गुरुवार 5 जनवरी 2023 की दैनिक मुरली

05-01-2023 praatahmurli om shanti "baapdaada"' madhuban

“meethe bachche - bhakton par jab bheed padi hai, vipda aai hai tab baap aaye hain, gyaan se gati sadgati karne''

prashn:- vikarmaajeet kaun bante hain? vikarmaajeet banne vaalon ki nishaani kya hogi?

uttar:- vikarmaajeet vahi bante jo karma-akarma aur vikarma ki gati ko jaan shreshtha karma karte hain। vikarmaajeet banne vaale kabhi bhi karma kootte nahin। unke karma vikarma nahin bante।

prashn:- is samay baap double service kaun si karte hain?

uttar:- aatma aur shareer donon ko paavan bhi banaate aur phir apne saath vaapas ghar bhi le jaate hain। charitra ek baap ke hain। manushyon ke ho nahin sakte।

geet:- om namo shivaae…

om shanti। yeh geet bachchon ne suna। jo bhi bhakti maarga vaale hain, woh aise geet gaate hain। ghor andhiyaare se ujiyaara chaahte hain aur duhkh se chhootne ki pukaar karte rehte hain। tum to ho shiv vanshi brahmaakumaar kumaariyaan। yeh to samajhne ki baat hai। itne bachche kukh vanshaavli to ho nahin sakte। zaroor mukh vanshaavli honge। shreekrishna ko itni raaniyaan athva bachche nahin the। geeta ka bhagwan to raajayog sikhlaate hain, to zaroor mukh vanshaavli honge। prajaapita akshar to naameegraami hai। inke mukh se baap aakar brahman dharma rachte hain। prajaapita naam baap ka shobhta hai। ab tum practical mein us baap ke bane ho। woh to kah dete ki shreekrishna bhi bhagwan tha, shiv bhi bhagwan tha। roodra bhagwan ke badle shreekrishna ka naam daal diya hai। kehte bhi hain shankar paarvati, roodra paarvati nahin kahenge। shiv shankar mahaadev kehte hain। ab shreekrishna ko roodra va shankar to nahin kahenge। bhakta gaate hain parantu bhagwan ko nahin jaante। bhaarat mein vaastav mein sachche-sachche bhakta woh hain, jo poojya the vahi ab pujaari bane hain। unmein bhi nambarvaar hain। tumhaare mein bhi nambarvaar hain। tum ho brahman, woh hain shoodra। devta dharma vaale hi bahut duhkhi hote hain kyonki unhonne bahut sukh bhi dekhe hain। ab tumhaara dar-dar bhatakna banda ho gaya hai, aadhaakalpa ke liye। yeh raaz bhi tum brahman hi jaante ho, so bhi nambarvaar। jinhonne kalpa pahle jitna purushaartha kiya tha utna hi ab karte hain। aise nahin jo drama mein hoga, phir bhi purushaartha ka naam aata hai। drama ko bachchon se purushaartha karaana hi hai। jaisa purushaartha vaisa pad milega। ham jaante hain kalpa pahle bhi aisa purushaartha kiya tha। aise sitam hue the, yagya mein vighna pade the।

tum bachche jaante ho baba phir se aaya hua hai। kalpa pahle bhi isi samay aaya tha jabki agrejon ka raajya tha। jinhon se congress ne raajya liya phir paakistaan hua। yeh kalpa pahle bhi hua tha। geeta mein yeh baaten nahin hain। aakhreen samajh jaayenge ki barobar ab vahi samay hai। koi-koi samajhte hain ki eeshvar aa gaya hai। jab mahaabhaari ladaai lagi thi to bhagwan aaya tha। kehte theek hain, sirf naam badal diya hai। roodra naam leven to bhi samjhen ki theek hai। rudra ne gyaan yagya racha tha, jisse duniya ki vipda tali thi। yeh bhi dheere-dheere tumhaare dvaara pata lag jaayega। ismen abhi samay pada hai। nahin to yahaan aisi bheed mach jaae jo tum padh bhi na sako। yahaan bheed ka kaayda nahin hai। guptavesh mein kaam chalta rahega। ab koi bada aadmi yahaan aaye to kahenge inka maatha kharaab hai। yeh to baap tum bachchon ko padha rahe hain। devta dharma to bhagwan aakar rachega na। woh ab aaya hai nai duniya rachne, bhakton ki bheed (vipda) utaarne। vinaash ke baad to koi duhkh hoga nahin। vahaan satayug mein bhakta hote nahin। na koi aise karma karenge jo duhkhi hon।

