शुक्रवार 21 अक्टूबर 2022 की दैनिक मुरली

21-10-2022 praatahmurli om shanti "baapdaada"' madhuban

“meethe bachche - is samay svayan bhagwan tumhaare saamne haazir-naazir hai, woh bahishta ki saugaat lekar aaya hai, isliye apaar khushi mein raho''

prashn:- baap apne bachchon par kaun si blessing karte hain?

uttar:- bachchon ko aap samaan knowledgeful banaana - yeh unki blessing hai। jis knowledge ke aadhaar se nar se shri naaraayan ban jaate hain। baba kehte hain bachche main tumhein raajayog ki shiksha dekar raajaaon ka raaja banaata hoon। mere sivaae aisi blessing koi kar nahin sakta।

geet:- mujhe gale se laga lo…

om shanti। yeh is samay baandheliyon ka bulaava hai kyonki saari duniya udaas hai। usmein bhi gopikaayen bahut udaas hain। woh gaati hain ham sahan nahin kar sakte। bhakti mein to bulaate rehte hain parantu unko maaloom nahin hai ki bhagwan kaun hai? yahaan ki gopikaayen jaanti hain parantu baandheli hain, duhkhi hain। chaahti hain ki baap hamko gale ka haar bana de। roodra maala shiv ki mashhoor hai। to is samay brahman braahmaniyaan chaahti hain ki ham shivbaaba ke gale mein piroye rahen kyonki is samay stri purush aasuri gale ka haar hain। bachchiyaan chaahti hain ham ab eeshvareey gale ka haar banen। zaroor jab baap haazir-naazir hai tab to kehte hain। jab kasam uthaate hain tab kehte hain eeshvar ko haazir-naazir jaan sach kahenge। bade-bade government ke minister bhi kasam uthaate hain। geeta haath mein lete hain kyonki bhaarat ka dharma shaastra hai। to ek eeshvar ka kasam uthaate hain, aise nahin sab eeshvar hain, sabka kasam uthaate hain। to zaroor baap kabhi haajir-naazir hua hoga। is samay to nahin hai। sirf tumhaare liye haazir naazir hai, jo tum bachchon ko padha rahe hain। shiv-raatri bhi manaate hain, zaroor aaya hoga! kaise aaya, kya aakar kiya? yeh koi ko pata nahin hai। itna bada somnaath ka mandir hai parantu usne kya kiya, woh pata nahin kyonki shiv ke badle shreekrishna ka naam daal diya hai। sangamayug nikaal dvaapar daal diya hai। tum bachche jaante ho ki woh niraakaar hai, unka manushya jaisa aakaar nahin। ab woh hamaare saamne baitha hai। tum unko haajir-naazir dekhti ho। barobar knowledgeful, blissful hai। knowledge dete hain, yahi unki bliss hai। is knowledge ki bliss se tum nar se naaraayan bante ho। woh brahma tan se khud padha rahe hain। baap khud kehte hain laadle bachche main tumko raajayog sikhlaakar raajaaon ka raaja banaata hoon। shreekrishna nahin sikhla sakte। woh khud raajaaon ka raaja bana hai। woh sirf ek shreekrishna ya lakshmi-naaraayan nahin hoga। yeh to saari sooryavanshi dynasty thi। unka raajya ab maaya ne chheen liya hai। ab main phir sammukh aaya hoon। ab tum braahmanon ke sammukh haajir-naazir hoon।

