गुरुवार 14 जुलाई 2022 की दैनिक मुरली

14-07-2022 praatahmurli om shanti "baapdaada"' madhuban

meethe bachche - “sab sang tod mujh ek baap se yog lagaao to tum meri puri mein aa jaayenge, ant mate so gati ho jaayegi''

prashn:- jo silence ki avastha mein jaane ka purushaartha karte hain, unhein kya achha nahin lagta?

uttar:- unhein ghadi ka aavaaj bhi achha nahin lagta kyonki svadesh (inkaarporiyral world) mein koi bhi aavaaj nahin hai isliye tum vaani se pare jaane ka purushaartha karte ho। tumhein ashareeri ho apne svadharma mein tikna hai। baba ke desh ko baba sahit yaad karna hai।

geet:- bhakton ki phariyaad suno…

bhagvaanuvaach yeh hai yog aashram, tum yahaan baithe ho yog kamaane - yeh paramatma tum aatmaon se in organs dvaara baat kar rahe hain। tum aatmaayen abhi kiski yaad mein baithe ho? aatma kehti hain aham aatma tatatvam, ham sab aatmaayen us parampita paramatma ki yaad mein baithe hain, yeh yog kisne sikhaaya?

bhagvaanuvaach main sabhi aatmaon ka pita hoon athva father hoon, main is shareer dvaara tumko yog sikhlaane ke liye teacher bana hoon। yeh to sahaj samjhaate hain kehte hain jab jab ati dharma glaani hoti hai tab main aata hoon, yeh vahi kalpa pahle vaale mahaavaakya ati saadhaaran shareer dvaara repeat ho rahe hain। kehte hain kalpa pahle bhi yahi mahaavaakya uchchaare the jiski geeta bani hui hai। to jab dharma glaani hoti hai athva anek dharma aae upasthit hote hain aur devta dharma ka ekdam naam nishaan gum ho jaata hai, devta dharma vaale apne ko hindu kahlaane lag padte hain। bhal poojte devtaaon ko hain lekin kahlaate apne ko hindu hain, jaise devta dharma ke badle hindu dharma replace ho jaata hai, isko kehte hain dharma glaani। jab woh ek daivi dharma ka naam nishaan gum ho jaata hai uske badle anek dharma, math, pant nikal padte hain। yeh vahi kalpa pahle vaali geeta repeat ho rahi hai... yeh bhagvaanuvaach doosra to koi kah nahin sakta। vahi aakar phir vahi geeta ke mahaavaakya repeat kar rahe hain। yeh mahaavaakya aur koi shaastron mein nahin hain। geeta mein hai bhagvaanuvaach, bhagwan khud samjhaate hain kehte hain jab anek dharma ho jaate hain, kaliyug ki ant aakar pahunchti hai tab kalpa ke sangam par main aata hoon kyonki kaliyug ko kaha jaata hai tamopradhaan, satayug hai satopradhaan। jahaan parampita paramatma ka god goddess raajya athva devi devtaaon ka raajya chalta hai। woh bhi is hi stage par chalta hai, vaikuntha koi doosri jagah nahin hai। is hi bhaarat mein devi devtaaon ka raajya tha jo ab praayah lop ho gaya hai। paramatma ko kehte hain god is knowledgeful, woh ek hi gyaan ka saagar, aanand ka saagar, sukh ka saagar hai uske sivaae aur koi mein godly gyaan hai hi nahin। to doosra koi ko gyaani kaise kah sakte hain? woh kehte hain ki yeh knowledge dene ke liye mujhe hi aana padta hai। jab tak woh svayan aakar knowledge na deve tab tak koi knowledgeful ban nahin sakta। is godly knowledge ko hi philosophy kaha jaata hai, jisse aatma paavan banti hai।

