tum sukh ki duniya mein jaane ke liye padh rahe ho। yeh gupta sena vriddhi ko paati rahegi। jitna jo bahuton ko raasta bataayenge। woh oonch pad paayenge। mehnat karni hai yaad ki। behad ka varsa jo mila tha woh ab ganvaaya hai। ab phir se pa rahe hain। laukik baap paarlaukik baap donon ko yaad karte hain। satayug mein ek laukik ko yaad karte, paarlaukik ko yaad karne ki jaroorat hi nahin। vahaan sukh hi sukh hai। yeh gyaan bhi bhaaratvaasiyon ke liye hai, aur dharma vaalon ke liye nahin hai। parantu jo aur dharmon mein convert ho gaye hain woh nikal aayenge। aakar yog seekhenge। yog par samjhaane ke liye tumko nimantran milta hai to taiyaari karni chaahiye। samjhaana hai kya tum bhaarat ka praacheen yog bhool gaye ho? bhagwan kehte hain manamnaabhav। parampita paramatma kehte hain niraakaari bachchon ko ki mujhe yaad karo to tum mere paas aayenge। tum aatma in organs se sunti ho। main aatma in organs ke aadhaar se sunaata hoon। main sabka baap hoon। meri mahima sab gaate hain sarvashaktimaan gyaan ka saagar, sukh ka saagar aadi aadi। yeh bhi topic achhi hai। shiv paramatma ki mahima aur krishna ki mahima bataao। ab judge karo ki geeta ka bhagwan kaun? yeh jabardasta topic hai। is par tumhein samjhaana hai। bolo, ham jaasti samay nahin lenge। ek minute den to bhi theek hai। bhagvaanuvaach manamnaabhav, maamekam yaad karo to svarga ka varsa milega। yeh kisne kaha? niraakaar paramatma ne brahma tan dvaara brahman bachchon ko kaha, inko hi paandav sena bhi kehte hain। roohaani yaatra par le jaane ke liye tum pande ho। baba nibandha (yese) dete hain। unko phir kaise refine kar samjhaayen, so bachchon ko khyaal karna hai। baap ko yaad karne se hi mukti-jeevanmukti ka varsa milega। ham brahmaakumaar aur kumaariyaan hain। vaastav mein tum bhi ho parantu tumne baap ko pahchaana nahin hai। tum bachche abhi parampita paramatma dvaara devta ban rahe ho। bhaarat mein hi lakshmi-naaraayan ka raajya tha। chhote-chhote bachche bulanda aavaaj se badi-badi sabha mein samjhaayen to kitna prabhaav padega। samjhenge gyaan to inmen hai। bhagwan ka raasta yeh bataate hain। niraakaar paramatma hi kehte hain he aatmaayen mujhe yaad karo to tumhaare vikarma vinaash honge। ganga snaan, teertha aadi janma-janmaantar karte-karte patit hi bante aaye। bhaarat ki hi chadhti kala, utarti kala hai। baap raajayog sikhlaakar chadhti kala arthaat svarga ka maalik banaate hain phir maaya raavan narka ka maalik banaati hai to utarti kala kahenge na। janma by janma thodi-thodi utarti kala hoti jaati hai। gyaan hai chadhti kala। bhakti hai utarti kala। kehte bhi hain bhakti ke baad phir bhagwan milega। to bhagwan hi gyaan denge na। vahi gyaan ka saagar hai। gyaan anjan satguru diya, agyaan andher vinaash। satguru to ek parampita paramatma hi hai। mahima satguru ki hai na ki guru ki। guru log to dher hain। satguru to ek hai। vahi sadgati daata patit-paavan, liberator hai। abhi tum bachche bhagvaanuvaach sunte ho। maamekam yaad karne se tum aatmaayen, shantidham chali jaayengi। woh hai shantidham, woh hai sukhdhaam aur yeh hai duhkhadhaam। kya itna bhi nahin samajhte! baap hi aakar patit duniya ko paavan duniya banaate hain।

tum jaante ho behad ka sukh dene vaala behad ka baap hi hai। behad ka duhkh raavan dete hain। woh hai bada dushman। yeh bhi koi ko pata nahin hai ki raavan raajya ko patit raajya kyon kaha jaata hai। ab baap ne saara raaz hamko samjhaaya hai। har ek mein yeh 5-5 vikaar pravesh hain, iseelie 10 sheesh vaala raavan banaate hain। yeh baat vidvaan, pandit nahin jaante hain। ab baap ne samjhaaya hai raamraajya kab se kahaan tak chalta hai। yeh behad ki history-geography samjhaate hain। raavan hai behad ka dushman bhaarat ka। usne kitni durgati ki hai। bhaarat hi heaven tha jo bhool gaye hain।

abhi tum bachchon ko baap ki shreemat milti hai bachche baap ko yaad karo। alpha aur be। parampita paramatma svarga ki sthaapna karte hain। raavan phir narka sthaapan karte hain। tumko to svarga sthaapan karne vaale baap ko yaad karna hai। bhal grihastha vyavhaar mein raho, shaadi aadi par jaao। jab phursat mile to baap ko yaad karo। shareer nirvaah arth karma karte hue jiske saath tumhaari sagaai hui hai, use yaad karna hai। jab tak unke ghar jaayen tab tak bhal tum sab kartavya karte raho, lekin buddhi se baap ko bhoolo nahin। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sajaaon se chhootne ke liye apne sab hisaab-kitaab chuktu karne hain। sachche baap se kuchh bhi chhipaana nahin hai। jhooth kapat ka tyaag karna hai। yaad ki yaatra mein rehna hai।

2) jaise baap apkaariyon par bhi upkaar karte hain aise sab par upkaar karna hai। sabko baap ka satya parichay dena hai।

vardaan:- eeshvareey sanskaaron ko kaarya mein lagaakar saphal karne vaale saphalta moorta bhav

jo bachche apne eeshvareey sanskaaron ko kaarya mein lagaate hain unke vyartha sankalp svatah khatma ho jaate hain। saphal karna maana bachaana ya badhaana। aise nahin puraane sanskaar hi use karte raho aur eeshvareey sanskaaron ko buddhi ke locker mein rakh do, jaise kaeeyon ki aadat hoti hai achhi cheejen va paise bank athva almaariyon mein rakhne ki, puraani vastuon se pyaar hota hai, vahi use karte rehte। yahaan aise nahin karna, yahaan to mansa se, vaani se, shaktishaali vritti se apna sab kuchh saphal karo to saphaltaamoorta ban jaayenge।

slogan:- “baap aur main'' yeh chhatrachhaaya saath hai to koi bhi vighna thahar nahin sakta।

sabhi brahman bachchon prati vishesh attention - parmaatma mahaavaakya

ek bal ek bharosa arthaat sada nishchay ho ki jo saakaar ki murli hai, vahi murli hai jo madhuban se shreemat milti hai vahi shreemat hai, baap sivaay madhuban ke aur kahin mil nahin sakta। sada ek baap ki padhaai mein nishchay ho। madhuban se jo padhaai ka paath jaata vahi padhaai hai, doosri koi padhaai nahin। agar kahaan bhog aadi ke samay sandeshi dvaara baba ka part chalta hai to yeh bilkul wrong hai, yeh bhi maaya hai, isko ek bal ek bharosa nahin kahenge। madhuban se jo murli aati hai us par dhyaan do nahin to aur raaste par chale jaayenge। madhuban mein hi baba ki murli chalti hai, madhuban mein hi baba aate hain isliye harek bachcha yeh saavdhaani rakhe, nahin to maaya dhokha de degi।