ab baap jo itna doordesh se aaya hoga to zaroor koi saugaat laai hogi। laukik baap jab aate hain to kitni saugaat laate hain। yeh to sabka baap hai, jisko itna sab yaad karte hain। doordesh se aate hain to haath khaali thode hi aayega? baap kehte hain main tumhaare liye saugaat laata hoon, jo koi manushya la na saken। main bahishta heaven laata hoon। kitni badi saugaat hai। baba saakshaatkaar bhi karaate hain, vahaan kitna sukh hai। ang-ang mein sugandh hai। lakshmi-naaraayan ke ang-ang mein sugandh hai। yeh tan to keedon se bhara hua hai। baba keedon ko uthaakar bhramri banaate hain। yahaan ke shareer to keetaanuon se bhare hue rogi hain। vahaan ke shareer kitne sundar hain। mandiron mein bhi kitni sundar moortiyaan banaate hain। kitna farka hai - is samay ke shareer aur un shareeron mein। 5 hajaar varsha ki baat hai, yeh bhaarat indraprastha tha। vahaan aatma bhi pavitra thi to shareer bhi pavitra tha। baba thikkar ke bartan se tumko sone ka bartan banaate hain। baap tumhaari poori service kar kya se kya banaate hain। baap ka bhi kya part hai phir teacher aur satguru ka bhi part bajaate hain। unko koi baap, teacher, guru nahin। tumhaare laukik baap ka to baap teacher guru zaroor hoga। shivbaaba kehte hain mera koi nahin। parantu unke occupation ko koi nahin jaante। jab tak kisko svarga ka maaloom na pade tab tak koi bhi jaan nahin sakte ki ham narka mein hain। granth mein padhte hain moot paleeti... parantu apne ko woh nahin samajhte। baap aaya hai gyaan dekar kaale ko gora banaane ke liye। is samay tum gyaan soorya, gyaan chandrama ban rahe ho। sannyaasi pavitra pravritti maarga nahin bana sakte hain, woh yeh nahin kah sakte ki ham tumko raajaaon ka raaja banaate hain। woh nivritti maarga ke hain। darkar gharbaar chhod jaate hain, yahaan koi dar nahin। baap ke paas bachche aaye hain kehte hain baba hamaare mein taakat hai। ikatthe rah pavitra rah sakte hain। agar koi kanya par maar padti hai to kanya ko bandhan se chhudaakar gandharvi vivaah kar sakte hain, ham jal nahin marenge। gyaan talvaar beech mein rakhenge। donon brahman braahmani, bhaai-behen kaise vish pi sakte। shaastron mein bhi gandharvi vivaah ke liye likha hai। parantu iska arth nahin samajhte। sannyaasi to kah dete naari narka ka dvaar hai। unhon ke paas gyaan talvaar to hai nahin jo ikatthe rah pavitra rah saken। tum unse bahaadur ho, kaam chita se utar gyaan chita par baithte ho। to kaale se gore ban jaate ho। sannyaasi to aajkal shaadi bhi karaate hain, church mein bhi shaadiyaan hoti hain। nahin to Christ ko kyon cross par chadhaaya? is pavitrata ke kaaran। kaha yeh kaun hai jo kehte hain pavitra bano। aaphten to aati hain। yahaan bhi shivbaaba par nahin aati hain parantu jismen pravesh karte hain long boot mein, us par aati hain। vaat vende....(raaste chalte brahman phans gaya) puraani jutti hai na। yeh thode hi kehte hain main shreekrishna hoon। kehte hain raajayog seekhoonga to nar se naaraayan banoonga, parantu ab nahin hain। vaise bachchon ko nishchay hai ki ham nar se naaraayan, naari se lakshmi banenge। fail nahin honge jo kshatriy banen। raam ko 33 se kam marks mili to chandravanshi mein chale gaye। aise to sooryavanshi bhi chandravanshi gharaane mein aate hain। us samay (satayug ke ant mein) lakshmi-naaraayan, seeta-raam ko raajya dete hain, lakshmi-naaraayan bhi punarjanma lete-lete treta mein aate hain, rajvaade kul mein janma lete rehte hain। phir seeta raam naam chala aata hai। lakshmi-naaraayan naam khalaas ho jaata hai।

