शुक्रवार 30 दिसंबर 2022 की दैनिक मुरली

30-12-2022 praatahmurli om shanti "baapdaada"' madhuban

meethe bachche - doordesh se baap aaye hain dharma aur raajya donon ki sthaapna karne, jab devta dharma hai to raajaai bhi devtaaon ki hai, doosra dharma va raajya nahin

prashn:- satayug mein sab punya aatmaayen hain, koi paap aatma nahin, uski nishaani kya hai?

uttar:- vahaan koi karmabhog (beemaari) aadi nahin hota hai। yahaan beemaariyaan aadi siddha karti hain ki aatmaayen paapon ki saza karmabhog ke roop mein bhog rahi hain, jise hi past ka hisaab-kitaab kaha jaata hai।

prashn:- baap ke kis ishaare ko dooraadeshi bachche hi samajh sakte hain?

uttar:- baap ishaara karte hain - bachche tum buddhiyog ki daudi lagaao। yahaan baithe baap ko yaad karo। pyaar se yaad karenge to tum baap ke gale ka haar ban jaayenge। tumhaare prem ke osu maala ka daana ban jaate hain।

geet:- aakhir woh din aaya aaj…

om shanti। bachchon ne geet suna। geet ka arth samjha। bhaarat to bahut bada hai। saare bhaarat ko nahin padhaaya ja sakta hai। yeh to padhaai hai - college khulte jaayenge। yeh hui behad ke baap ki university। inko kaha jaata hai - paandav government। government kaha jaata hai sovereignty ko। ab tum bachche jaante ho - sovereignty sthaapan ho rahi hai। dharma plus sovereignty। religio political... devi-devta dharma bhi sthaapan ho raha hai aur koi bhi dharma vaale raajaai nahin sthaapan karte। woh sirf dharma sthaapan karte hain। baba kehte hain main aadi sanaatan dharma aur raajaai sthaapan kar raha hoon, isliye religio political kaha jaata hai। bachchon ko bahut dooraadesh buddhi banna chaahiye। baap doordesh se aaye hue hain। yoon doordesh se to sab aatmaayen aati hain। tum bhi doordesh se aaye ho। naya dharma jo sthaapan karne aate hain - unki aatmaayen door se aati hain। woh hai dharma sthaapak aur isko kaha jaata hai dharma aur sovereignty sthaapak। bhaarat mein sovereignty thi। mahaaraaja-mahaaraani the। mahaaraaja shri naaraayan, mahaaraani shri lakshmi। to ab tum bachche kahenge ham shreemat par chal rahe hain। baba, jisko ham sab bhaaratvaasi pukaarte aaye hain ki aao - aakar puraani duniya ko badal nai sukh ki duniya sthaapan karo। puraane ghar aur naye ghar mein antar to hota hai na। buddhi mein naya makaan hi yaad rehta hai। aajkal to makaan bahut fashionable bante hain। khyaal karte rehte hain - aisa-aisa makaan banaayen। tum jaante ho ham apna dharma aur raajaai sthaapan kar rahe hain। svarga mein ham heere-javaahron ke mahal banaayenge। doosre dharma vaale aise nahin samajhte। jaise Christ Christian dharma sthaapan karne aaya, yeh us samay nahin samajhte, jab vriddhi hoti hai tab naam rakhte hain Christian dharma। islaami aadi dharma koi bhi nishaani va naam nahin rehta। tumhaari nishaani shuru se lekar abhi tak chalti rehti hai। lakshmi-naaraayan ke chitra hain - yeh bhi jaante ho to inhon ka raajya satayug mein tha। tumko yeh gyaan vahaan nahin hoga ki past mein kiski raajdhaani thi, future mein kiski raajdhaani hogi। sirf present ko jaante hain, bas। abhi tum past, present, future ko jaante ho। pahle-pahle hamaara dharma tha, phir yeh dharma aaye hain। sangam par hi baap baith samjhaate hain। abhi tum trikaaldarshi ban gaye ho। satayug mein trikaaldarshi nahin honge। vahaan to raajaai karte rahenge aur dharmon ka naam-nishaan nahin rahega। apni mauj mein raajaai karte rahenge।

