शनिवार 31 दिसंबर 2022 की दैनिक मुरली

31-12-2022 praatahmurli om shanti "baapdaada"' madhuban

“meethe bachche - tumhein shiv jayanti ka tyohaar badi dhoomdhaam se manaana hai। yeh tumhaare liye bahut bada khushi ka din hai, sabko baap ka parichay dena hai''

prashn:- kaun se bachche apna bahut bada nuksaan karte hain? ghaata kab padta hai?

uttar:- jo bachche chalte-chalte padhaai chhod dete hain, ve apna bahut bada nuksaan karte hain। baba roz itne heere ratna dete hain, guhya points sunaate hain, agar koi regular nahin sunte hain to ghaata pad jaata hai। naapaas ho jaate hain, svarga ki oonchi baadshaahi ganva dete hain। pad bhrashta ho jaata hai।

geet:- raat ke raahi thak mat jaana…

om shanti। yeh raat aur din manushyon ke liye hain। shivbaaba ke liye raat aur din nahin hai। yeh tum bachchon ke liye hai, manushyon ke liye hai। brahma ki raat brahma ka din gaaya jaata hai। shiv ka din, shiv ki raat aise kabhi nahin kaha jaata hai। sirf ek brahma bhi nahin kaha jaayega। ek ki raat nahin hoti hai। gaaya jaata hai braahmanon ki raat। tum jaante ho abhi hai bhakti maarga ka ant, saath-saath ghor andhiyaare ka bhi ant hai। baap kehte hain - main aata hi tab hoon jabki brahma ki raat hoti hai। tum abhi savere ke liye chalne lag pade ho। jab tum brahma ki santaan aakar bante ho tab tumko brahman kaha jaata hai। braahmanon ki raat poori ho phir devtaaon ka din shuru hota hai। brahman jaakar devta banenge। is yagya se bahut badi badli hoti hai। puraani duniya badalkar nai hoti hai। kaliyug hai puraana yug, satayug hai naya yug। phir treta 25 pratishat puraana, dvaapar 50 pratishat puraana। yug ka naam hi badal jaata hai। kaliyug ko sab puraani duniya kahenge। eeshvar kaha jaata hai baap ko, jo eeshvareey raajya sthaapan karte hain। baap kehte hain main kalpa-kalpa sangamayug mein aata hoon। time to lagta hai na। yoon to hai ek second ki baat, parantu vikarma vinaash hone mein samay lagta hai kyonki aadhaakalpa ke paap sir par hain। baap svarga rachta hai to tum bachche bhi svarga ke maalik to banenge। parantu sir par jo paapon ka bojha hai unko utaarne mein time lagta hai। yog lagaana padta hai। apne ko aatma zaroor samajhna hai। aage jab baba kehte the to jismaani baap yaad aata tha। abhi baba kahne se buddhi oopar chali jaati hai। duniya mein aur kiski buddhi mein yeh nahin hoga ki ham aatma roohaani baap ki santaan hain। hamaara baap teacher guru teenon hi roohaani hain। yaad bhi unko karte hain। yeh hai puraana shareer, inko kya shrringaar karna hai। parantu andar mein samajhte hain abhi ham vanvaah mein hain। sasurghar nai duniya mein jaane vaale hain। pichhaadi mein kuchh bhi nahin rehta hai। phir ham jaakar vishwa ke maalik bante hain। is samay saari duniya jaise vanvaah mein hai, ismen rakha hi kya hai, kuchh bhi nahin। jab sasurghar tha to heere-javaahron ke mahal the। maal-thaal the। abhi phir piyarghar se sasurghar jaana hai। abhi tum kiske paas aaye ho? kahenge baapdaada ke paas। baap ne daada mein pravesh kiya hai, daada to hai hi yahaan ka rahvaasi। to baapdaada donon combined hain। parampita paramatma patit-paavan hai। unki aatma agar shreekrishna mein hoti, woh gyaan sunaati to shreekrishna ko bhi baapdaada kaha jaata। parantu shreekrishna ko baapdaada kehna shobhta hi nahin। brahma hi prajaapita gaaya hua hai। baap ne samjhaaya hai yeh 5 hajaar varsha ka chakra hai। tum bachche pradarshani jab dikhaate ho to unmein yeh bhi likho ki aaj se 5 hajaar varsha pahle bhi hamne yeh pradarshani dikhaai thi aur samjhaaya tha ki behad baap se svarga ka varsa kaise liya jaata hai। aaj se 5 hajaar varsha pahle muaaphik phir se ham trimoorti shiv jayanti manaate hain। yeh akshar zaroor daalna pade। yeh baba direction de rahe hain, us par chalna hai। shiv jayanti ki taiyaari karni hai। nai-nai baat dekh manushya wonder khaayenge। achha bhabhka karna chaahiye। ham trimoorti shiv ki jayanti manaate hain। chhutti karte hain। shiv jayanti ki chhutti official hai। koi karte hain, koi nahin karte hain। tumhaara yeh bahut bada din hai। jaise Christian log Christmas manaate hain। bahut khushi manaate hain। ab tumko yeh khushi manaani chaahiye। sabko bataana hai ki ham behad ke baap se varsa le rahe hain। jo jaante hain vahi khushi manaayenge। centres mein aapas mein milenge। yahaan to sab aa na saken। ham manaate hain janmadin। shiv-baba ka mrityu to ho na sake। jaise shivbaaba aaya hai vaise chale jaayenge। gyaan poora ho gaya। ladaai shuru ho gai। bas। inko apna shareer to hai nahin। tum bachchon ko apne ko aatma samajh poora dehi-abhimaani banna hai, ismen mehnat lagti hai। satayug mein to aatma-abhimaani hain। vahaan akaale mrityu nahin hoga। yahaan baithe-baithe kaal aa jaata hai, heartfail ho jaata hai। kahenge eeshvar ki bhaavi। parantu eeshvar ki bhaavi nahin hai। tum kahenge drama ki bhaavi। drama mein inka part aisa tha। abhi to hai hi iron ez, nai duniya golden ez thi। satayug ke mahal kitne heeron se sajaaye hue honge। akeechaar dhan hoga। parantu unka poora vritaanta nahin hai। kuchh earthquake aadi hoti hai to toot-phoot padti, neeche chali jaati hai to in baaton ka buddhi se kaam lena hai। yeh khaana buddhi ke liye hai। tumhaari buddhi oopar chali gai hai। rachta ko jaanne se rachna ko bhi jaante hain। saare srishti ka raaz buddhi mein hai। drama mein oonche te ooncha hai bhagwan। phir brahma-vishnu-shankar ham in teenon ka occupation bata sakte hain। kya-kya part hai? jagat-amba ka kitna bada mela lagta hai। jagat-amba, jagat-pita ka aapas mein kya sambandh hai? yeh koi nahin jaante kyonki yeh gupta baat hai। maa to yeh baithi hai, woh thi adopt ki hui isliye chitra unke bane hain। unko jagat-amba kaha jaata hai। brahma ki beti sarasvati। bhal maa ka title diya hai parantu thi to beti। sahi karti thi brahmaakumaari sarasvati। tum unko mama kehte the। brahma ko maa kehna shobhta nahin। yeh samajhne aur samjhaane mein badi refine buddhi chaahiye। yeh guhya baaten hain। tum kiske bhi mandir mein jaayenge to jhat unka occupation jaan lenge। guroonaanak ke mandir mein jaayenge to jhat bata denge ki woh phir kab aayenge? un logon ko kuchh pata nahin kyonki kalpa ki aayu lambi kar di hai। tum varnan kar sakte ho। baap kehte hain dekho main tumko kaise padhaata hoon? aata kaise hoon? shreekrishna ki to baat hi nahin। geeta ka paath karte rehte hain, koi 18 adhyaay yaad karte hain to unki kitni mahima ho jaati hai। ek shlok sunaayenge to kahenge vaah! vaah! in jaise mahaatma to koi nahin। aajkal to riddhi-siddhi bhi bahut hai। jaadu ka khel bahut dikhaate hain। duniya mein thagi bahut hai। baap tumko kitna sahaj samjhaate hain parantu padhne vaalon par madaar hai। teacher to ekras padhaate hain koi nahin padhenge to naapaas honge। yeh bhi hona zaroor hai। saari raajdhaani sthaapan honi hai। tum yeh gyaan-snaan kar, gyaan ka gota lagaae paristaan ki pari arthaat svarga ke maalik ban jaate ho। raat-din ka farka hai। vahaan tatva bhi satopradhaan hone se shareer bhi accurate banta hai। natural beauty rehti hai। woh hai eeshvar ki sthaapan ki hui bhoomi। abhi aasuri bhoomi hai। svarga, narka mein bahut pharka hai। abhi tumhaari buddhi mein drama ke aadi-madhya-ant ka raaz baitha hua hai, nambarvaar purushaartha anusaar।