ab prashn poochhta hoon svadarshan chakra kaun sa hai? (ek do se poochha) haan, yeh hai chakra। kaise devta se kshatriy, vaishya, shoodra... ab brahman varna mein aate hain.. yeh chakra jitna phiraayenge utna vikarma vinaash honge, isse raavan ka gala katta hai। tum bachchon ka behad ke baap se athaah pyaar hai। tum kehte bhi ho baba ham aapka bichhudna sahan nahin kar sakte। aisi bachchiyaan bhi hain jo bandhan mein hain, tadaphti hain kyonki yeh hai maat-pita... ek to maata jagat amba hai, jisko sab yaad karte hain। parantu jagat amba ka pita kaun hai, yeh kisko pata nahin ki brahma, sarasvati ka baap hai। pujaari log yeh nahin jaante hain ki yeh sarasvati hi phir lakshmi banti hai। phir 84 janma le phir yahi sarasvati banti hai। yeh gyaan is baba ke paas thode hi tha। ismen gyaan hota to zaroor kisi guru se mila hua hota। phir us guru ki mahima bhi karte। phir us guru ke shishya bhi hote। woh bhi bataate parantu baba ka koi saakaar guru nahin hai। baap kehte hain main tumhaara baap, teacher, guru hoon, main is puraani jutti mein baith padhaata hoon। to yeh phir maata ho gai isliye unko maat-pita kehte hain। tum maat-pita jo gaate hain woh brahma sarasvati ko nahin kah sakte। brahma thode hi vaikuntha ka rachta hai। baap to baap hai aur yeh brahma tumhaari mama hai। kalash pahle inko (brahma ko) milta hai। parantu sarasvati ki mahima badhaane ke liye unko aage rakha hai। sarasvati ka naam goddess oph knowledge mashhoor hai। vidut mandali vaale bhi sarasvati ka lakab rakh lete hain।

achha baba kehte hain kitna samjhaakar kitna samjhaayen, manamnaabhav। bas sirf mujhe yaad karo aur mere varse ko yaad karo to tum svarga mein chale jaayenge। vahaan bhi to nambarvaar hi honge na। sooryavanshi ki royal daas-daasiyaan bhi to hain। to praja ki bhi daas-daasiyaan hongi। chandravanshi raaja raani ki bhi daas-daasiyaan to hain। woh sab yahaan hi ban rahi hain। poochho to bata sakte hain ki agar ab tumhaara shareer chhoot jaae to kya jaakar banenge? achha koi bhi baat samajh mein na aaye to poochh sakte ho। yaad rakhna yog theek nahin hoga to woh sukh mahsoos nahin hoga। shok vaatika mein baithe honge, svarga hai ashok vaatika। seeta ashok vaatika mein nahin, shok vaatika mein thi। ab to sab shok vaatika mein baithe hain na। manushyon ko chinta rehti hai ki pata nahin ladaai hogi to kya hoga? ham to kehte hain ki ladaai lage to svarga ke gates khulenge।

achha - yaad rakhna, sachchi dil par saaheb raazi। agar andar shaitaani hogi to vighna daalte rahenge। to phir kadi sajaayen khaayenge। traitors ko hamesha kadi sajaayen milti hain, yeh to supreme judge bhi hai। (shreekrishna ka chitra dikhlaakar) dekho in par bhi kitne kalank lagaaye hain। isne to na kapde churaaye aur na hi kans jaraasandhi ko maara। uska bhi (shreekrishna ka) munh kaala kar diya hai। achha।

baapdaada to tum bachchon ke sammukh haajir-naazir hai। tum kahenge hamaari nazar ke saamne hai। patit boot mein aaya hai। bhagwan khud kehte hain maine patit boot mein pravesh kiya hai tab to paavan bane। ab brahma ki raat hai, to brahma bhi raat mein hoga na। phir vishnu banenge to din ho jaayega। achha!

meethe-meethe sikeeldhe bachchon ko yaadapyaar de rahe hain। daada kaho va gupta maa kaho। wonderful raaz hai। baapdaada meethe-meethe bachchon ko nambarvaar purushaartha anusaar kyon kehte? jaante ho baba pyaar tab karenge jab baba muaaphik service karte honge। jo jaisi madad karte hain, woh bhi to praja mein aayenge na। usmein bhi nambarvaar saahookaar praja bhi hoti hai na। achha। good morning। roohaani baap ki roohaani bachchon ko namaste।

dhaarna ke liye mukhya saar:-

1) sachche saaheb ko raazi karne ke liye bahut-bahut sachchi dil rakhni hai, koi bhi vighna nahin daalna hai।