abhi tum saare chakra ko jaante ho। manushya yeh to nahin jaante hain ki barobar devi-devta dharma tha। parantu woh kaise sthaapan hua, kitna samay chala - yeh nahin jaante hain। tum jaante ho satayug mein itne janma raajya kiya phir treta mein itne janma liye। inhon ko bhi jaanna padega। bachche jaante hain barobar behad ka baap hamko padhaate hain। tum jaante ho krishna ki aatma ka yeh bahut janmon ke ant ka janma hai, inmen hi aakar pravesh kiya hai। inka naam brahma zaroor chaahiye। brahma so vishnu, vishnu so brahma। yeh trimooti ki knowledge bahut simple hai। yeh niraakaar baap shiv, inse yeh varsa milta hai। niraakaar se varsa kaise mila - yeh prajaapita brahma dvaara brahman so devta ban rahe hain। phir vahi devtaayen 84 janmon ke baad brahman bante hain। yeh chakra buddhi mein rehna chaahiye। ham so brahman, brahma ke bachche so roodra (shiv) ke bachche। ham aatmaayen niraakaari bachche hain। baap ko yaad karte hain। in chitron par samjhaana bahut sahaj hai। tapasya kar rahe hain phir satayug mein aayenge। tumhaari buddhi mein rehna chaahiye - ham manushya se devta ban rahe hain। phir devta dharma ka baadshaah ban raajya karenge। yog se hi tumhaare vikarma vinaash honge। agar abhi bhi paap karte rahenge to kya banenge। yaatra par jab jaate hain to paap nahin karte hain। pavitra bhi zaroor rehte hain। samajhte hain devtaaon ke paas jaate hain। mandir mein bhi hamesha snaan karke jaate hain। snaan kyon karte hain? ek to vikaar mein jaate hain, doosra latrine mein jaate hain। phir svachchha bankar devtaaon ka darshan karne jaate hain। yaatra par kab patit nahin bante। 4 dhaamon ki parikrama paavan hokar dete hain। to pavitrata hai mukhya। devtaayen bhi agar patit hote to farka kya raha। devtaayen paavan hain, ham patit hain। tum jaante ho baba ne hamko brahma dvaara god liya hai। yoon to tum sab aatmaayen hamaare bachche ho, parantu tumko padhaaoon kaise? raajayog kaise sikhlaaoon? tum meethe-meethe bachchon ko svarga ka maalik kaise banaaoon? tum jaante ho baba nai duniya sthaapan karte hain। to bhagwan zaroor bachchon ko laayak banaakar varsa denge। kahaan laayak banaayenge? sangamayug mein। baap kehte hain, main sangam par aata hoon। yeh beech ka brahman dharma hi alag ho jaata hai। kaliyug mein hai shoodra dharma। satayug mein hai devta dharma। yeh hai brahman dharma। tum brahman dharma ke ho। yeh sangamayug bahut chhota hai। abhi tum saare chakra ko jaan gaye ho। dooraadeshi ban gaye ho।

tum jaante ho yeh baba ka rath hai, inko nandeegan bhi kehte hain। saara din savaari thode hi hoti hai। aatma shareer par saara din savaari karti hai। alag ho jaae to shareer na rahe। baba to aa-ja sakta hai kyonki unki apni aatma hai। to main inmen sadaiv nahin rehta hoon, second mein aa-ja sakta hoon। mere jaisa teekha rocket koi ho nahin sakta। aajkal rocket, aeroplane aadi kitni cheezen banaai hain। parantu sabse teekhi aatma hai। tum baap ko yaad karo - yeh aaya। aatma ko hisaab-kitaab anusaar london mein janma lena hoga to second mein vahaan jaakar garbha mein pravesh karegi। to sabse teekhi daudi pahanne vaali aatma hai। abhi aatma apne ghar mein ja nahin sakti kyonki woh taakat hi nahin rahi hai। kamjor ho gai hai, ud nahin sakti। aatma par paapon ka bojh bahut hai, shareer par agar bojha hota to aag se pavitra ho jaata, parantu aatma mein hi khaad padti hai। to aatma hi saath mein hisaab-kitaab le jaati hai isliye kaha jaata hai - past ka karmabhog hai। aatma sanskaar saath mein le jaati hai। koi janma se langada hota hai to kaha jaata hai past mein aise karma kiye hain। janma-janmaantar ke karma hain jo bhogne padte hain। satayug mein hai hi punya aatma। vahaan yeh baaten hoti nahin। yahaan hain sab paap aatmaayen। sannyaasiyon ko bhi ardhaang (lakva) ho jaae to kahenge karmabhog। are mahaatma shri shri 108 jagatguru ko phir yeh beemaari kyon? kahenge karmabhog। devtaaon ke liye aise nahin kahenge। guru marega to followers ko zaroor aphsos hoga। baap par bhi jaasti lav hota hai to rote hain। stri ka pati se jaasti lav hoga to royegi। pati duhkhi karne vaala hoga to nahin royegi। moh nahin hoga to samjhegi bhaavi। tumhaara bhi baap ke saath bahut lav hai। pichhaadi mein baba chala jaayega - tum kahenge oho! baba chala gaya, jisne itna sukh diya! pichhaadi mein bahut rehte hain। baap se bahut lav rehta hai। tum kahenge baba hamko raajaai dekar chala gaya। prem ke osu aayenge, duhkh ke nahin। yahaan bhi bachche bahut samay ke baad aakar baap se milte hain to prem ke osu aate hain। yeh prem ke osu phir maala ka daana ban jaayenge। hamaara purushaartha hi hai ki ham baba ke gale ka haar banen, isliye baba ko yaad karte rehte hain।