baap kehte hain - achhi reeti purushaartha karo। bachchiyaan naye-naye sthaan par chakra lagaane jaati hain। agar achhi maataayen aadi hain to service ko jamaana pade। centre par agar koi nahin aate hain to apna nuksaan karte hain। koi padhne ke liye nahin aate hain to unko phir likhna chaahiye। tum padhte nahin ho isse tumko bahut ghaata pad jaayega। roz-roz bahut guhya points nikalti hain। yeh hain heere ratna, tum padhenge nahin to naapaas ho jaayenge। itni oonchi svarga ki baadshaahi ganva denge। murli to roz sunni chaahiye। aise baap ko chhod diya to yaad rakhna, naapaas ho jaayenge, phir bahut royenge। khoon ke osu bahaayenge। padhaai to kabhi nahin chhodni chaahiye। baba register dekhte hain। kitne regular aate hain। na aane vaalon ko phir saavdhaan karna chaahiye। shreemat kehti hai - padhenge nahin to pad bhrashta ho jaayenge। bahut ghaata pad jaayega। aise likha-padhi karo - tab tum school ko achhi tarah utha sakenge। aise nahin koi nahin aaya to chhod diya। teacher ko ona rehta hai ki hamaare student jaasti nahin paas honge to ijjat jaayegi। baba likhte bhi hain tumhaare centre par service kam chalti hai, shaayad tum sote rehte ho। achha!