2) sukh ka anubhav karne ke liye apna yog theek rakhna hai। svadarshan chakra phiraate vikarmo ko bhasma karna hai।

vardaan:- nyaari avastha mein sthit rah har kaarya karne vaale sarva ke va parmaatma pyaar ke adhikaari bhav

jaise baap sabse nyaara aur sabka pyaara hai। nyaaraapan hi pyaara bana deta hai। jitna apni deh ke bhaan se nyaare hote jaayenge utna pyaara banenge। beech-beech mein practice karo deh mein pravesh hokar karma kiya aur abhi-abhi nyaare ho gaye। aise nyaari avastha mein sthit rahne se karma bhi achha hoga aur baap ke va sarva ke pyaare bhi banenge। parmaatma pyaar ke adhikaari banna - kitna bada phaayda hai।

slogan:- shubh bhaavna ka stock full ho to vyartha ko fullstop lag jaayega।

maateshvari ji ke anmol mahaavaakya -“aatma kabhi paramatma ka ansh nahin ho sakti hai''

bahut manushya aise samajhte hain, ham aatmaayen paramatma ki ansh hain, ab ansh to kehte hain tukde ko। ek taraph kehte hain paramatma anaadi aur avinaashi hai, to aise avinaashi paramatma ko tukde mein kaise laate hain! ab paramatma kat kaise ho sakta hai, aatma hi azar amar hai, to avashya aatma ko paida karne vaala amar thahra। aise amar paramatma ko tukde mein le aana goya paramatma ko bhi vinaashi kah diya lekin ham to jaante hain ki ham aatma paramatma ki santaan hain। to ham uske vanshaj thahre arthaat bachche thahre vo phir ansh kaise ho sakte hain? isliye paramatma ke mahaavaakya hain ki bachche, main khud to immortal hoon, jaagti jyot hoon, main deeva hoon main kabhi boojhta nahin hoon aur sabhi manushya aatmaon ka deepak jagta bhi hai to bujhta bhi hai। un sabko jagaane vaala phir main hoon kyonki light aur might dene vaala main hoon, baaki itna zaroor hai mujh paramatma ki light aur aatma ki light donon mein pharka avashya hai। jaise bulb hota hai koi jyaada power vaala, koi kam power vaala hota hai vaise aatma bhi koi jyaada power vaali koi kam power vaali hai। baaki paramatma ki power koi se kam jyaada nahin hoti hai tabhi to paramatma ke liye kehte hain ki woh sarvashaktivaan hai arthaat sarva aatmaon se usmein shakti jyaada hai। vahi srishti ke ant mein aata hai, agar koi samjhe paramatma srishti ke beech mein aata hai arthaat yuge yuge aata hai to maano paramatma beech mein aa gaya to phir paramatma sarva se shreshtha kaise hua। agar koi kahe paramatma yuge yuge aata hai, to kya aisa samjhen ki paramatma ghadi ghadi apni shakti chalaata hai। aise sarvashaktivaan ki shakti itne tak hai, agar beech mein hi apni shakti se sabko shakti athva sadgati de deve to phir unki shakti kaayam honi chaahiye phir durgati ko kyon praapta karte ho? to isse saabit (siddha) hai ki paramatma yuge yuge nahin aata hai arthaat beech beech mein nahin aata hai। vo aata hai kalpa ke ant samay aur ek hi baar apni shakti se sarva ki sadgati karta hai। jab paramatma ne itni badi service ki hai tab unka yaadgaar bada shivling banaaya hai aur itni pooja karte hain, to avashya paramatma sat bhi hai chaitanya bhi hai aur aanand swaroop bhi hai। achha। om shanti।