ab prashn uthta hai ki tum yahaan kislie aaye ho? tum kalpa pahle muaaphik phir se aaye ho god se godly knowledge praapta kar paavan banne ke liye। yeh knowledge praapta karne ke liye is godly school mein jvaainta hona padega, doosra koi to godly knowledge de nahin sakta। vo kehte hain ham sabmen godly knowledge hai, kaunsi knowledge hai? kah dete eeshvar sarvavyaapi hai। lekin paramatma kehte hain ki yeh mithya gyaan hai, main to sarvavyaapi nahin hoon। main to jo hoon, jaisa hoon tum bachchon ke aage pratyaksha hota hoon, jab tak main apna gyaan svayan aakar na sunaaoon tab tak mujhe koi jaan nahin sakta aur na koi mere paas pahunch sakta isliye mujhe aana padta hai aur main aata hoon kalpa ke sangam par, bas। aur jab main aata hoon tab yeh gyaan dene vaale doctor oph philosophy saadhu mahaatma bahut hain, woh bhi yahi gyaan dete hain ki ham sab paramatma hain। ab ek taraph kehte hain paramatma ek hai, doosre taraph unhon ki anek maten ab kisko maanna chaahiye? unhon ko god ne to mat nahin di na! ek taraph hai god ki ek mat, doosre taraph itni anek maten, tab paramatma kehta hai itne sab anek mat ko khalaas kar ek mat sthaapan karne mujhe aana padta hai। kalpa kalpa ka yeh programme mera anaadi noondha hua hai। doosre king aadi ka to 8-10 din ka programme rakhte hain lekin paramatma ka to kalpa kalpa ka programme anaadi geeta mein noondha hua hai। brahma ke gupta vesh mein, brahma tan mein aakar kehte hain ki main vahi krishnapuri sthaapan karta hoon, jahaan holi god goddess raaja raani tatha praja hote hain, to woh sthaapan kar phir krishna ke roop mein vahaan janma lete hain। yeh to bilkul saaph bata rahe hain bachche, ab vahi geeta ka episode repeat ho raha hai। maut hai saamne isliye sabhi sang tod mujh ek paramatma se yog lagaao to ant mate so gate hogi, tum meri puri mein aa jaaoge। paramatma is tan mein baith apne bachchon aatmaon ko kehta hai meethe bachche, main apne anaadi programme pramaan aaya hoon। ab vinaash saamne hai isliye mujh baap se yog lagaao aur sabhi sambandhiyon ko bhool jaao athva sab deeve bujhaakar ek deeva jagaao to main tumko paapon se mukta kar apne paas bitha doonga। is tan dvaara svayan paramatma bol rahe hain, kaisa sahaj samjhaate hain, kehte hain bhal ghar mein jaakar yog lagaao, vaapas to sabko jaana hai, aise to nahin ki sirf boodhe jaayenge, bachche bach jaayenge। dekho, jaapaan mein bomb chhoda to chhote bade jaanvar panchhi sab mar gaye, ya sirf boodhe mar gaye? woh to chhoti rehearsal thi, abhi to bahut ipruvmenta ho rahi hai, dekh rahe ho na! bombs taiyaar hain, history repeat avashya hogi। to tum mujh paramatma ko yaad karo, doosra na koi। jaise meera ko ek girdhar hi yaad tha aur sab loklaaj kul ki maryaada chhod di, vaise hi tum mujh paramatma ko yaad karo doosre jo maama, chaacha yaad padte hain, uska sannyaas karo। yeh sab kaliyug ke bandhan hai। tum mere se yog lagaane se hi mere se mil sakte ho। jab apne ko bachcha samjhen, baba se yog lagaayen tab vo khushi aave lekin ulta yog lagaate to woh khushi nahin aati। yahaan bahut aate hain kehte hain hamaara man vash nahin hota, woh aanand nahin aata। ab aanand ka saagar to paramatma hai unse yog lagaate nahin to aanand kaise aayega! past karmon anusaar sabko apni-apni buddhi mili hui hai, ismen paramatma kya kare? paramatma to sabko ikattha padhaate hain, koi to yahaan hi padhkar phir padhaane lag padte hain, koi to pahli pothi mein hi moonjhe hue hain to yeh bhi buddhi ka chamatkaar hai, class mein bhi koi pahla number aate, koi fail hote hain, kyon? kyonki buddhi par saara madaar rehta hai। ismen paramatma kya kare? sabki teekshna buddhi kare to sabhi pahla number aa jaayen।