meethe-meethe sikeeldhe bachchon prati maat-pita baadaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is puraane shareer ka shrringaar nahin karna hai। vanvaah mein rah naye ghar mein chalne ki taiyaari karni hai।

2) gyaan snaan roz karna hai। kabhi bhi padhaai miss nahin karni hai।

vardaan:- mahaanta ke saath nirmaanta ko dhaaran kar sarva ka maan praapta karne vaale sukhdaai bhav

mahaanta ki nishaani nirmaanta hai। jitna mahaan utna nirmaan kyonki sada bharpoor hain। jaise vriksha jitna bharpoor hoga utna jhuka hua hoga। to nirmaanta hi seva karti hai aur jo nirmaan rehta hai woh sarva dvaara maan paata hai। jo abhimaan mein rehta hai usko koi maan nahin deta, usse door bhaagte hain। jo nirmaan hain ve sukhdaayi honge। unse sabhi sukh ki anubhooti karenge। sabhi unke sameep aana chaahenge।

slogan:- udaasi ko talaak dene ke liye khushiyon ka khajaana sada saath rakho।

maateshvari ji ke madhur mahaavaakya

geet:- nayanheen ko raah dikhaao prabhu ... ab yeh jo manushya geet gaate hain nayanheen ko raah bataao, to goya raah dikhaane vaala ek hi paramatma thahra, tabhi to paramatma ko bulaate hain aur jis samay kehte hain prabhu raah bataao to jarur manushyon ko raah dikhaane ke liye khud paramatma ko niraakaar roop se saakaar roop mein avashya aana padega, tabhi to sthool mein raah bataayega, aane bigar raah to bata nahin sakenge। ab manushya jo moonjhe hue hain, un moonjhe hue ko raah chaahiye isliye paramatma ko kehte hain nayanheen ko raah bataao prabhu... isko hi phir khivaiya bhi kaha jaata hai, jo us paar athva in 5 tatvon ki jo bani hui srishti hai isse paar kar us paar arthaat 5 tatvon se paar jo chhattha tatva akhanda jyoti mahtatva hai usmein le chalega। to paramatma bhi jab us paar se is paar aave tabhi to le chalega। to paramatma ko bhi apne dhaam se aana padta hai, tabhi to paramatma ko khivaiya kehte hain। vahi ham boat ko (aatma roopi naanv ko) paar le chalta hai। ab jo paramatma ke saath yog rakhta hai unko saath le jaayega। baaki jo bach jaayenge ve dharmaraaj ki sajaayen khaakar baad mein mukta hote hain।

2) kaanton ki duniya se le chalo phoolon ki chhaanv mein, ab yeh bulaava sirf paramatma ke liye kar rahe hain। jab manushya ati duhkhi hote hain to paramatma ko yaad karte hain, paramatma is kaanton ki duniya se le chal phoolon ki chhaanv mein, isse siddha hai ki zaroor vo bhi koi duniya hai। ab yeh to sabhi manushya jaante hain ki ab ka jo sansaar hai vo kaanton se bhara hua hai। jis kaaran manushya duhkh aur ashaanti ko praapta kar rahe hain aur yaad phir phoolon ki duniya ko karte hain। to zaroor vo bhi koi duniya hogi jis duniya ke sanskaar aatma mein bhare hue hain। ab yeh to ham jaante hain ki duhkh ashaanti yeh sab karmabandhan ka hisaab kitaab hai। raaja se lekar rank tak har ek manushya maatra is hisaab mein poore jakde hue hain isliye paramatma to khud kehta hai ab ka sansaar kaliyug hai, to vo saara karmabandhan ka bana hua hai aur aage ka sansaar satayug tha jisko phoolon ki duniya kehte hain। ab vo hai karmabandhan se rahit jeevanmukta devi devtaaon ka raajya, jo ab nahin hai। ab yeh jo ham jeevanmukta kehte hain, to iska matlab yeh nahin ki ham koi deh se mukta the, unhon ko koi deh ka bhaan nahin tha, magar vo deh mein hote hue bhi duhkh ko praapta nahin karte the, goya vahaan koi bhi karmabandhan ka maamla nahin hai। vo jeevan lete, jeevan chhodte aadi madhya ant sukh ko praapta karte the। to jeevanmukti ka matlab hai jeevan hote karmaateet, ab yeh saari duniya 5 vikaaron mein poori jakdi hui hai, maano 5 vikaaron ka poora poora vaas hai, parantu manushya mein itni taakat nahin hai jo in 5 bhooton ko jeet sake, tab hi paramatma khud aakar humein 5 bhooton se chhudaate hain aur bhavishya praalabdha devi devta pad praapta karaate hain। achha - om shanti।