बुधवार 15 जून 2022 की दैनिक मुरली

15-06-2022 praatahmurli om shanti "baapdaada"' madhuban

“meethe bachche - yeh tum sabki vaanaprastha avastha hai, vaapas ghar jaana hai isliye baap aur ghar ko yaad karo, paavan bano, sab khaate khalaas karo''

prashn:- baap hi bachchon ko kaun sa dheeraj dete hain?

uttar:- bachche, abhi is rudra gyaan yagya mein anek prakaar ke vighna padte hain, parantu dheeraj dharo, jab tumhaara prabhaav niklega, dher ke dher aane lagenge phir sab tumhaare aage aakar maatha jhukaayenge। baandheliyon ke bandhan khalaas ho jaayenge। jitna tum baap ko yaad karenge, bandhan tootte jaayenge। tum vikarmaajeet bante jaayenge।

geet:- bholenaath se niraala…

om shanti। bholaanaath sadaiv shiv ko hi kehte hain, shiv-shankar ka bhed to achhi tarah se samjha hi hai। shiv to oonch te oonch mool vatan mein rehte hain। shankar to hai sookshmavtanvaasi, unko bhagwan kaise kah sakte hain। oonch te oonch rahne vaala hai ek baap। phir doosre tabke mein hain 3 devtaayen। woh hai baap, oonch te oonch niraakaar। shankar to aakaari hai। shiv hai bholaanaath, gyaan ka saagar। shankar ko gyaan ka saagar kah nahin sakte। tum bachche jaante ho shivbaaba bholaanaath aakar hamaari jholi bharte hain। aadi madhya ant ka raaz bata rahe hain। rachta aur rachna ka raaz bahut simple hai। bade-bade rishi muni aadi bhi in sahaj baaton ko jaan nahin sakte hain। jab woh rajoguni hi nahin jaante the to tamoguni phir kaise jaanenge। to abhi tum bachche baap ke sammukh baithe ho। baap amraktha suna rahe hain। yeh to bachchon ko nishchay hai barobar hamaara baba (shivbaaba) sachchi-sachchi amraktha suna rahe hain, ismen koi sanshay nahin hona chaahiye। koi bhi manushya hamko yeh nahin suna rahe hain। bholaanaath hai shivbaaba, kehte hain mujhe apna shareer nahin hai। main hoon niraakaar, pooja bhi mujh niraakaar ki hi karte hain। shiv jayanti bhi manaate hain, ab baap to janma maran rahit hai। woh hai bholaanaath। zaroor aakar sabhi ki jholi bharega। kaise bharega, yeh tum bachche hi samajhte ho। avinaashi gyaan ratnon ki jholi bharte hain। yahi knowledge hai, gyaan saagar aakar gyaan dete hain। geeta to vahi ek hi hai parantu sanskrit shlok to hain nahin। bholi maataayen sanskrit aadi se kya jaanen! unhon ke liye hi bholaanaath baba aate hain। yeh maataayen to bichaari ghar ke kaam mein hi rehti hain। yeh to abhi fashion pada hai jo naukri karti hain। to baba ab bachchon ko oonch te oonch padhaai padha rahe hain, jo bilkul kuchh bhi nahin padhe the unhon par pahle-pahle kalash rakhte hain padhaai ka। yoon to bhaktiyaan, seetaayen sab hain। raam aaye hain raavan ki lanka se mukta karne arthaat duhkh se mukta karne। phir to baap ke saath ghar hi jaayenge aur kahaan jaayenge। yaad bhi ghar ko karte hain, ham duhkh se mukti paaven। bachche jaante hain beech mein kisko mukti mil nahin sakti। sabko tamopradhaan banna hi hai। mukhya jo foundation hai woh jal jaata hai, woh dharma hi praayah lop ho jaata hai। baaki kuchh praayah chitra aadi jaakar rehte hain। lakshmi-naaraayan ka chitra bhi gum ho jaae to yaadgaar kaise milega? barobar jaante hain devi-devtaayen raajya karte the। unhon ke chitra bhi abhi tak hain। bachchon ko is par samjhaana hai। tum jaante ho lakshmi-naaraayan bachpan mein prince princess, raadhe krishna the। phir mahaaraaja mahaaraani bane hain। woh hain hi satayug ke maalik। devtaayen kabhi patit duniya mein pair nahin dhar sakte। shreekrishna to hai hi vaikuntha ka prince। woh to geeta suna na sake। bhool bhi kitni bhaari kar di hai। krishna ko bhagwan kaha nahin ja sakta। woh to manushya hai, devi-devta dharma ka hai। vaastav mein devtaayen brahma vishnu shankar to sookshm vatan mein hi rehte hain, yahaan manushya rehte hain। manushya ko sookshm vatan vaasi nahin kah sakte hain, brahma devtaae namah, vishnu devtaae namah kah dete hain na। woh hai devi-devta dharma। shri lakshmi devi, shri naaraayan devta। manushya ko hi 84 janma lene padte hain। abhi tum bachche jaante ho asul mein ham devta dharma ke the, woh dharma bahut sukh dene vaala hai। yeh koi kah na sake - vahaan ham kyon nahin! yeh to jaante ho na ki vahaan ek hi aadi sanaatan devi-devta dharma tha phir baaki aur dharma nambarvaar aate hain। yeh tum bachche samjha sakte ho। yeh anaadi bana banaaya khel hai। usmein phir satayug hoga। bhaarat mein hi hona hai kyonki bhaarat hi avinaashi khanda hai। iska vinaash nahin hota hai।

