शुक्रवार 5 अगस्त 2022 की दैनिक मुरली

05-08-2022 praatahmurli om shanti "baapdaada"' madhuban

“meethe bachche - samay bahut thoda hai isliye roohaani dhandha karo, sabse achha dhandha hai - baap aur varse ko yaad karna, baaki sab khote dhandhe hain''

prashn:- tum bachchon ke andar kaunsi utkantha honi chaahiye?

uttar:- kaise ham bigdi hui aatmaon ko sudhaaren, sabhi ko duhkh se chhudaakar 21 janmon ke liye sukh ka raasta bataaven। sabko baap ka sachcha-sachcha parichay den - yeh utkantha tum bachchon mein honi chaahiye।

geet:- bholenaath se niraala…

om shanti। bholaanaath bachchon ko om shanti ka arth bhi samjhaate hain। khud bhi kehte hain om shanti to bachche bhi kehte hain om shanti। yeh apna parichay dena hota hai ki ham aatma shant swaroop, shantidham ke rahne vaale hain। hamaara baap bhi vahaan rahne vaala hai। bhaktimaarga mein bhi baba-baba kehte hain। bhal manushya gaate hain parantu hain raavan mat par। raavan mat manushya ko bigaadti hai। baap aakar bigdi ko banaate hain। raavan bhi ek hai, raam bhi ek hai। 5 vikaaron ko milaakar kehte hain raavan। raavan apna raajya sthaapan karte hain, shokvaatika mein baithne ka। woh bigaadte hain, woh banaate hain। raavan ko manushya nahin kaha jaata hai। parantu dikhaate hain 5 vikaar puroosh qe 5 vikaar stri ke। raavan raajya mein donon mein vikaar hain। tum jaante ho 5 vikaar hamaare mein bhi the। abhi ham shreemat par nirvikaari bante jaate hain। bigdi ko sudhaar rahe hain। jaise baap sabki bigdi banaate hain, bachchon mein bhi yahi utkantha rahni chaahiye ki kaise ham bigdi ko banaaven। sab manushya maatra ek do ki bigaadte rehte hain। bigdi ko sudhaarne vaala ek hi baap hai। to jaise tum sudhre ho vaise taat (lagan) lagi rahe ki kaise jaakar duhkhi aatmaon ki sahaayta karen। baap ki jo utkantha hai woh sapoot bachche hi poori kar sakte hain। bachchon ki buddhi mein utkantha rahni chaahiye ki kaise kiski bigdi ko banaayen। mitra sambandhiyon ko bhi samjhaana chaahiye। unko bhi raasta bataayen। duhkhi jeev aatmaon ko 21 janmon ke liye sukhi banaayen, phir bhi hamaare bhaai behen hain, bahut duhkhi ashaanta hain। ham to baap se varsa le rahe hain to khyaal aana chaahiye ki kaise jaakar kisko samjhaayen, bhaashan karen। ghar-ghar jaayen, mandiron mein jaayen। baap mat dete hain, mandiron mein bahut service kar sakte ho। bhakta bahut hain, andhashraddha se shiv ke mandir mein bahut jaate hain। andar mein koi na koi aash rakhkar jaate hain। yeh nahin samajhte ki shiv hamaara baap hai। unki itni jo mahima hai to zaroor kabhi kuchh karke gaye honge। shiv ke mandir mein kyon jaate hain! amarnaath par yaatra karne kyon jaate hain! dher yaatriyon ko brahman log va sannyaasi le jaate hain। yeh hai bhaktimaarga ka dhandha, isse to sudhrenge nahin। bholaanaath baap hi aakar bigdi ko banaate hain। woh vishwa ka rachayita athva maalik hai lekin khud nahin banta hai। maalik tum bachchon ko banaate hain। parantu woh oonch hai, unse varsa mil raha hai। tumko dil mein aana chaahiye ki kaise ham bhaai bahnon ko raasta bataayen। kisko duhkhi, rogi dekha jaata hai to raham aata hai na। baap kehte hain abhi ham tumko aisa sukhi banaate hain jo aadhaakalpa ke liye rogi nahin honge। to tum bachchon ko auron ko bhi sukhdhaam ka raasta bataana hai। service ki utkantha vaale ek jagah rah nahin sakenge। samjhenge ham bhi jaakar kisko sukhdhaam ka raasta bataayen। baba to bahut lalkaar karte hain। avinaashi gyaan ratnon ki poori dhaarna hogi to bahuton ka kalyaan kar sakte hain। is raajaai ki sthaapna mein paise ki darkaar nahin rehti hai। vo log to aapas mein hi ladte jhagadte rehte hain, raavan ki mat par। ham raavan se raajya chheente hain। raamraajya raam dvaara hi milta hai। satayug mein raamraajya shuru hota hai, yahaan kaliyug mein raamraajya kahaan se aaya। yeh to raavan raajya hai, sab duhkhi hain। yeh baat tum sabhi ko samjha sakte ho। pahle unhein samjhaana hai jo gareeb hain, vyaapaari hain। baaki bade aadmi to kahenge ki hamko phursat nahin hai, ham busy hain। samajhte hain ham bhaarat ko svarga bana rahe hain, plan karte rehte hain। lekin tum jaante ho shivbaaba bigar koi svarga bana nahin sakte। abhi time baaki thoda hai। raamraajya sthaapan karne mein dheel nahin karni hai। raat din phurna rehna chaahiye - kaise kisko duhkh se chhudaayen। bachchon ko yeh dil mein aana chaahiye - kaise bhaai bahinon ko raasta bataayen। abhi sab raavan ki mat par hain। baap to baap hai jo bachchon ko aakar varsa dete hain। manushya court mein jaakar kehte hain eeshvar ko haazir-naazir jaan sach kehta hoon। parantu agar woh sarvavyaapi hai to phir praarthana kiski karte hain! unko kuchh bhi pata nahin hai। baap baar-baar samjhaate hain, mitra sambandhiyon ko jagaao। tum bachchon ko bada meetha banna hai। krodh ka ansh bhi na ho, parantu sab bachche to aise ban nahin sakte। bahut bachche hain jinko maaya ekdam naak se pakad leti hai। kitna bhi samjhaao to bhi sunte hi nahin। baap bhi samajhte hain - shaayad time lagega। jab sab achhi reeti baap ki service mein lag jaayen। shauk bhi to chaahiye na jo aakar kahen ki baba hamko service par bhejo, ham jaakar auron ka kalyaan karen। parantu bolte nahin। bachchon ka dhandha hi hai sachchi geeta sunaana। akshar hi do hain - alpha aur be। baba ne achhi tarah yukti samjhaai hai। pahli baat hi yeh hai - parampita paramatma se aapka kya sambandh hai! neeche mein prajaapita brahmaakumaari naam likha hua hai। baba bahut naya tareeka, bahut sahaj bataate hain। baba ko utkantha rehti hai - aise aise board lagaana chaahiye। baba direction dete hain। baap ko kehte hi hain merciful, blissful to bachchon ko bhi baap samaan merciful banna hai। in chitron mein to bahut bada khajaana hai। svarga ke maalik banne ki inmen yukti hai। baap to bahut yuktiyaan nikaalte rehte hain। kalpa pahle bhi nikaali thi aur ab bhi nikaali hain। manushyon ko touch hoga ki yeh baat to badi achhi hai। baap se zaroor varsa milega। yeh bhi likh do svarga ke varse ke tum hakdaar ho। aakar samjho, bahut sahaj baat hai। sirf board banaakar achhi-achhi jagah par lagaana hai। 10-20 sthaanon par board lagaao, yeh advertisement bhi daal sakte ho। hamaare jo bichhude hue bachche honge unhon ko yeh akshar lagenge। kahenge pata to nikaalen ki yeh kya samjhaate hain। yeh bhi likha hua ho ki is paheli ko samajhne se tum mukti-jeevanmukti ko pa sakte ho, ek second mein।