jab koi par grahchaari hoti hai to kitni bhi davaai karo uska asar nahin hota, aur jab utarne ka time aata hai to mitti-chapti se bhi beemaari theek ho jaati hai। to jab samay aayega to yeh points bhi kiski buddhi ko touch ho jaayengi, abhi kai nahin sunte hain, aage chal sunne lag padenge ismen hamko raazi rehna padta hai। paramatma ke aane jaane, gyaan sunaane ki gati hi nyaari hai।

doosri murli - om shanti। ghadi ka bhi aavaaz nahin chaahiye, kyonki abhi hamaari vaanaprastha arthaat vaani se pare avastha hai। ham vaani se pare jaate hain incorporeal world jahaan aatmaayen rehti hain, vahaan vaani nahin hai, supreme silence hai to is silence avastha mein pahunchne ka purushaartha karte hain isliye aavaaz achha nahin lagta। us svadesh mein aavaaz nahin hota hai isliye vaanaprastha arthaat vaani se pare jaane ke liye ham purushaartha karte hain। vaanaprastha ka arth hi hai nirvaan desh mein jaana। jahaan ham tum aur saari duniya ki souls nivaas karti hain। yeh corporeal world to hai part bajaane ke liye stage। baaki bigar part vahaan sweet silence hom mein jaakar nivaas karte hain। yeh saakaar khel chalta hai aakaash tatva mein aur aatmaon ka desh hai mahtatva, woh bahut door desh hai। to jo us silence desh se yog lagaae baithte hain, unko ghadi ka aavaaz bhi achha nahin lagta, isko kaha jaata hai apne asli svadharma mein tikna athva ashareeri ho rehna arthaat apne baba ke desh ko baba sahit yaad karna kyonki apna baba hai us door desh ka rahne vaala, vahaan se aata hai is paraaye desh mein, paraaye desh mein kyon aata hai? apni baadshaahi sthaapan karne aur gupta vesh mein aata hai। unka part hai incognito, jaise tumhaara yeh puraana shareer hai, aise mujhe bhi puraane shareer mein pravesh kar is puraani srishti ka vinaash aur nai daivi srishti ki sthaapna karne aana padta hai। to puraane ghar mein jo aayega to zaroor shareer bhi puraana lena padega na। yahaan naya divya shareer aaye kahaan se, to vo bhi hai inka puraana tan, jis tan se shreekrishna ki raajdhaani sthaapan karte hain। to inke paas jo aate hain unko pahle saakshaatkaar bhi us vaikuntha ka hota hai। vaikuntha ki baal-leela raas-leela dekhte hain athva vishnu ka saakshaatkaar karte hain kyonki agar supreme soul ka saakshaatkaar karaae to woh samajh nahin sakenge ki yeh kya cheez hai kyonki us baap ka to koi ko pata nahin hai ki yeh koi paramatma hai। bhal pooja karte hain lekin jaante koi nahin। vo to kehte hain paramatma sarvavyaapi hai, to sab paramatma ho gaye। baaki shivling ke occupation ka to koi ko pata nahin ki yeh hamaara parampita hai jo aakar sthaapna vinaash paalna karne arth teen roop dhaaran karte hain। woh to isi samay aakar apna occupation bataate hain aur kehte hain jisko vaikuntha ki baadshaahi ka vaaris banna ho vo yahaan aakar mera bachcha banen। main unko sampoorn nirvikaari banaae apni raajdhaani mein le jaaoonga। yeh aata hi hai sabhi maili souls ko pyooreephaai banaane, isse prakriti bhi pavitra ban jaati hai। vahaan to souls bhi pure to paanch tatva bhi pure hote hain। hai hi deity world to phir kya, is samay woh Deityism ki philosophi gum ho gayi hai। koi ko pata nahin ki deity world bhi yahaan thi। vo samajhte hain ki oopar aakaash mein kahaan devtaayen rehte hain lekin unke chitra yahaan hain, history yahaan hai to zaroor yahaan ho gaye hain। yeh duniya to sada chalti rehti hai। pralay to kab hoti nahin hai, jab vinaash ho jaata to sabhi souls chali jaati hain, baaki daivi dharma yahaan sthaapan ho jaata hai। jaise anaaj hota hai to sab nahin khaaya jaata hai, bahut khaaya jaata hai thoda bahut bachaaya jaata hai, bone ke liye। nahin to beej kahaan se aave? agar pralay ho jaaye to anaaj bhi khalaas ho jaave। phir bone ke liye anaaj kahaan se aave jo doosra niklen। to anaaj bhi jaise anaadi hai hi to manushya bhi hain hi। to paramatma jaise kuchh beej bachaae baaki sabko le jaate hain jisse phir srishti ki vriddhi hoti hai। baap kehte bhi hain ki main anek dharma vinaash kar ek dharma sthaapan karta hoon, aise to kehte nahin ki main pralay kar deta hoon। yeh sabka antim janma hai phir mrityulok mein koi ka janma nahin hoga। sab chale jaayenge। usmein thode beej bach jaate hain jisse dheere-dheere badhkar treta ke ant tak 33 karod devi-devtaayen hote hain। phir doosre dharma nambarvaar aate jaate hain, unmein bhi aise hi dheere-dheere vriddhi hoti jaati hai, yeh drama ka raaz bhi tumko almighty baba hi aakar bataate hain isliye isko kaha jaata hai godly knowledge। doosra kahin bhi yeh knowledge tumko nahin milegi। bhal kitna bhi ghoomo, kisko is knowledge ka pata hi nahin hai। vo bas, isi samay hi tumko yahaan mil sakti hai। paramatma yahaan daivi sijra bana rahe hain, paramatma kehte hain agar tumhein us royal gharaane mein aana hai to apna sab mere havaale kar do। to main use pyureephaai banaae vaikuntha mein return kar doonga।

