बुधवार 7 दिसंबर 2022 की दैनिक मुरली

07-12-2022 praatahmurli om shanti "baapdaada"' madhuban

“meethe bachche - tumhein achhe sanskaar dhaaran kar patiton ko paavan banaane ki service karni hai, andhon ki laathi banna hai''

prashn:- pichhaadi ke samay kaun si avastha aani hai?

uttar:- pichhaadi ke samay nirantar roohaani yaatra karte rahenge। baithe-baithe saakshaatkaar honge। baap aur varsa yaad aata rahega। vaikuntha dekhte rahenge, bas abhi ham yeh praalabdha paayenge। harshit hote rahenge। parantu achha purushaartha nahin kiya to pachhtaana bhi hoga। sazaaon ka bhi saakshaatkaar karenge।

geet:- raat ke raahi…

om shanti। yeh hai roohaani yaatra। sabse jaasti mahatva is roohaani yaatra ka hai। yeh hai eeshvareey bhaasha athva bhaashan। tum bhi bhaashan karte ho na। baap kehte hain - sabse jaasti to main bhaashan karta hoon kyonki main gyaan ka saagar hoon aur phir patit-paavan sadgatidaata hoon। gyaan se sadgati hoti hai। baap kehte hain - vaastav mein mera naam bhi ek hi hai। gyaan ka saagar aur sadgati daata to ek ko hi kahenge। bahuton ko to nahin kah sakte। doosre manushya yeh bhi samajhte hain ki yeh drama hai। chakra bhi dikhaate hain। parantu chakra ki aayu bhinna-bhinna dikhaate hain। chakra ka bhi gyaan chaahiye। laakhon varsha kah dene se koi baat ka vichaar bhi nahin kar sakte। baap ko kehte hain sarva ka sadgati daata, liberator। itni aatmaayen jo oopar se aai hain, pahle yahaan nahin thi phir zaroor nahin hongi। to itne sabko kaun aakar vaapis le jaayenge। guide to hai hi ek parampita paramatma। guide arthaat jo aage raasta dikhaata chale। gaate bhi hain patit-paavan, guide hai। sarva ka sadgati daata hai। guru hota hi hai gati karne vaala। guru ko aage, followers ko peechhe rakha jaata hai। yahaan aisi baat nahin hai। yahaan to baap kehte hain bachche tum aage chalo kyonki gaooshaala bhi hai na। gaooon ke peechhe-peechhe gvaala rehta hai, nahin to gaooen idhar-udhar chali jaayen। baap bhi pichhaadi mein rehte hain। aajkal bhagat log samajhte hain - aage mahaatma ji hon। unse aage jaana beijjati samajhte hain। baba kahenge bachche tum aage ho। baap ko to pichhaadi mein saari nazar karni padti hai ki koi kha na jaaye। misaal hai na sher re sher.. parantu sher tha nahin। tumhaare liye bhi kehte hain ki yeh bi.ke. to kehti hain vinaash hoga, hota nahin hai। parantu hona to zaroor hai। aage chal manushya samajh jaayenge barobar vinaash ka samay hai। tum bachche jaante ho vinaash kislie hai? duniya ko kuchh maaloom nahin। achha mahaabhaarat ladaai ke baad kya hua? kisko pata nahin। tum bachche bhi nambarvaar purushaartha anusaar jaante ho। hamko baba ki madad hai। tum jaante ho baba aaya hai patiton ko paavan banaane। to bachchon ko bhi yahi service kar oonch pad paana hai, patiton ko paavan banaana hai। andhon ki laathi banna hai। raasta bataaya jaata hai, alpha aur be ka। bas phir padhaai bahut sahaj hai। jhaad saamne khada hai। trimoorti to number one hai shiv ke saath। trimoorti mashhoor hai। shiv paramatma to unse bhi oonch hai। woh to phir bhi sookshm hai। unse oonch hai paramatma। parantu unka naam, roop, desh, kaal kuchh bhi nahin jaante। tum bachche bhi pahle nahin jaante the। din-pratidin sab kuchh samjhaaya ja raha hai। abhi tum samajh chuke ho ham aatma hain। sanskaar aatma mein bharte hain। achhe va bure sanskaar aatma mein hain। is samay achhe sanskaar bahut kam hain। baaki hain bure girne ke sanskaar। is samay koi ke bhi achhe sanskaar nahin kahenge। jabki hai hi raavanraajya। maayaavi duniya mein bhi koi achhe, koi bure to hote hi hain। koi paap karte honge to kahenge inke sanskaar achhe nahin hain। bure sanskaar vaale achhe sanskaar vaale devtaaon ke aage jaakar unki mahima gaate hain। bhaarat bilkul achhe sanskaar vaala tha। ab bure sanskaar vaala hai। manushya ko yeh bhi pata nahin hai। baap samjhaate hain jo oopar se nai aatmaayen aati hain, pahle achhe sanskaar vaali hoti hain phir buri ho jaati hain। phir unhon ko hi tamopradhaan se satopradhaan zaroor hona hai। bhaarat ke hi chitra saamne hain। bure sanskaar vaale baith devtaaon ka varnan karte hain kyonki woh hain daiveegun vaale। yeh hain aasuri gun vaale। samajhte bhi hain vikaar mein jaana aasuri svabhaav hai isliye sannyaasi bhaag jaate hain। phir kehte hain main phalaane sannyaasi ka followers hoon। parantu sab to follow karte nahin।