baba ka pharmaan hai - yaad ki yaatra karte raho। jaise daudaaya jaata hai phalaane sthaan ko haath lagaakar aao, phir nambarvaar hota hai। yahaan bhi jitna baba ko jaasti yaad karenge, jo pahle daudi lagaakar jaayenge vahi phir pahle svarga mein laut aakar raajya karenge। tum sab aatmaayen buddhi ke yog se daud rahi ho। yahaan baithe hue vahaan daud rahi ho। ham shiv-baba ke bachche hain। baba ishaara karte hain - mujhe yaad karo, dooraadeshi bano। tum doordesh se aaye ho। ab yeh paraaya desh vinaash ho jaayega। is samay tum raavan ke desh mein ho, yeh dharni raavan ki hai। phir tum behad ke baap ki dharni par aayenge। vahaan hai raamraajya। raamraajya baap sthaapan karte hain। phir aadha mein raavan raajya drama anusaar noondha hua hai। yeh sab baaten tum bachche hi jaante ho isliye tum prashn poochhte ho, koi nahin bata sakega। agar kahe aatma ka father, god father hai। achha - tumko unse kya varsa milna chaahiye? yeh hai patit duniya। baap ne patit duniya to nahin rachi hai na। koi ko bhi samjhaana bahut sahaj hai। chitra dikhaana pade। trimooti ka chitra kitna achha hai। aisa kaayde anusaar trimooti shiv ka chitra kahaan hai nahin। brahma ko daadhi dikhaate hain। vishnu aur shankar ko nahin dikhaate hain। unko devta samajhte hain। brahma to prajaapita hai। koi ne kaise, koi ne kaise banaaya hai। abhi tum bachchon ki buddhi mein yeh sab baaten hain, aur koi ki buddhi mein nahin aata hai। jaise baanvare hain। raavan ko kyon jalaate hain - kuchh pata hi nahin। raavan hai kaun? kab se aaya? kah dete hain anaadi kaal se jalaate hain। tum samajhte ho - yeh aadhaakalpa ka dushman hai। duniya mein anek maten hain, jisne jo samjhaaya woh naam rakh diya। koi ne mahaaveer naam daal diya। ab mahaaveer to hanoomaan ko dikhaate hain। yahaan aadi dev mahaaveer naam kyon rakha hai? mandir mein mahaaveer, mahaaveerni aur tum bachche baithe ho। unhonne maaya par jeet paai hai isliye mahaaveer kaha jaata hai। tum bhi anaayaas hi apni jagah par aakar baithe ho। woh tumhaara yaadgaar hai। woh hai jad। phir bhi chitra zaroor lagaana pade, jab tak chaitanya ke paas aakar samjhen। delvaada mandir ka raaz bahut achha samjha sakte ho। yeh padhkar gaye hain tab bhakti maarga mein yeh yaadgaar bane hain। tumhaari raajdhaani sthaapan karne mein badi mehnat lagti hai। gaaliyaan bhi khaani padti hain kyonki kalangeedhar banna hai। abhi tum sab gaali khaate ho। sabse jaasti glaani meri ki hai। phir prajaapita brahma ko bhi gaali dete hain। mitra sambandhi aadi sab bigad padte hain। vishnu va shankar ko thode hi gaali denge। baap kehte hain - main gaali khaata hoon। tum bachche bane ho to tumko bhi hissa lena padta hai। nahin to yeh apne dhandhe mein tha, gaali ki baat hi nahin। sabse jaasti gaali mujhe dete hain। apna dharma-karma bhool gaye hain। kitna samjhaate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) dooraadeshi banna hai। yaad ki yaatra se vikarmon ka vinaash karna hai। yaatra par koi bhi paap karma nahin karne hain।

2) mahaaveer ban maaya par jeet paani hai। glaani se darna nahin hai, kalangeedhar banna hai।

vardaan:- sarva shaktiyon ka anubhav karte hue samay par siddhi praapta karne vaale nishchit vijayi bhav

sarva shaktiyon se sampanna nishchaybuddhi bachchon ki vijay nishchit hai hi। jaise kisi ke paas dhan ki, buddhi ki va sambandh-samparka ki shakti hoti hai to use nishchay rehta hai ki yeh kya badi baat hai! aapke paas to sab shaktiyaan hain। sabse bada dhan avinaashi dhan sada saath hai, to dhan ki bhi shakti hai, buddhi aur position ki bhi shakti hai, inhen sirf use karo, sva ke prati kaarya mein lagaao to samay par viddhi dvaara siddhi praapta hogi।

slogan:- vyartha dekhne va sunne ka bojh samaapta karna hi double light banna hai।