yeh to jaante ho baba abhi aaye hain phir kalpa baad aayenge। ghadi-ghadi to nahin aayenge। kehte hain bachche, ham aaye hain tumko svachchha holi banaane। viceless ko hi holi kaha jaata hai। baaki yeh jo beedi, cigarette, sharaab aadi peete rehte hain, unko holi nahin kah sakte। tumko to baba shikshak bankar padhaate bhi hain, to baap bankar sambhaal bhi karte hain। tumko inse double aasheervaad milti hai - guru ki bhi to baap ki bhi, donon ka varsa tum le rahe ho। vo almighty baba is tan dvaara tumhaari sthool sookshm paravrish karte rehte hain isliye kehte hain ki iske havaale kar do। to gyaan amrit se pavitra banaae apne saath le chaloonga। ise hi kaha jaata hai jeete ji marna lekin yeh to bahut meetha maut hai, jo apne asli baap ki god mein aa jaate hain। kitna achha samjhaae kitna samjhaayen। phir bhi kah dete hain manamnaabhav madhyaajeebhav। achha!

meethe meethe sikeeldhe bachchon prati maat pita baapdaada ka yaad pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apne asli svadharma mein tik ashareeri ban baba ke desh ko baba sahit yaad karta hai। silence mein rehna hai।

2) royal gharaane mein aane ke liye apna sab kuchh baap havaale kar pyureephaai banaana hai।

vardaan:- baap dvaara praapta hue sarva khajaanon ko kaarya mein lagaakar badhaane vaale gyaani-yogi tu aatma bhav

baapdaada ne bachchon ko sarva khajaanon se sampanna banaaya hai lekin jo samay par har khajaane ko kaam mein lagaate hain unka khajaana sada badhta jaata hai। ve kabhi aise nahin kah sakte ki chaahte to nahin the lekin ho gaya। khajaanon se sampanna gyaani-yogi tu aatmaayen pahle sochti hain phir karti hain। unhein samay pramaan touch hota hai ve phir catch karke practical mein laati hain। ek second bhi karne ke baad socha to gyaani tu aatma nahin kahenge।

slogan:- svabhaav aur vichaaron mein antar hote hue bhi sneh mein antar nahin hona chaahiye।