tum jaante ho yeh devi-devta pavitra pravritti maarga ke the, vahi ab apvitra bane hain। baap samjhaate hain - tumne poore 84 janma liye hain। daivi duniya aur aasuri duniya gaai jaati hai। abhi tum samajhte ho raavan ke kaaran hi itna duhkh hua hai। baap sammukh samjhaate hain tum hi poojya the so ab pujaari bane ho। phir main aakar poojya banaata hoon। baap to sada poojya hai brahma ko ever poojya nahin kahenge। ever poojya ek baap hi hai jo kehte hain main aakar tumko 21 janmon ke liye poojya banaata hoon। bahut dher ke dher deviyaan hain। tum bahuton ne milkar bhaarat ko paavan banaaya hai। ab tumhaari buddhi mein first-class knowledge hai ki srishti chakra kaise phirta hai। baap hi saara raaz samjhaakar apne saath roohaani yaatra par le jaate hain। woh hai spiritual father, aatmaon ka baap। unki hi mahima gaate hain - he patit-paavan aao। bahut manushya samajhte hain ki aatma patit hoti hai। kai phir nahin bhi samajhte hain। bure va achhe sanskaar aatma mein hi hain, aatma hi duhkh uthaati hai। to baap samjhaate hain bachche service karo। paap aatmaon ko paavan punya aatma banaao। bhaarat ka gaayan hai ki bhaarat jaisa punya aatma koi nahin। shiv par bali bhi bhaarat mein chadhte hain parantu arth nahin samajhte। samajhte the ham shivpuri muktidhaam mein chale jaayenge। aise nahin ki second mein unhon ko mukti milti hai। haan jo paap kiye hue hain unse mukti milti hai। baaki vaapis sweet hom mein to koi ja nahin sakte। sweet hom hai maat-pita ka ghar। manushya to kuchh bhi jaante nahin। andhashradha se sirf eeshvar kah dete hain। jab eeshvar ek hai phir maat-pita kyon kehte ho? woh hai rachta to zaroor maata bhi hogi, nahin to rachna kaise ho? tum maat-pita ham baalak tere.... to baalak jismaani thahre na। shiv-baba brahma mukh dvaara tumko apna banaate hain, inmen pravesh kar adopt karte hain। abhi tum baap dvaara sammukh sun rahe ho। phir 5 hajaar varsha ke baad sunenge। abhi jo tum likh rahe ho woh sab khatma ho jaayega। phir yeh baaten bataaye kaun? samjho koi neeche se puraane kaagaj aadi nikalte hain, jisse shaastra baith banaate hain phir bhi bhakti maarga vaale vahi shaastra niklenge। koi naye nahin banaaye hain। drama plan anusaar neeche se vahi nikle honge। geeta, bhaagvat, mahaabhaarat, raamaayan aadi phir bhi vahi banenge। svarga ki saamagri bhi vahi banni hai jo kalpa aage thi। ham abhi samajhte hain svarga mein jaakar aise-aise mahal banaayenge।