(bambai se ramesh bhaai ka phone aaya) baapdaada chale aate hain to bachche udaas hote hain। jaise stri ka pati vilaayat mein jaata hai to yaad mein ro padti hai। woh hai jismaani sambandh। yahaan baba ke saath roohaani sambandh hai। baba se bichhudte hain to prem ke aansu aa jaate hain। jo serviceable bachche hain, baba ko unka kadar hai। sapoot bachchon ko phir baap ka kadar rehta hai। shivbaaba ka to bahut oonche te ooncha sambandh hai। unse oonch sambandh to koi hota nahin। shivbaaba to bachchon ko apne se bhi oonch banaate hain। paavan to tum bante ho, parantu baap samaan ever paavan nahin ho sakte। haan paavan devta bante ho। baap to gyaan ka saagar hai। ham kitna bhi sunen to bhi gyaansaagar nahin ban sakte। woh gyaan ka saagar, aanand ka saagar hai, bachchon ko aanandamay banaate hain। aur to sirf naam rakhvaate hain। is samay duniya mein bhakta maala badi lambi chaudi hai। tumhaari hai 16108 ki maala। bhakta to karodon hain। yahaan bhakti ki baat nahin। gyaan se hi sadgati hoti hai। ab tumko bhakti ki janjeeron se chhudaaya jaata hai। baba kehte hain sab bhakton par jab bheed hoti hai tab mujhe aana padta hai, sabhi ki gati sadgati karne। svarga ke devtaaon ne zaroor aise karma kiye hain tab itna oonch pad paaya hai। karma to manushyon ke chale aate hain। parantu vahaan karma kootte nahin। yahaan karma vikarma bante hain kyonki maaya hai। vahaan maaya hoti nahin। tum vikarmaajeet bante ho, jin bachchon ko abhi karma akarma aur vikarma ki gati samjhaata hoon vahi vikarmaajeet banenge। kalpa pahle bhi tum bachchon ko raajayog sikhaaya tha, vahi ab bhi sikhla raha hoon। kaangresiyon ne phirangiyon (angrejon) ko nikaal raajaaon se raajaai chheen li aur raaja naam hi gum kar diya। 5 hajaar varsha pahle bhaarat raajasthaan tha, lakshmi-naaraayan ka raajya tha। devtaaon ka raajya tha to paristaan tha। zaroor unhon ko bhagwan ne raajayog sikhaaya hoga tab unhon ka naam bhagavti bhagwan pada hai। parantu abhi apne mein gyaan hai to ham bhagavti bhagwan nahin kah sakte। nahin to yatha raaja raani tatha praja bhi bhagavti bhagwan hone chaahiye। parantu aise ho nahin sakta। lakshmi-naaraayan ka naam bhi praja mein koi apne oopar rakh na sake, law nahin hai। vilaayat mein bhi raaja ka naam koi apne oopar nahin rakhenge। unki bahut ijjat karte hain। to bachche samajhte hain 5 hajaar varsha pahle baap aaya tha। ab bhi baap aaya hai - daivi raajasthaan sthaapan karne। shivbaaba ka aana bhi ab hua hai। woh hai paandavon ka pati, na ki shreekrishna। baap panda bankar aaya hai vaapis le jaane ke liye aur nai satayugi duniya rachne ke liye। to zaroor brahma dvaara hi brahman rachenge। mukhya geeta ko hi khandan kar diya hai। ab baap samjhaate hain main shreekrishna nahin hoon। mujhe roodra va somnaath kah sakte hain। tumko gyaan somras pila raha hoon। baaki ladaai aadi ki koi baat nahin। tumko yogbal se raajaai ka maakhan mil jaata hai। shreekrishna ko maakhan zaroor milta hai। yeh hai shreekrishna ke antim janma ki aatma। inko (brahma sarasvati ko) bhi baap aise karma sikhla rahe hain jo bhavishya mein lakshmi-naaraayan ban jaate hain। yeh lakshmi-naaraayan hi chhotepan mein raadhe-krishna hain isliye lakshmi-naaraayan ke saath raadhe krishna ka bhi chitra diya hai। baaki inki koi badaai nahin hai। charitra hai ek geeta ke bhagwan ka। woh shivbaaba bachchon ko bhinna-bhinna saakshaatkaar karaate hain। baaki manushya ke koi charitra nahin hain। Christ aadi ne bhi aakar dharma sthaapan kiya so to sabhi ko apna part bajaana hi hai, ismen charitra ki to koi baat hi nahin। woh koi ko gati de na saken। ab behad ka baap kehte hain ki main tum bachchon ki double service karne aaya hoon, jisse tumhaari aatma aur shareer donon pavitra ho jaayenge। sabhi ko vaapis ghar muktidhaam mein le jaata hoon। phir vahaan se apna-apna part bajaane aayenge। kitna achhi reeti bachchon ko samjhaate hain। in lakshmi-naaraayan ke chitra par samjhaana bada sahaj hai। trimoorti aur shivbaaba ka chitra bhi hai। koi kehte hain trimoorti na ho, jaise koi kehte hain shreekrishna ke chitra mein 84 janmon ki kahaani na ho। lekin ham to siddha kar batlaate hain, zaroor pahle number