baap kehte hain agar apni jeevan banaani hai to service karo। saagar paas aakar refresh ho phir service karni hai। bhakti maarga mein to aadhaakalpa dhakke khaaye hain। yahaan to ek second mein baap ko jaan baap se varsa paana hai। sabki vaanaprastha avastha hai। maut saamne khada hai। sabse achha dhandha hai yeh। baaki jo bhi manushya dhandhe karte hain woh hain khote। ek dhandha sirf karna hai - baap aur varse ko yaad karo। college mein jaakar principal ko samjhaao to padhne vaale bhi samjhen। tum kitna sahaj varsa le rahe ho। jitna ho sake baap ko yaad karo। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) bahut-bahut meetha banna hai। krodh ka ansh bhi nikaal dena hai। baap samaan merciful ban service par tatpar rehna hai।

2) maut saamne khada hai। vaanaprastha avastha hai isliye baap ko aur varse ko yaad karna hai। bhaarat ko raamraajya banaane ki seva mein apna sab kuchh saphal karna hai।

vardaan:- deh-abhimaan ke anshamaatra ki bhi bali chadhaane vaale mahaabalvaan bhav

sabse badi kamjori hai deh-abhimaan। deh-abhimaan ka sookshm vansh bahut bada hai। deh-abhimaan ki bali chadhaana arthaat ansh aur vansh sahit samarpit hona। aise bali chadhaane vaale hi mahaabalvaan bante hain। yadi deh abhimaan ka koi bhi ansh chhipaakar rakh liya, abhimaan ko hi svamaan samajh liya to usmein alpakaal ki vijay bhal dikhaai degi lekin bahutkaal ki haar samaai hui hai।