yeh bhi samjhaana padta hai। baap ka janma bhi yahaan hota hai, unka hai divya janma jo manushyon sadrishya nahin hai। baap aaye hain nikaalne। abhi tum sirf baap aur ghar ko yaad karo। phir tum raajdhaani mein aa jaayege। yeh to aasuri raajasthaan hai, baap le jaate hain daivi raajasthaan mein। aur koi takleeph nahin dete sirf baap aur varse ko yaad karna hai। yeh hai ajpaajaap… mukh se kuchh bhi kehna nahin hai। sookshm mein bhi kuchh kehna nahin hai। silence mein baap ko yaad karna hai, ghar baithe। baandheliyaan bhi ghar baithe sunti hain। chhutti nahin milti hai। haan ghar baithe sirf pavitra rahne ki koshish karo। bolo, hamko svapna mein direction milte hain pavitra bano। abhi maut saamne khada hai। tum abhi vaanaprastha avastha mein ho। vaanaprastha mein kabhi vikaar ka khyaal thode hi hota hai। abhi baap saari duniya ke liye kehte hain, sabhi ki vaanaprastha avastha hai। sabhi ko vaapas jaana hai to ghar ko yaad karna hai। phir aana bhi bhaarat mein hai। mukh to ghar ki taraph hi hoga na। bachchon ko aur koi takleeph nahin di jaati hai, bada sahaj hai। ghar mein baith bhal bhojan banaao, shivbaaba ki yaad mein। ghar mein bhojan banaate ho to pati yaad rehta hai na। baap kehte hain yeh to patiyon ka pati hai। unko yaad karo jisse 21 janmon ke liye varsa milta hai। achha koi ko chhutti nahin milti hai। vahaan bhi rah baap aur varse ko yaad karo। apna to tum chhutkaara kar lo। baap se poora varsa le sakte ho। dheere-dheere to chhutkaara milna hi hai। haan roodra gyaan yagya mein vighna bhi zaroor padne hain। aakhreen jab tumhaara prabhaav niklega to tumhaare charnon mein maatha tekte rahenge। vighna to padte hi rahenge। ismen dhairya dharna hai, utaavla nahin hona hai। ghar baithe pati aadi mitra sambandhiyon ko ek hi baat samjhaao ki baap ka pharmaan hai mujhe yaad karo, varsa lo। krishna to ho nahin sakta। baap ko hi yaad karna hai। baap ka hi parichay dena hai, jo sab jaan jaaen ki hamaara baba shivbaaba hai। woh bhi abhi yaad achhi rah sakti hai। thode samay ke liye yeh bandhan maarpeet aadi hai। aage chal yeh sab banda ho jaayenge। koi-koi beemaari hoti hai jo jhat chhoot jaati hai। koi varsha do tak bhi chalti hai। ismen bhi upaay yahi hai, baba ko yaad karte-karte bandhan chhoot jaayenge isliye har baat mein dheeraj chaahiye। baap kehte hain jitna tum yaad karenge utna vikarma vinaash honge। buddhi tootti jaayegi। yeh vikarmo ke bhi bandhan hain। vikaar ko hi number one vikarma kaha jaata hai।