vaale shreekrishna ko sabse jaasti janma lene padenge। nai-nai points to roz aati hain, parantu dhaarna bhi honi chaahiye। sabse sahaj hai lakshmi-naaraayan ke chitra par samjhaana। manushya thode hi koi bhi chitra ka arth samajhte hain। ulta sulta chitra bana dete hain। naaraayan ko do bhujaayen to lakshmi ko 4 bhujaayen de dete hain। satayug mein itni bhujaayen hoti nahin। sookshm vatan mein to hain hi brahma vishnu shankar। unhon ko bhi itni bhujaayen ho nahin sakti। mool vatan mein hain hi niraakaari aatmaayen। phir yeh 8-10 bhuja vaale kahaan ke rahne vaale hain। manushya srishti mein rahne vaale pahle-pahle hain lakshmi-naaraayan, do bhuja vaale। parantu unko 4 bhujaayen de di hain। naaraayan ko saanvara to lakshmi ko gora dikhaate hain। to unke jo bachche honge, woh kaise aur kitni bhujaaon vaale honge? kya bachche ko 4 bhuja, bachchi ko do bhuja hongi kya? aise-aise prashn poochh sakte ho। bachchon ko samjhaaya hai hamesha aise samjho ki hamko shivbaaba murli sunaate hain। kabhi yeh (brahma) bhi sunaate hain। shivbaaba kehte hain main guide bankar aaya hoon। yeh brahma hai mera bachcha bada। kehte hain trimoorti brahma। trimoorti shankar va vishnu nahin kahenge। mahaadev shankar ko kehte hain। phir trimoorti brahma kyon kehte hain? isne praja rachi hai to yeh unki (shivbaaba ki) vanni (yugal) bante hain। shankar va vishnu ko vanni nahin kahenge। yeh bahut wonderful baaten samajhne ki hain। yahaan sirf baap aur varse ko yaad karna hai। bas ismen hi mehnat hai। abhi tum kitne samajhdaar bane ho। behad ke baap dvaara tum behad ke maalik bante ho। yeh dharti, yeh aasmaan sab tumhaara ho jaayega। brahmaanda bhi tumhaara ho jaayega। almighty authority raajya hoga। one government hogi। jab sooryavanshi government thi to chandravanshi nahin the। phir chandravanshi hote hain to sooryavanshi nahin। woh past ho gaya। drama palat gaya। yeh badi wonderful baaten hain। bachchon ko kitna khushi ka paara chadhna chaahiye। behad ke baap se ham behad ka varsa zaroor lenge। us pati ko kitna yaad karte hain। yeh behad ki baadshaahi dene vaala hai। aise patiyon ke pati ko kitna yaad karna pade। kitni bhaari praapti hoti hai। vahaan tum koi se kabhi bheekh nahin maangate ho। vahaan gareeb hote nahin। behad ka baap bhaarat ki jholi bhar dete hain। lakshmi-naaraayan ke raajya ko golden ej kaha jaata hai। ab hai iron ej, farka dekho kitna hai। baap kehte hain main bachchon ko raajayog sikhla raha hoon। tum so devi-devta the phir kshatriy, vaishya, shoodra bane। ab phir so brahman bane ho, phir so devta banenge। is 84 ke chakra ko tum yaad karo। chitron par samjhaana bada sahaj hai। jab devi-devtaaon ka raajya tha to koi aur raajya nahin tha। ek hi raajya tha, bahut thode the। usko kaha jaata hai svarga, vahaan pavitrata bhi thi, sukh-shanti bhi thi। punarjanma lete-lete neeche aaye hain। 84 janma bhi inhonne liye hain, yahi tamopradhaan ban jaate hain। phir unhon ko hi satopradhaan hona hai। satopradhaan kaise banen, zaroor sikhlaane vaala chaahiye। sivaae baap ke koi sikhla na sake। tum jaante ho shivbaaba inke bahut janmon ke ant mein inmen pravesh karte hain। kitna saaph karke samjhaate hain। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ek baap se hi sarva roohaani sambandh rakhne hain। serviceable bachchon ka kadar rakhna hai। aap samaan banaane ki seva karni hai।

2) behad baap dvaara humein behad vishwa ka raajya bhaagya mil raha hai। dharti aasmaan sab par hamaara adhikaar hoga - is nashe aur khushi mein rehna hai। baap aur varse ko yaad karna hai।

vardaan:- baalak aur maalikpan ke balance se purushaartha aur seva mein sada saphaltaamoorta bhav

sada yeh nasha rakho ki behad baap aur behad varse ka baalak so maalik hoon lekin jab koi raay deni hai, plan sochna hai, kaarya karna hai to maalik hokar karo aur jab majority dvaara ya nimitta bani aatmaon dvaara koi bhi baat final ho jaati hai to us samay baalak ban jaao। kis samay raay bahaadur banna hai, kis samay raay maanne vaala - yeh tareeka seekh lo to purushaartha aur seva donon mein saphal rahenge।

slogan:- nimitta aur nimaarnachitta banne ke liye man aur buddhi ko prabhu arpan kar do।