slogan:- ichchha nahin thi lekin achha lag gaya-yeh bhi jeevanbandh sthiti hai।

maateshvari ji ke anmol mahaavaakya

1- is avinaashi gyaan ko parmaatma gyaan kehte hain, is gyaan ka matlab hai jeete ji mar jaana isliye koton mein koi virla yeh gyaan lene ki himmat rakhta hai। yeh to ham jaante hain ki yeh gyaan practical jeevan banaata hai, ham jo sunte hain vo practical mein bante hain, aisa gyaan koi saadhu sant mahaatma de nahin sakte। vo log aise nahin kahenge manamnaabhav, ab yeh pharmaan sirf paramatma hi kar sakta hai। manamnaabhav ka arth hai mere saath yog lagaao। agar mere saath yog lagaayenge to main tumhein paapon se mukta kar vaikuntha ki baadshaahi doonga। vahaan tum chalkar raajya karenge isliye is gyaan ko raajaaon ka raaja kehte hain। ab yeh gyaan lena bahut mahanga sauda hai, gyaan lena arthaat ek hi dhak se jeete ji mar jaana। shaastron aadi ka gyaan lena to bilkul sasta sauda hai। usmein to ghadi-ghadi marna hoga kyonki vo paramatma ka gyaan nahin dete isliye baba kehte hain abhi jo karna hai vo ab karo phir yeh vyaapaar nahin rahega।

2- parampita paramatma ko sat chitta aanand swaroop bhi kehte hain, ab paramatma sat kyon kehte hain? kyonki woh avinaashi immortal hai, vo kab asat nahin hota, ajar amar hai aur paramatma ko chaitanya swaroop bhi kehte hain। chaitanya ka arth hai paramatma bhi man buddhi sahit hai, usko knowledgeful peaceful kehte hain। vo gyaan aur yog sikhla rahe hain isliye paramatma ko chaitanya bhi kehte hain, bhal vo ajanma bhi hai vo ham aatmaon muaaphik janma nahin leta, paramatma ko bhi yeh knowledge aur shanti dene ke liye brahma tan ka loan lena padta hai। to vo jab chaitanya hai tabhi to mukh dvaara humein gyaan yog sikhla rahe hain aur phir paramatma ko sat-chit-aanand swaroop bhi kehte hain, to yeh sab gun paramatma mein bhare hue hain isliye paramatma ko sukh duhkh se nyaara kehte hain। ham aise nahin kahenge ki paramatma koi duhkh daata hai, nahin। vo sada sukh aanand ka bhandaar hai, jab uske gun hi sukh aanand dene vaale hain to phir ham aatmaon ko woh duhkh kaise de sakte hain!

3- bahut manushya aise samajh baithe hain ki yeh jo anaadi bana banaaya srishti drama chal raha hai vo saara paramatma chala raha hai isliye vo kehte hain ki manushya ke kuchh naaheen haath... karnakraavanhaar svaami... sabkuchh paramatma hi karta hai। sukh duhkh donon bhaag paramatma ne hi banaaya hai। ab aisi buddhi vaalon ko kaunsi buddhi kaha jaayega? pahle-pahle unhon ko yeh samajhna zaroor hai ki yeh anaadi bani banaai srishti ka khel automatic chalta rehta hai। saath-saath yeh bhi kehte hain ki yeh sabkuchh paramatma hi karta hai। yeh jo paramatma ko karnakraavanhaar kehte hain, yeh naam phir kaunsi hasti ke oopar pada hai? ab in baaton ko samajhna hai। pahle to yeh samajhna hai ki yeh jo srishti ka anaadi niyam hai vo to bana banaaya hai, jaise paramatma anaadi hai, vaise yeh chakra bhi aadi se lekar ant tak anaadi avinaashi bana banaaya hai। jaise beej mein understood vriksha ka gyaan hai aur vriksha mein understood beej hai, donon combined hain, donon avinaashi hain, baaki beej ka kya kaam hai, beej bona jhaad nikalna। agar beej na boya jaae to vriksha utpanna nahin hota। to paramatma bhi svayan is saari srishti ka beejroop hai aur paramatma ka part hai beej bona। paramatma hi kehta hai main paramatma hoon hi tab jab beej bota hoon, nahin to beej aur vriksha anaadi hai, agar beej nahin boya jaae to vriksha kaise niklega! mera naam paramatma hi tab hai jab mera param kaarya hai, meri srishti vahi hai jo main khud paartadhaari ban beej bota hoon। srishti ki aadi bhi karta hoon aur ant bhi karta hoon, main karandhaari ban beej bota hoon, aadi karta hoon beej bone samay phir ant ka bhi beez aata hai phir saara jhaad beej ki taakat pakad leta hai। beej ka matlab hai rachna karna phir unki ant karna। puraani srishti ki ant karna aur nai srishti ki aadi karna, isko hi kehte hain paramatma sabkuchh karta hai। achha। om shanti।