abhi tum vikarmaajeet bante ho। vikarmaajeet yaad se hi bana jaata hai। sabhi khaate khalaas ho jaayenge, phir sukh ka khaata shuru hoga। vyaapaariyon ke liye to bahut sahaj hai। samajhte hain ki puraana khaata khalaas kar phir naya shuru karna hai। yaad karte rahenge to jama hota jaayega। yaad nahin karenge to jama kaise hoga? yeh bhi vyaapaar hai na। baap to koi takleeph nahin dete hain। dhakka aadi kuchh bhi khaane ka nahin hai। vo to janma-janmaantar khaate hi aaye hain। abhi satya baap kitna achhi reeti samjhaate hain। god hi satya batlaate hain। baaki to sab hai jhooth। contrast dekho - baba kya samjhaate hain aur manushya kya samjhaate hain। yeh hai drama। phir bhi aise hi hoga। abhi tum jaante ho ham sadgati ko paate hain - shreemat par chalne se। nahin to itna oonch pad nahin milega। tum nimitta bante ho svarga mein jaanen, vahaan koi vikarma hota nahin। yahaan vikarma hota hai to saja bhi bhogni padti hai। jo shreemat par nahin chalte hain unko bhi kya kaha jaae? naastik। bhal jaante hain baba aastik banaate hain। parantu phir bhi agar unki mat par na chale to naastik thahre na। jaante bhi hain shivbaaba ki shreemat par hi chalna hai, parantu jaante hue bhi na chalen to unko kya kahenge! shreemat hai shreshtha banne ki। sabse oonch te oonch woh satguru hai। baap baith bachchon ko sammukh samjhaate hain। kalpa-kalpa samjhaaya tha। baaki shaastra to sab bhakti maarga ke hain। anek dher ke dher shaastra hain। shaastron ki bhi bahut ijjat rakhte hain। jaise shaastron ko parikrama dete hain, vaise chitron ko bhi parikrama dilaate hain। ab baba kehte hain in sabhi ko bhool jaao। ekdam bindu (zero) ban jaao। bindi laga do, aur koi baaten suno nahin। hear no evil, si no evil, talk no evil। ek baap ke sivaae doosre koi ki baat mat suno। ashareeri ban jaao, aur sab kuchh bhool jaao। tum aatmaayen shareer saath sunti ho। baap aakar brahma dvaara samjhaate hain। bachchon ko sadgati ka maarga batlaate hain। bhal pahle bhi kitne yatna kiye, parantu mukti jeevanmukti koi chakra nahin sake। kalpa ki aayu hi lambi kar di hai। jinki takdeer mein hoga to sunega। takdeer mein nahin hai to aa na sake। yahaan bhi takdeer ki baat hai। baap samjhaate kitna sahaj hai, koi kehte hain hamaara mukh nahin khulta hai। are itni sahaj baat hai baap aur varse ko yaad karo। unko hi sanskrit mein kehte hain manamnaabhav। shivbaaba hai sabhi aatmaon ka baap। krishna ko baap nahin kah sakte। brahma bhi baap hai saari praja ka। aatmaon ka baap bada ya praja ka baap bada? bade baba ko yaad karne se praalabdha svarga ka varsa milega। aage tumhaare paas bahut aayenge। jaayenge kahaan? aate rahenge। jahaan bahut log jaate hain to ek do ko dekh bahut ghus padte hain। tumhaare mein bhi vriddhi ko paate rahenge। vighna kitne bhi aayen, un khitpit se paas hokar apni raajdhaani to sthaapan karni hi hai। raamraajya sthaapan kar rahe hain। raamraajya hai nai duniya।

tum jaante ho ham apne hi tan-man-dhan se bhaarat ko svarga bana rahe hain shreemat par। koi se pahle tum yeh poochho parampita paramatma se tumhaara kya sambandh hai? prajaapita brahma se kya sambandh hai? yeh hai behad ka baap। phir hain biraadriyaan। ek se hi nikli hui hain na। parampita paramatma ne prajaapita brahma dvaara srishti rachi hai arthaat patit se paavan banaaya hai। duniya kuchh bhi nahin jaanti ham so poojya, ham so pujaari … gaate hain parantu woh phir bhagwan ke liye kah dete hain। agar bhagwan hi pujaari bane to phir kaun poojya banaave.. yeh poochhna chaahiye। bachchon ko ham so ka arth samjhaaya hai। ham so shoodra the, ab ham so devta ban rahe hain। chakra ko to yaad kar sakte ho na! gaaya bhi jaata hai father shows san, phir san shows father। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) hoshiyaar vyaapaari ban puraane sab khaate khalaas kar sukh ka khaata shuru karna hai। yaad mein rah vikarmo ke bandhan kaatne hain। dheeraj dharna hai, utaavla nahin hona hai।

2) ghar mein baith bhojan banaate, har karma karte baap ki yaad mein rehna hai। baap jo avinaashi gyaan ratna dete hain। unse apni jholi bhar doosron ko daan karna hai।

vardaan:- saakshi ban maaya ke khel ko manoranjan samajhkar dekhne vaale master rachayita bhav

maaya kitne bhi rang dikhaaye, main maayaapti hoon, maaya rachna hai, main master rachayita hoon - is smriti se maaya ka khel dekho, khel mein haar nahin khaao। saakshi bankar manoranjan samajhkar dekhte chalo to first number mein aa jaayenge। unke liye maaya ki koi samasya, samasya nahin lagegi। koi question nahin hoga। sada saakshi aur sada baap ke saath ki smriti se vijayi ban jaayenge।

slogan:- man ko sheetal, buddhi ko merciful aur mukh ko mridu (meetha)banaao।