tum bachchon ko sthaai khushi rahni chaahiye। ham jaakar prince banenge। agar nishchay nahin hai to school mein jaisa besmajh baitha ho। yahaan bhi agar knowledge samajhkar kisko samjhaate nahin to besmajh hue na। raajaayen to banne hain phir koi sooryavanshi mein banenge koi chandravanshi mein। padhaai mein bahut-bahut farka pad jaata hai। baap to achhi reeti samjhaate rehte hain। bachchon ko achhi reeti purushaartha karna pade। baap aur kya karenge? samjhaayenge roohaani yaatra par raho। aur kuchh nahin samjha sakte ho to chitron par samjhaao। yeh bhi dekhte ho jinko samjhaate hain woh teekhe ho jaate hain। aur dharma vaale bhi aate hain। baba ne saakshaatkaar to pahle hi karaaye hain ki yeh ibraaham, bauddha, Christ bhi aayenge। yeh sab samajhne ki baaten bilkul hi sahaj hain। srishti chakra ko samajhna bahut sahaj hai। mushkil baat hai - baap ki yaad mein rehna। pavitra bhi ban jaayen। difficult hai roohaani yaatra, jismen thak jaate hain। agar saara din yaad thahar jaaye phir to karmaateet avastha hi ho jaaye। school mein paas to tab honge jab result niklegi। mukhya hai roohaani yaatra ki baat। roohaani yaatra, yeh akshar bahut achha hai। yog mein hi mehnat hai। hathayog sikhlaane vaale to bahut hain parantu yeh hai roohaani yog। tumhaare sivaae koi samjha nahin sakte। is raajayog se hi manushya patit se paavan ho sakte hain। yeh yog baba aur tum bachche hi sikhla sakte ho। baahar mein jab sabhi sunenge to kahenge ki hamaara yog theek hai aur sabhi jhoothe yog hain। baahar mein bhi bachchon ko jaana to hai na। is yog ko koi jaante nahin hain। uska naam hi hai hathayog। yeh hai raajayog। bhagvaanuvaach, main tumko raajayog sikhlaata hoon, woh hathayog manushya sikhaate hain। ab bhagwan kaun? shreekrishna ne to yog se itna pad paaya। bhagwan to oonche te oonch niraakaar hai। to beej aur jhaad ka gyaan bahut sahaj hai। baaki yaad mein nahin rah sakte। jhaad aadi ka raaz bahut sahaj hai kisko samjhaana। bachche bahut achhi reeti samjhaate bhi hain, baaki yog mein mehnat hai। ghadi-ghadi ek do ko saavdhaani dete rahen to bhi aho bhaagya। samajhte hain sahaj bhi hai to mushkil bhi hai। bahut fail hote hain isliye kehte hain hamko yog mein bithaao, hamko shanti pasanda aati hai। shanti ka naam suna hai na। koi kehte hain neshtha mein hamko shanti milti hai। yeh bhi gapoda hai। aadha ghanta yog mein baithkar chale gaye woh koi shanti nahin, woh alpakaal ki ho gai। shanti tab mil sakti hai jab grihastha vyavhaar mein rehte pavitra ban roohaani yaatra par rahen। office mein baithe, ghar mein baithe yaatra karte rahe। jo avastha tumhaari pichhaadi mein aani hai। baithe-baithe saakshaatkaar karte rahenge। baap aur varsa yaad aata rahega। vaikuntha dekhte rahenge। bas abhi ham yeh praalabdha paayenge। pichhaadi mein bahut saakshaatkaar honge, pachhtaana bhi yahaan hoga। jab dekhenge phalaane-phalaane kya bante hain, ham kya bante hain। sajaayen bhi bahut khaayenge। baap kahenge ham to tumko samjhaate rahe। tumne samjha nahin। sivaae proof kisko saza nahin mil sakti। saakshaatkaar karaakar phir saza dete hain। to bachchon ko achhi reeti samjhaaya jaata hai। abhi purushaartha nahin karenge to kalpa-kalpa aisa hi dheela purushaartha hoga। abhi tum samajh sakte ho hamse phalaane oonch pad paayenge, service ka bahut shauk hai। koi aaye to raasta bataayen। itna harsha rehta hai। doobe hue ko paar karaana hai, tairne vaale jo hote hain woh jhat kood padte hain, gaate hain naeeya meri paar laga do। baap hamko sachcha raasta bata rahe hain। hamko pharmaan mila hai koi bhi aaye to unko apna lakshya bataana hai। baaki yeh shaastra aadi sab bhakti cult ke hain। patit-paavan ek baap hi hai jo aakar geeta gyaan sunaate hain। shri-shri 108 yeh roodra arthaat shiv niraakaar ki maala hai। niraakaar aakar padhaate hain। yeh koi shaastra ka gyaan nahin hai। hamko to baap gyaan sunaate hain। mahima hi baap ki hai। gyaan ka saagar woh hai। aisa samjhaana chaahiye jo woh koi baat beech mein kar na sake। ham behad ke baap se padhte hain। sarva ka sadgati daata woh baap hai। is par jor dena chaahiye। nahin samajhte to chhod do। bolo, tum devta dharma ke hi nahin ho। yeh raasta chhod do। parantu samjhaane ki himmat chaahiye। sannyaasi bhi koi-koi aa jaate hain। aage chal vriddhi ko paayenge। kumbha mele par kitne dher aate hain snaan karne। din-pratidin bhakti bhi tamopradhaan hoti jaati hai। isko fall oph pomp kaha jaata hai। yeh bhi ek khel hai, jismen dikhaate hain duniya vinaash kaise hoti hai। abhi unki pomp hai। tum bachchon ko sadaiv nasha rehna chaahiye ki baba hamko padhaate hain। baba hamko sukhdhaam ka raasta bataate hain। agar ham auron ko raasta na bataayen to bachche kaise kahlaayen। ulti chalan se ijjat ganva dete hain। bahut bachche samajhte hain ham paap karte hain, baap ko maaloom thode hi padta hai। are bhakti maarga mein bhi mujhe sab maaloom padta hai tab to tumko phal milta hai। baap ko to taras padta hai - bachche abhi tak chhipaakar bhoolen karte rehte hain। samajhte nahin। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) roohaani yaatra par rahne ke liye ek do ko saavdhaan karte rehna hai। karmaateet avastha mein jaane ke liye saara din yaad mein rahne ki mehnat karni hai।

2) koi bhi ulti chalan nahin chalni hai। sabko sukhdhaam ka raasta bataana hai। service ka shauk rakhna hai।

vardaan:- sankalp se bhi merepan ki mail ko samaapta kar bojh se halka rahne vaale pharishta bhav

merepan ka vistaar hi bojh hai। koi bhi mera pan, mera svabhaav, mera sanskaar, meri nature, kuchh bhi mera hai to bojh hai aur bojh vaala ud nahin sakta, pharishta ban nahin sakta। sankalp mein bhi mere pan ka bhaan aaya to samjho maile ho gaye। kisi bhi cheez par mail chadh jaae to mail ka bojh ho jaayega। to sab bojh baap havaale kar merepan ki mail ko samaapta karo to pharishta ban jaayenge।

slogan:- har paristhiti mein full paas hone vaale hi master sarvashaktimaan hain।